熊小館

黎megabox睇戲，睇到哩間熊小館全喺啲熊仔好得意喎，當然要進來試下啦。侍應安排左一個好啱影照啲位比我地，一隻1米大啲熊仔陪我們食飯，真喺忍唔住影多咗幾張靚相。而且每張檯都會有隻小熊陪住食嘢，一個人來食都唔會覺得悶啦~意式焗肉醬茄子， 茄子新鮮出爐熱笠笠，肉醬和芝士比得一啲都唔孤寒，每一啖茄子都食到好多芝士同肉醬，好味！白酒忌廉煮藍青口，滿滿一大碗差唔多有20隻藍青口，藍青口好大一隻，同忌廉汁好夾，食落去好鮮甜，仲加左啲香菜，味道都幾豐富。蜂蜜味bbq燒豬仔骨，豬仔骨都幾大一件，燒得啱啱好，配啲醬汁好惹味，仲搭配左沙律和薯條，沙律都幾fresh，薯條夠香脆，點返啲醬汁好好味。嘢飲揀咗檸檬草氣泡水同埋黑熊，檸檬草氣泡水酸酸甜甜唔錯，黑熊上來好得意，有一隻熊仔抱住一粒朱古力雪糕，打卡一流。甜品揀咗玫瑰法式燉蛋白，焦糖脆啵啵，蛋白好幼滑，同淡淡啲玫瑰清香好match。侍應睇到我們兩個人只叫咗一個甜品，仲送多一個焦糖蛋白比我地，超nice喎。食到好飽，埋單都唔夠400HKD，晚市黎講真喺好抵食，一定會再encore！…查看更多

早年來食過幾好食，西餐來說經濟化算，二人餐都幾抵食。餐廳有好多熊公仔可以相伴留倩影，打卡都唔錯～白酒忌廉煮藍青口 $68藍青口差唔多有兩打，肉比較細粒味道就好鮮美，個汁好cream好香酒味。二人套餐 $298套餐：羅宋湯配法包湯料十足味道濃郁，酸酸地微辣，好啱凍天氣飲，配以牛油法包perfect。套餐：法式香草牛油焗田螺用鐵板上熱住食幾好，螺肉口感彈牙味道鮮美，薯蓉軟滑，撈點醬汁味道唔錯。套餐：卡邦尼煙肉扁意粉扁意粉口感韌煙彈牙，芝士味濃好掛汁，食落好creamy好美味，仲有好多煙肉碎和蘑菇配料，意粉份量十足食得非常滿足。套餐：鐵板肉眼扒肉眼扒相當大塊，七成熟肉質軟腍，充滿肉汁，淋上黑椒汁惹味。仲有粗薯條、煙肉、長豆角、栗米粒和車厘茄，配料十足，食完幾飽肚。套餐：飲品叫左兩杯阿華田，一凍一熱味道正常。…查看更多

［熊小館 (九龍灣)］CP值高 熊仔打卡店地址：九龍灣宏照道38號企業廣場5期Megabox 11樓推薦度（10👍🏻滿）：8.5👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：9⭐️賣相（10⭐️滿）：8⭐️味道（10⭐️滿）：9⭐️價錢（10⭐️滿）：9⭐️服務（10⭐️滿）：8⭐️地點（10⭐️滿）：7⭐️返咗四日工想relax下，成日都係港島區，而家又冇得去旅行，過下海當去散下心😜，搵下啲新搞作。喺OpenRice，見到依間Cafe有好多熊仔，啲嘢食又好似唔錯，放工就約人黎試吓。預備迎接Happy Friday😂去到見到，原來成個商場都開始用緊聖誕裝飾好有氣氛，連間餐廳都有聖誕樹喺度，又有熊仔，非常西式嘅一個聖誕。即時係咁影相。見到有唔少小朋友，仲有小朋友生日，原來佢哋有一個遊戲地方係比佢哋玩嘅。但隔開左又完全唔覺得嘈。而店員都好細心，有小朋友唔小心查打寫咗啲嘢飲，佢哋都好快幫忙抹返。成間餐廳都好大，全部主題都係用熊仔去佈置好特別。坐近露台位，仲可以睇到樓下嘅溜冰場 👍🏻望望下發現原來佢哋仲有個房仔係party Room咁，有少少私人地方最多可以有18個人添🙋🏻‍♀️🙋🏻🙋🏻‍♂️🙋🏻🙋🏻‍♀️🙋🏻‍♂️🙋🏻‍♂️🙋🏻🙋🏻🙋🏻‍♀️🙋🏻🙋🏻‍♂️🙋🏻🙋🏻🙋🏻‍♀️🙋🏻‍♂️🙋🏻‍♂️🙋🏻講返啲食物啦😋CP值好高又夠份量，上菜速度好快，但啲野熱辣辣唔係海鹽炸薯條🍟$40我成日都覺得一間餐廳好定唔好睇佢個薯條就會知道，呢間餐廳係我暫時食過最好食嘅炸薯條，真係可以話係外脆內軟。白酒忌廉煮藍青口 $68份量好足，好夠青好味😋，相對之前食過嘅算係正常尺寸，但肉質非常彈牙😬，唔會好似有時嗰啲「梅梅」地咁，而且仲要冇沙，冇錯我以前喺其他餐廳曾經食過有沙😓。鐵板肉眼扒 （$155）我哋叫咗七八成熟，非常好佢做到啱啱好，唔會煎到好韌又唔乾，都幾滑。心太軟（$42）好好食，朱古力味好濃，真係做到流心，旁邊有啲桃粒同忌廉，早知就加多球雪糕啦🍨另外仲叫咗兩杯嘢飲，檸檬草氣泡茶同香橙薄荷特飲，我自己鍾意檸檬草個杯多啲。…查看更多

👧🏻Wodafoodie in Kowloon Bay呢間以🐻啤啤熊做主題既特色餐廳每次經過都覺得好得意好靚😍周圍都有啤啤熊既毛公仔做裝飾，每張枱上都有一隻小熊，仲有一個角落有齊圖書、毛公仔、玩具俾小朋友玩，可以俾小朋友係個到放電，大人就慢慢享受食物，真係一間好貼心既親子餐廳😆☺️好開心可以坐到呢張枱隔離有隻大既啤啤熊可以俾我影相😍✨🐮磨菇紅酒汁牛柳伴法式田螺 $158牛柳叫左五成熟，好嫩好嫩🥰本身已經夠味唔點汁已經好好食！法式田螺上面鋪滿左幼滑既薯蓉，田螺好厚肉，配埋薯蓉同醬汁一齊食勁夾勁好食🥰可能係親子餐廳既源故，佢除左磨菇仲有露筍粟米車厘茄，好欣賞佢加咁多蔬菜令成道菜健康左好多☺️✨🐥特濃芝士鐵板雞扒 $98呢個雞扒我勁推介！！！鐵板熱到辣手，但係雞扒都仲保持到好嫩滑😍！！切開仲要好juicy，啖啖肉，配埋特濃芝士真係食到lam lam脷😝✨🍝香草醬乾蕃茄野菌闊條麵 $69本身諗住食清d就叫個素意粉，估唔到佢個香草醬咁香又落得頗多，所以每條闊條麵都掛曬汁好好食！😋比起食白汁感覺清新好多無咁膩。✨🐚白酒忌廉煮藍青口 $68估唔到青口份量咁多！個汁係好香濃既忌廉，好入味😋✨🍮玫瑰法式燉蛋白 $25用左玫瑰花做裝飾，presentation 超靚呀😍蛋白上面有一層脆脆既焦糖，蛋白好滑好鍾意！❤️❤️❤️📍 熊小館 (九龍灣)九龍灣宏照道38號企業廣場5期Megabox 11樓…查看更多

之前從來唔知香港有一間熊仔餐廳，地點位於MEGABOX，勁近我返工地方，就決定放工去食下!!去到餐廳簡直係少女心爆發，餐廳每張枱都有隻小熊仔同你食飯!餐廳各處都有好多熊仔擺設，可以同佢不停影相!!果度最特別既係有間好靚既房仔，咁岩有人慶祝緊生日，我就無影到個裝飾啦~同埋有個小朋友玩樂地區，小朋友一見到咁多熊仔都應該好開心呀!!晚市黎講餐廳價格真係唔貴，二人套餐HK$298，包左1個湯，1個小食，2個主菜，甜品同飲品!我地今次就揀左個二人套餐，另外再叫多個小食~🍡歐陸式濃湯+ 牛油法包今日飲個湯係磨菇湯，我鍾意佢質地比較稀身，飲完唔會一秒即飽!牛油法包熱辣辣咁上，好香既牛油味，點埋落個湯度真係好好食!🍡法式蛋黃醬焗鮮露筍第一次嘗試到蛋黃醬同露筍既配搭! 露筍鮮綠甘香，味道鮮甜，加上微咸嘅蛋黃醬更特顯出露筍嘅鮮味，係一道健康又好味嘅開胃菜🍡白酒忌廉煮藍青口青口份量好多，同時都煮到好入味，餐廳都好貼心俾個碗仔你裝住個殼!🍡深海帶子拼醬燒汁牛柳我地今次叫左7成熟，牛柳肉質多汁，帶子唔會煮得太過火，薯條都炸得好脆!🍡卡邦尼煙肉扁意粉每啖意粉都掛上香濃卡邦尼汁， 配上煙肉 又可以增加口感!! 🍡曲奇雪糕至於飲品方面，我地都加左錢轉左兩杯特飲🍡黑熊一黎到就覺得隻熊仔好得意，原來係由草莓既糖水組成! …查看更多

係九龍灣行街時，見到有間好可愛的熊小館Cafe Med @cafemed_hk ，但我記得以前去其他分店既cafe med係叫紅蔥頭，記得價錢係比較親民，野食都唔錯，今次見改左名，以熊啤啤做主題就入去食。一入去都覺得充滿左童心， 裡面放滿熊啤啤，要抱實影相打卡！如果係一家大細，帶小朋友來一定玩得好開心。我地叫左以下晚餐..▪️鐵板什扒(豬扒、雞扒、煙肉)▪️鐵版薄西冷+豬扒▪️白酒忌廉煮藍青口▪️心太軟▪️凍紅豆pop pop▪️凍草子莓莓.. 鐵板系列一上枱，見到份量都幾大，扒都大大塊，而且夠厚，煎得香脆，肉質幾嫩滑，估唔到什扒有埋太陽蛋，幾靚☀️伴菜同薯條都幾多！..青口唔錯wor，賣相很好，好juicy同入味。甜品叫左心太軟，很不錯，估唔到會伴有芒果粒🤣 飲品唔錯，唔會死甜，幾fresh..…查看更多

上年來過覺得幾好味，今次帶亞媽來据下扒。餐廳以熊仔為主題，熊公仔處處，小朋友望見實好開心，好合適一家大細來食。環境確實唔錯非常闊落，仲可望到人溜冰。價錢經濟上年至今無加過價，水準依舊好味。蘑菇忌廉湯配蒜蓉包 (跟餐)忌廉湯味濃郁，滑溜好飲。白酒忌廉煮藍青口 $68廿隻藍青口份量勁多，食極都仲有幾抵食，個汁偏重白酒味好香但就無咁奶油，作為小食前菜都唔錯。軟殼蟹牛肝菌意粉$95軟殼蟹炸得香脆，意粉份量唔少好飽肚，味道好夠，每啖都咬到彈牙菇菌，好足料下。鐵板肉眼扒 $148粗薯條外脆內軟口感味道極佳，配料鮮艷栗米粒、蕃茄、露筍、洋蔥皆見。主角肉眼扒厚切有十六安士相當大份，七成熟肉質軟腍，肉汁豐富，淋左黑椒汁非常惹味。紅豆POP-POP +$18不一樣的紅豆冰，飲到爆谷焦糖味，味道非常特別，甜美可口。熱情玫瑰有玫瑰花香，淡淡的熱情果味，適合少甜朋友選擇。自家制心太軟心太軟層次分明，外層微脆內軟，劏開朱古力漿流出甜度適中，水準不俗，作飯後甜品非常滿足。玫瑰法式燉蛋白 $25燉蛋面有層焦糖脆面，蛋白不算好滑，清清地的甜品。…查看更多

平日很少機會到親子餐廳吃飯這次是被餐廳的佈置主題所吸引的———————————————————我們點了一個二人套餐 |$298，外加一客青口 |$681️⃣ 歐陸式濃湯、牛油法包 (😋3.6/5)十分濃厚的白湯，內含粟米粒、火腿粒，蒜香味很突岀，溫熱的湯配上creamy的質感，十分不錯的開始👍🏻2️⃣ 啤酒脆漿炸洋蔥圈 🍻 (😋3.3/5)脆漿不會過厚 外皮酥脆配上檸檬汁 幾清新不會過膩3️⃣ 蘑菇紅酒汁牛柳 🍷 (😋3.7/5)因為沒有法式田螺薯蓉批 改配帶子薯條牛柳點了三成熟質地軟腍 是剛好的三成熟牛柳配上燒汁和芥茉醬依然吃得岀牛味 🐂帶子滑身 咬下去不會韌薯條是粗身的那種放涼後也不會軟掉 薯仔味香 🥔4️⃣ 蘆筍野菌意大利飯 （😋3.6/5）表面灑滿芝士粉 🧀上枱已聞到好香芝士味蘆筍爽口 野菌份量不少攪拌意大利飯後 汁醬份量剛好飯粒沒有煮得很軟身每口飯也要咀嚼數下 若加上黑松露醬，相信更香濃美味🤤5️⃣ 白酒忌廉煮藍青口 (😋3.2/5)淡淡嘅忌廉味 白酒味唔會太濃食得出青口嘅原味可惜上枱時已有少少放涼少許.套餐亦包含甜品和飲品可惜當晚心太軟已售罄———————————————————👩🏻👨🏻由於是親子餐廳👧🏻👦🏻👶🏻當晚晚餐時段也有不少家長帶同小朋友用膳所以餐廳環境會較嘈吵餐廳內也有親子設施，供小朋友玩耍 🥁當然有不少熊啤啤 可供打卡之用 📸若考慮帶小孩外岀用餐👨‍👩‍👧‍👦是個不錯的選擇…查看更多

成間餐廳都是以熊啤啤為主題，放滿熊啤啤公仔而且地方好大，有一區設了兒童區，放滿玩具吸引了好多小朋友、一家大小來光顧👍🏻情侶來也不錯，因為氣氛幾浪漫💕晚餐有一個2人套餐幾抵食🔶生菜忌廉蘑菇湯配牛油法包法包好脆，個蘑菇湯有著濃濃的忌廉味和蘑菇味有啲似飲緊金寶濃湯，但係係好味既！🔶啤酒脆漿炸洋蔥圈 😐呢個好伏，因為佢洋蔥圈係好薄既一片洋蔥片，外面嗰層脆脆好厚，好多粉，食唔落🔶白酒忌廉煮藍青口$68呢個唔係跟餐嘅，另外獨立叫既一個小食份量都幾多下，無咩白酒味，反而忌廉味幾重藍青口質素正常，都幾抵食🔶美國安格斯牛肩扒（五成熟）好有牛既鮮味，而且有三件牛肩扒，份量相當多不過叫咗五成熟但係都煮到熟得濟啲配菜都好出色，例如紅椒黃椒都有煎過，好juice好香🔶芝士焗蜜桃汁去骨雞髀飯👍🏻呢個好好味，因為佢啲蜜桃汁好特別，又唔會太甜啲雞肉都好嫩滑，呢個相當飽肚，唔怕唔夠飽！甜品方面，跟餐會送一客雪糕加$18可轉心太軟，本來想食完先考慮轉唔轉但個侍應姨姨話每天限量供應，大約10幾個就無我擔心無得轉，所以落單時已經講埋要轉🔶心太軟，無咁出色，佢外面個層蛋糕好軟，唔夠脆，裡面的朱古力醬很稀，只能說普通！…查看更多

係正溜冰場上面, 可以一面睇人地溜冰或打曲棍球, 一路食野, 原來呢到環境好寫意!餐廳有1個小角落,  有大量圖紙及小量玩具, 岩曬一家大細黎食野!啤酒脆漿炸洋蔥圈 - 睇樣已經好震撼, 炸洋蔥圈真係超脆, 個脆醬做得十分好! 送啤酒一流! 小朋友食岩曬, 雖然會熱氣少少.白酒忌廉煮藍青口 - 大大碟藍青口, 隻隻都好厚肉, 十分入味!法式蛋黃醬焗鮮露筍 - 用了BABY露筍做, 條條都好嫩, 配上了蛋黃醬都幾惹味! 小朋友都食到呀!美國安格斯牛肩扒 - 7成熟, 好重肉味, 肉質鬆軟, 配上的薯條炸得好好, 唔錯唔錯~可以加$29配湯及飲品, 今日餐湯係忌廉蘑菇湯, 好好飲, 仲有一年香脆多士.食物好好, 環境都好好, 部份檯會有大BEAR BEAR, 而且有一間半獨立的房間可以開PARTY, 十分不錯!MENU: …查看更多