沾仔記 (威靈頓街)

今次去了試米芝蓮香港推介餐廳沾仔記，佢厲害在由2009年連續獲獎至今，吃完後必定會再encore的餐廳！1. 至尊三寶麵($46) 餸菜麵量充足，絕對值得一試必食雲吞入邊餡料豐富、蝦肉彈牙、皮薄餡靚！鯪魚球大大粒、口感彈牙、魚肉偏淡，加醋食風味更佳。牛肉淋得黎無筋，牛味略嫌偏淡，亦是加醋更好。另外，雲吞麵嘅精粹就係湯同麵，雲吞湯清淡易入口，吃完後第一次整碗湯喝光了雲吞麵無可挑剔，無鹼水味、麵質彈牙。另加了飲品 豆漿（$10）香港製造、無添加劑，不會太甜，甜度剛剛好，健康解渴之選。2. 腐乳通菜 （$18）出街食飯都想食得健康少少，加咗碟菜，可以揀不同種類嘅菜/ 醬分開上，亦有清湯選擇。腐乳不會太鹹，健康嘅味道3. 餐廳舖面星期日中午有一兩枱空位，餐廳不大但乾淨企理。要大讚餐廳侍應姨姨態度良好、笑容滿面，值得加分…查看更多

同🐷🐷去完大館影相就已經去到六點幾就係中環附近覓食 本身係目標識喺食其他餐廳 但係點知嗰間餐廳星期日唔開 最後無意中發現到 沾仔記嘅雲吞麵 而且好抵 32蚊一碗咋 喺中環(呢啲物價比較高，用餐嘅費用都比較昂貴嘅地方)入面真係唔係有好多間都係咁平㗎三粒有料嘅雲吞 實在太抵喇 個雲吞麵好彈牙個麵聞落去特別有麵味 啲雲吞好多蝦好足料💙💙💙但係好後悔 應該叫一碗鯪魚球麵同一碗雲吞麵 但我哋兩個🐷🐷都係雲吞麵😭冇得試鯪魚球麵😭😭😭但係望到人哋啲麵 個鯪魚球都幾大粒下我哋有嗌到一個 郊外油菜➡腐乳通菜分量都唔算少㗎 16蚊一碟咋不過可惜嘢飲 要另外嗌總括而言：成個麵 對我嚟講係都算飽肚嘅~都算抵食~一試無妨，再試都唔會投降~…查看更多

店舖入面都比較狹窄差唔多人貼人、背脊貼背脊咁坐不過大部份都係快快食完碗麵就走啦所以坐得迫少少都無所謂啦想講嘅係雖然食物質素都唔差但係店員態度有待改善雖然事情唔係發生係我身上但係我眼見店員去鬧顧客有無咁蠢呀！叫左咁多次咁都唔識坐埋一邊當然好多遊客來光顧識唔識聽廣東話都係好正常但係店員態度真係要注意一下面嘅份量唔小雲吞亦都好大粒下要幾口先食得哂成粒蝦都好大粒同彈牙叫咗碟腐乳通菜通菜非常柔嫩腐乳都好出色快靚正之選…查看更多

我都仲係唔明點解明明我D相係正常orientation的但係一post上來openrice就會調轉左...anyway, 成日經過沾仔記知道呢間野好出名, 但係成日都冇食~呢日行行下個同事話想食所以就突然入左去雖然只有三粒雲吞, 但真係好大好大粒!!好好味!!菜都幾好味~~其實佢的雲吞麵絕對可以翻兜不過成日覺得我唔會夠飽所以都冇乜點再返來食過~見到隔離"木台"的鯪魚球好似好好味咁下次都可以試下…查看更多

由細到大...都唔鐘意食放湯既生麵..覺得唔好食..好"'鞋"...比起米線...米粉...河粉..如果有得我簡我都唔會食生麵.....自從上星期去完中環既沾仔記..可以講話改變左我對生麵既睇法...天口熱...唔知食咩..我同我老友途經中環聽聞沾仔記好出名...價錢係中環黎講真係唔貴..比起其他地區黎講.......可以話平民化既價錢..入到去都差唔多坐滿人..成間鋪唔大..所以基本上都無位比你放自己既袋...我地就分別叫左..鯪魚球麵 - 鯪魚球有我半隻手掌咁大(有2大舊)...咬落去唔腥之餘..重好實好彈牙..好食推介腐乳通菜 - 比起我係銅鑼灣食既油菜大得多...好足份量....起碼唔會10蚊得幾條先...同雲吞麵 - 雲吞入邊既蝦好爽...有3大粒....以上既麵底可以改變我對生麵既睇法..好爽....加埋醋簡直一絕 !!!!!! 值食之如重要食到好飽..都係每人25蚊.....已經好值得讚喇 !!!! …查看更多

繼續「回帶到底」系列，兩個月前到星巴克的冰室角落飲杯咖啡食個撻之後，肚裡仍然空空如也，就走上了附近的威靈頓街。這條街可說是一眾中環打工仔的搵食天堂，大排檔、茶記、京式餃子店、粉麵鋪應有盡有，價錢親民，當中更不乏臥虎藏龍，除早陣子曾推介過的「窮鬼飯堂」筷子記外，還有大賣乒乓雲吞的沾仔記。由於曾被不少海外旅遊美食雜誌所推介，沾仔記的門面絕對有板有眼，裝修不落俗套，店內沒有傳統粉麵鋪的人迫人情況，倒是十分舒適，而餐牌上中、英、日三語俱全，擺明食正條水，果真識撈。廉價更是此鋪最吸引人的地方，單拼只售十六大洋，如果想吃齊沾仔三寶 (雲吞、鯪魚球、牛肉) 也只需二十四元，如果去翠華的話，這價錢應該只可以飲杯咖啡。是晚二人要了馳名的招牌雲吞麵 ($16) 及鮮鯪魚球麵 ($16)，互相交換碗中物，再加一小碟腐乳通菜 ($9)，這樣做不用加錢叫雙拼，更為化算。有違傳統的雲吞大如乒乓，賣相跟十蚊雲吞店權記有七分像，但內裡當然是另一回事，蝦肉新鮮爽甜，絲毫不霉，雲吞皮厚薄長度亦恰到好處；全鴨蛋麵條質感帶點韌勁，也算不俗，配合散發濃香的大地魚湯，灑上青蔥粒，的確是坊間美味。另一賣點鮮鯪魚球，大如發漲的皮球，事實卻是真材實料，沒有予人「粉口」之感，單單兩大球已可使人飽肚。食粉麵始終太重澱粉太多肉，總要點「綠」去平衡一下，腐乳通菜是一貫的選擇，可惜這次略嫌通菜被剪得太碎，腐乳亦下得過多以致味道太咸，白白浪費了菜的鮮嫩。怎也好，只花四十元便有一頓豐富的晚餐，也懶理其傳統不傳統，坐得舒適、食得飽足才是最實際的。…查看更多