Amelia Hong Kong

在尖沙咀要找一處雲集全海維港靚景的餐廳，相信第一時間會想到海港城，由於毗鄰尖沙咀海傍，很多餐廳都為著此景致而進駐其中。近日筆者就造訪了一間位於海港城地下的著名食店，據講曾於海外奪得了米芝蓮一星殊榮，資料顯示創辦人兼行政總廚 Paulo Airaudo 在國際廚壇屢獲殊榮，曾在歐洲多家著名食府出任主廚，而此店正是他從聖塞巴斯提安的著名米芝蓮星級食府引入到香港的品牌，讓人滿有期待。餐廳門面設計簡約時尚，近門處放了一個等身大的搪膠潮牌公仔，古典中帶玩味。店內佔地頗廣，空間感十足，採用了深色木系為主調，配以昏暗柔和燈光，踏實中富氣派，情調醉人。開放式的廚房讓客人能夠欣賞到美食的製作過程，室外一列隱藏於海運大廈入口側面小巷處的戶外露天茶座，飽覽著天星碼頭和180度維港靚景，和鬧市只是咫幾尺之隔，卻可享受著片刻的寧靜，感覺頗為特別。翻開餐牌，菜式的選擇不算太多但覆蓋也頗廣泛，招牌自家麵包、前菜湯品、主廚推介、分享美味和手工甜品等均有供應。雞肝醬配迷迭香麵包，自家打製的雞肝醬幼細順滑，雞肝獨有的甘香混上淡淡的洋蔥惹味，鹹香豐盈，配上微脆綿密、同樣是自家製的麵包，帶上陣陣迷迭香的香氣，更富風味。碳烤八爪魚配甜椒馬鈴薯醬，八爪魚烤得Q軟彈牙，入口富碳香，一點也不韌不乾，軟嫩中帶點點嚼勁，跟印象中的八爪魚口感完全是兩碼子的事，蘸上伴碟極其軟滑的甜椒馬鈴薯醬，清甜中帶微鹹，滲著淡淡的薯香，豐富了層次之餘亦鮮味特色。紐西蘭天然放養雞配菊芋及蘋果，天然放養的雞隻運動量足，所以脂肪相對較少，肉質較結實雞味亦突出。大廚先用慢煮做法將之煮至7成熟，再以熱牛油澆上至剛熟，透薄微脆的外皮下是粉嫩多汁的雞肉，面頭放上一塊炸至深啡的菊竽片，添上焦香之餘亦和嫩肉形式對比，原始中帶香口。而伴碟的菊芋蓉配上蘋果粒粒，甜香順滑，清爽自然，份量雖較少但整個配搭蠻有心思的。大蜆及海膽西班牙圓米燉飯，原本是頗有期待的一道菜，煮得濃香Creamy的燉飯上放上金黃海膽和黑醋，入口富海洋氣息，綿滑鮮味帶著點點鹹香，唯就個人口味而言就略欠了西班牙米飯應有的煙韌咬口，而蜆肉亦不太見蹤影，有點不似預期，但純就味道而言其實還算不錯的。整晚的出品水準不俗，擺盤和調味亦很有特色，加上有靚景伴餐，環境氣氛富情調，店員的服務也熱誠體貼，各方面都很到位，當然地定價亦是中高檔次，但一分錢一分貨，能一嚐米芝蓮水準的美饌加上醉人美景，間中付出多一點也是合理的。…Read More

最近海港城新開了一間由西班牙開過來的星級食府，大廚在西班牙開店半年就迅速奪得米芝蓮一星，講緊嘅當然就係Amelia。雖然定價屬於中高檔次，但唔洗特登飛去西班牙，時間飛機票都喺度。Amelia就喺海運大廈正門尖沙咀碼頭附近，一列落去玻璃可以睇倒成個維港景，感覺幾relax。牛肉生蠔他他伴醃芥末籽配酵母麵包($188)牛肉生蠔他他份量都幾多，口感好嫩滑，唔會有血腥味，因為加左芥末籽有少少酸香味幾開胃。酵母麵包幾香脆，同牛肉生蠔他他好夾。不過得兩麵包略嫌少左啲，食完都仲剩返好多牛肉。紐西蘭天然放養雞配菊芋及蘋果($238)我平時唔算特別鐘意食雞，但哩碟放養雞真係不得之了。其實仔細睇相入面嘅雞件都應該睇得出，肉質係非常嫩滑，合埋眼嘅話完全估唔到係食緊雞肉，原來大廚會先將雞件燒到七成熟，再用滾油淋熟雞肉，所以口感係特別嫩滑，當然走地雞亦係其中一個原因。而雞件中間淡黃色嘅係　蘋果蓉，食得出蘋果清甜味，味道幾清新。大蜆及海膽西班牙圓米燉飯($228)燉飯用左西班牙圓米，有咬口之餘唔會過硬，就算食慣軟飯嘅香港人應該接受倒，海膽好鮮甜，燉飯中間仲有唔少蜆肉，調味適中幾好食。總結，雖然Amelia收費唔平，但食物水準高，絕對冇令人失望，其中最令人驚艷一定係紐西蘭天然放養雞，絕對會打破你咁多年對雞肉嘅了解。…Read More

早前到訪過米芝蓮一星坐擁維港景主打法日菜嘅「Tirpse」，今晚就同幾位朋友嚟到同樣獲米芝蓮一星，又可以欣賞到維港景色，不過，主打喺西班牙菜式嘅「Amelia」。其實，小弟就唔喺太着眼於喺唔喺米芝蓮星級，喺好嘢就有興趣一試啦，據講佢仲喺店家嘅首家海外分店嚟。餐廳位處「海運大廈」，地下層入口處，所以，好易搵，尤其搭完天星行過嚟「海運」就見。始終有一星嘅背景，所以，環境裝修絕不失禮。一室都以深色木系為主，配以柔和嘅燈光，樓底稍高，故空間感十足。走入餐廳，仲路經過開放式廚房，睇到年輕嘅師傅聚精匯神做菜。雖然，餐廳有啲露天位，飽覽維港景觀無得彈，不過，是夜有啲寒，又有點毛毛雨，都喺乖乖坐晌室內。翻一翻餐牌，食物嘅選舉主要有兩大版，類別分為：招牌麵包、自家湯品、開胃小菜、主廚推介（主菜類）、分享美味（大份量菜式）、手工甜品。另有一張酒精飲品餐牌，有好多雞尾酒款式，仲有紅白餐酒、伏特加、氈酒、冧酒、波本、威士忌、龍舌蘭酒、啤酒……等等，不過，酒呢家嘢都唔喺好啱我哋。自家製麵包配牛油 $78其實，見好多人點呢個麵包，但就賣到成$78一個，都好好奇佢有幾個食！最得意喺鋪咗好多麥粒墊底，令個農夫包更有種原始風味，而外皮勁脆，包心軟熟卻有點點韌勁，塗上海鹽牛油，味道唔錯。由於友人唔食得牛，故無揀到配牛骨髓，但之後用嚟夾住啲西班牙甜紅椒及芝麻菜，沾啲橄欖油，一樣好正。慢煮西班牙甜紅椒及檸檬芝麻菜沙律 $88由於餐牌中嘅沙律菜式無乜，呢一款開胃小食都可以作為餐前嘅沙律菜，顧名思義，就喺以西班牙甜紅椒及芝麻菜配搭而成嘅沙律，淋上大量橄欖油，再灑啲檸檬及刨上少少巴馬臣芝士。整體味道頗清爽，而啲甜紅椒就真喺好甜。不過，因為下咗大量橄欖油，就未必人人識欣賞。脆炸雞翼釀馬鈴薯 $108一客有3隻雞翼，雞翼炸得金黃，外皮卜卜脆，釀入馬鈴薯蓉效果又OK喎。雖然味道唔錯，但可以講食炸雞翼以嚟，最貴就喺呢一次。大蜆及海膽西班牙圓米燉飯 $228如果喜歡食意大利飯嘅朋友，呢一道西班牙圓米燉飯應該幾啱你口味，因為個燉飯嘅口感真喺跟意大利飯幾近似，又喺煙煙韌韌有咬口，不過，感覺就無意大利飯咁韌身，比較軟綿少少，而外形亦較為圓潤，意大利米粒則就稍為修長啲啲。個燉飯除面面鮮甜嘅海膽之外，飯內混有唔少新鮮蜆肉，汁底又有啲鹹鮮香味，甚具水準嘅一道西班牙圓米燉飯。紐西蘭天然放養雞配菊芋及蘋果 $238呢道菜嘅亮點就喺啲雞，除咗因為喺紐西蘭貨色外，梗喺天然放養嘅走地雞，雞肉相對結實，近乎零脂肪。店長上菜時更專登介紹個做法，先慢煮，再煎烤，最後以滾油淋熟佢。啲肉質入口時，比預期中更嫩滑，有自然嘅雞肉味，層皮又無乜脂肪，又脆口，伴以少少蘋果醬，超好食。而伴碟好似「果皮」嘅喺炸薯皮，脆到咯咯聲，而好似「薯蓉」嗰啲其實喺亞枝竹蓉（菊芋呢個名就唔喺太聽得慣），滑到不得了！喺一道幾有驚喜嘅菜式。羊奶芝士布甸伴番薯焦糖 $98最後來一道小甜點作結，甜品共有4款選擇，感覺定價唔便宜，最終揀咗呢一款以羊奶芝士做成嘅布甸，初頭見菜式名字以為真喺伴有焦糖化咗嘅番薯，但一睇賣相發覺喺兩回事。羊奶芝士布甸本身喺做得唔錯，非常柔滑細緻，羊奶頗濃而帶點羶，不過，「番薯焦糖」部份真喺唔確定喺咪面面嘅焦糖漿，因為唔喺好食得出有咩番薯味。整體而言，「Amelia」無論晌環境、招呼確喺好出色，而菜式食得出用料不賴，手藝亦出眾，不過，定價絕不便宜。當然，有米芝蓮一星嘅背景，加埋醉人夜景，又喺需要計入成本之內嘅。…Read More

終於有假放啦，等了成個星期，放假就要放縱下食餐好的，今晚與朋友選擇來到米芝蓮一星"Amelia "的西班牙餐廳食飯，順便來海港城逛街買東西，來到餐廳門口，那位女帶位職員都好有禮貌，詢問我地有冇留座，安頓座位後又好細心問我地需不需要飲酒，會介紹一些cocktail 給我們，雖然我地晤飲酒，但她會主動奉上mocktails menu ,服務都好熱誠。天氣都較冷所以點了胎菊茶及伯爵茶，兩款花茶都是各$40，用了茶壺奉上，可以慢慢嘆茶先頭盤點了iberico Jamon風乾後腿火腿48個月，我選擇了50g ($168),48個月西班牙風乾後腿火腿當中的鹹味適中帶甘香，肉質軟腍帶有肥膏，食落有嚼頭且有橡果的甜味，令人載三回味無窮。再有醋醃新鮮沙甸魚伴橄欖油多士($158)作前菜，我個人最欣賞這款頭盤，醋醃過帶出令人舒適的微醋，食落開胃，意外地魚肉都有咬口，加上rosemary 的自家製麵包脆多士，兩者夾而回味，散出散散迷迭草香，不禁讓我豎指一讚。接下來主食有野生鱈魚配椰菜及燻魚籽伴鯷魚溫熱醬($188)及紐西蘭天然放養雞配菊芋及蘋果($228)，兩者食物水準真是不錯，我較喜歡這碟天然放養雞，雞肉皮脆肉嫩，保留了肉汁及雞肉的鮮香，旁邊有滑口的薯茸，用了青瓜粒點綴，雞肉上有片脆卜卜的耶路撒冷雅枝竹，再蘸上濃郁惹味的燒汁伴食，味道不錯。另外一款主食野生鱈魚配椰菜及燻魚籽伴鯷魚溫熱醬，用了椰菜包裹著野生鱈魚，鱈魚肉非常鮮嫩，質感軟滑鮮香，椰菜卷放在一碗鋪上用燻魚籽及鯷魚製作的溫熱醬上，溫度不會太熱，易入口而且夾雜魚肉伴食，有助提升鮮味，口腔中有陣陣的餘韻，真是滋味吃不停。服務都好體貼，餐廳位置在海港城的海運大廈地下，鄰近尖沙咀天星碼頭，一邊欣賞醉人海旁夜景，一邊享受美食，真是太美好!…Read More