一喜車仔麵

尋日去咗土瓜灣嘅一間小店食車仔麵見到佢喺Openrice 零負評😳激起咗史努比嘅好奇心 一於試下系咪真系咁好食😎-🔸淨餸(4款起)史努比嗌咗清湯 不過嚟到嘅時候見到有啲辣油喺面但出奇地食落系唔辣嘅🤣純粹有陣香味🤭.👍🏿豬紅 $10 一份有成6舊 都唔少下😆豬紅好夠淋 而且好滑身但依然帶少少咬口😚好食～味道: 8/10性價比: 8/10👍🏿酸齋 $10酸齋有5件 全部都大大舊😍酸甜比例適中 唔會甜到漏嗰種而系酸酸甜甜咁好開胃🤤味道: 7.5/10性價比: 8/10.👌🏿冬菇 $11份量幾多 但史努比覺得佢炆得未系好夠淋如果炆耐啲甜味會更加出 更加多汁😗味道: 6/10性價比: 7/10🔸車仔麵爸爸👨🏻嗌咗碗粗麵麵質正常 煮嘅時間適中🫶🏿👍🏿秘製黃金雞湯 +$3揀咗佢哋招牌湯底飲到明顯雞嘅鮮甜加入南瓜熬製甜味更出 而且感覺好pure清甜而唔油膩🥰飲完都唔會好口乾味道: 8/10👍🏿特級瀨尿牛筋丸 $12大推😳‼️呢粒牛丸真系會瀨尿 一咬開啲汁系爆出嚟嘅差啲彈到對面嘅爸爸👨🏻😂😂牛味都幾濃 而且好juicy 好好食🤤可惜$12得兩蚊真系有啲貴但史努比覺得都值嘅～味道: 8.5/10性價比: 7.5/10👍🏿蘿白 $10蘿蔔清甜冇渣 甜味自然唔系喪加糖嗰種👍🏿炆得好夠淋但唔會over咗一夾就散索咗啲湯汁成個湯嘅精髓都喺晒入面😛味道: 8/10性價比: 8/10.👍🏿生炸豬扒 $15見到唔少人推介 就嗌咗嚟試下但史努比就覺得相對普通😗豬扒炸得幾香嘅 調味亦適中但略嫌肉質未夠嫩食落唔系好夠淋🫣味道: 7/10性價比: 7/10👍🏿咖喱四寶 $59四寶分別系魚蛋 魷魚 牛腩同埋牛柏葉先講醬汁 佢哋個咖喱汁好正😛香辣惹味得嚟唔系辣到乸喉嗰種唔會死鹹死辣 反而系香料味出啲😚.👍🏿魚蛋 7/10正常 幾彈牙 .👍🏿魷魚 8/10超爽口 食落仲有啲爽脆口感😚 .👌🏿牛腩 6/10呢個就一般般 淋嘅時間未系好足夠 筋腩嘅位置咬唔開😗 .👍🏿牛柏葉 8/10索晒啲汁好辣好惹味口感爽脆🤪性價比: 8/10👍🏿生炸潮汕三寶 $39潮汕三寶系豬肉丸 墨肉丸同埋魷魚丸店家提醒話要食咗佢先 啱啱炸起外面keep到少少香脆🥰.👍🏿汕尾馬餃豬肉丸 7.5/10同平時嘅豬肉丸有啲唔同 唔單止系形狀感覺上味道都唔同啲🤣佢唔系死實實硬掘掘嗰啲好易咬開 而且都幾juicy😚👍🏿有魷魚粒嘅魷魚丸 7/10論足料佢的確系好足料嘅🤣見到都幾多魷魚粒不過佢唔講史努比真系唔系好食得出佢系魷魚😂其實味道唔錯嘅只系略嫌唔夠彈牙 如果再彈啲會更加高分😎.👍🏿深海粒粒墨魚丸 8/103款入面史努比最鐘意系墨魚丸食到粒粒墨魚 而且幾彈牙😎性價比: 7.5/10👍🏿汕尾小米粿8粒 $28其實系豬肉粉果嚟嘅外表有啲似魚皮餃🤣外皮晶瑩剔透 食落好煙韌呢種口感史努比鐘意😂豬肉餡雖然唔多 但適當地帶出肉嘅鮮甜豬肉肥瘦適中 味道唔錯😆幾特別又幾過癮味道: 7/10性價比: 7.5/10👍🏿無糖烏龍茶 $10史努比幾鐘意車仔麵提供冷泡茶睇開史努比嘅都知史努比唔鐘意含糖飲料而無糖茶清新解膩又解渴🤪淡淡嘅烏龍茶香 唔帶任何茶嘅苦澀味道清醇 即使唔鐘意濃茶都啱飲🥰味道: 8/10性價比: 8/10.🔸凍檸樂 $10爸爸👨🏻始終都系愛佢嘅可樂🤣🤣*不設加一服務費*.好多時食完車仔麵都會好口渴不得不讚嘅系 我哋食完呢間之後都冇話好口乾證明佢哋冇落好多MSG❤️價錢親民 味道又唔錯 加上唔口乾如果史努比系土瓜灣街坊一定會回訪😆店家好熱情 見到史努比攞住啲公仔影相比咗兩隻聖誕公仔我哋影🤣不過可能佢哋比史努比搶晒fo 存在感好低😂😂佢哋嘅服務態度令人舒適🥰值得一試🫶🏿整體評分：味道: 7.5/10環境: 7.5/10服務: 8.5/10衛生: 7.5/10抵食: 7.5/10回頭率: 6.5/10…查看更多

黎到土瓜灣呢間一喜車仔麵，本身諗住求求其其食飽就算，點知野食完全超出我預期🤩每一樣都係心機之作，同埋好多野都係自家製，店家仲好熱情，係咁同我地推薦邊啲嘢好食。佢地啲潮汕丸仔同米粿都唔係普通車仔麵店食到既😋我覺得專登入黎食都值得！  1️⃣香辣單骨雞中翼（$28） 脆香微辣好惹味🔥單骨方便食用啖啖肉😋  2️⃣椒鹽孖寶（豬扒拼片頭）（$30） 椒鹽味道惹味得黎唔會太過重口味，豬扒同埋片頭都好好食！特別係個片頭！店家介紹係用左80%魚肉，淨係落左20%麵粉，食多啲都唔怕肥😗  3️⃣炸韭菜餃（$30） 即叫即炸既韭菜餃，就咁睇個樣已經覺得係靚仔啲。脆卜卜而且唔會有油膩感，仲粒粒飽滿添🥟  4️⃣咖哩三寶（魚蛋、魷魚、魚腐）（$45） 佢地個咖喱汁好惹味！店員好好～本身呢個三寶係拼牛柏葉既，但係我同朋友都唔鍾意，佢就幫我地換左魚腐。魚腐可以索味👍另外魚蛋同魷魚配咖喱汁都係好正！  5️⃣紫菜四寶（油麵+$10） 有秘製特級瀨尿牛筋丸、汕尾馬鮫豬肉丸、汕尾手工小米粿、有魷魚的魷魚丸，配上黃金雞湯同埋紫菜。呢個真係必食！湯係濃郁金黃色，用左雞骨、鳳爪等多種食材熬成，絕對真材實料！另外特別驚訝個牛筋丸，真係爆汁既！一咬開啲汁就係口入面噴出！勁正😚  6️⃣車仔麵（幼麵$10）（多蔥） 👉豬紅（$10） 👉蘿白（$10） 👉紫菜（$10） 👉冬菇（$10） 👉魚肉（$12） 咁多樣配料，每一樣都好新鮮，份量都多。不過最最最抵讚既一定係蘿蔔！我去親食車仔麵都一定會叫蘿蔔！一食就知呢間車仔麵掂唔掂。而呢間既蘿蔔真係絕對係我食過最好食既其中一間！好鮮甜！冇渣！而且煮得好淋！用左蘿蔔心黎整。真係係細節到睇得出鋪頭既心機🤩  7️⃣生炸潮汕三寶（$39） 三寶有汕尾馬鮫豬肉丸、有魷魚的魷魚丸、深海粒粒墨魚丸。其中比較特別既係汕尾馬鮫豬肉丸，其實唔係好多地方會見到，豬肉同魚香兼具，絕對值得一試。  8️⃣汕尾小米粿（$28） 係用蕃薯粉做外皮，入面有五花肉、馬鮫等配料，細細粒，煙煙韌韌，我同朋友都好鍾意😊  9️⃣酸齋（$10） 酸甜開胃，以小食黎講唔會令人覺得好飽濟。  🔟支裝豆漿（$10） 豆漿唔會好甜，係店家每日自家製既，飲得出唔會好甜，係健康同埋屋企既味道～  …查看更多

黎到土瓜灣呢間一喜車仔麵，本身諗住求求其其食飽就算，點知野食完全超出我預期🤩每一樣都係心機之作，同埋好多野都係自家製，店家仲好熱情，係咁同我地推薦邊啲嘢好食。佢地啲潮汕丸仔同米粿都唔係普通車仔麵店食到既😋我覺得專登入黎食都值得！1️⃣香辣單骨雞中翼（$28） 脆香微辣好惹味🔥單骨方便食用啖啖肉😋  2️⃣椒鹽孖寶（豬扒拼片頭）（$30） 椒鹽味道惹味得黎唔會太過重口味，豬扒同埋片頭都好好食！特別係個片頭！店家介紹係用左80%魚肉，淨係落左20%麵粉，食多啲都唔怕肥😗  3️⃣炸韭菜餃（$30） 即叫即炸既韭菜餃，就咁睇個樣已經覺得係靚仔啲。脆卜卜而且唔會有油膩感，仲粒粒飽滿添🥟  4️⃣咖哩三寶（魚蛋、魷魚、魚腐）（$45） 佢地個咖喱汁好惹味！店員好好～本身呢個三寶係拼牛柏葉既，但係我同朋友都唔鍾意，佢就幫我地換左魚腐。魚腐可以索味👍另外魚蛋同魷魚配咖喱汁都係好正！  5️⃣紫菜四寶（油麵+$10） 有秘製特級瀨尿牛筋丸、汕尾馬鮫豬肉丸、汕尾手工小米粿、有魷魚的魷魚丸，配上黃金雞湯同埋紫菜。呢個真係必食！湯係濃郁金黃色，用左雞骨、鳳爪等多種食材熬成，絕對真材實料！另外特別驚訝個牛筋丸，真係爆汁既！一咬開啲汁就係口入面噴出！勁正😚  6️⃣車仔麵（幼麵$10）（多蔥） 👉豬紅（$10） 👉蘿白（$10） 👉紫菜（$10） 👉冬菇（$10） 👉魚肉（$12） 咁多樣配料，每一樣都好新鮮，份量都多。不過最最最抵讚既一定係蘿蔔！我去親食車仔麵都一定會叫蘿蔔！一食就知呢間車仔麵掂唔掂。而呢間既蘿蔔真係絕對係我食過最好食既其中一間！好鮮甜！冇渣！而且煮得好淋！用左蘿蔔心黎整。真係係細節到睇得出鋪頭既心機🤩  7️⃣生炸潮汕三寶（$39） 三寶有汕尾馬鮫豬肉丸、有魷魚的魷魚丸、深海粒粒墨魚丸。其中比較特別既係汕尾馬鮫豬肉丸，其實唔係好多地方會見到，豬肉同魚香兼具，絕對值得一試。  8️⃣汕尾小米粿（$28） 係用蕃薯粉做外皮，入面有五花肉、馬鮫等配料，細細粒，煙煙韌韌，我同朋友都好鍾意😊  9️⃣酸齋（$10） 酸甜開胃，以小食黎講唔會令人覺得好飽濟。  🔟支裝豆漿（$10） 豆漿唔會好甜，係店家每日自家製既，飲得出唔會好甜，係健康同埋屋企既味道～…查看更多

因為呢間車仔麵嘅小食太出食，所以就講咗小食先🙈咖喱三寶啲咖喱好香口濃味。最鍾意係魚蛋，大大粒又彈牙！牛栢葉同魷魚都煮得岩岩好、唔老、唔韌。生炸潮汕三寶就有馬鮫豬肉丸、魷魚丸、墨魚丸。 食落唔油膩，而且好食得出唔同肉嘅口感同味道🤩唔係方間嘅大路 ‘丸味’炸韭菜餃，係餐廳自家製，皮薄而且餡料好足😋1️⃣車仔麵: 麵底: 油麵 扣底湯底: 腩汁餸: 豬紅、蘿蔔、瑞士汁雞中翼、豬手2️⃣車仔麵: 麵底: 油麵 扣底湯底: 腩汁、麻辣汁餸: 豬紅、豬皮、蘿蔔、牛栢葉油麵口感唔錯，腩汁湯算係好濃個啲，但都好香😋如果食得辣嘅一定要加麻辣汁，好有花椒嘅麻香，唔會係死辣，辣得有層次!! 餸就推介蘿蔔、豬紅、豬手🐖一間車仔麵最簡單就睇佢哋嘅蘿蔔，就知佢哋有冇心機做！蘿蔔好清甜冇渣☺️豬血好身、好吸湯汁！而豬手就炆得好淋同入味酸梅汁味道調校得適中，唔會太甜。…查看更多

🙋🏻‍♂️餓底探員今日去咗土瓜灣調查呢間潮汕車仔麵，麵店有多款手工丸，由資深老師傅手工捶打而成，每款手工丸都用料十足，用心製作，充滿傳統風味，而且價錢親民，店員細心介紹食物，非常好客，充滿人情味嘅一間麵店👍🏻🍡咖喱魚蛋 $16📸表示個咖喱魚蛋一份有12粒，每粒魚蛋都好大粒，配上用咗數十款香料嘅自家秘製咖喱汁，而且限量發售，每人每日限購兩份🙋🏻‍♂️表示個魚蛋用咗八成魚肉兩成麵粉製成，口感非常彈牙，味道鮮甜，咖喱汁味道香辣，夠晒惹味，食到停唔到口，真心推介👍🏻🐟椒鹽魚片頭 $26📸表示個魚片頭每件都切成三角形，炸到脹卜卜，配上椒鹽，聞起嚟香噴噴，好吸引🙋🏻‍♂️表示個魚片頭口感彈牙，味道鮮甜，食落同魚蛋好似，多咗份香口嘅感覺，配上椒鹽令個魚片頭更加惹味🍡生炸潮汕三寶 $39📸表示個潮汕三寶每樣有3粒，分別有：🐖汕尾馬鮫豬肉丸，金黃色粒丸方形咁嘅🍡有魷魚的魷魚丸，白色入面有魷魚同蔥粒🦑深海粒粒墨魚丸，金黃色好似粒魚蛋咁🙋🏻‍♂️表示個潮汕三寶都係手工捶打而成，口感爽彈有咬口，喺味道方面，各有特色：🐖豬肉丸，加咗馬鮫魚，食落豬肉鹹香仲有魚鮮味🍢魷魚丸，入面有魷魚粒，味道鮮香，層次感豐富🦑墨魚丸，充滿墨魚嘅鮮甜味，食落香口🥘重料咖喱三寶 $45📸表示個咖喱三寶分別有魚蛋，魷魚同牛柏葉，面頭淋滿咖喱汁，份量多的確好重料🙋🏻‍♂️表示個魚蛋已經介紹咗有幾好食啦，至於個魷魚爽彈有咬口，味道鮮香，牛柏葉食落爽口，吸收咗咖喱汁味道好惹味🥩秘製一試難忘沙嗲牛腩 $55📸表示個沙嗲牛腩好大碗，浸滿沙嗲汁，底下有白蘿蔔🙋🏻‍♂️表示個牛腩口感軟腍，吸收咗沙嗲汁，食落好入味，白蘿蔔味道清甜，食落無渣，沙嗲汁味道濃厚，充滿鹹香🍡特級瀨尿牛筋丸 $36📸表示個牛筋丸一碗有6粒，配上生菜，放咗喺個湯入面🙋🏻‍♂️表示個牛筋丸好彈牙，咬開會爆汁，滿口充斥住牛肉汁味道，食嘅時候記得合埋口，避免肉汁四濺，因為真係好爆汁，呢個瀨尿牛筋丸 係會食上癮，個湯有啲似生菜魚肉嘅湯，加咗麻油同胡椒粉，飲落好香口🍜 汕尾紫菜四寶 $49📸表示個紫菜四寶分別有汕尾馬鮫豬肉丸，有魷魚的魷魚丸，特級瀨尿牛筋丸同汕尾手工小米粿，配上秘製黃金雞湯🙋🏻‍♂️表示個四寶頭三寶上面已經介紹咗，個汕尾手工小米粿外形好似潮州粉果，用咗馬鮫魚同五花肉等配料製成，外皮口感軟糯，咬落充滿脂香同鮮味，個黃金雞湯係用雞腳加上南瓜熬製而成，飲落甘香，好有鮮味，好好味嘅一個湯底⚠️話說本身係外賣拎走，屋企人話喺度食，結果轉咗堂食，但碗紫菜四寶已經放咗入外賣盒包好，佢嘅外賣盒係鋁罐包裝，店主話用鋁罐可以保障外賣平台運送時唔會有打開過外賣盒，雖然成本提高咗，但可以確保食物品質同衞生，有良心嘅一間小店👍🏻📈吃貨指數😋好味度 9.5/10🔙返啅度 9.5/10…查看更多

一喜車仔麵 📍土瓜灣北帝街31號地下🍜車仔麵呢種傳統麵食多數都係lunch快速醫肚嘅首選！有冇諗過食車仔麵除咗食果啲例牌配料之外，仲可以叫多幾款小食，同埋會有幾個溫柔細語嘅姐姐為你服務呢？💰車仔麵幾十蚊嘅速食真係唔會諗有冇服務，但呢間車仔麵個老闆娘同姐姐竟然個個都陰聲細氣斯文又禮貌體貼，而且食物選擇又多，又有特色，所以真係好想多啲人識呢間店！🥹💃老闆娘好好客又多分享同介紹，原來呢間車仔麵鋪係由一個香港長大嘅潮汕人主理，將潮汕傳統美食都帶到香港同大家分享！佢地自家製做咗好多丸同日日新鮮包餃子。👨‍🍳師傅堅持所有炸物都係即叫即炸，餃子都係即叫即煮，務求令食客可以食到最新鮮嘅小食！車仔麵小店對自己嘅出品有咁高要求係對值得尊重同支持！🤓所以當日除咗多餸車仔麵外，我地仲order咗9款佢地嘅招牌小食！棒住個肚走！🔅咖喱三寶 $35佢哋啲咖喱真係非常之重料！只可以話係食得番細個時街邊果啲咖喱魚蛋同魷魚嘅味道！咖喱三寶包括水魷魚、魚蛋同埋牛柏葉！🔅生炸香辣單骨雞中翼 $26真係要趁熱食！上菜時係熱辣辣，外面炸到焦脆，內裡都仲可以保持到肉汁！🔅生炸潮汕三寶 $33三寶有汕尾馬鮫豬肉丸、深海粒粒墨魚丸、有魷魚的魷魚丸！ 我最鐘意就係魷魚丸，因為出面冇見過，十分Q彈爽口，而且佢個after taste 極濃！老闆娘話佢地嘅老師傅混入魷魚同馬駮，然後用人手大大力捶落去咁打先可以打到起膠至呢個地步，口感係比其他更彈口！下次打邊爐一定會去買！🔅生炸貢豬 （豬扒拼貢丸片）$26炸豬扒唔會話好特別，但好香口又軟稔！🔅鎮店鴛鴦餃 $26鎮店餃子有韭菜餃，又有一喜秘製嘅菜肉餃！自己特別偏愛韭菜餃，菜肉比較平均，而且調味非常好！基本上就咁食，唔用任何其他調味料都已經好正！🔅汕尾爺父輩傳承手工小米粿 $35第一次食呢種小米粿，係汕尾家傳戶曉傳統小食！感覺就有啲似魚皮餃外皮果種煙靭！其實佢個外皮就係用咗番薯粉去猜，而入邊餡料就用咗五花肉再加馬駮魚混合而成，所以味道更有層次！🔅生炸手工韭菜餃 $26老闊娘話炸韭菜餃 仲有好食，所以我呢個韭菜餃fans又點多份🤭 炸當然香口好多！上湯同炸都各有特色！🔅椒鹽魚片頭 $26魚片頭都可以獨立做一個小食，可想而知佢地對自己嘅丸/餃幾有信心！而事實亦係好好食！🔅紫菜四寶淨餸 $39四寶包括咗潮汕手工小米粿、特級瀨尿牛筋丸、汕尾馬駮豬肉丸、有魷魚的魷魚丸！有好多丸其實都重複咗，唯獨特級瀨尿牛筋丸就係新品未介紹😂 牛丸又係好出色，味道濃郁之餘，內裡嘅汁都好澎湃！食嘅時要小心😜最值得一題，係佢哋個黃金雞湯，不得了！…查看更多

推薦用心製作，對食物有誠意的小店。在關注組看到有人推這間在土瓜灣的一喜車仔面，有時間就去試試，結果果然沒令我失望。小食相當有驚喜，真材實料，忍不住叫了一枱。聽店員講他們的老闆對食物水準相當有要求，要令客人食到好食新鮮的食材!所以很多食物都是每日新鮮捶打腌製，並且炸物不會提早炸定，會即叫即炸!!會花時間同功夫令客人食到食物原味，所以有時候等候時間會較久~店內氣氛很好，老闆和老闆娘都好nice，好熱情推介自己的食物，對自家食物很有信必，會請客人試不同小食，閒話家常，感覺很有人情味~☁️ 生炸潮汕三寶 $33必食推薦!!!!炸得香口，內裡魚香鮮甜。三種丸都有驚喜，全部真材實料，資深師傅手工捶打，打得有勁口感紥實。深海粒粒墨魚丸和有魷魚的魷魚丸，會食到真的有墨魚肉和魷魚，粒粒有肉!!很Q彈，而且不會粉粉的。汕尾馬鮫豬肉丸是用馬鮫魚肉混合豬肉一起打製。口感彈勁飽滿，魚香四溢，鮮甜味在口腔爆發。☁️香辣單骨雞中翼 $26採用無激素雞翼，雞翼炸得外皮香脆，但內裡依然保持肉汁鮮嫩，值得一讚，撒上辣椒粉調味剛剛好。☁️咖喱三寶 $36水魷魚、魚蛋、牛栢葉咖哩好香!!!!店員指他們用了多種香料，成本貴少少，並不是坊間般用咖哩粉/咖哩磚開水，所以食落咖哩真的特別香濃!!☁️紫菜4寶淨餸 $39這個坊間不容易食到。四寶是有魷魚嘅魷魚丸、汕尾小米粿、馬鮫豬肉丸和瀨尿牛筋丸。另外有紫菜和幾塊生菜。瀨尿牛丸必食，滿口牛味，而且會爆汁!!!食時要小心燙嘴。第一次食汕尾小米粿，是汕尾家鄉特色的小食，原來是老闆爺爺輩時經常整的家鄉小食。祖傳手法用蕃薯粉整成透明口感軟糯的餃皮，裡面是馬鮫五花肉等饀料，食落鹹香煙韌。至於馬鮫豬肉丸和魷魚丸更不用說，食材新鮮。黃金雞湯是整碗湯的靈魂，用南瓜和不同雞件去熬煮，飲落鮮甜不濁!!☁️炸韭菜餃3隻 $18推薦!!!!!!看到有店員姨姨現場包餃子，聽姨姨說他每日都會去買新鮮韭菜和肉，自己混合再包餃子，並且客人叫到先會炸，不會提早炸定。所以韭菜餡食落相當新鮮，韭菜味香，肉汁滿溢。炸得很香脆，不會過硬也不會滿口油。☁️椒鹽魚片頭 $26魚肉味濃，鬆香脆口爽口彈牙，少少椒鹽調味已經好夠，更能突出魚肉本身的鮮味!☁️ 生炸貢豬$26熱情好客的老闆親自下廚炸了貢豬給我嚐嚐，真的好好食!!火候時間控制得剛剛好，外皮香脆酥香，內裡肉質保持到鮮嫩肉汁，不會炸耐了變得乾實。最後撒上辣椒粉吊味生色不少!!☁️ 秘製一試難忘沙嗲牛腩$45牛腩份量多，牛腩夠腍身均勻，牛肉味很濃重!!長時間炆都不易變韌，味道吸引。蘿蔔清甜，炆得入味，鍾意蘿蔔炆到腍!!!☁️熱奶茶老闆娘特別推薦他們的奶茶，用錫蘭紅茶!! 用以沖奶茶特別醇厚，回味甘甜，香氣濃!推薦可以點他們的奶茶~…查看更多

#土瓜灣 嘅街坊有福了 最近 #北帝街 開咗間 #車仔麵 佢地啲丸 同小食都好出色😋小編好耐都未食到間有質嘅車仔麵啦☺️#滋味無窮紫菜四寶 $39一次過可以試哂佢地四款特色丸😍😍留意返💁🏻‍♀️四款都係老闆每朝新鮮打製 #手打丸 而且記得要揀 #一喜秘製黃金雞湯 $3#汕尾手工小米粿 老闆原來係汕尾人 將兒時爺爺嫲嫲幫手整嘅小食 帶到嚟車仔麵店佢地老鄉叫 #茨粉餃 係用蕃薯粉搓成餃皮 🥟再用馬駮 五花肉等做餡料包成老闆仲好回味咁話係老鄉會以蒸餃方式享用依家就以湯餃方式同大家分享 呢款真係好特別 大家真係要試吓😉 #特別推介#瀨尿牛筋丸高汁高汁😋😋😋 更彈牙 又夠juicy 真係食得出係手打嘅口感#必食推介#汕尾馬駮豬肉丸 馬駮魚肉 加上 五花腩肉 一齊打製夾合咗馬駮嘅鮮甜 帶點魚香 但一啲腥味都冇加上五花腩肉 令口感更飽滿 更彈牙#有魷魚的魷魚丸呢款又係 #誠意之選 特意挑選大大隻嘅深海魷魚🦑切粒打製所以夠哂Q彈 仲粒粒有肉 又juicy小食都好高汁👍🏼👍🏼#生炸香辣單骨雞翼 $26#即叫即炸 外炸得嚟入面仲有汁重點係佢地都想客人食好啲 採用 #無激素雞翼 所以相對雞翼會細隻少少 #生炸手工韭菜餃 $26正👍🏼咬落去啲 肉汁唧哂出嚟而且菜同肉比例配合得好好 唔會覺得好heavy佢地嘅韭菜餃選用較厚嘅皮 亦因為咁 所以更適合生炸 炸出嚟更鬆脆#生炸潮汕三寶 $33有 #汕尾馬鮫豬肉丸 #深海粒粒墨魚丸 #有魷魚的魷魚丸呢款對比 紫菜四寶 又係另一食法 另一風味但同樣都係咁彈牙 juicy #即叫即炸不過當墨魚🐙與上魷魚🦑 小編就分唔出😅😅老闆話墨魚丸係全粒白色的🤍魷魚丸真係見到一粒粒粉紅色嘅魷魚粒🩷#咖喱三寶 $36有水魷魚 咖喱魚蛋 當然唔少得 咖喱牛柏葉佢地嘅咖喱真係夠哂香 亦夠哂辣🥵#值得一試 若好似小編咁唔食得辣 唔緊要😉記得落order時講聲🙋🏻‍♀️可以轉滿滿花生醬🥜調配嘅 #沙嗲醬同樣出色😉#生炸貢豬 $26豬扒鬆軟 炸得外脆肉juicy 平時會配 #貢丸片 可惜小編今日有點晏😥改配 #炸蝦條不過都好好味🤭🤭#生菜魚肉 $22魚肉又係自己手打 真係好佩服老闆👍🏻👍🏻樣樣都手打 功夫何其多🤜🏼🤛🏼 究竟佢要幾早起身準備？魚肉一啲都唔腥 但仲keep 到鯪魚肉味湯底本身都加咗胡椒粉 再配埋佢地啲麻油 好香🤤🤤…查看更多