新麻蒲 BBQ (東港城) (已結業)

今日嚟到東港城覓食，見到新麻蒲有做午市優惠，之前喺佢其他分店試過晚市烤肉，餐廳特色係烤肉配菜可以無限添加，依家lunch set嘅烤肉套餐最平$98有交易，睇落唔錯，一於試試！同朋友兩人叫咗兩個套餐：牛/豬肉韓式燒烤午市套餐（配有紫菜飯同餐飲）（$118）同牛胸肉大醬湯（配有白飯同餐飲）（$68）。係套餐未上之前，侍應已經將配菜擺滿成個枱面，有泡菜、海帶、豆芽菜、沙律、生菜等，仲有爐邊蛋，睇落非常豐富！當中嘅泡菜非常好食！烤肉套餐有：新麻蒲護心肉80g、牛肋排80g、什錦菇類，兩類肉燒完之後都非常之好食，肉質唔韌，用生菜加配料將燒肉一齊食非常好食！牛胸肉大醬湯，湯裏面有牛胸肉、金菇、豆腐等配料，大醬湯微辣，咸度適中，配白飯一流！通常食呢一啲韓式湯類料理，我自己習慣嘅食法係將湯倒入白飯，製成湯泡飯，咁樣每一啖飯都會熱辣辣好好食！另外餐飲都好高質，以茶餐廳來講，係屬於餐廳特飲😂，同朋友兩個都叫咗石榴果醋，以梳打水將果醋調開，飲落似汽水，但依然有果醋解膩嘅功效，正！

今日去將軍澳探下個朋友，帶我去佐間好正既韓國餐廳，一諗起韓國餐廳，就梗係問佢係識燒肉定係食拉面小食，點知佢話兩樣都有餐廳係商場入面，我地呢D 好久先去一次將軍澳真係唔知有呢間店，名叫新麻莆，聽名就真係唔似係食韓國野，但原來聽聞係韓國好出名，而最勁係銅鑼灣都有分店我地兩個人係門口等佐陣，望下個MENU，果然勁，諗得到既韓式野都有，店有兩面，一邊係主力食韓燒，另一邊就食SET，而最利害係佢竟然連星期六日都有LUNCH SET ，仲要勁抵，等位既時候已經相當期待好快咁入佐去，有卡位坐，相當闊落，未落單已經幾碟韓式前菜放係枱面，正﹗LUNCH SET 都有燒肉我就梗係唔執輸，點佐個牛/豬肉套餐，跟埋野飲先係118朋友就點佐個部隊鍋，如果人多D ，佢地仲有個PROMOTION 係買三個SET 送一個....抵到呢~~先黎梗係我既燒肉SET 啦，望落已經好正好新鮮，絕對好過個D 任食韓燒好多~ 最正係佢跟埋生菜同埋紫菜飯估唔到百零蚊LUNCH SET 會咁齊料，咁新鮮。佢SET 入面既係護心肉同埋牛助骨，兩樣都好正，護心肉係體內保護心臟既肌肉，好有彈性，同平時食開既豬肉唔同，可以話有豬肉既味，但又

坑口新開分店！我個坐位上面有抽風機，搞到勁大風，吹中落個頭頂，仲要啲風直吹地下入哂枱底，凍死💩 問左店員，無得關左佢或較大細枱面有鐘可以一禁就通知服務員過黎，不過服務麻麻，啲店員無乜笑容，而且飲品都唔記得提我地叫，要問到先話有～伴菜有海帶、泡菜、沙律、洋蔥蘿白，爐邊有得煮蛋，全部仼添唔洗錢，正正常常質素～叫左個豬肉套餐，有護心肉、豬頸肉同一啲菇。全部都醃左，食得有甜味同易燒得香口，但肉味就無咁出，啲肉全部都唔韌易咬芝士炒年糕伴拉麵好普通，年糕夠煙韌，另外有魚糕同埋蛋。麵就有啲俾啲汁浸淋左，唔夠爽口彈牙。韓式豬肉餃子刀削麵，呢款餃子煎會更好食，入面啲餸都唔夠味。刀削麵麵質幾煙韌，但食落有浸酸味，同埋啲湯都冇乜海鮮味，唔係好清甜石鍋拌飯（章魚）就幾好食，啲餸菜同個醬汁好夾，有啲飯比個石鍋烘熱變飯焦，章魚夠爽口，熱菜來講最好食呢個！藍天檸檬汽水陣味有少少似牙膏，味道太過人工石榴果醋就自然啲，不過都幾甜既，有少少酸味買三個套餐送多一個，會送揀完最平個個套餐，三個人死會飽死～