8度餐廳

Asia Miles兌換獎賞間唔中都會做promo 今次咁啱俾我哋留意到可以換自助午餐🤘🏻❣️即開生蠔相信最吸引一定係呢個 2.5小時不限量任食🦪 Keep住都有10幾20人排隊 每人每次限拎兩隻 職員當場喺面前開再過水 蠔肉唔算大粒不過食落好香海水味🌊❣️海鮮冷盤種類唔算多剩係得三款 海蝦🦐海螺🐚青口 蝦肉無爛無散開尚算可以 海螺青口冇食到沙 都幾新鮮❣️燒羊脾竟然有燒🐏脾 普遍羊肉製作都比較麻煩 所以係自助餐好少見 燒到入味一啲騷都無 連埋燒肉汁食好juicy❣️清蒸石斑即使長期焗住🐟肉質都仲好鮮嫩 魚皮彈口 值得一試❣️麻辣口水雞第一次係Buffet見到呢味餸 同平時喺四川舖食嗰啲味道差唔多 夠麻好正宗 可能因為太罕見好快俾人掃晒留意左陣無refill 後來已經轉左第二樣嘢❣️咖哩泰式咖喱印度咖喱都有 旁邊仲有手抓餅同薑黃飯🍛淨係行過都聞到飄香 因為唔係好食得辣 淨係試咗少少 泰式大頭蝦咖喱除咗有咖哩仲有海鮮食好正❣️紅洒燴牛尾平時喺出邊食價錢都唔平 呢度任食任夾 仲要係紅酒炆過 唔會話乾爭爭冇味道🍷❣️燒特級牛肉除咗任食生蠔 呢個一定係另一個重點 廚師即叫即切 片片厚切 肉質幼嫩濃烈🐮香 唔食冷盤海鮮淨係食呢個都回本❣️芒果拿破崙八度海逸嘅招牌甜品 好多人都慕名而嚟食佢嘅甜品tea buffet 每次新鮮出爐都排晒長龍 酥脆嘅拿破崙餅層加埋涼浸浸嘅芒果味Cream 仲有鮮甜嘅🥭做toppings 難怪大家搶住食❣️Häagen-Dazs雪糕配鬆餅廚師一件一件新鮮焗製 拎到埋位仲係暖笠笠 配搭自己想食嘅雪糕🍦冰火透心❣️Movenpick各式雪糕比較少見嘅雪糕任食品牌 相比起其他牌子更加幼滑 果肉比例多 用呢個配搭即焗🧇更加分…查看更多

呢間酒店午市自助餐，我同屋企人朋友大大話都食過3次，最近一次係上星期既事。🙈睇番最近D人寫既食評，我覺得對呢間8度餐廳唔太公平，我一直都無寫呢間食評係因為我都本住應該好多人去食，應該都有唔少既資料，我就無謂再加一腳啦😝首先，全港少於$400連加一既自助餐，而有相當質素生蠔食的確無乜幾間，8度酒店呢間餐廳d生蠔絕對 above average，蠔好creamy, 都好飽滿，真心比起$6-700 有生蠔食既自助餐有過之而無不及。但絕對辛苦開蠔的哥仔，三次去頭個幾鐘都係佢不停開。😅😅每個人 $358.6 連加一 我覺得算係咁。我諗蠔應該都係好撞批次，我食3次都幾好。😆另一個焦點，絕對係佢地既芒果拿破崙蛋糕，入邊嘅千層酥好鬆脆，cream嘅甜度亦都剛剛好，上面鋪滿嘅芒果亦都夠甜，係必食既甜品。🍰🍰自助餐食物種類都好多，當然唔係所有都有，但我都覺得滿足了。我建議要一定要食蟹腳、食多種貝類刺身既朋友就唔好黎呢間，我食足三次都無出現過。😌本人覺得咁既價錢有相對既食物質素同環境都係咁啦，我睇過有d評論話小朋友多又嘈，咁真係唔係餐廳既錯，我記得呢兩次去食都有大大細細既小朋友，換個角度諗，😉人地開心同小朋友一齊食，家庭樂咁，不知天倫之樂幾開心。👪 至於食物方面根本無其他評論所講咁垃圾，唔知點解呢間餐廳係咪得罪左佢地😂 以下係我食呢間餐廳既相，大家可以睇下。😙😙…查看更多

受到社會事件影響原本敍餐唯有改到一啲偏遠地方， 誤打誤撞 聽朋友介紹 一啲非主要地區嘅酒店都有優惠 呢間就係其中之一間 正價498蚊 星期一至五有82折 埋單四百零幾蚊 中等價位 但去到現場發現相當之唔錯 基本上你想自助餐出現嘅食物所有都準備好曬 鵝肝生蠔蒸海鮮 牛扒咖哩蟹鉗 雪糕班戟 魚生壽司 各款凍肉沙律 大量甜品雪糕 連飲品都係自己整 相當抵玩抵食 煎鵝肝個師傅相當好心機 真係做到外脆內軟 只可惜係快材料唔係啲咩名貴鵝肝 一個師傅負責開一個師傅負責洗 速度相當之快每人攞兩隻啱啱好 我食咗成打 雖然偏細隻 但係有海水味 亦都非常夠先貼 相當新鮮 食食下見有人衝出去排隊 原來有片皮鴨 不過師傅騙得肉呀多過皮 十勝紅豆雪糕 便利店起碼買十幾蚊杯 好少見到自助餐一開始就冇曬甜品 嗰個淨係搶呢舊嘢即刻上網睇下原來係呢間餐廳嘅首本名曲 芒果 拿破崙出去搶係有道理 真係相當之好食 芒果夠甜少少酸 下面嗰三四層拿破崙皮非常鬆脆中間啲忌廉 又香又滑又冇咁甜唔怪得知咁多人攞 但係酒店亦相當大方大量供應 全晚由頭到尾都一盤盤咁拎出嚟絕對唔使想大把有得你食佢仲有另外一個香蕉朱古力蛋糕好食到不得了我連隊咗三嚿的確呢啲中價酒店 服務環境真係同五星級嘅有明顯分別 酒店擺位相當窄 行出行入攞嘢食要小心啲 但係嗰度食物質素 的確相當之唔錯啱曬一家大細 肯定會再幫襯但係就有一點要注意佢哋似乎並冇打電話返去畀啲客確認訂枱 我用openrice網訂枱 佢竟然話冇確認 搵極都搵唔到 仲走埋嚟攞我部電話睇下我幾時訂枱 禮貌方面爭少少 見你咁平由得你呀…查看更多

🎃第👺一次💀寫萬聖節👿食評，兼談中☻西方造型食品差異👻。酒店傾斜8度的設計😫，令我聯想到「邪」惡餐☠。既指食品造型誘人，亦有猛 👹鬼出籠，群魔亂舞，色彩斑斕之意。😈🎃🎃🎃🎃🎃萬聖節食物造型篇 🎃🎃🎃🎃🎃中國「鬼節」源自印度，西方鬼節的溯源自蘇格蘭。當地近北極圈，11月1日是冬天開始日子，漸漸夜長日短。傳說魔鬼與死者會在前夕還陽，人們習慣「扮鬼」以避禍。最原始的扮相，是把布剪出兩個洞👻，成為眼孔👻，蓋在頭上👻。Halloween是All Halloween'Eve縮寫，意指萬聖節前夜。「哈里波特」的作者在蘇格蘭生活，寫作靈感正是來自當地的魔幻文化。萬聖節傳到美國後，多用南瓜🎃和稻草人，如:「傑克燈」用南瓜製成，象徵和重視豐收。🎃南瓜成為主角食材，橙色成為主要顏色，黑色成為次要顏色，再其次是紫，綠色。糖果象徵trick or treat的兒童遊戲, 經典食品有太妃糖蘋果。糖果是萬聖節第二大食品元素。至於造型食品則甚多，模仿對象可歸納為四類:👿幽靈:嘩鬼，眼珠，骷髏頭骨，腦袋，喪屍 ，鬼爪，鬼屋，血，中國殭屍，勅令符咒，中日式女鬼，生化喪屍，無頭鬼，「黑白無常」，小精靈，「阿積」……👿巫婆傳說:巫婆，巫婆手指，鼻（鷹鈎），黑貓，掃把，貓頭鷹，斗篷，蜘蛛，蛇，毒汁湯……源自希臘神話，中古時流行甚廣，是西方巫術魔法思想源頭。他們認為邪惡的都是女性，只有女巫，沒有男巫。多少萬女士被懷疑是女巫，因此被燒死。👿吸血殭屍傳說:殭屍，墓，棺材，蝙蝠，城堡。源自東歐巴爾幹半島，指貴族如德古拉，可長生不老。堡主必定是男性，故吸血殭屍必定以男性做代表。👿埃及盜墓迷城傳說:木乃伊，蟲蟲。食品種類是否多元化，能否涵蓋上述類別，是評價萬聖節自助餐食物的準則之一。🍎🍎🍎🍎萬聖節食物色相顏值篇🍅🍅🍅🍅此店提供的萬聖節食物數量不多，主要有8大類。食品名稱顯示牌標示了那些是萬聖節食物。👹👺前菜👹👺名為火燒牛肉凱撒沙律，血紅色的牛肉，襯托著綠碟。牛肉頗嚡，欠牛肉味。「淌血」視覺效果不明顯。切些蕃茄絲，多滴茄汁，效果已不同。😈😨小食😈😨香辣肉眼球的驚嚇指數稍增，有一大片「血海」， 肉球頗嚡，辣油不足，故香味欠奉。「眼球」宜有一小圓片芝士或蛋白墊底，最好有少許「血絲」，則「眼神」會較悽厲。💀☠蔬菜💀☠椰菜花沙律伴士多啤梨扮作腦袋，形態是酷似，惜士多啤梨汁醋色彩太淡，味道亦太淡， 浪費了厨師的「腦」力。😈😨正餐😈😨蟲蟲茄蓉意大利粉的顏色逼真，味道亦不俗，令人食指大動。其實蟲蟲是早餐粟米片而已，遠望尚可。😫😱4種甜品😫😱☠骷髏頭骨與嘩鬼臉曲奇造型普通，不夠鬆化香脆。伴碟的法式焦糖燉蛋的面不脆，應是未用火槍噴射。🎃南瓜盅內的士多啤梨芝士慕絲好看不好吃，太稠密，能吃的，是士多啤梨粒。宜用真正南瓜饢做碗，盛滿南瓜蓉，既健康又甜美。😬眼珠洛神花傘喱造型頗佳，全個可吃下，龍眼，車厘子，傘喱均甜美。🕇墳墓朱古力慕絲是此店萬聖節招牌食品， 可是朱古力慕絲太甜了。孤立一座墳墓沒有黑色幽默效果。🗳擺設有待改進:各項食品散放在各處，沒有迷離境界的感覺，談不上有詭異效果。如上述甜品應擺放在一起，用紫色布墊底。在周圍加一些道具。不求有毛骨悚然效果，只希望有浪漫情懷。環境是影響食物質素的重要部份。上述8道食品勉強涵蓋前文3類鬼怪，有:👿眼珠，骷髏頭骨，腦袋，血👿墳墓👿蟲蟲👎欠了最重要的巫婆傳說食品，宜加入巫婆手指。👎鬼靈精怪數量不多，欠形象化。難度最低，成本最廉是加入木乃伊造型食品，以白色粗麵條製成。👎顏色方面，黃，紅色較多，欠了以紫色營造詭異，浪漫氣氛，不夠色彩斑斕。現場有茄子食品，未有善用，加以易服。👎正如上文分析，糖果是重要節日食品元素，宜加強。如白色棉花糖加上眼睛，朱古力塊上畫上吸血殭屍，成本化算亦難度低。🕸🕷網紅蜘蛛🕸🕷我自行用皇帝蟹腳和青口堆疊成為蜘蛛，還以八爪魚陪襯，少許八爪魚汁作裝飾，成為第9道菜色。皇帝蟹腳極為咸鮮，清甜多肉。此店勝在人流少，食客不擠擁，我可擇肥而噬。青口鮮味。八爪魚十分爽口，汁液甜美。☯☯👲比較中西「造型菜」篇👱🏛🏛萬聖節文化孕育豐富的食品，「搞笑多於驚嚇」，比聖誕，復活節更精彩。印度式鬼節重視施捨，宣揚慈悲，氣氛詭秘；西式鬼節重視豐收，宣揚喜樂，氣氛歡騰。中西文化的差異，可見一斑。西方厨師的「造型菜」，講究「形似」和「玩味」。中國厨師的「造型菜」，講究「神似」和「味道」。中國分兩大形式:一是扮成動，植，死物，如「松子魚」把魚喬裝成為松鼠，「法海蒲團」是偽裝變成坐墊，沒有人介意松子魚手腳太短，。另一類是把齋菜「葷腥轉身」，如芋頭魚。還有一種是講究「意頭」，如農曆新年食「滿掌金錢」（冬菇炆鵝掌）。各種形式都是為了滿足口腹之欲。中國人講究的「形」，是以形補形，如認為合桃似人腦，故食合桃。殘忍的，會吃猴子腦🙈。中國文化底子不會造就真正的「造型菜」。中國人的鬼的性質亦不同。來自佛教思想的，有不去地獄投胎的孤魂野鬼，鬼差；來自道教的，有動，植，死物修煉成妖。殭屍亦大不同，西方的與常人沒有大異，中國的豪無表情，只能跳躍；西方的吸血，中國的吸精氣。中國的野鬼，妖，殭屍的面孔較模糊，形象欠鮮明。故中國鬼邪較難食品化。🦂🐏🐷🐃🐓其他食品食評篇🦀🐙🦈🍆🍰🍧日本菜🎎🎏三文魚腩和火炙三文魚壽司均具水準。串燒食品如墨魚咀，雞軟骨太乾，只有燒蝦具水準，連殼都可以吃，蝦肉鮮味。西菜🍝🍽生蠔鮮味，有海水味，稍嫌細隻。煎鵝肝肥美，油脂香脆，是必食推介。墊底的麵包太「行貨」，宜變身成為棺材板，只需略為修飾麵包便可。燒牛肉則一般水平。另一佳選是芝士大蝦意粉，很多大蝦，咸度調教得恰當，蝦肉新鮮。 😈😨中菜 😈😨較好是合桃紅棗椰子燉雞湯，味道豐富。未有試嚐磨菇西湯。可惜沒有黃金色的南瓜湯，亦沒有綠色的巫婆湯。😐辣汁煮蜆的辛辣度強烈，嗜辛辣者會喜歡。蒸青斑水準一般。燒味乏善可陳，無下箸處。🌴越南菜🌴蔗蝦不及格，奀瘦，欠味道。其餘孜然骨，沙律，麵包，班戟……乏陳足陳。🍰招牌芒果拿破崙必食的甜品是招牌芒果拿破崙，芒果呈粒狀，吉士忌廉比例太重，香脆的兩片酥皮層則很優質。建議食外賣版，預先在eshop預訂，折實約228元一磅（包寫祝福字牌），店員會送到你檯上。回家後映相如上。外賣的有6片滿口甜美芒果，感受到吉士忌廉的奶香，香脆的雙層酥皮層是最出色的部份，還有黃金杏片都不俗。只有香港島天后的mimosa Patisserie出品，可與它比美。此餅風格屬於雅淡，不是濃甜。酒店級數水準。🍧有Haagen-Dazs 和Dreger's少量品種雪糕供應。🍹有蘋果汁，橙汁，檸茶，咖啡，奶茶，僅此而已。🏨🏨🏨🏨🏨8度傾斜的酒店篇🏨🏨🏨🏨🏨大堂，大門，垃圾桶，水杯，柱子……均呈8度傾斜，頗有特色，裝修水準當然與紅磡的同系酒店差很遠，屬住宅區酒店。燈光，格調，裝修……皆不是五星級。單就食到心儀食物如皇帝蟹腳，鵝肝，串燒，加上服務（侍者與食客比例高）不錯而言，性價比是高。宜預先在eshop預訂餐券。有提供免費穿梭巴士往紅磡，尖沙咀港鐵站。…查看更多

今日係好姊妹嘅生日，大日子，所以決定食buffet慶賀吓，呢間酒店buffet 想試咗好耐，不過見到好多喊，所以一路都唔敢試。但有一位好姊妹提意食呢間，我地呢D義氣仔女，梗係兩脅插刀，食就食喇。一入到餐廳，環境都OK，不過就比較逼夾D！食物種類款式都好多不停refill ，侍應生服務好好，盡量會滿足客人需求！而家呢D服務已經好難得有法國、美國兩款選擇，新鮮有肉呢個甜品必食星期一至四，中銀咭付款有82折…查看更多

聖誕節好多人都會去食buffet慶祝一下咁我都唔例外見聖誕有PROMOTION去食下又不錯8度餐廳係幾唔錯既選擇簡左LUNCH去食BUFFET,貪佢人小D,唔駛同人爭食咁款因為之前係夜晚黎過一次,多人到爆,D 野食係要搶咁所以我今次醒目呢度既海鮮係幾新鮮, 生蠔雖然SIZE係細隻,但係細隻唔代表唔好食落係幾新鮮,完全無沙,唔錯同埋個蝦都好鲜甜鐘意食拿破崙既朋友一定要黎呢度試下海逸酒店既芒果拿破崙出哂名係全城最好食拿破崙好鬆脆,加埋每一次黎食都係咁清甜既芒果自隊5件無難度仲有呢度既燒羊扒伴香草汁都相當好食!煮到岩岩好唔硬身,切開帶少少血真係推介之選我每次都會食返幾件佢個香草汁係好有味,食過出面好多餐廳既香草汁都唔及呢度好食呢度食左幾次都係繼續保持水準,定會再來幫襯…查看更多