李家 (山林道)

由🇰🇷韓國人主理，食物味道真係幾正，氣氛仲好熱鬧添！食唔晒又想試唔同口味，🐓嗌左half half原味炸雞（半隻）炸到外脆內嫩，每啖雞肉都 juicy 到爆。另一款青辣椒蛋黃醬炸雞(半隻)，味道夠晒特別，🍗蛋黃醬令到口感更加滑順，食落去真係好creamy夾埋啲洋蔥好fresh🤤芝士辣雞炒年糕 🧀年糕煙韌有嚼勁，配上濃郁嘅拉絲芝士同辣雞肉，好有層次感，忍唔住一口接一口。飲品方面點咗杯Apple Cider Rita ，🍹清新又解膩，勁大杯好適合配煎炸辣味菜式。餐廳入面氣氛非常熱鬧，韓國人主理，oppa職員識少少中文好勁好親切，非常適合朋友仔一齊嚟開心食飯傾計。李家嘅炸雞真係數一數二，價格合理又好味，絕對值得再嚟翻訪，推薦大家嚟試下！🫶🏻…查看更多

早幾年韓國炸雞文化興起，帶起了不少韓國餐廳成為了排隊熱店。近年熱潮過後，很多餐廳都已經退場，但李家依然屹立不倒，相信一定有它的過人之處。———————————————————————來李家吃炸雞算是基本常識，這次點了半半炸雞（原味+甜辣）。原味炸雞外皮非常香脆乾身，零油膩感👍肉質保持嫩滑，而且肉汁豐富。調味方面亦十分合理，未會太鹹或太淡。甜辣炸雞基本就是原味再加韓式甜辣醬汁。醬汁滿滿的把每一件炸雞包裹着，但未有令雞件外皮變淋，依然保持着原有的香脆。味道甜辣平衡，即使是不太能吃辣的我也能接受，甚至認為比原味出色😋另外還點了辣雞炒年糕。賣相非常吸引，一上枱已被滿滿的芝士所驚艷，份量十足。甜辣醬同樣未會太辣，相信能迎合大部分食客口味。年糕煙韌軟糯，不會太硬，而且非常入味。雞件份量充足，但肉質非常韌👎🏻吃起來像雞胸肉一樣，令人有點失望😮‍💨———————————————————————總結李家的炸雞味道出色，同時亦是整個餐牌上價錢比較合理的菜式，炸雞控不妨一試。…查看更多

好多年前已經聽過李家呢間韓國炸雞店 終於第一次到訪原來唔單止有炸雞食 一般韓國料理嘅餸菜都有～炒粉絲呀泡菜煎餅呀湯品麵類個啲都有半半炸雞🍗揀咗無骨～蜂蜜蒜蓉味同埋青辣椒蛋黃醬兩隻味 整體炸雞肉質ok 唔會乾柴但又未去到好多肉汁 份量足夠 下次會想試吓甜辣&醬油味 芝士辣雞炒年糕芝士有拉絲效果😋雞唔辣 年糕彈牙 好大碟 如果用鐵板上應該更吸引!! 總括味道：7.5/10 服務：7.5/10 ( 韓國哥哥叔叔好可愛🤣)環境：7.5/10座位都闊落 係冷氣大咗啲性價比：7.5/10…查看更多

成班朋友係尖沙咀行完街梗係去食韓國菜啦，呢間喺山林道嘅韓國菜已經有好多人試過話好食，而且性價比又高，所以我哋四五點就喺OpenRice度即刻落訂book位試食。今次我哋因為都幾多人所以嗌咗567個菜，因為book咗位嘅關係我哋唔使等，但大家留意番如果超過八人，就要準備定快測棒先可以入場。間餐廳唔算大，但係都好有韓國小店風味，我哋叫咗個芝士蛋糕卷同埋芝士辣雞炒年糕做頭盤，呢度啲芝士都真係幾好食，應該係用咗水牛車打芝士。食埋個海鮮蔥餅就進入主菜，我哋叫咗三款比較多人叫嘅炸雞，分別有呢度最出名嘅原味炸雞，甜辣炸雞，同埋芝士調味炸雞。🍗整體來講我覺得都幾好味，而且佢啲酸辣程度唔算太誇張，芝士亦係佢哋嘅主打特色之一，最後我哋叫咗幾款唔同嘅韓國飲品，例如有一隻係韓國嘅特色米酒，但係唔記得咗影相所以就冇show出嚟。…查看更多

韓式party! 好耐冇食過韓國菜，難得同朋友喺屋企聚會，於是叫咗個六至八人套餐一齊share，外賣速遞熱辣辣，每樣食物都好好食、非常足料好大份！推介！希望下次有機會一齊堂食。歡聚自選6至8人套餐$1520- 套餐有得自選兩個炸雞口味，七款小食，仲有汽水，一定足夠八個人食！而且食物款式有好多，對於有選擇困難症嘅朋友來講會好煩惱。韓式炒粉絲- 我哋幾個一致都認為粉絲好好味，一啲都唔油膩，而且份量好足夠，有麻油香味。高度推介！魚餅湯- 魚餅湯相對偏鹹，湯入面有好多唔同種類嘅魚蛋，最鍾意入邊有好多芽菜仔，不過要小心，青辣椒粒都幾辣幾刺激㗎。全鰒蔘雞湯- 非常足料嘅鮑魚人蔘雞湯！新鮮鮑魚好大隻，不過我唔記得拎佢上嚟先影相，雞湯淡淡地，同糯米一齊食好夾。雞肉雞骨煲到好淋。無骨蜂蜜蒜蓉炸雞- 炸雞外層淋左，炸粉同雞肉分離，有淡淡地嘅蜂蜜味道，食唔到有蒜蓉味。雞肉肉質唔乾，唔錯。泡菜炒豬肉- 推介！無論每夾一次都會夾到豬肉片，豬肉片唔會太多肥膏，咬落去爽口，泡菜同豬肉片好夾，同粉絲、炸醬麵一齊食非常配合！海鮮炸醬麵- 炸醬麵比起炒粉絲遜色少少，味道較淡，不過份量搭救，我哋食得好開心。芝士辣雞炒年糕- 有澎湃嘅芝士拉絲！年糕口感比較軟糯、綿綿地，醬汁都幾辣。無骨芝士調味炸雞- 個人來講我鍾意呢款炸雞多啲，就算外賣速遞，炸雞仍然維持到香脆嘅外皮，一打開外賣盒，濃郁嘅芝士味撲鼻而來。呢款炸雞另外有芥末醬可以點嚟食，不過我鍾意就咁食芝士粉炸雞多啲。:)芝士雞蛋卷- 因為外賣嘅關係，芝士凍咗硬返冇咗拉絲嘅效果，雞蛋質感偏全熟，如果整得滑啲就更加好。調味醬唔係好多，食到少少雞蛋味道。…查看更多

呢間李家炸雞係我無意中發現，然後就一試難忘🤣 雖然餐廳嘅外型無其他韓式餐廳咁新潮吸引，但係佢嘅炸雞水準真係遠超一般嘅連鎖韓式餐廳。重點係～大份夾抵食!!!!😋-✨半半炸雞🍗甜辣炸雞 $93 + 青辣椒蛋黃醬炸雞 $113炸雞嘅份量一啲都唔少，最啱同朋友share食，性價比高高高( ˶ ̇ᵕ​ ̇˶) 炸雞外脆內嫩，外皮炸得香脆之餘，又鎖到肉汁，咬落口雞肉肉質嫩滑👍🏻 甜辣炸雞係韓式炸雞界嘅始祖🤣相信大家一定唔會陌生🤫～ 佢嘅醬汁一如既往，非常惹味開胃!! 相反， 青辣椒蛋黃醬炸雞比較surprise到我( ⋅֊⋅ ).ᐟ.ᐟ 青辣椒蛋黃醬帶有一陣洋蔥味🧅，好香又唔會好濃烈，再配埋原味炸雞，一秒KO曬🤟🏻-✨芝士辣雞炒年糕🧀 $168雖然外表十分之吸引，望落有好多好多嘅芝士🧀，但食落口一啲芝士味都無(失望～) 加上佢嘅炒辣雞都較為遜色，雞肉係鞋颯颯的🥲 所以唔太推薦大家試呢個( •᷄⌓•᷅ )੨੨-✨泡菜餅 $128泡菜餅都係我最愛之一❣️又大份又好食(仲大塊過我嗰頭🤣)，泡菜味都幾濃郁，塊餅食落又唔會好粉🤟🏻不過，真係有3至4個人先好嗌，如果得兩個人食應該會飽到傻咗🤫…查看更多

朋友介紹呢間韓國菜餐廳很好食，那我就朝一朝聖，看看有多好吃😋去到有好多卡位，有板隔住，坐得寬躺，播韓歌，正。芝士雞蛋卷 $128熱辣辣，芝士是拉絲，面頭有茄汁吊味，好味😋怪不得能成為熱門菜👍🏻芝士辣雞炒年糕 $168芝士也是拉絲，雞件切大粒狀，唔鞋口，年糕夠煙韌，我們叫小辣，很惹味😋魚餅湯 $158魚餅好似食魚蛋既味道咁，好食既，湯淡淡地味，都好飲。無骨炸雞塊(蜂蜜蒜蓉味) $138上枱時既賣相很吸引，食落更喜歡了，因為外層很脆，雞肉濕潤唔鞋口，蜜糖蒜蓉味很夠，即使我們坐了一小時，仍然暖及脆，推介👍🏻Stella Artois $58朋友覺得好飲又夠凍…查看更多

以前講起韓國菜十居其九都會諗起韓國燒烤。不過依家唔同啦～ K POP流行之後，各式韓國餐廳同cafe陸續出現。《李家》雖然️️間分店，不過店內佈置唔係好似K POP咁潮，反而貫徹韓國家庭式經營嘅樣子，感覺️家的風味，而且所有食物都好大份‼️芝士雞蛋卷🧀🥚蛋卷上面以交差紋淋上茄汁及蜜糖芥末，令色彩睇落好豐富。蛋卷質感唔會好老，一切開，入面藏有滿滿嘅芝士，仲勁拉絲芝士辣雞炒年糕🧀🐥同樣係上面鋪滿厚厚嘅拉絲芝士，年糕唔會太硬或者太軟，煙韌度適中每一塊雞或年糕都被辣汁包住，而且辣汁唔算太辣，但非常惹味。魚子湯上枱嘅時候仲熱辣辣，喺度滾緊，如果喺冬天飲一定非常暖身湯入面嘅魚子份量非常之多😆湯亦️好香嘅韓式辣豆醬味，但又唔會過鹹。…查看更多

今日行開尖沙咀韓國街，行吓行吓見到咁多韓國嘢食，忍唔住要搵返間炸雞食下韓式炸雞。李家喺香港都幾多分店，平時就食開灣仔嗰間，今次試左尖沙咀呢間都係咁好食🙊一上枱就俾咗水，同埋啲前菜，等你可以慢慢食慢慢睇Menu🥰———————第一樣上枱嘅就係最想食嘅炸雞🤩炸雞咬落去外脆內軟，入邊仲好多汁，一路食一路點啲蒜蓉蜂蜜醬，搞到越食越想食😋😋食韓國嘢又點可以唔食泡菜餅呢？佢呢度嘅泡菜餅煎到啱啱好，外邊有少少脆，食落去滿口都係泡菜同埋八爪魚，好滿足🤩另一樣必點嘅就係韓式炒年糕，睇相都見到上邊鋪滿水牛芝士，夾起年糕再將芝士拉絲，望到個畫面心都動曬🤓醬汁同埋雞肉仲有啲蔬菜都好夾，食到飽一飽🥳…查看更多