籠太子點心專門店

朋友一直說東大街很多美食，特別是推介這間點心，今天有空約了友人一起過來，這裏茶位只需每位三元，沒有加一，十分划算，餐廳環境寬敞，衛生，餐牌上每樣東西都很像很吸引，新穎，不知不覺便點了7款。鮮蝦燒賣皇2隻可以點2隻十分貼心，適合我們眼闊肚窄的傢伙，燒賣皮薄餡靚，肉餡爽口彈牙多汁，有鮮味。多汁蟹籽小籠包小籠包皮夠薄，包著肉汁，沾一點醋整個放進口，肉汁就像千軍萬馬往嘴裡奔騰，肉餡又鬆又軟，只要一咬，肉就一下子鬆了下來，鮮甜美味，小籠包的美味精華就在湯汁裡，湯汁鮮、皮薄肉嫩，真是好吃極了。但要小心熱😂瑤柱灌湯餃皮薄餡大，灌湯流油，竹籠裡熱熱的拿出來，沾點醋，咬破一小洞，就大口地吸吮湯汁，高湯鮮味，大而不膩，吸完還留一塊大肉餡，細嚼而齒頰留香。海鮮蘿蔔煎薄撐蘿蔔夾薄撐是第一次試，加上有海鮮，特別有鮮味，邊皮夠脆，餅夠薄，配上蘿蔔脆中一點軟，感覺很新穎😋皮蛋牛肉腸牛肉腸常見，但加皮蛋也是第一次嘗，加了皮蛋好像令牛肉鮮味更特出，肉味濃，腸粉皮薄，吸收了牛肉汁，令腸粉更滋味。煎蝦膠釀茄子很大碟呀😮蝦膠厚厚的黏著茄子，煎得十分脆，金黃色，再淋上了醬汁，醬汁有重重的黑椒味，香口得來又不太熱氣，罪惡感減低🤭植物肉辣牛肉大春卷竟然有植物肉點心，相比起真的肉，我更愛素肉，素牛肉在似真似假之間又有一點豆香味，這個有點辣辣的，增加了春卷的風味，每口啖啖肉，絕對值得一試😋果然是好地方，很多新潮的點心，值得再來👍🏻…查看更多

飲夜茶，點心。東大街琳琅滿目餐廳，唯獨是街鋪有間點心未曾試過。媽咪之前話系呢度買過辣椒油幾好，因為辣椒油而遇上的點心。一坐低，媽咪就首先在自己碗落好大匙辣椒，原來XO蝦醬之類噶辣油，試了一試。剛剛蘿蔔糕上臺，加上蘿蔔糕，脆軟。不算太嫩。口感適中。加辣椒油，的確又好似幾有味。|金蒜蒸排骨^粉嫩肉質，已經熟透，金蒜證明不會落太多蒜。墊底噶辣椒絲不會太多。微甜。|鮑魚燒賣^如果只食沾辣椒油噶食物，未免太重口味。叫左鮑魚中和下口感。一籠有兩件，好大舊。未必一口可以咬落去。鮑魚已經熟左，夾在燒賣裡面賣相別具一格。|香芒沙律卷^最後甜品叫左芒果沙律卷，擺盤別緻，其實是芒果同雜果沙律的混合，口感新鮮，剛剛好去晒頭先辣油的重口味。茶介3元，不會太貴，夜晚飲茶食飯價錢都適中。侍應生普遍後生，令人舒服用餐。埋單果種，媽咪果然如無意外又加多一樽辣椒油話下次整蘿蔔糕或者餃子可以加落去。而我，唯獨是女仔喜愛甜品，可以來多轉芒果沙律也不為過呢。…查看更多

今日下午兩個人想飲茶，當然要去籠太子點心專門店，一黎點心新鮮d，二黎又可以坐得舒服d，最緊要沒有時間限制籠太子蝦餃皇可選擇兩粒 只需$15 幾好，都幾大粒 個皮又薄配辣椒油食好惹味，入面隻蝦幾彈牙香滑反斗糕 有四粒，在蒸的時候任它自由發大，每件體形不一樣入口鬆軟，味道唔會太甜，散發著少少蛋香味我ge 至愛雪山叉燒包，上枱時熱騰騰，叉燒半肥瘦，餡料又充足皮蛋牛肉腸第一次食，當初諗住古怪，但食入口又幾夾帆立貝籠仔荷葉飯幾十蚊好抵食，份量多有成七粒帆立貝鋪滿個籠仔荷葉飯好香海皇芝士千絲卷脆卜卜，師傅手工唔錯即炸真係好食環境舒適，店員建談又nice…查看更多

近呢一年疫情雖然有好多食肆執笠，但亦都有食肆可能因為鋪租平咗而開店。我本身住筲箕灣，近排先發現原來東大街前身嘅太爺雞，原來已經靜悄悄變咗一間點心專門店：籠太子點心專門店。所以就決定今晚飲返個夜茶。晚上兩個人又唔想食太多澱粉，於是就決定叫五個點心加一個蒸飯：分別係鮮竹牛肉，藥膳雞腳，雞扎，灌湯餃，仲有店員推介嘅皮蛋牛肉腸同埋期間限定嘅帆立貝籠仔荷葉飯。所有點心都係即叫即蒸，不過等嘅時間都唔算耐，十零分鐘就開始陸續上枱。能夠食到熱辣辣嘅點心，等十零分鐘絕對值得。首先上枱係皮蛋牛肉腸，腸粉皮唔算好薄，不過就好滑同埋有米香，牛肉腸裏面有皮蛋碎，組合都算幾特別，仲有芫荽嘅香味，食落有新鮮感。藥膳雞腳份量唔多，但藥材味超濃，感覺好似好補身。鮮竹牛肉就穩打穩札，加埋喼汁味道超夾。雞扎都做得唔錯，火腿夠大條，雞件亦都夠滑，調味適中。瑤柱灌湯餃就中規中矩啦，話哂都係收你廿零蚊，餃子皮都冇穿，不過就用大量嘅湯浸住，所以都食唔出裡面算唔算多肉汁，但整體味道都唔錯。最後食嘅係帆立貝籠仔荷葉飯，亦係全晚最貴嘅item，差唔多$50，但無論飯嘅份量同帆立貝都算交足功課。飯本身輕輕炒過，有蒜蓉香，所以唔需要落豉油都夠味，飯亦炒得乾身，用荷葉包住，上枱聞到淡淡荷葉香，帆立貝應該之前都煮淋咗，所以入口鬆軟，配飯食整體感覺唔錯，呢個價錢都可以接受。最後值得一提嘅就係每張枱面上都有嘅辣椒油，初頭以為係一般嘅辣椒油，但經侍應介紹過之後，原來係用蝦米同蝦乾碎炒香再加辣椒，而蝦乾蝦米碎應該之前有炸過，所以食落脆卜卜，又香口，而辣度適中，配大部份食物都好夾。雖然第一次試但整體感覺都好滿意。佢開得喺東大街，應該都係主要做街坊生意，希望佢keep到水準啦，咁我就會一直繼續幫襯。…查看更多

想吃點心，都不一定要去傳統酒樓，近年點心店越開越多，多了很多選擇。東大街內較新的食店，似乎很快便儲了熟客，當日還有不少長者光顧。鵪鶉蛋燒賣 - 傳統茶樓都未必吃得到的點心，即刻要點來懷緬一下，鵪鶉蛋、蝦及豬肉，高膽固醇的美味。雪山叉燒包 - 老實說，是有點失望的，脆皮做得不夠平均，未夠脆口，但味道是可以的。皮蛋牛肉腸 - 本來想試試名稱很有趣的「不是炸兩」，可惜當天已售罄，就點了皮蛋牛肉腸，腸粉質感很滑，牛肉算足料，還有皮蛋粒。生炒糯米飯 - 糯米飯沾了臘腸及臘肉的油份及味道，軟腍易咬，份量剛剛好。乍暖還「涼」的天氣，很適合！…查看更多