醉潮館

I wonder if I'm the only English comment here. No matter, here goes nothing. For non Tsuen Wan locals, this restaurant is tucked away in a hidden back street glittered with at least a dozen other restaurants, loud rattles of beer bottles, cheers and laughers from customers seated on tables along the streets; it certainly brings back memories to the good old days of Hong Kong. Yet this restaurant was different. It was located at one of the corners, a little quieter, cleaner, unsuspecting, and well managed. Upon entering, it gives off a very old school Chinesey feel. The walls stapled with fake-brick wallpapers. Wooden tables and wooden chairs, makes one reminiscent of the elegence of our city's culture. Our group consisted of 5 people, as we excitedly over-ordered everything. Enticed to try everything on the menu. Pepper Pig's stomach soup (白果胡椒豬肚湯): Very flavourful. Mouthful of goodness that warms the body up straight away. Perfect soup for a cold autumn or winter's evening. No complaints here.Pigeon in a cage (紅燒籠中BB鴿子): It's appearance was quite delightful. Tastes decent, but probably not the best ones in town. Still a great dish.Duck egg Oyster Pancake (傳統鴨蛋煎蠔烙): This tastes different from the typical oyster pancakes you'd get. There was more flavor, more texture, without the deep-fried bits overwhelming your palate. Just enough of the batter, oyster, and eggs, sprinkled with garnishes on top for beauty.Small Boiled Clams (砂鍋卜卜蜆煲): It came with a gas stove below, as you watch them slowly pop open one by one. Quite the entertainment. The first few were tremendous, but a number of them turned out full of sand inside. Unfortunately that was a slight disappointment. Deep fried Squid (椒鹽鮮魷): Very tasty. Came out extremely fast too. Not too much batter. Dip it in some soy sauce or chili brings out the senses even more. Wasabi Beef Ribs (芥末牛仔粒): Harmonic combination of fats and proteins, with a generous blob of mayonnaise on top. This dish was pretty much gone within 5 minutes. Melts in your mouth as you bite them, and the mayonnaise keeps your palate guessing. Boneless Chicken feet (無骨雞腳上上簽): I found this alluring, but most of my group considered it a little too spicy. If you're adequately equipped with strong palates, I'd definitely recommend this one. Though the amount of sauce might be a little overwhelming. Simply scrape off excess sauces before consumption.Beer and Beer bowls: Can't go wrong here. A great way to boost atmosphere and an even greater way to drink beer. Overall it's one of the top notch Chinese restaurants in Hong Kong, for the price range. Definitely recommend. The food came extremely fast, the waitress was polite and caring, even moving us to a bigger table when plausible. I'd urge you to consider venturing here for some local flavours once in a while. …查看更多

哥哥一家都唔喺香港，趁住週末陪下兩老，晚餐帶佢哋嚟荃灣食呢間口碑唔錯嘅潮州菜，我哋差唔多八點到，門口依然有幾枱人等緊，生意超旺。我自己之前食過一次，對佢嘅燉湯印象良好，今次嗌咗核桃蟲草鮑魚炖雞，湯味香純，濃郁清甜，仲真係有鮑魚，而且唔細隻，真材實料。一盅可以分到三碗仔多少少，我哋三個人分剛剛好，性價比高！九肚魚炸得又香又酥，口感外脆內嫩，味道鮮甜，沾上喼汁，令鮮味更濃。好有趣嘅名字，原來係四季豆炒豬頸肉，好夠鑊氣，醬汁香濃入味，豬頸肉咬起嚟好有口感，餸飯必備。BB乳鴿用鳥籠裝住，賣相相當別致。乳鴿雖然奀咗少少，但皮脆肉嫩，肉汁豐富，即使唔洗點五香淮鹽同喼汁都已經好滋味！黑松露蟹膏蒸水蛋係屈機之作，令我一直念念不忘，松露嘅香氣配上嫩滑嘅蒸蛋本來都已經係天作之合，加上大量嘅蟹膏，邪惡程度爆曬燈！每一啖都係享受！荃灣有得食潮州菜或者中式小菜嘅地方其實唔少，但能夠令人留低咁深刻印象嘅真係只此一家，難怪能夠喺短短幾個月賺到咁多口碑。…查看更多

今晚和長輩一聚潮州菜最啱佢口味，和佢去左位於荃灣三陂坊街尾的潮州菜館。菜館格局不似慣常潮式打冷舖設肉架掛滿滷水鵝、紅腸、墨魚等，館內以紅磚牆木枱裝潢，簡樸得來帶點古色古香的潮味，環境乾淨企理。離開時見菜館外放置了多張大枱坐滿食客人相當好生意。餐牌有兩冊小菜湯目各一，菜名大字附有推介，圖文並茂清晰可見，價錢大眾化。紅燒籠中BB鴿子 $48鴿件放在雀籠裡賣相十分討好，影相呃LIKE首選。BB鴿一開四，皮脆肉嫩有肉汁，鴿肉醃得相當夠味，四十八蚊相當抵食。傳統鴨蛋煎蠔烙 $88潮州菜必食的菜式，蠔餅煎得原整外型似足比薩，而且炸得金黃脆身，嫌餅底略硬難以分割。鴨蛋蛋香味濃，蠔仔大粒飽滿嫩身食落唔腥，蘸上魚露或泰式辣醬，甚為惹味。牙籤雞 $58一碟有十多件，外層有粒粒脆米香口，卜卜脆口感十足，一籤一口佐酒小食口痕之選。鐵板黑椒豬仔髀 $98豬仔髀有六件大件多肉，二人食每人食三件有點吃力，錫箔紙包住骨位可用手拎住，食得方便自在。肉質鬆軟一咬輕易骨肉分離，豬仔髀早已醃得入味，黑椒汁比較鹹不宜蘸太多，免得鹹死自己條脷。雪裏紅蝦乾通菜煲 $88香噴噴熱騰騰，聲味俱全鑊氣十足。用上石鍋熱度持久，通菜爽口吸汁，咸香蝦醬汁底非常惹味伴飯一流，加入雪菜蝦乾口感豐富，值得一食。…查看更多

👍🏻環境:餐廳乾淨企理，環境佈置同餐牌也充滿中國風，餐廳會播放音樂，同出面其他打冷舖很不一樣，富有特色又舒服。👍🏻服務:侍應細心態度有善，桌上放在成盒紙巾牙籤，如果有埋濕紙巾更好。[👍🏻紅燒籠中BB鴿子$58]籠中鴿打卡必叫，圖中係一隻份量，隻乳鴿好大隻58蚊好扺食，入口肉嫩多汁、皮脆香口。[👍🏻潮洲炒飯$78]炒飯好夠鑊氣，鹹度適中，口感豐富，配料多樣化有鹹肉、蛋、鴨舌、冬菇。[👍🏻鐵板黑椒豬仔脾$98]中意啖啖肉人士必叫，豬仔脾每件都大大舊，肉質嫩滑，黑椒汁帶少少甜，脾包錫紙方便食。[👍🏻牙籤雞$58]牙籤雞皮有粒粒脆米，一定要趁熱食，炸到好香口，用牙籤篤住雞肉，好方便食用，好有特色。[👌🏻花膠螺頭炖雞$68]湯好足料，依個湯係滋陰首選，老火湯的味道，用左好多雞所以油份較重。打冷舖黎講乾淨企理，環境舒服。…查看更多

三陂坊比人既感覺就係好多大排擋 但係我地今次食既呢間潮洲菜館就同以往食既好唔同 裝修幾靚有特式 又坐得舒服😌雖然裝修靚左 不過睇menu價錢又差唔多無特別貴👍🏻 我地就叫左幾個小菜同小食試下 先泥比較特別既小食 我地揀左紅燒籠中BB鴿子同小米餃😆 BB鴿放係籠入面上菜打卡真係幾得意😂 size的確較細 所以背部都入哂味唔駛再點其他調味 而小米餃幾特別 新鮮蒸好熱辣辣 外皮超煙韌 肉饀又夠濃味 連蠔油都唔駛點😋小菜我地就試左椒鹽九肚魚 蜜桃咕嚕肉同鐵板雙蔥燒豬腩肉🤤 3個餸都份量十足 九肚魚唔會好鹹 肉質嫩滑😋 咕嚕肉大大件啖啖肉 酸酸甜甜調味剛好好開胃👅 鐵板雙蔥燒豬腩肉用鐵板上 熱辣辣超夠穫氣 好香口惹味👍🏻 呢到岩哂想食打冷又想同朋友坐得舒舒服服既你地🌟…查看更多

今日唔知點解好想食潮州嘢，上OpenRice search到呢間個名好特別，於是放工就決定黎探訪下。好少黎三陂坊，有少少蕩失路，兜左個圈先到呢條巷仔，原來呢度好多鑊氣小炒店😍醉潮館就係正巷尾。佢兩本餐牌好搞笑，中國風，最正係個名本草湯目😂先黎一盅燉湯，好清唔會多油，一盅兩個人分都夠，飲完成個人暖哂🥰呢個砂鍋卜卜蜆煲(小)，其實份量一啲都唔少。不過煲左好耐都唔滾，我地以為未熟唔敢食😂入面仲有蘿白同粟米，我地煲到入晒味，友人表示有啲辣😂嗜辣既我表示正呀😂有睇openrice做功課先黎，見個個都嗌呢個牙簽雞，就嗌番份。一黎到，熱辣辣勁香口咬落去仲有肉汁🤩食完個蜆煲，啲雞都凍咗諗住冇咁好食啦，嘩，好少會凍左都仲咁好食！😋明明好飽都好想食埋佢呀🤪必嗌嘅都仲有呢個紅燒乳鴿，啲肉好嫩滑，個皮又夠脆，讚！…查看更多

是日與好友行荃灣，本身打算去616打邊爐，點知在同一條巷的另一盡頭見到有間食潮州菜的店，好友就決定吃他一段時間沒吃過的潮州菜~~~裡面的裝潢有些少中國傳統客棧的感覺~~~餐牌的設計頗有心思~~~好友點了我喜歡的白果胡椒豬肚湯($ 88)，份量幾足，可以分4-5碗，裡面湯料OK，感覺個湯都是正常的胡椒果種辣，如果在冬天飲就更加正！牙簽雞 ($58)，外脆內軟，感覺幾好食，唔知係咪因為飲咗個湯，覺得呢D炸雞粒好似有微辣的感覺~~~醬滷鵝($ 128)，平時慣咗出面食冷上，呢度係熱上，感覺味道唔算咸，食落D肉的口感不錯~~~紅燒籠中BB鴿子($ 48)，雖然隻鴿係比較細隻，但有個靚靚的籠上，感覺幾靚下，絕對比得上集團式酒家，而我個人就覺得可以咸多DD，可能我慣咗食咸D 好友點了一樽藍妹啤酒($ 32)和白飯一碗($ 12)，最終我們飲唔曬D啤酒，因為我們飲太多湯…查看更多

荃灣呢間中菜館，裝潢餐具都有濃濃中國風，連menu都深得我心，好有心思。係本草湯目入面，揀左花膠螺頭炖雞$68料好足，炖湯既餐具又精緻，一開蓋，也太香了，花膠料又足，仲有雞同桂圓肉好滋補～招牌小米餃$42勁好食，煙韌得黎，入面好重蝦味，好特別，而且好飽肚，難怪係招牌菜～紅燒籠中bb鴿子$48先48蚊也太高質了，先不說那精緻的鳥籠，鴿子配既汁好開胃，點完汁更帶到味～路邊炒米粉$78太大碟了，兩個人根本食唔曬，料有放蛋、蝦乾、魷魚，炒得都爽身～最後上菜既係鐵板一口牛$108比較新派菜了，黑板味較重，熱辣辣咁放係鐵板上，牛既嫩滑都有做到，火候控制得唔錯～…查看更多

好耐未食過打冷， 但係咁炎熱嘅天氣又唔想坐街邊， 所以就搵咗呢一間有古色古香又別有風味嘅潮州打冷舖進晚膳🤣 最重要嘅係佢有強勁嘅冷氣👍全場木枱木櫈，中國風味濃餐牌設計都幾有心思，設計概念唔錯🎇花膠螺頭燉雞湯 $68🎇燉湯好清甜， 而且好足料，冇味精， 飲完好舒服， 而且每一盅都熱辣辣， 非常滋潤， 一個絕對會令人留下深刻印象嘅燉湯👍🌠 紅燒龍中bb夾子 $48🌠乳鴿肉質嫩， 外皮微微帶脆濃香， 唔會炸到好油， 點少少淮鹽食味道更突出🦆我是被你囚禁的鳥～ 歌手-張宇上菜速度都幾快㗎🎆 亂棍打死豬八戒 $88🎆我個人覺得呢個名字改得非常之好，名字畫面感強，容易被人聯想， 雖然豬八戒死喺亂棍之中， 但不得不讚呢個餸菜真係幾惹味， 可能係因為喺廚房打得火熱， 煮得激烈，雖然四季豆有部分帶渣，但整體嚟講味道很好😁🌌 火焰辣酒煮醉螺 $108🌌辣酒煮螺越煮越辣， 味道辛辣刺激惹味， 香氣逼人， 而且份量都好多， 至少有六十粒以上， 食極都仲有， 食螺肉再啜埋D汁，簡直爽🤤 回味無窮🎆招牌醬鹵拼盤 $138🎆鹵水拼盤有韭菜花、流心鹵水蛋、紅腸、魷魚 、豆干、 豬耳仔、 五花腩、 豬大腸， 雖然冇傳統潮州舖必定有嘅辣椒油， 但係味道依然吸引，豬耳同豬大腸鹵得非常入味而且淋， 魷魚爽口彈牙😆整體嚟講呢間潮州打冷舖嘅食物味道唔錯， 而且環境舒適， 有送酒嘅菜式，亦有傳統嘅味道，有新潮嘅設計，亦有古香嘅環境，無論打卡定聚舊都係一個唔錯嘅聚腳點👍…查看更多

去開荃灣突然心血來潮想食潮汕中菜一入到黎坐底，店員同我地講只要ike一like Facebook專頁就有龍蝦沙律送鍾意食龍蝦嘅我又點可以抗拒到呢沙律中間混合左龍蝦肉成個口感好清新有少少Wasabi芥末醬嘅沙律😚只能用一句我喜歡形容椒鹽鮮魷呢碟色香味俱全，最緊要咬落去好鬆脆中間魷魚肉多，唔會好似出面有些餐廳勁多面粉，值得一試紅燒籠中BB鴿子小鳥籠裝住bb鴿，乳鴿肉質好鮮嫩🤤🤤🤤配飯一流醬滷水拼盤 係呢度既招牌菜，上菜個賣相非常之靚，見到有好多唔同款式嘅嘢食，第一次見滷水拼盤有流心蛋 但係夾埋少少蛋漿撈落其他滷水上面，都係別有一番風味，除咗流心蛋之外，我覺得比較好食嘅係紅腸、墨魚🦑同埋豬耳。墨魚好爽口！香腸夠入味 ！豬耳咬落好脆 ！醬滷鵝 🦢滷水鵝好入味 再點少少白醋簡直絕配 鵝件啲口感唔錯 而且又滑，d鵝好肥美超邪惡🤤 一碟份量都好多，而且仲係豆腐底，啲豆腐食落都好新鮮。…查看更多