一喜車仔麵

🍢咖喱四寶 - 魚蛋 │ 魷魚 │ 牛腩 │ 牛柏葉 $59咖喱汁好香濃😍香辣味道剛剛好，魚蛋超Q彈，咬落去很有嚼勁；魷魚鮮嫩多汁，完全冇腥味👍🏻牛腩炆得軟腍入味，牛柏葉則入口爽脆，每樣食材都吸滿咖喱嘅香氣～🔥必食厚叉燒 (半例) $39厚叉燒果然名不虛傳，絕對係必點👍🏻肥瘦均勻，一咬就咬得開完全唔鞋，甜豉油塗得均勻又入味，半例$39嚟講份量很ok😋🥬生菜魚肉 $30魚肉彈牙，搭配生菜加上麻油調味唔錯～🐟極品炸魚皮 $18外皮炸得酥脆，一咬落去脆卜卜嘅聲音超療癒🤩浸一浸店家嘅黃金雞湯再食，味道更加正呀！🍜自選車仔麵 $68↪油麵$12 │ 豬紅$12 │ 豬大腸$15 │ 炸有魷魚的魷魚丸$12 │ 芥末貢丸$12 │ 牛腩汁 │ 秘製黃金雞湯 +$5呢碗自選車仔麵完全係個人嘅夢幻組合✨油麵煮得Q彈有咬口；豬紅軟嫩鮮香；炸有魷魚的魷魚丸真材實料，咬到粒粒魷魚，鮮味超juicy😍芥末貢丸帶點微辣，香氣撲鼻，幾過癮🤣豬大腸軟軟的，完全唔腥；湯底選了牛腩汁+秘製黃金雞湯，雞湯清甜又鮮美，混合牛腩汁好夾，差啲飲哂成碗湯，推薦！🥰🍜自選車仔麵 $56↪油麵$12 │ 魚腐$12 │ 滷水蛋$12 │ 滷水牛腱$15 │ 牛腩汁 │ 秘製黃金雞湯 +$5另一碗自選車仔麵都係叫咗油麵，魚腐軟嫩又有魚香；滷水蛋滷得好入味；滷水牛腱軟嫩多汁，滿滿肉香😍湯底都係牛腩汁+秘製黃金雞湯，濃郁跟清甜嘅碰撞，食到最後都不會膩👍🏻🥤自家製石斛竹蔗茅根水 $10☕熱菜蜜樽裝竹蔗茅根水清涼解渴，甜度不高，熱菜蜜香甜解膩，完美ending～總結：喺尖沙咀食車仔麵又多個選擇，想encore佢個黃金雞湯！…查看更多

尖沙咀重慶大廈旁邊有一個地庫入口，行到落去先知道原來呢到隱藏咗好多唔同嘅嘢食！今次就來到呢間一喜車仔麵食返地道嘅港式美食，餐廳除咗有車仔麵提供之外，仲有各式各樣嘅飯提供，食物款式五花八門，適合哂唔同口味嘅人啊😋～厚切叉燒特級瀨尿牛筋丸豬大腸蘿蔔米線💰HK$96湯底揀咗招牌嘅秘製黃金雞湯，湯底呈金黃色，充滿咗鮮甜嘅雞肉香味！厚切蜜汁叉燒肥瘦均勻，醬香四溢！特級瀨尿牛筋丸一咬落去就有爆汁嘅效果！蘿蔔軟腍得來又清甜！豬大腸亦好入味！米線掛湯能力高～生炸豬扒牛腩咖喱魚蛋豬紅河粉💰HK$66湯底加咗牛腩汁，味道變得更加濃郁香甜！生炸豬扒大大塊得來又肉質軟腍！牛腩散發出豐富嘅香料香味，令人垂涎欲滴！咖喱魚蛋好入味，聽講咖喱汁都係呢度嘅招牌之一！豬紅口感嫩滑！河粉吸收晒滿滿嘅湯底精華～滷水蛋💰HK$11帶有濃郁嘅鹹香味，非常入味～生菜魚肉💰HK$30生菜嘅爽脆口感同埋魚肉嘅柔嫩感形成咗鮮明嘅對比！湯汁散發住濃郁嘅麻油香味～炸韭菜餃(6隻)💰HK$30餃子皮薄餡靚，餃子皮仲要炸到非常之酥脆，味道有驚喜！連平時比較少食韭菜餃嘅我，都覺得好耳目一新👍🏻～香辣單骨雞中翼💰HK$28即叫即炸熱辣辣！外皮香脆，內裡嘅雞肉保持嫩滑嘅口感～低糖有機豆漿💰跟麵+HK$10甜度剛剛好，豆香味更加突出～凍奶茶💰跟麵+HK$8入口順滑，結合咗茶嘅香味同埋奶嘅醇厚～✨辣菜脯香辣惹味，配搭車仔麵味道一流～餐廳環境光猛，座位闊落，店員熱情有禮，值得一讚👍🏻～…查看更多

尖沙咀慶方開了不少食肆 這間港式車仔麵好爆場 裝修光猛乾淨又企理🍜車仔麵有多款配料選擇 麵底同湯底可以自由配搭 今次試了的幾款食物質素都很不錯 仲有潮汕小食都幾特別 價錢都好合理😬✨豪華九寶麵 $59一大碗車仔麵有9款配料好足料 牛筋丸多汁🦑魷魚丸彈牙有口感 🐮牛腩大件夠入味 豬皮好吸湯 蘿蔔無渣又清甜好食 仲有雞翼紅腸同時菜😍湯底用上味道帶點甜味腩汁 再加入自家調製的沙嗲汁香濃好惹味🍜麵底要了粗麵口感勁道有彈性🐮配料都同湯底好夾很不錯👍🏻✨無得輸飯 $79一大碟飯有豬扒雞扒🥓脆皮腸及午餐肉配料豐富 豬扒雞扒都好厚身 雞扒煎得皮脆多汁 午餐肉好厚切 淋上香蔥油及豉油已經好下飯😋✨咖哩四寶 $59魚蛋｜魷魚｜牛腩｜牛柏葉店長推介的魚蛋大粒 魚肉比例多味道鮮甜爽彈👍🏻牛腩大件肥瘦均勻 牛柏葉新鮮爽口🦑魷魚夠彈牙 加入每日用幾十種香料新鮮炒成的咖哩🔥味道香濃惹味不會好辣✨生菜魚肉 $30🐟新鮮鯪魚肉口感彈牙不會腥配上爽脆生菜🥬建議加入店鋪特製的菜脯粒香辣更惹味✨瑞士汁雞中翼 $28雞翼有四隻大隻夠飽滿🐔皮滑肉嫩夠入味 瑞士汁香香甜甜✨炸韭菜餃 $30韭菜餃有六隻 脹卜卜餡料十足🥟炸得香脆 味道鮮香多汁 可以蘸上甜辣醬✨飲品飲品選擇都好多🥛特別推介香港自家工場製造的黑芝麻黑豆豆漿 豆味香濃甜度適中📍一喜車仔麵 (尖沙咀)尖沙咀彌敦道36-44號重慶大廈heath慶方地庫S19-21號舖…查看更多

#MC帶你去尖沙咀.重慶大廈旁邊「health 慶方」主要都係餐飲食肆，由於佔地相當之大，基本上就係一個美食廣場！➖➖➖➖➖➖➖➖➖➖➖➖➖➖➖➖✨ 一喜車仔麵.餐廳門口放置懷舊車仔麵檔，像真度高，極為吸睛。而且地方夠曬寬敞，室內坐位好闊落，坐得舒適之餘，空間感十足。➖➖➖➖➖➖➖➖➖➖➖➖➖➖➖➖🥢 自選車仔麵｜$66 （另加麻辣汁 $3）.自選配料有成50款，可以自由搭配。今次就選咗豬紅、蘿蔔、芥末貢丸、水魷魚配油麵麵底。各款食材都戕高質素，其中芥末貢丸就比較特別，口感彈牙，夾雜Wasabi味，十分過癮。湯底咖哩汁加麻辣汁，愛辣人士一定要試，層次感豐富，又唔會死辣。➖➖➖➖➖➖➖➖➖➖➖➖➖➖➖➖🥢 沙嗲牛腩飯｜$59✨餐廳既招牌菜式✨.有齊牛腩、牛筋、蘿蔔，十分足料。牛腩炆得稔滑，呈一絲絲的。配埋沙嗲汁，鹹香美味。牛筋食落腍嫩有嚼勁；蘿蔔清甜又無渣，值得一讚。➖➖➖➖➖➖➖➖➖➖➖➖➖➖➖➖🥢 汕尾紫菜四寶｜$49.湯底配以「一喜秘製黃金雞湯」，金黃色湯底雞香味濃，湯底加入南瓜蓉，口感順滑鮮甜。.✅ 有魷魚的魷魚丸︰口感彈牙鮮嫩，混入粒粒魷魚，真材實料！✅ 汕尾馬鮫豬肉丸︰以手打馬鮫魚和豬肉製作而成，彈牙爽口。✅ 爆汁瀨尿牛筋丸︰牛味極為濃郁，一咬就爆肉汁，十分Juicy💦✅ 汕尾手工小米粿︰經典潮汕小食。外皮黏滑煙配以豬肉餡料，有少少似魚皮餃咁。.➖➖➖➖➖➖➖➖➖➖➖➖➖➖➖➖🥢 爆料咖哩四寶｜$59.✅ 魚蛋　︰大大粒爽彈魚蛋，咖哩同魚蛋依個經典組合，無得輸。✅ 魷魚　︰口感爽脆，街頭小吃風味十足！✅ 牛腩　︰肉質軟嫩稔滑，肉呈一絲絲，與濃香咖哩完美融合。✅ 牛柏葉︰鮮嫩脆爽，好入味。➖➖➖➖➖➖➖➖➖➖➖➖➖➖➖➖🥢 生菜魚肉｜$30.經典街頭小食！厚切魚肉口感腍滑爽口，而且魚肉仲多過生菜，好足料！➖➖➖➖➖➖➖➖➖➖➖➖➖➖➖➖🥢 生炸香辣單骨雞奕｜$28.以生炸方式烹煮，金黃香脆，炸得好乾身完全唔油膩。口感酥脆可口，肉質鮮嫩多汁，好Juicy。➖➖➖➖➖➖➖➖➖➖➖➖➖➖➖➖🥢 熱奶茶｜$15 （跟餐 $8）.細滑順喉，味道芳香醇和！➖➖➖➖➖➖➖➖➖➖➖➖➖➖➖➖⭐整體︰9.0/10⭐食物︰9.5/10⭐環境︰8.0/10⭐價錢︰8.0/10🟰🟰🟰🟰🟰🟰🟰🟰🟰🟰🟰🟰🟰🟰🟰🟰📍 一喜車仔麵地址：尖沙咀彌敦道36-44號重慶大廈heath慶方地庫S19-21號舖交通︰港鐵尖沙咀/尖東站 H 出口🟰🟰🟰🟰🟰🟰🟰🟰🟰🟰🟰🟰🟰🟰🟰🟰#Ming_Course #週末好去處 #拍拖好去處 #情侶好去處 #香港小店 #油尖旺區美食 #尖沙咀美食 #尖沙咀一日遊 #尖沙咀好去處 #香港美食 #香港美食打卡 #香港美食攻略 #香港探店 #本地遊 #香港一日遊 #香港好去處 #尖沙咀 #慶方 #heath慶方 #一喜車仔麵 #車仔麵 #香港車仔麵關注組 #油麵 #蘿蔔 #咖哩魷魚…查看更多