Ask For Alonzo (雍翠臺)

餐廳：Ask For Alonzo地點：上環必列者士街菜式：意大利近地中海省份的菜式餐牌：Tasting Menu包前菜4選1，主菜6選1，同甜品3選1或者餐後甜酒/咖啡/茶，價錢$288加一。某些菜式要加錢。麵包配自家製松露加巴馬臣芝士醬麵包每人有兩款各一片，聞到香噴噴上枱架！分別加有果乾同sun-dried tomato，味道本身甜甜地，烤得外脆內鬆軟，配自家製松露加巴馬臣芝士醬，食落更香滑。Roman Meatballs羅馬肉丸3粒，配番茄醬及巴馬臣芝士 加$38 另加一羅馬肉丸用熱辣辣煎pan上枱，肉丸有牛有豬，面頭加上巴馬臣芝士醬，再加少少黑椒，下底有番茄醬。肉丸唔會死實或者過鹹，味道口感都唔錯，而芝士會拉絲，加上甜甜地番茄醬，非常好味。Sauteed Clams白酒炒蜆配香辣檸檬白酒高湯及香脆意大利香草包 加$48 另加一連殼蜆有十幾隻，雖然唔太大隻，不過都好嫩。個汁味道唔錯，只係微辣，酒味唔濃，加左好多蒜片，辣椒同香草，味道少少酸。配有兩片脆口多士，可以點汁食。Alonzo's Carbonara卡邦尼意粉配風乾豬面頰肉，意大利雞蛋及黑胡椒充滿黃色醬汁al dente spaghetti面頭放有好多香脆鹹香風乾豬面頰肉，再灑上滿滿芝士粉。呢度用唔粗唔幼意粉，少少似烏冬，口感唔錯。醬汁豐富滑溜，適合喜歡重口味人士。Spaghetti Alle Vongole白酒蜆肉意粉蒜蓉白酒檸檬汁炒蜆肉意粉伴意大利香芹 白酒蜆肉意粉用大大隻兜上枱，幼身spaghetti好al dente，灑上香草，同Carbonara比你既味道完全唔同，呢個係比較清淡。廚師貼心將7隻連殼蜆放底，等意粉唔會太淋。蜆非常飽滿同鮮美。調味料有蒜片同辣椒，都好惹味。Cheesecake芝士蛋糕配士多啤梨醬大大件芝士蛋糕面頭加上士多啤梨醬，碟上面再加上紅莓醬同灑上糖霜。芝士蛋糕好滑，加上脆脆餅底同莓醬好美味，唔會太膩，口感似布丁。鮮蘋果汁，鮮橙汁 各$48 另加一鮮橙汁有好多果肉，飲得出係新鮮，唔甜。而蘋果汁就好清甜。今餐食物唔錯，意粉感覺好正宗。地方位於半山上，好清靜。餐廳環境半開放，感覺好chill。外籍服務員態度友好。…查看更多

周末繼續我的早午餐，來到Ask for Alonzo享用地道意式早午餐； 如果有帶毛孩前來，可以到門外位置用膳，旁邊還有幅美美的打卡牆呢﹗ 中午12時已經座無虛席，因為HK$268即可享用Uncle Bruno精心炮製的特色前菜拼盤，以及主廚精選意粉、主菜及甜品各一款；這個意式早午餐不包飲品，可另加HK$198享2小時無限任飲紅酒、意大利汽酒Prosecco、啤酒、伏特加等等，或可另加HK$68(每杯)享用cocktail。 先以自家製餐包配松露巴馬臣芝士醬打開序幕，這天的合桃提子包及香草蕃茄包好香口呢﹗ 前菜拼盤超級豐富，一板是2人份量，有精選風乾火腿及芝士、羅馬豬肉丸配蕃茄醬及巴馬臣芝士、酥炸魷魚配小酸豆及檸檬蛋黃醬，還有「Breakfast in Tuscany」- 風乾火腿蛋多士。 羅馬豬肉丸好有份量，酥炸魷魚酥脆彈牙，即叫即製就是這樣美味可口。 Breakfast in Tuscany 風乾火腿蛋多士，可自選煎蛋、烚蛋或炒蛋，我愛嫩滑的炒蛋，放在香脆可口及熱烘烘的多士上，增添口感。 吃過前菜拼盤後，好像已經飽了一半，來到意粉，幸好不是A LA CARTE份量，不然我要做大嘥鬼了﹗ 4款意粉確實每款都想試，幸好與朋友前來，每人點一款，可以試齊幾款口味。 說實在，意粉好出色，味道相當到位，即使每款嘗一口，中間不用清口腔，也能立刻嘗到第二碟意粉口味而不會相撞。我最喜歡白酒蜆肉意粉，加入新鮮辣椒同炒，香氣撲鼻，好惹味。 香濃的卡邦尼意粉，加入了咸香的羅馬風乾豬面頰肉、煎蛋及黑椒，相比平日吃的卡邦尼意粉，這個是重口味之選﹗另外還有蕃茄羅勒意粉及松露蘑菇扁意粉。 主菜有3 款，我偏愛意式紅鯛魚配香烤薯仔及西西里蕃茄醬，魚肉好鮮甜幼嫩，對於已經十成飽的我來說，仍然可以吃得下。 要可口要大份量的，Alonzo Milanese配巴馬臣炸薯條、火箭菜沙律、西西里蕃茄就最適合不過啦﹗ 另外還有素食之選，香烤松子時令蔬菜。甜品嘛，我３款都喜歡，想吃得低脂，可選希臘有機乳酪配Granola燕麥片、蜜糖及新鮮紅莓。而這道法式布里歐多士配意式Mascarpone軟芝士及新鮮野莓糖漿，多士表面金黃酥脆，口感柔軟，野莓醬酸甜得宜，比較有驚喜。另有白朱古力意式奶凍配新鮮野莓糖漿。 …查看更多