炊豕店 (威靈頓街)

喺中環返工食飯真係好貴🥲朋友介紹之下搵到呢一間價廉物美嘅台灣餐廳😋總算係茶記以外嘅好選擇主打嘅豬扒飯都好大碗包保你一定夠飽.🌟蔥油豬扒飯 （$64）見到寫住人氣推介就即刻決定食佢香脆嘅豬扒上鋪左滿滿嘅蔥油 真係超好送飯🍚呢度嘅蔥油仲加左芝麻 食落特別香而且個飯嘅份量亦都好多 好抵食.🌟秘製豬扒飯（肉燥汁）（$64）秘製豬扒飯亦都好出色👍🏻特別係食到豬扒嘅原味道同佢嘅特色調味而且豬扒外層亦都炸得脆卜卜 內層就好腍同juicy配埋肉燥飯都係經典嘅台式風味😎.🌟滷水牛展 （$38）牛展煮得意想不到地腍 滷水亦都好入味底層仲加左芽菜 帶來清新嘅感覺😌.店鋪嘅裝修都係行懷舊風 都幾特別性格比黎講真係中環食飯嘅好選擇🤓…查看更多

知道有「炊」好耐好耐啦⋯經過銅鑼灣 冇試到今日嚟到中環 點都要試下結果去排隊（lunch人流唔少㗎）我都排咗15mins先有得入嗌咗最多人食嘅$60 加$10豆漿一共$70喺中環食份lunch😊…查看更多

👁‍🗨炊豕店 📍中環威靈頓街148號地下@----------------------曾幾何時幫襯過銅鑼灣嗰間，記得喺排咗好耐同店內好迫，好食但用餐體驗不太理想，無再encore今次嚟到中環，見到原來分店開咗喺度，門面裝修幾有特色，所以俾個機會試多次，店內環境比銅鑼灣店寬落，過咗最繁忙嘅午飯時間，入座率7成左右Menu有招牌豬扒飯，可選醬汁（肉燥/咖哩/蔥油），可改配麵或加配料，也可跟餐加配飲品（凍飲$10/熱飲$6）好食度：✔️✔️✔️✔️➰ 秘製豬扒飯（肉燥汁）*少飯 $60-$1炸豬扒塞滿成隻碗，厚度十足，外皮炸得香脆乾爽，肉質咬落鬆軟，充滿肉汁，咬落啖啖肉少許帶骨嘅豬扒果然最正！揭開豬扒底，附送小棠菜一條，肉燥汁淋滿白飯面，味道香濃，粒粒滷肉煮腍身入味，足夠撈成碗白飯😋 少飯適合女士，份量都算多➰ 秘製豬扒飯（蔥油）*少飯 $64-$1蔥油足料，有齊薑絲、香蔥粒，油比例不算多，淋上炸豬扒都唔會令豬扒腍晒油冧冧，但又有蔥油香白飯較硬適中，淋上淡口豉油，撈飯有陣陣蔥油香同咸香👍🏻➰ 熱薑蜜 < 跟餐+$6>薑味偏淡溝太多水，但唔甜都可接受💬 整體食後感不錯，服務環境比銅鑼灣店好，價格不算平，勝在豬扒質量好份量足，值得再食👍🏻••#laisik_sheungwan#laisik_local#laisik_lunch••#foodie #foodblogger #foodstragram #foodieofinstagram #instafoodporn #foodporn #foodshare #foodofinstagram #foodlover #foodiehk #hkfoodie #hongkongfoodie #hkigfood #hkeats #hkfoodlover #hkfoodstagram #hkfoodblog #hkfood #hkfoodblogger #香港美食•#港式 #炸豬扒飯 …查看更多

喺中環返工都聽過炊豕店，呢間台灣人氣小店，午飯時段經常大排長龍。年尾多嘢做要加班晏收工，晚上見唔使排隊，即刻跟同事去食返個豬扒飯！餐廳裝潢 懷舊有Vintage感覺，店小整潔有點擠擁。店員態度良好，點餐送餐服務秩秩有序。眼見顧客車水馬龍，翻枱率高甚有效率！餐廳主力做豬扒飯，有3款招牌口味 -蔥油、秘製肉燥、秘製咖哩，每款都係$50-60。呢個價喺中環基本上都好難搵到！秘製豬扒飯 (肉燥汁) 58招牌飯餐 神級豬扒好似隻手板咁大塊，差不多遮住個碗，外皮鬆脆粉薄，炸得乾身唔油膩，肉質嫩滑Juicy。肉燥滷蛋飯 54呢度嘅肉燥係用切碎豬肉粒，肥瘦適中 特別有口感。醬汁用甜醬油混製，鹹中帶甜，非常惹味撈飯一流。椒鹽魷魚鬚 38必食推介！ 採用魷魚鬚 酥炸香脆，椒鹽惹味香口，有濃烈嘅海味魷魚乾味，應該係經過風乾吸收曬水份，才用高溫油炸，魷魚鬚味道非常突出！…查看更多

今次食左秘製豬扒飯配肉燥汁、滷水雞翼同埋凍豆漿先講凍豆漿，而家天氣熱，本身以為凍豆漿係普通一杯杯咁上，但呢間店好貼心咁預先將成支豆漿雪左做冰再比客人，喝完真係透心涼豬扒飯亦都好出色！啲皮脆得離唔太油膩，啲肉又唔會太老，個人認為比起吉列豬扒好味得多期待下次再來試配咖哩汁嘅肉燥飯最後係滷水然翼，呢一樣就比較遜色，滷水汁嘅味道其實唔錯，但雞翼肉的口感有啲奇怪，好似咬唔爛啲肉咁，不過只屬個人意見，總括嚟講唔差！…查看更多

中環有一間以豬肉為主打的食店，行特色懷舊路線，店舖小小，但極具人氣！令我感到興趣，這天就和朋友來見識一下！港島較多小路，但好在食店所在的位置都算易搵！馬路一邊是雙數號碼，另一邊是單數，只要沿著雙數號碼那邊一路直行就到了！食店外還有大大個「炊」的logo呢！我們心知食店很受歡迎，故早少少到達，點知都坐無虛席！唯有和幾位食客排下隊。門口有侍應負責接待，態度有禮，令人不介意多候一會，剛好有人賣單，我們比想像中快就入坐了！餐牌好吸引，而且極具特色，例如有話梅花雕豬手飯、梅菜扣肉飯等。真係樣樣都想食！想了良久，決定吃最經典的秘製豬扒飯(肉燥汁)、酥炸鳳尾蝦和熱蜂蜜生薑茶。這裡沒有加一，有得跟餐$5加野飲，而且不是檸水這些普通野，實在好抵！很快野食就送上了！大大塊炸豬扒，大到連隻碗都差d遮埋。佢既炸漿薄身脆口，不會吃到成口粉，同厚身既豬扒既比例好夾！係超級好吃！好出色！酥炸鳳尾蝦大大條！這與一般吉列蝦有些不同！佢既肉質是有蝦肉的質感，比較真實！我喜歡點一點旁邊的沙律醬，豐富一下味覺。值得讚的是，炸物做得乾脆好吃，香口之餘，又不太油膩！實在難得！另外有驚喜還有這杯熱蜂蜜生薑茶！甜甜的，好夠蜂蜜味和薑味！岩晒女仔飲！又可以中和一下炸物的感覺！它真材實料，杯底仲有好多塊薑片架！這杯跟餐只需$5，意想不到！怪不得這裡受不少食客歡迎！環顧四周，裝飾佈置也看得出用心。性價比的確高，色香味俱全，充滿驚喜！…查看更多

位於香港島中區「半山行人自動扶手電梯」旁邊，「威靈頓街」某個小型舖位的港式食店「炊豕店」，無論是「炊豕店」本身店名的讀音（「炊豕」正確讀音是「崔重」），抑或是「炊豕店」的位置也是不容易掌握的食店。不過，進入「炊豕店」我店舖裡面之後，就會立刻發現「炊豕店」賣的食品其實非常簡單，就是主打跟豬肉有關的中式食品，包括「炸豬扒飯」跟「肉燥飯」在內。另一方面，原來「炊豕店」裡面的裝修和風格，都是以七十年代的香港文化事物為主，例如「炊豕店」在店內的牆壁之上，張貼了兩張七八十年代「邵氏兄弟」在電影院播映的「艷情片」海報。連同上次手提電話跟裡面的「開飯喇」戶口還未報銷之前，我總共光顧了中環的「炊豕店」兩次，「炊豕店」受惠於「中區半山行人扶手電梯」帶動的人流，即使店舖門面沒有刻意裝修，仍能讓我很快能發現到它的存在。在我正式進入「炊豕店」食店內部的樓面範圍後，我發現原來「炊豕店」內部的面積，根本就不算很大，如果不計算面向牆壁的檯櫈，實際上能夠放置到的檯大概只有三四張大檯而已。「炊豕店」我檯櫈以木製為主，所以我選擇了「炊豕店」裡面其中一張，在食店旁邊牆壁的一張木製小餐檯，木製小餐檯周邊在實際上，幾乎只放置了一張木製餐櫈，「炊豕店」的小餐檯論私隱度其實不錯。因為食客只要不是選擇坐大檯，基本上不用會在享用「炊豕店」炸豬扒食品期間，不會無端端會有「搭檯客」，忽然走到你的面前和騷擾你。「炊豕店」餐廳裡面的餐牌，主要是一張單面印刷的自助點餐紙，「炊豕店」裡面所有的食品菜式，都已經在點餐紙裡面一一記載，食客可以在「炊豕店」點餐紙裡面選擇主菜食品，然後再選擇套餐配搭的小食食品。我上次在上手手提電話還未報銷之前，其實已經嚐試過「炊豕店」裡面的「秘製豬扒飯」，不過「炊豕店」賣的「秘製豬扒飯」，原來也有分兩種口味，分別是豬肉「肉燥」味道，還有「咖喱」味道。其實我不知道自己，是否因為自己對混合豬的咖喱興趣不大，所以我兩次上門光顧「炊豕店」，兩次最後也只是選擇了配豬肉肉燥醬汁的「秘製豬扒飯」而已。至於「炸豕店」裡面的其他作為套餐配菜的小食菜式，相反地原來不是什麼小食都是以豬肉作為食材。例如我上次光顧「炊豕店」的時候，就曾經選擇試食過一款非豬肉類的「炸雞翼」的小食。另一方面，由於「炊豕店」可能崇尚「惜食文化」，所以在他們的自助點餐紙裡面，設定了食客可以選擇為自己的餐點「少飯」。「炊豕店」的菜式選擇「多飯」仍一如既往地需要加錢。但是在「炊豕店」裡面，想為自己的豬肉飯菜式選擇「少飯」，不單止不需要額外加錢，甚至可以另外獲得港幣一元價錢減價優惠，對於向來平日少食豬肉的我，下午茶就當然選擇「秘製豬扒飯」「少飯」了。由於我自己選擇為肉燥底的「秘製豬扒飯」「少飯」，所以已經「少飯」的白飯底，完全吸收了豬肉肉燥裡面的滷水汁甜味和鹹味，每粒白飯都能享受到豬肉的原味，和滷水汁裡面的鹹味滋味。至於豬肉肉燥裡面的口感，豬肉肉燥裡面的切粒豬肉，都被「炊豕店」的廚房煮到非常之軟腍，基本上肉燥和滷水汁都已經與白飯融為一體，每一啖白飯都吃到豬肉肉燥的軟腍感覺，加滷水汁的鹹鮮味。至於「炊豕店」裡面的招牌菜式食品，加上肉燥的「秘製豬扒飯」，「秘製豬扒飯」表面的重點食品炸豬扒，炸豬扒不單止被炸到非常之香，豬扒炸皮的口感也被炸到很香脆。至於「秘製豬扒飯」的炸豬扒，炸豬扒本身非常之厚身，「炊豕店」廚房裡面的人，也能夠把炸豬扒整體口感炸到厚身之餘，口感也是香脆而不韌。就連「炊豕店」廚房安排為「秘製豬扒飯」加入做陪襯的小棠菜，小棠菜的口感也都偏向爽脆，而且很新鮮。小棠菜作為「炊豕店」招牌食品「秘製豬扒飯」裡面的蔬菜配菜，無論口感和味道都合乎我的要求。雖然我為「炊豕店」的肉燥底「秘製豬扒飯」選擇「少飯」，也不過為整餐豬扒飯下午茶，造到僅僅港幣一元的減價優惠，連飲品也需要另外收費，一罐汽水也需要港幣五元，整餐飯最後還需要收港幣六十元不算便宜。加上從中環來到「威靈頓街」光顧「炊豕店」，我還要被正在維修保養的半山行人扶手電梯所折騰，不斷花腳力步行爬樓梯，位置在短時間內，都會是「炊豕店」需要面對的問題。但是「秘製豬扒飯」裡面的甜味滷水肉燥醬汁，跟厚炸豬扒也是值得專程趕來中環一試的菜式，所以我完全不感覺後悔，「炊豕店」是值得下次再幫襯的食店。…查看更多

對豬扒飯情有獨鍾，好中意去食主打豬扒既餐廳，係我既豬扒餐廳list內久久有一間都未去完成，就係「炊豕店」。係銅鑼灣一直人氣高企，經常大排長龍，原來係中環都開左分店！餐廳內外店舖唔算太大，座位二十個左右，幸好早過晚飯時間前來唔洗等位，食緊果陣岀面已經排緊隊等位！設計有點舊香港餐廳既風格，但用色以木色為主，又有點日式/台式風格，配色令人覺得放鬆舒服。食物選擇主打係炸豬扒飯，有肉燥汁、咖哩汁及蒽油可選，仲有豬軟骨、梅菜扣肉、叉燒蛋角等等，一間港式台式混合既餐廳。麻辣炸魚蛋 $20(5粒)一上枱已經好看麻辣味，屬於生炸冇沾炸粉，麻辣醬好香但唔算好辣，相信食唔到辣既朋友都食到，味道正常唔算有驚喜。秘製豬扒飯(肉燥汁) $56加左厚午餐肉(+$10)，少飯仲可以減$1，豬扒會斬埋件上，總共有四塊。上枱時仲見到有少少炸油係炸皮上微微顫抖，炸皮十分酥脆，唔油溢，而豬扒食落無豬腥味，帶少少肥膏，肉質不嚡不韌，先係鹹香，後勁有少少甜，肉燥汁份量唔算多，但勝在唔會過膩同冇搶主角豬扒風頭，可惜一點係炸粉略嫌厚左少少。至於加配既厚午餐肉果然十分厚切，同樣有炸過，質素正常。蒽油豬扒飯 $60加左太陽蛋($8)，呢碗賣相十分吸引！蒽油份量好多，絕對夠撈成碗飯有餘，加配既太陽蛋煎得好靚，燶邊得黎蛋黃夠生，絕對加分。除左蒽油，本身都有少少醬油汁係底，唔洗怕乾，呢份豬扒比前一份岀色，炸粉冇咁厚，肉質更嫩一點。蒽油冇我地平時食既咁油膩，比較乾爽啲，但我可能食慣港式燒味所配既蒽油，就會覺得呢個淡味左啲。整體黎講，以中環區用五十幾蚊食到一碗港式台式混為一體既豬扒飯，價錢算合理，希望再開分店會係九龍區開，會更方便。…查看更多