鋿晶館

好早以前 就已經聽過住上環的朋朋們推薦這家他們一堆友人都會久不久到這喝早茶龍蝦湯瑤柱燴海皇這份偏流質的羹路線 裡面的料 真的巨多的說 每匙都是料湯就像是個配角般 而每顆料的該有味和口感還能保留著 這湯還真的不簡單老爺子半肥不瘦蜜餞叉燒每片的叉燒脂肪度雖低卻軟而不柴加上廚們選用了蜜餞 而非一般的蜜糖 甜度一點都不單一吃起來甜甜不膩 還十分開胃 更可以配上一大碗飯～😌香芒貴妃大蝦球雖說只有四件蝦西 可是真的不要小看 每顆都超大一隻 偏爽Q彈吃時還帶點黃芥末感 中間的炸皮裹了一層醬但還保留微酥感上湯厚豬潤浸莧菜這豬潤的厚度真的完全被嚇到！！即便擁有這厚度 但吃來又嫩又爽而且又不會有可怕的騷臭/ 腥味 清淡上湯配上新鮮又嫩的莧菜 是份舒服的選擇回疆大汗欖角醬燒骨欖角醬非常入味 外皮裹了點粉再去煮的 吃的時候會有小感但不礙內要的嫩度超好咬 肉和骨好容易分離～～ 好吃好吃😋這家真是貴精不貴多~～ 每份的量都不多 但細節都做得很細膩～～好吃😋又美滿最後還送了甜品——綠豆湯 作整餐飯的句號 淡淡綠豆香～不甜 陳皮味還滿出色的（真想再次和家人去 不知道他們的點心又是如何~…查看更多

餐廳：鋿晶館地點：上環德輔道中（上環港鐵站出口附近）菜式：自家製品牌中菜，即點即做手作點心餐牌：晚市有小菜，游水海魚，新派小菜，新派型格燒味，孖寶，湯羹魚翅，海鮮，都有套餐。龍蝦湯瑤柱燴海皇羮海皇羮用靚靚嘅有蓋湯碗上枱。入面材料豐富，有爽脆蝦肉+瑤柱+菇菌+蛋白等等。食落啖啖爽脆蝦肉，好有口感。今次調味方面重手返少少，唔洗自己再加胡椒粉或者鹽。老爺子半肥不瘦蜜餞叉燒 一客6件叉燒，都幾大件。叉燒半肥瘦，今次肥膏較多，好邪惡。可以餸白飯。特別欣賞叉燒係暖暖既。香芒貴妃大蝦球 呢個開胃菜式真係必點。香芒貴妃大蝦球用左西式既黃色芥末醬，實行中西合璧。香芒貴妃大蝦球一客4大隻，整得脆皮，而入面爽脆啖啖肉！個汁滿滿芒果同黃色芥末醬，甜甜地好好食，上面加上花生碎增添口感，下底墊有沙律菜。沙律菜配呢個汁好好味。意大利黑醋脆豬柳呢道菜又係有些少西餐元素。意大利黑醋脆豬柳一客9件左右，果然整得皮脆肉嫰，熱辣辣上枱，個汁甜甜地，用左黑醋真係好開胃，豬肉都肥肥地，所以好淋。面頭灑上少少菜苗。上湯蒜子莧菜個上湯好清，面頭既金華火腿好香，簡單就可以提味，正。莧菜好嫩，蒜子好淋，係一道健康菜式。食完仲有糖水送，係蓮子紅豆沙，好多料，入面好多紅豆，仲食到蓮子，味道好好，唔會過甜，食完好滿足。師傅曾經喺日本東京富麗華專為高管達人同明星工作，返港後喺多間米芝蓮酒店同大型連鎖集團做主管。服務唔錯，座位舒服，枱同枱之間距離足夠有私隱度。…查看更多

今日上環收工諗住食中菜🥢🥢，咁搵吓邊度好食，就搵到呢間👀鋿晶館，睇吓其他食評發現😳😳原來師傅來頭唔惹小，曾經喺日本🎌東京富麗華做野，專門服侍明星⭐️同達官貴人，返香港之後係多間米芝蓮酒店同大型連鎖酒樓集團做主管，簡直係信心保證！👍🏻👍🏻餐廳門面寬敞光亮，有兩層，一開𨋢門就見到大量嘅生猛海鮮🐟🦐🦀等咗一陣就有位啦🈴我知呢間餐廳係自家製嘅品牌，今次我地就叫左份魚湯浸雜菌時蔬🐟香芒🥭貴妃大蝦球🍤，潮汕滷水墨魚🦑，涼拌海蜇同老爺子半肥不瘦蜜餞叉燒🐷🐷潮汕滷水墨魚，涼拌海蜇❄️❄️先講咗兩個冷盤先，滷水墨魚超入味同彈牙，食落超爽口🤩🤩涼拌海蜇充滿麻油香味，2個冷盤份量亦都相當之多，非常抵食😋😋老爺子半肥不瘦蜜餞叉燒🐷外皮少少焦香，肉質鮮嫩，配合蜜餞，入味得黎唔會太甜🍯🍯叉燒半肥不瘦，肉質超鬆軟，一啖接一啖食到停唔到口🤤🤤香芒貴妃大蝦球🍤🍤蝦球超大，炸得好香脆😳而且仲灑左啲花生🥜係面，除咗香芒醬之外，亦都食到少少蜜糖芥末嘅味道🤤配合埋沙律菜食，一啲都唔膩，口感超豐富🈵魚湯浸雜菌時蔬🥬🥬魚湯濃郁🍲🍲配合埋西芹，冬菇🍄雞髀菇，清炒白菜仔，配搭非常之健康🥰🥰我地諗住下次午市黎食佢哋啲點心，即叫即做一定好好食😋😋…查看更多

細個成日比屋企人迫我去酒樓，我真係好憎，直到大個左去過「鋿晶館」明白酒樓既真締，呢到既師傅曾係日本東京富麗華多年，一直為達官貴人服務，回港後亦係多間米芝蓮酒店同埋連鎖集團任職，經驗豐富，絕對係質素保證！👇📌廚 師 新 派 小 菜 -▪️ 老爺子半肥不瘦蜜餞叉燒 - $148  ▪️ 香 芒 貴 妃 大 蝦 球 - $118▫️ 先黎一個「老爺子半肥不瘦蜜餞叉燒」出埸先，叉燒色澤睇落鮮亮，外層帶少少焦香，肉質肥瘦均勻，蜜汁份量岩岩好，香甜得黎唔會太"溜"；而「香芒貴妃大蝦球」食落夠哂爽口彈牙，面頭唔會炸得太乾身，仲帶少少脆口，用芒果汁做配搭，成件事變得開胃解膩，好食。▪️ 龍蝦湯瑤柱燴海皇羮 - $168▪️ 金 不 換 三 杯 雞 煲 - $108▫️ 另一道「龍蝦湯瑤柱燴海皇羮」亦有睇頭，成個龍蝦湯入口個鮮味好突出，濃度適中，加上裡面非常足料，蝦肉非常多，粒粒爽口彈牙，我個人認為呢個係必食；另一個「金不換三杯雞煲」，一上枱聞落已經充滿濃香，雞件份量亦多，配搭金不換同大量蒜頭，加埋醬汁夠入味，整體係相當惹味！▪️ 日本紫芯蕃薯浸豆苗 - $108▫️ 最後呢個「日本紫芯蕃薯浸豆苗」估唔到好有驚喜，從來無諗過原來豆苗同紫薯竟然可以咁夾，兩者加埋味道香甜，值得一試。…查看更多

鋿晶館 🥬朋友話想食中餐～我就即刻提議去呢間主打自家製品牌既鋿晶館上環站一出轉個彎就到 交通方便入面環境寬敞，光線充足， 啱曬我地一路食一路傾計佢地既點心現場即點即做師傅唔單止係日本東京富麗華做過係香港仲做過多間米芝蓮酒店及大型連鎖酒樓集團既主管所以真係值得一試龍蝦湯瑤柱燴海皇羮 $168呢個羹真係不得了，好足料， 啖啖都有蝦有蛋白有瑤柱及菇菌，個龍蝦湯好香好濃，食完呢個羹都有D啲飽架老爺子半肥不瘦蜜餞叉燒 $148平時食叉燒鐘意半肥瘦，因為覺得瘦叉好乾要咬好耐， 但呢度既叉燒肉無乜肥膏仍然好鬆軟，蜜汁又香又濃我地好快就清左碟叉燒喇香芒貴妃大蝦球 $118一坐低就聽到隔離枱話叫多碟香芒蝦球， 我地都唔執輸叫返碟，蝦球好大粒好爽口，個醬汁甜中帶點芥辣味，每粒蝦球上面再配上花生碎，食落特別好味. 燒汁班頭腩煲 $168叫煲最正就係熱辣辣， 一打開蓋香味湧出黎， 仲有煙出同滋滋聲，真係好夠熱力. 班頭腩經油鑊爆炒，外層嘅魚皮好香口，魚肉又滑份量又多，佢個醬汁令到D 配菜都好惹味，蒜頭同三色椒我都清曬日本紫芯蕃薯浸豆苗 $108紫薯同豆苗我都鐘意食，但就無諗過可以拼埋一齊食，原來一齊食咁夾架喎，紫薯粒好多，而豆苗都好新鮮 …查看更多

今晚收工之後黎左鋿晶館食埋晚飯先返歸，鋿晶館地點係喺上環港鐵站出口附近，入口喺地下，好易見到。酒樓入面裝修光猛，地方乾净舒適。鋿晶館係自家製品牌，師傅曾經喺日本東京富麗華專為高管達人同明星工作，返港後喺多間米芝蓮酒店同大型連鎖集團做主管。餐牌有小菜，游水海魚，廚師新派小菜，新派型格燒味，孖寶，湯羹魚翅，海鮮，都有套餐。老爺子半肥不瘦蜜餞叉燒 先黎一客燒味。老爺子半肥不瘦蜜餞叉燒個名好長，好得意。一客9件叉燒，係暖既。叉燒半肥瘦，外皮少脆而入面非常腍，個汁都好啱味，蜜汁調得好。龍蝦湯瑤柱燴海皇羮龍蝦湯瑤柱燴海皇羮用左兩隻好靚嘅湯碗裝。材料有爽脆蝦肉，瑤柱，菇菌，紅蘿蔔，豆角，蛋白等等。味道好清，口感好好，都幾健康。香芒貴妃大蝦球 香芒貴妃大蝦球一客4大隻，整得又爽又脆啖啖肉，個汁滿滿芒果同黃色芥末醬，甜甜地好好食，上面加上花生碎增添口感，下底墊有沙律菜。呢道菜式又開胃又好味。生煎家鄉蓮藕餅 生煎家鄉蓮藕餅 一客4件，煎得好香口，食落啖啖都有爽口蓮藕，味道唔錯，食清光都唔算太油。下底墊有菜苗減膩。日本紫芯蕃薯浸豆苗 呢款菜式好新潮，好少中菜會用日本紫芯蕃薯入菜。豆苗非常嫩綠，紫薯好多粒，味道微甜，仲有少少酒味，估唔到味道都夾到。海帶綠豆沙 食完仲有糖水送，係海帶綠豆沙，綠豆煲到爛哂，完全唔甜。呢餐4餸一湯，兩個人都食飽飽。平日夜晚六點幾七點都好多人。聽聞呢度所有手作點心係現場即點即做，下次可以試試點心。…查看更多

真係咁啱得咁橋，打風前夕又約咗同事仔食晚飯講八卦同自high😂今次食中菜，同事仔之前黎過茶市覺得唔錯，話呢間中餐係自家製品牌，所有點心都係手作真材實料，重現場即點即做，新鮮熱辣。兩個無飯女人叫左四餸一湯🤣老爺子半肥不瘦蜜餞叉燒正當同朋友研究緊呢個菜名既時候，部長就行埋嚟自豪咁介紹呢度最出名就係呢個叉燒，咁就梗係叫來試試啦。面頭一層亮澤既蜜糖已經令到賣相相當吸引，叉燒係厚切，食落好鬆化有肉味，微微焦香，真係半肥不瘦恰到好處👍🏻 🉐香芒貴妃大蝦🍤球攞碟精美，4舊大大舊既炸蝦球，外層包裹住既香芒汁有濃厚既蛋黃醬奶香，好香口開胃。上面撒上少少花生碎，口感有驚喜，估唔到咁夾。我地吹水吹耐左先食第二舊，擺耐左味道都無好大影響👍🏻勁燒汁雜菌炒安格斯牛安格斯牛牛肉味重，幾款唔同既菌類口感同味道都唔錯，炒得香口無出水，朋友話連啲菇都有牛肉油香味👍🏻日本紫芯蕃薯浸豆苗好少見呢個做法，就貪得意試下😎紫芯蕃薯粒好甜，令到浸豆苗既湯同啲豆苗都索左陣甜味，更加鮮美。不過就咁食啲豆苗又唔會有好重蕃薯味，又幾得意😜龍蝦湯瑤柱海皇羹好期待呢個湯😍因為我勁鐘意飲龍蝦🦞湯用一個好靚既中式湯羹碗上，一打開就見面頭撒左好多瑤柱，勁足料。問左部長湯料有蝦，班肉，帶子仔，蛋白同一啲蔬菜粒…湯底無西式龍蝦湯咁濃，但係好鮮甜，每一啖飲落去都食到啲爽甜既海鮮粒，真係好幸福呀！💕平時真係好少晚飯走去食中菜，今次呢幾個餸真係有驚喜。後來睇返啲食評知道原來主理既師傅係日本東京富麗華多年，專為高管達人和明星服務，之後重係香港好多間米芝蓮酒店同大型連鎖酒樓集團做主管。經驗咁豐富，唔怪得啲出品咁有特色同水準啦。已經約好下次來試埋個茶市點心🥳🥳…查看更多

今晚收工之後黎左鋿晶館食埋晚飯先返歸，鋿晶館晚市小菜之前試過質素都唔錯。地點喺上環港鐵站出口附近，都方便。入面裝修光猛，地方乾净。餐牌有小菜，燒味，湯羹魚翅，海鮮，都有套餐。老爺子半肥不瘦蜜餞叉燒 例 $128先黎一客燒味。叉燒一客9件，隻碟係暖既。叉燒半肥瘦，外皮少脆而入面非常腍，個汁都好啱味，蜜汁調得好。呢個份量都唔少。正野！龍蝦湯瑤柱燴海皇羮 龍蝦湯瑤柱燴海皇羮用左兩隻好靚嘅湯碗裝。材料好多吓，有爽脆蝦肉，瑤柱，菇菌，紅蘿蔔，豆角，蛋白等等。味道好清，不過我都冇另外加調味，都幾健康。如果龍蝦湯味道濃d就更好。燒汁煎焗海石斑頭腩煲 $168燒汁煎焗海石斑頭腩煲原煲上，吱吱聲熱辣辣上枱。石斑頭腩有10舊左右，雖然有骨，不過好入味，外脆內淋，明顯煎過。其他配料有燈籠椒，蒜頭同洋蔥，非常入味。蜜椒薯角一口牛 $118牛柳粒好淋，牛味又濃，份量唔少。薯仔外皮少脆而內軟。其他配料有燈籠椒同洋蔥，最後灑上白芝麻粒。呢道菜都好好。蝦乾啫啫通菜煲 例 $98蝦乾啫啫通菜煲都係原煲上，吱吱聲熱辣辣。通菜好嫩，吸咗好多油，配有蝦乾同肉碎，一d都唔寡。陳皮綠豆沙食完仲有糖水送，係陳皮綠豆沙，綠豆煲到爛哂，陳皮味好香，完全唔甜。今餐菜式豐富又惹味，一如以往，水準不俗。餐廳係自家製品牌，師傅曾經喺日本東京富麗華工作，專為高管達人同明星服務，返港後喺多間米芝蓮酒店同大型連鎖集團做主管，來頭都唔少野。聽聞呢度所有手作點心係現場即點即做。…查看更多