神燈海鮮酒家 (18廣場)

安排到附近商業大廈嘅一樓，裝修好普通頗舊，枱與枱之間嘅距離窄，好嘈。就係好屋邨酒樓嘅感覺。🤔糯米炒膏蟹似乎係呢度嘅招牌菜。但係食落比較普通，米飯食落好多飯焦，硬硬哋嘅感覺，唔係炒糯米飯嗰種香軟煙靭嘅質感。蟹本身正常水平。整體嚟講冇乜特別，唔明點解係招牌菜。黑松露燒鵝另一個招牌菜，食落唔係非常濃烈嘅黑松露味，係帶淡淡嘅黑松露香，黑松露味道唔會好霸道。燒鵝比平時食開嘅燒鵝味道淡一啲，可能咁樣會更突出黑松露味，都幾特別又好味嘅。不過燒鵝本身就比較多肥膏。🤔即燒乳豬樓下有玻璃比你睇到伙計親手喺度明火燒乳豬，咁特別梗係要點下。但係食落又冇咩特別，乳豬皮同肉中間有肥膏，肉嘅味道比較淡。普通水平。💯龍蝦炒米粉全晚最鍾意呢碟。佢同平時酒樓嘅龍蝦炒伊麪味道唔同，係用咗味道濃郁嘅龍蝦湯汁，撈埋龍蝦肉同埋炒米粉。龍蝦汁嘅味道香濃鮮甜，龍蝦肉都好爽口鮮甜。好味！👌🏼古法金錢雞其實就係一嚿雞肝上邊插住一嚿肥豬肉，再點甜甜地嘅蜜糖汁。雞肝質地有啲乾，肥膏整得幾爽口。雖然係好邪惡，但味道唔錯嘅。蜜汁脆燒鱔符合預期嘅味道。👌🏼百花炸釀松葉蟹鉗超級大嚿！味道同平時酒樓食嗰啲差唔多。石澳梅菜蒸菜心菜心幾清甜，撈埋梅菜又帶點惹味。唔錯。👌🏼啫啫生菜煲：味道正常整體嚟講，黑松露燒鵝同埋龍蝦湯炒米粉最出色。其他就係正常酒樓水平。…Read More

聽過神燈呢間酒家好耐，見到好多人都會去食下海鮮，最近終於去了！酒家入面都有好多位，而且多數人係好多人一齊坐圓台好熱鬧。原來不止海鮮，小菜類都幾多。先說當晚最喜歡的菜色- 🦀️糯米炒膏蟹超驚喜地好食，一開蓋已聞到好香的蟹味，揭開蟹蓋更加係超多膏，食落去膏味似蛋黃，好香口😋😋而且蟹肉好新鮮鮮甜！至於糯米粒粒分明得來好軟香，吸收了蟹的精華好濃香，還有好多飯焦，口感幾好，可以話每一啖都係一個享受另一款必食之選- 🐷伊比利亞叉燒皇同樣充滿驚喜，估唔到叉燒都可以咁好味！肉質是超軟嫩，而且少肥得來都可以做到入口即溶的感覺，的確出色😋另外仲點了幾款都幾有水準的菜色-🦀️百花炸釀松葉蟹鉗入面係新鮮蟹肉，口感幾彈口🌟海哲彈口，配上味道酸酸的醋，開胃得來口感幾好。🐟粟米深海鱈魚柳看似其貌不揚，入面的魚肉也相當有水準，是白雪雪的新鮮魚肉，而且是啖啖肉。這裡的服務都好好，食蟹時每過一陣子就有店員幫我們換碟。👍🏼最後還有自家製的果凍，甜度適中 ，奶香味重，真係由頭到尾到好滿足😋😋…Read More

好耐都冇食過高質嘅粵菜，比呢間餐廳嘅糯米炒蟹吸引左，就決定今晚要嚟試下😋餐廳食物款式多，並融合傳統及新派意念，總有幾款啱你口味。▪糯米炒膏蟹 大大隻蟹蓋放喺飯上面，一揭開放著滿滿橙紅色的蟹膏😍蟹肉亦十分鮮甜🦀糯米飯炒得香口，口感煙韌，吸晒蟹膏嘅精華，甘香可口用砂鍋上能夠保持飯的熱度，食到底仲有唔少飯焦😝▫百花炸釀松葉蟹鉗 外層炸至金黃色，食落脆卜卜；中間包着一層蟹膠，十分彈牙；內裏的松葉蟹鉗真材實料🦀肉質鮮甜。吃起來口感豐富😆▪即燒伊比利亞叉燒皇 叉燒每件肥瘦均勻，入口鬆化，肉質軟嫩多汁。外層塗滿蜜糖，甜甜地亦令色澤更光亮，略帶焦香食落更加香口😚▫越式牛肋骨 熱辣辣嘅牛肋骨煲，一上枱香氣撲鼻😌牛肋骨抆得入味軟腍🐮配上大量洋蔥🧅青椒等配料，份外惹味。▪法式蜂蜜芥末蝦球 外脆內彈牙的蝦球，粒粒都炸得酥香而不油🦐法國蜂蜜芥末醬，以葡萄酒、雪梨酒、蘋果酒來調劑酒醋，並與芥末籽調和，為蝦球帶來微酸的醇厚酒香🥂▫甜品自家製布丁香滑細膩，牛奶味香濃，亦為這一餐飯畫上完美的句號🍮…Read More

臨近父親節，乘著有時間，便帶屋企人品嚐懷舊的粵菜。這裡分為兩層，上樓便有寬敞的空間，有卡位也有圓枱，巨型的魚缸有林林總總生猛的海鮮。就連茶類也有較特別的玄米茶，茶色淡綠，香味清新，口感淡而不澀。更有餐前小食—琥珀合桃，琥珀焦糖加上白芝麻，甜而不膩，超好食。糯米炒膏蟹 生長於鹹淡水交界的斗門蟹足足有14兩，鮮甜的蟹汁滲透於軟糯的糯米飯之中，夾雜大量蟹膏及蟹肉非常甘香，而蟹殼及蟹身也有很多肉，熱騰騰的石鍋更令糯米飯帶點焦脆香。伊比利亞叉燒皇 伊比利亞的豬造出來的叉燒最佳，肥瘦均勻，燒得略帶焦香，滿佈油亮的蜜糖，入口肉質好細緻、軟嫩多汁。百花炸釀松葉蟹鉗 即叫即炸金黃又酥脆的蟹鉗，脹卜卜又紮實，咬開充滿爽滑彈牙的蟹肉。法式蜂蜜芥末蝦球 外脆內彈牙的蝦球有很多粒，粒粒都炸得酥而不油，香甜的蜂蜜芥末醬更帶出蝦球的鮮甜。椒鹽豬手 整件也滿佈炸香的椒鹽，帶微微惹味辛辣，每一口也是滿滿的膠質，十分軟腍。百合紅棗雪耳糖水 起膠的雪耳好濃甜潤滑，冰涼又滋潤。牛奶布丁 自家製的布丁好香滑細膩，有著濃厚的牛奶味。…Read More

同屋企人食海鮮既話, 中式係比較好! 今日試左佐敦一間海鮮酒家~ 🦁 服務｜好細心 會問上菜方式想一次過上定有咩上咩. 食到中間會換碟 真係好似去酒店飲咁~🦁 環境｜裝修雅致. 精美既茶壺🫖, 竹書menu, 拱橋既裝置都好有特色! 岩business meal, 朋友/屋企人聚會~-🦁 獅心推薦百花炸釀松葉蟹鉗 ($58@1)｜伊比利亞叉燒王 ($228)｜星洲麥皮蝦 ($248)平時去飲都係好鍾意食蟹鉗, 依個即炸熱辣辣 仲啖啖肉! 叉燒肥瘦均勻 夠鬆化!-🦁 其他菜式招牌焗魚腸 ($108)｜越式牛肋骨 ($168)魚腸唔係道道食到, 因為工序太繁複. 依個好出色! 魚腸既油香加滑蛋🤩-🦁 神燈海鮮酒家佐敦長樂街14-20號18廣場地下及1樓🦁獅子變貓咪指數: ❣️❣️❣️❣️/5…Read More

又就嚟到父親節啦，我哋提早左一個星期食飯慶祝～之前偶然睇到食評，見到呢間位於佐敦長樂街既神燈海鮮酒家 ，d野食好似好好食；就揀咗呢間；去到阿爸阿媽話聽過呢個名，原來已經開左好多年，但之前唔係呢個位置。要上一層才是坐位，餐廳需不太大，但台與台之間用膠簾隔住，感覺衛生安全。我地叫左以下食物：飲品餐牌，叫左支藍妹啤啤佢：先送來餐前小食，椒鹽炸白飯魚：再來蟹鉗，因為好耐冇去飲，好耐冇食過，呢度既蟹鉗大大個，好彈口😋再來豆腐盒，煎得剛好，好味：麥片蝦，好香好惹味：粉絲鍋，冇諗過咁好食，炒得很乾身，十分惹味，仲可以撈飯食：燒鵝，正：竹笙勝瓜，清甜美味：附送的桂花糕，清新及不會太甜：每碟都食清哂，非常滿足，會再來食～…Read More

之前食過神燈既午市點心放題 覺得質素唔錯 今日我地專誠泥試佢哋晚市既中菜🤤 晚上7點去到已經好多客人 果然受街坊歡迎😆今日一心泥試既係佢地3款經典招牌菜式: 新加坡麥皮蝦 伊比利亞叉燒皇同百花炸釀松葉蟹鉗😍 麥皮蝦起源自新加坡 而家喺香港都食得到 炸麥皮香脆得有如炸蒜 包住爽口彈牙既大海蝦 果然滋味😋 伊比利亞叉燒皇見到個賣相已經流晒口水 叉燒厚身 每件都肥瘦均勻 口感鬆化 唔會太腍太硬 加上燶邊真係超出色😱👅 百花炸釀松葉蟹鉗特別選用松葉蟹肉炮製 非常大隻 比平時既炸蟹鉗更鮮甜 香脆內彈牙👍🏻除左以上3款經典菜式 我哋仲試左金湯海皇豆腐同荷葉麒麟蒸雞🐥 金湯海皇豆腐真係非常好味 有鹹蛋黃嘅鹹香味 加上蝦仁 帶子等食材提鮮 同豆腐配合得天衣無縫🤤 荷葉麒麟蒸雞雞肉非常入味 又夠滑 都唔錯架👍🏻 大家有機會真係要過嚟試吓佢哋嘅中菜🌟…Read More

酒家樓高兩層, 環境整潔, 主要有卡位同大圓檯, 坐得都好舒服, 服務到位, 菜式方面選擇多, 水準都唔差🤗個drink menu用左竹簡present, 好頂癮🙊🍴ᴍᴀɪɴ·星洲麥片蝦 $248﹟原來係新加坡名菜, 好似係啲木糠到尋寶咁, 幾得意, 最後俾我搵到6隻蝦🦐😂隻隻都好大隻同埋實肉, 唯獨果日食落蝦肉唔係好夠爽口彈牙🤔麥片仲加入左啲鹹蛋黃炒, 幾香脆, 調味帶東南亞風味🙊🍴ᴍᴀɪɴ·農家煙燻黑豚叉燒 $228﹟肥瘦比例恰當, 厚切, 食落都夠軟腍, 不會痴牙😋個蜜汁夠曬香甜, 外層可以燒脆啲啲都仲得🤣🍴ᴍᴀɪɴ·蜜椒金薯牛肝連 $158﹟依個小菜個人幾喜歡, d牛肉粒柔軟, 幾juicy, 不鞋口, 粒粒都沾滿香甜蜜糖味, 又帶點黑椒香😍如果d薯仔粒整到脆皮的話, 相信口感會更加豐富, 但整體都不失為一味招牌菜👍🍴ᴍᴀɪɴ·百花炸釀松葉蟹鉗 $58/隻﹟炸到熱辣辣, 外層脆口, 咬落去淡淡肉, d蝦膠好彈牙🥰個蟹鉗仲連住有d蟹肉, 真材實料😎🍴ᴍᴀɪɴ·蟹肉菠菜豆腐盒 $118﹟豆腐盒個口感似食緊玉子豆腐, 入面幾嫩滑, 有淡淡蛋香, 面頭就有d蛋白、蟹肉絲同蟹籽🤩雖然見到d綠綠地既菠菜, 但食落菠菜味不是太突出🤔🙈…Read More

早陣子想搵間油尖旺既食店，要坐得舒適，又要好味，於是俾我搵到“神燈“。見食評5差，加上有朋友剛巧食完也讚賞，於是我又係openrice book 位兼買咗1張飲食券 (可以慳$50)。食店話有2層，但我覺得地下果層應該5係招待客人，實則只得1樓係營業。由於時間尚早，6pm，只得1-2枱客。我地7條分2枱，有塊膠板隔住。不過我果張同隔離枱就貼住，只靠一塊垂下來的膠幕分隔。好彩我地食到差不多尾聲才有人黎坐，才無咁擠迫。講返服務，員工們有禮，動作勤快。上菜90%都好快，只係最後一道慢咗d，可能要即燒，要點時間吧~首先每枱一碟前菜。。。炸白飯魚 ($25)跟住由我發板：1. 金湯海皇豆腐 ($138)：砂窩上，豆腐滑到跟百福一樣，我只搵到帶子粒，其他海皇材料就5多覺2. 百花炸釀松葉蟹鉗 ($58/隻)：好味。雖然貴咗d，但物有所值。蝦膠蟹肉真係好口感~3. 砵酒桶蠔煲 ($198)：有6隻。香氣濃，很入味~隻隻都幾大隻，煮得剛好。4. 香茜蟹味銀絲鍋 ($98)：坦白講，我覺得呢個太普通，顯現5到廚師功架。有少許蟹肉絲炒粉絲，然後再灑蟹籽。5. 叉住韓豬燒 ($228)：每嚿都差不多半吋厚，肥中帶瘦，夠稔。加上醬汁，好味~6. 懷舊蝦多士 ($158)：有6件。煎炸嘢，係香口既~7. 星洲麥皮蝦 ($248)：炸過既麥皮將蝦蓋過了，我也沒數有多少隻。每隻蝦係大既，夠咬口。麥皮。。我齋吃了2小匙，有點硬咽，所以只好將麥皮撥埋一旁。8. 半隻乳豬 ($418)：係我太貪心了，應該叫個例牌 or 1/4 就夠，畢竟乳豬係多油份，比較膩。乳豬層皮整得好薄，廚師真係盡力將肥羔飛走，好刀功! 肉就切一條條，去了大部份骨。真好味，但也真好飽飯後送桂花糕~茶：$15/位白飯：$15/碗埋單$2,177…Read More

神燈？我細細個就聽過哩個名啦！前排上網見到神燈重開 真係忍唔住要試🙌🏻新神燈依然都保留左傳統粵菜同埋生猛海鮮嘅賣點 唔同嘅係佢哋多咗好多特色小炒！店內裝修以江南蘇杭典故為主題 平日人流都唔少 大家去之前記得book定位👍🏻·星洲麥皮蝦 $248第一次試呢道新加坡名菜 估唔到有成6隻大蝦！未食已經聞到勁大陣香味 大蝦已開邊處理 食落啖啖肉 仲有滿滿蝦膏👍🏻麥皮炸得香脆 可以媲美炸蒜 好特別嘅效果 唔錯唔錯！·伊比利亞叉燒王 $228賣相好吸引 望落飽滿有光澤 呈半肥瘦紋理 叉燒頭尾仲有焦香嘅「燶邊」仲要切得厚身👍🏻食落夠哂juicy軟滑 肥Glor都忍唔住WA左一聲啊！·百花炸釀松葉蟹鉗 $58/隻食落似即叫即炸 熱辣辣+卜卜脆 炸粉唔會好厚 表面亦唔會好油膩 一啖咬落去仲有淡淡鮮甜彈牙嘅蟹肉 食到中間仲夾雜左啲蟹鉗肉 掂！·石澳梅菜蒸菜心 $108梅菜預先炒過 鑊氣十足 再鋪上菜心面 香氣逼人 菜心亦十分爽脆多汁👍🏻·滷水拼盤 $178（掌翼、豬大腸、豬肚）值得一讚嘅係全部內臟都洗得好乾淨唔會有異味 份量都唔少 食落好惹味 唔會好韌！·杞子桂花糕最後員工仲主動贈送甜品 桂花糕晶瑩剔透 味道水潤幼滑 食到好滿足～*茶介每位$15 我地叫左玄米茶，餐前小食$25 當日係蜜糖核桃🙌🏻#𝙛𝙚𝙞𝙜𝙡𝙤𝙧_𝙚𝙖𝙩📍 神燈海鮮酒家 (佐敦)佐敦長樂街14-20號18廣場地下及1樓…Read More

❀ 神燈海鮮酒家 #佐敦 ❀❗️超高質激惹味中菜小炒 仲有罕見焗魚腸麥皮蝦❗️——————————————————獲得唔少報章雜誌推介🔥原來「神燈」係曾經喺佐敦上海街當紅一時晚餐熱點，可惜前幾年不幸結業。而家新開張嘅「神燈」係由當時舊街坊重開，希望讓大家重拾當時嘅風味。背後班底同埋菜式都同當年嘅「神燈」不一，但就保留左幾度最主打嘅菜式，包括越嚟越罕見嘅焗魚腸，另外亦加入唔少改良過的新派中菜😆雖然格局同普通酒樓冇太大分別，但味道真係好出色，款式亦比一般酒樓更加多，值得一讚係連服務態度都好好，同平時去開嘅酒樓有好大分別！無論係年輕人定係成家人去都適合。.✷𝑀𝑒𝓃𝓊✷☞ 招牌焗魚腸 $108 (4.1/5)初嘗焗魚腸，真係一道香港買少見少嘅菜式！見到餐廳嘅報章介紹係佢哋嘅招牌之一，果然唔錯🥰！其實係一道香口嘅焗蛋，不過加入埋魚腸、魚肝、豬肉絲、油炸鬼，再用上少許陳皮調味。而且佢哋仲用上更高級嘅材料，包括日本雞蛋同埋15年嘅陳皮，係一道值得一試嘅菜式🔥！.☞ 農家煙燻黑豚叉燒 $228 (4.5/5)好香好香嘅叉燒😍！大約三分之二瘦肉、三分之一肥肉，入口非常之腍，油香比例剛剛好。加上香甜嘅蜜汁，味道係偏甜少少，但我自己好鍾意，用嚟送飯一流！唯獨要挑剔嘅係表面未夠酥脆，同貴咗少少🙈。.☞ 星洲麥皮蝦 $248 (4.1/5)作為新加坡嘅名菜🌟真係非常香口，有避風塘嘅感覺！將炸蒜換上麥皮，炒到極香，仲滲透着鹹蛋黃香氣。每隻蝦都非常大隻，啖啖肉又爽口，再點一點啲麥皮一齊食真係超級好味！啲蝦膏亦都非常之鮮甜，大推💥！.☞ 百花炸釀松葉蟹鉗 $58/1 (4.2/5)好耐冇見過咁足料又咁大隻嘅炸蟹鉗🦀！用上松葉蟹，再用口口嘅蝦膏包住，完全係外脆內彈牙，就咁食已經夠晒美味。再點一點醋，減輕膩感💯。.☞ 姬松茸滑雞煲 $168 (4.1/5)因為道道菜都實在太好食，呢個就相對冇咁大驚喜，就係普通雞煲🙈。將平常嘅麻辣汁換上甜醬油汁，加埋大量姬松茸。值得一讚嘅係啲雞真係好滑，係我食過咁多個雞煲當中數一數二。——————————————————✨整體味道: 4.3/5 ✨環境裝修: 3.8/5✨服務態度: 4/5✨性價比: 3.8/5✨再訪興趣: 4/5 .💞整體來講雖然價錢比起一般酒樓貴少少，但係質素真係好高，而且有好多罕見嘅菜式💯當中焗魚腸同麥皮蝦真係必試，另外即使叉燒都煮得非常好👍🏻服務態度亦唔錯，係一間適合年輕人或者一家大細去嘅酒樓！…Read More

今日book左係佐敦既神燈海鮮酒家同屋企人小聚，上到一樓就發現環境好大，旁邊有卡座、中間有圓桌，想要私人空間更有貴賓房，裝潢雅緻，坐得舒適，店員服務都唔錯，多人服務之餘，經常為我們換新碟👍🏻茶位$15/人，前菜$25一小碟，合桃味道不錯，但比較碎豉椒炒蟶子皇 $240 8/10用蟶子殼疊成井形去盛載肥美厚肉蟶子，一黎就比豆豉的香味吸引，蟶子好爽口☺️鮮味十足，豉椒汁不會過濃，仲配搭燈籠椒的甜味，非常不錯星洲麥皮蝦 $248 7/10外型有點似避風塘炒蟹🦀但呢道菜就唔辣，同埋用左大量麥片包住大隻海蝦，海蝦入口酥脆香口，新鮮彈牙，麥片呈金黃色，不過就冇想像中咁脆，整體唔會好油膩😋百花炸釀松葉蟹鉗 $58/隻 7.5/10比起一般係飲宴食到的炸蟹鉗大隻，不過味道就冇太大驚喜，食唔到松葉蟹肉，但炸得出色，炸至金黃色🤣夠乾身之餘，冇油淰淰既感覺，蝦膠爽彈，沾少少甜酸醬食相當滋味伊比利亞叉燒 $228 8/10伊比利亞叉燒出名肥瘦適中，做叉燒一流，一夾起叉燒已經滴緊燒汁，令人垂涎三尺🤤微燶的邊位火候十足，肉質幾鬆軟細緻，不過未去到入口鬆化…Read More

見有好多人都嚟呢間海鮮酒家食飯 啲餸都好吸引💓所以嗰日就同朋友嚟試吓🤤不過價錢都幾貴 食咗五個餸 要成千蚊🙈但係全部都有特色 仲有甜品送 唔錯😎.📌星洲麥皮蝦 $248呢款係呢度嘅招牌菜 幾乎每枱都食✨佢係新加坡嘅名菜🇸🇬用香脆燕麥包住彈牙海蝦🦐口感真係幾特別🥰麥片好易炒燶 真係好考師傅功力💪🏻神燈師傅曾經係新加坡大廚 夠晒經驗👍🏻麥片冇炒燶 蝦殼都炸到好酥脆😋最正係佢啲麥片仲有加埋鹹蛋黃同蔥一齊炒 相當惹味😌個蝦除咗夠鮮甜之外 仲好入味 啖啖鹹蛋黃香💛.📌百花炸釀松葉蟹鉗 $58/1佢哋係用咗松葉蟹肉 肉質鮮甜🤩蟹鉗外面係厚厚嘅蝦膠 再拎去炸🔥金黃色脆卜卜 脹卜卜啖啖肉🤤外面香脆 入面嘅蝦膠夠彈牙 雖然係炸但係唔油膩 炸皮超薄😍.📌燒汁茄子牛肝連 $158牛肝連其實就係大家成日聽嘅封門柳😎每隻牛都淨係得細細舊 相當珍貴😆肉質嫩滑 牛味夠濃🐮茄子炆到好軟熟 又入味🍆不過我就覺得醬汁太多 同偏甜咗少少🤏🏻.📌石澳梅菜蒸菜心 $108睇落煮菜心好易 但其實好難控制火侯😢呢到嘅菜心我好滿意💯唔會太硬唔熟 又唔會overcook太腍 夠清甜又嫩😍梅菜鹹度剛好 帶少少甜 配埋個菜心食就啱啱好😝.📌伊比利亞叉燒皇 $228佢係西班牙嘅豬肉 肉味好濃🇪🇸燒得都好均勻 脆脆地😋不過口感就比較失望🙍🏻好韌少啲牙力都食唔到🦷所以朋友食唔到 我清晒☹️同埋佢唔係半肥瘦 太多肥膏 有一半都食唔到😢但係個油脂味配埋個蜜汁又真係幾香口🤓…Read More