Outdark (飛達商業中心)

营业中

休息中

今晚想搵間氣氛熱鬧嘅韓國餐廳同朋友敘舊，左揀右揀嚟咗旺角Outdark😎一入門口已經俾呢度嘅氣氛吸引，而且座位勁闊落，可以好舒服咁邊食炸雞邊飲嘢邊傾偈❤️最特別嘅係餐廳門口有部影相機📷印出嚟雖然黑白，但係我地覺得影大頭照勁可愛，同朋友欲罷不能咁影咗好多張🤣甜辣炸雞呢度嘅炸雞好特別同平時好唔同，除咗炸雞之外，佢會配埋薯格同薯條，我真係好鍾意呢個組合🍗🍟炸雞炸得香脆，而且肉質keep到好嫩滑好juicy❣️每一嚿雞都俾韓式甜辣醬包裹住，我覺得呢度嘅醬汁係偏甜辣味比較較少，所以女仔食一定會鍾意！另外我真係好鍾意呢度嘅薯格，薯格包裹咗特製調味粉好惹味👍🏻五花肉炒年糕 喺海鮮同埋五花肉之間猶豫咗好耐🤭上枱嘅時候真係冇諗過原來份量咁大！餐點係用韓式燒肉鐵板送上，用Gas爐一直熱住🔥中間係辣炒五花肉加年糕，側邊有拉絲芝士、紫菜飯、小香腸同泡菜，極度推薦將芝士包埋啲五花肉一齊食，濃縮奶香味同辣五花味道好夾令人食唔停🤤

整體嚟講三個人，三樣嘢食連埋4杯飲品，平均唔使$300一位，價錢上覺得係幾合理嘅，至於環境都比較靜啦，亦都比較浪漫，都覺得幾適合拍拖或者一班朋友嚟食嘢，不過見到佢呢都幾滿座嘅，所以如果來嘅話就一定要book位。😂😂

一唸起 #慶祝 #飯聚 @旺角, 第一時間會唸起去OutDark, 氣氛勁好呀韓國🇰🇷餐廳, li排仲有 #萬聖節 嘅裝飾呢!🐔甜辣炸雞x香蒜蜜糖炸雞 發覺甜辣同Honey Garlic真係食極都唔會厭嘅選擇. 炸雞全部都已經去哂骨, 所以絕對係可以大大口暢快食嘅炸雞, 揀左嘅口味醬滿滿地覆蓋住件炸雞, 即叫即炸, 口感勁脆, 雞肉Juicy嫩滑, 最鐘意係每件雞望上黎大大件, 並唔係因為沾上厚厚炸粉漿, 而係真係大大件, 炸粉漿厚薄perfect, 所以好好食.🧀必食必加一定係蕃薯🍠芝士條; 碟上嘅炸薯格, 瘋薯, 粗身有紋薯條全部現叫現炸, 而且全部都重重地灑上好味芝士粉, 又大份, 2個人食得哂會飽到無朋友😂. 🍻OutDark Rita 系列 好似去某連鎖米線店一定嗌”凍鍊茶”送米線咁, 黎到OutDark食野一定要嗌返杯Rita系列先打個卡📸, 成枝啤酒🍻倒插喺果汁上面, 個人認為西柚汁x重fruity嘅Kronenbourg啤酒係最好飲的.

如果去到旺角食韓國餐選擇outdark 會係一個好選擇，坐又舒服，食物又有一定質素。而且佢環境都好舒服，次次去親都要排隊，好受歡迎，今日星期一也不例外。炸雞可以揀全份或半份炸雞有相當多口味，今日揀左甜辣炸雞甜辣炸雞.除左炸雞，仲包括了薯寶同薯條，一大班朋友一齊食，佢既薯條都係新鮮炸起.海鮮煎餅海鮮煎餅，相當足料，吾係只有粉，食落去係以陷料為主，大量蔥，加埋吾同海鮮，配埋佢個醬汁，相當吾錯。海鮮辣炒麵韓國麵一向都好正而個麵個湯比平日更濃，辣味就更加出。海建個量都好夠。一邊食一邊吹下水，好享受。最後仲有兩杯野飲西柚梳打果然係最愛，天氣咁熱酸酸好開胃。

今日去Outdark食炸雞, 約喺旺角個個都好方便, 都未坐低已經唸定要嗌炸雞, happy sharing必食, 我地揀左一次過食匀2隻味道嘅雙拼👇🏻 🐔分別係香蒜蜜糖🍯&甜辣, 淋上2款味道分明嘅醬汁喺新鮮炸起嘅無骨雞件, 每啖都脆卜卜, 但個炸漿唔會厚到一口都係, 薄薄啱啱好. 香蒜蜜糖蒜香夠唒突出, 有蜜糖balance返帶黎嘅口氣感🙊; 而甜辣就啱唒我li d想食辣但又唔夠膽挑戰真辣嘅人. 重點係份雞$208好大份啖啖肉.🍟今次我發現薯格, 薯條同另一款炸薯淋上左好多好香嘅芝士粉好正!!🧀然後一定要+++ 梗係拉C 嘅甜甜蕃薯cheese stick啦, 趁熱第一時間拉佢個C就最好食.🐗烤牛肉Bulgogi再黎個一卷韓式烤牛肉卷, 充滿麻油香, 入面嘅牛肉份量多, 醃得好入味再燒, 加上紅蘿蔔絲, 蛋, 黃瓜幾樣口感, 推介.🍻我地一坐低就見到Hoegaarden啤酒特價, $98有3樽, peach, rose, pomelo 3隻果各一抵飲啤啤佢.

OP長期第一位嘅Outdark我地又黎啦! 因為好掛位住啲炸雞呀, 平日都勁多人真係犀利人氣從來無減過😎.•雙拼炸雞現炸脆口咬落有聲ga, 一次過食哂甜辣+香蒜蜜糖炸雞, li兩款係咁多款之中味道最特別嘅, 雞肉大件juicy又嫩. 脆薯格, 薯條份量鋪滿成個碟勁誇張😂.•個人認為兩款正常同蕃薯芝士條都要食!!! 食佢個拉C🤪•同場加映炸年糕, 黏黏糯糯外層脆脆地好正呀, 我會先食哂年糕因為趁熱食先至最好食.🍻TERRA x Peach, Mojito Ade唔使講啦又係大杯夾抵飲! 次次食親一人一杯係常識😍.

Outdark 🇰🇷🐥我朋友突然間好想食韓國菜🇰🇷識食一定介紹佢食Outdark因為係正宗韓國人黎香港開既甜辣炸雞 $178 全份佢地既炸雞全部都係用雞腿肉整無骨啖啖肉超正外層卜卜脆又唔會好厚入邊雞肉咬落去好嫩口又Juicy配埋甜辣醬汁 惹味到無得輸呀伴碟仲有啲波浪薯條、薯角、薯格仲灑左啲芝士粉係上面 好邪惡呀Fried Shrimp Kimbap $88今次試左炸蝦Kimbap賣相又靚又好食份量有成十件咁多炸蝦都幾大件再加埋紅菜頭漬 雞蛋 青瓜 醃蘿蔔令口感更豐富個蝦尾仲有用黎做點綴泡菜煎餅 $98煎餅好大份呀廚師煎到兩面都好香而且加左kimchi 紅椒青椒落去令到個煎餅Juicy左 唔會好DryOutdark Rita $78Peach Flavour X 1664靚靚打卡飲品～本身已經有一杯加埋杯啤酒 好似飲極都飲唔曬咁Peach $34飲落唔會太甜既Peach Ade 唔飲酒既朋友話有汽飲品配炸野一流環境燈光偏暗 但好靚好舒服一邊吹水一邊食炸雞一邊飲啤酒真係人生一大樂事呀⭐️⭐️⭐️⭐️⭐️⭐️⭐️味道：👍🏻👍🏻👍🏻👍🏻👍🏻打卡：🦚🦚🦚🦚🦚推薦：🐽🐽🐽🐽🐽⭐️⭐️⭐️⭐️⭐️⭐️⭐

尖沙咀Outdark永遠都好多人，反而旺角冇咁人多，梗係去旺角啦。正如Outdark所sell，燈光偏暗，有種落bar飲嘢，但又唔會過於嘈吵嘅氣氛，整體係令人覺得放鬆。之前見過食評話服務差，今次食飯我又冇遇到呢個問題，我覺得係十足十香港式服務態度(你明啦)。不過限時60分鐘要扣少少分啦。*甜辣炸雞 (半隻) 250g $178半隻雞都多到嚇死你，250g有差唔多8-10件，加埋炸薯類，堆到好似座山咁高。食炸雞最緊要係乜嘢？就係夠熱夠脆，Outdark炸雞兩樣都做齊。炸雞皮脆肉嫩，炸衣厚薄適中，咬開肉汁爆出嚟。甜辣醬辣度啱啱好，食完一件炸雞會覺得條脷少少㷫，係會令人上癮嘅味道。炸薯嚟講，每一款個味道都有少少唔同，個人口味：薯格>薯角>薯條。驚口味唔夠重，仲有4種醬汁可以點，有柚子、辣醬等選擇；驚口味太重，就有醃白蘿蔔粒解膩。芝士炒雞 $328又係一個Outdark signature，鐵板+海量水牛車打芝士+雞腿肉=芝士炒雞，雞腿肉入口彈牙juicy，但本身雞肉肉味偏淡。辣醬係outdark特製辣醬，辣得過癮又唔會過甜，超級saucy，不過真心重口味🔥水牛車打芝士由店員負

如果喺旺角唸起韓國🇰🇷炸雞第一時間會唸到去邊食? 我就一唸就唸起li間面向彌敦道•創興棟mall過條馬路就係嘅OutDark, 入面掛滿星星🌟燈嘅浪漫氣氛令人印象深刻.🐔雙拼炸雞(甜辣x香蒜蜜糖)一貫韓國菜大堆頭嘅風格未食就吸引左眼球同個相機先#相機食先 , 幾款炸薯現炸特別脆, 薯仔🥔夠哂粉粉地好好食, 勁多塊薯格!!!! 一定唔可以錯過就係追加超級拉絲mozzarella 甜薯cheese stick.•辣得黎唔會食到成頭汗之選實係”甜辣”口味, 個醬夠哂厚身包哂每一件無骨雞件, 炸到好好脆, 雞皮位更正, 雞肉十分嫩+JUICY, 好有水準呀. •香蒜蜜糖亦係balance之選, 濃濃嘅蒜味加左甜甜蜜糖, 完全唔會食到一口都係蒜味, 仲無咁熱氣添.🦑海鮮煎餅JIJIM好大份呢! Li個一定要推介開心share因為佢喺本menu較低調嘅一個角落: 勁多海鮮: 魷魚🦑, 蝦, 燈籠椒, 葱, 味道同種類都好豐富嘅餡 , 每一口都係海鮮而唔係一舊舊粉漿正呀👍. 最貼心嘅係店家會切好一件件先serve, 推介!🍸OutDark Rita, Peach Ade炸雞🍗x啤酒🍻仲要係有味嘅啤酒

食咗幾次呢間餐廳 旺角同埋尖沙咀分店都食過 每次都見出面大排長龍 有次即興嚟食 都派咗半粒鐘以上🙈 所以最好真係book定枱🤣 真心好食推介嘅韓國餐廳💛🇰🇷 餐廳環境坐得舒服 燈光偏黃偏暗 俾人一種舒服柔和嘅感覺 最啱收工過嚟食炸雞飲啤酒🍻雙份炸雞 $192 想食多啲味道 揀咗甜辣炸雞同埋香蒜蜜糖炸雞🍗 每次嚟係必點炸雞！ 炸雞雞肉嫰滑 而且冇雞骨 啖啖肉好juicy 出面又熱辣辣 雞皮香脆 份量都幾多 兩款雞都好好味 基本上冇另外點汁 因為本身甜辣同埋香蒜蜜糖已經好好味 🤣 因為仲有薯格同埋薯條 所以兩個人食有啲多 下次可以叫半份😋 辣炒豬肉 $268 好大份！ 兩個人share 有d 多 最好3-4 人share🙈用鐵盤配上Gas爐 唔驚變凍 可以keep warm 😍 配菜都有芝士、菠蘿、泡菜同埋紫菜飯～ 辣炒豬肉炒得非常入味 入邊仲有芽菜 撈埋芝士、紫菜飯好夾 紫菜飯冇咩味 但辣炒豬肉比較濃味 所以好夾😋 最後可以食返非常鮮甜嘅菠蘿解肥膩感🤪 柚子米酒 $125 上次飲過 覺得好正 柚子味香濃 入面有啲碎冰 食炸雞重口味嘅韓國嘢 再飲一啖米酒 非常清新清爽 😍🍻

逢親講起食韓國菜頭幾間會講起嘅一定有Outdark份, 開左一段長時間都保持到高企人氣同埋Openrice咁多哈哈笑真係不無道理, 因為li間韓國菜真心勁足料+大份!!🐔我地又食大大大大份炸雞啦🤪個人覺得雙拼味道最正食匀2款味道(醬油n甜辣), 最Like嘅梗係雞肉次次都咁高質勁嫩…唔會有DRY嘅口感, 炸粉漿更加係無得輸嘅👉🏻炸皮脆卜卜! 識食一定要加蕃薯🍠拉絲stick❤️, 我一個人食唒3條都得呢. 成座山咁🤣👍🏻🐮烤牛肉KIMBAP嘩有新野!! 足料Kimbap新加左烤牛肉揀, d肉燒到好香a, 事關本身已醃到好有風味, 加上係靚貨, 配搭埋蛋, 醃蘿蔔, 紅蘿蔔🥕c同青瓜一齊包嘅Kimbap, 推介👍🏻.🍹加入大量新鮮薄荷葉+青檸嘅無酒精Mojito Ade, 無淨飲汽水咁單調同咁甜, 反而多左份清新同解油膩感; 枝倒轉Corona棟喺冰入面grapefruit汁<呃Like專用🤣> 唔係唔嗌返枝飲下faaaa❤️.

韓國飲食文化伴隨著其娛樂文化一併入侵香港，Outdark就係其中一間韓國過江龍，今日就食咗一個海鮮煎餅 同炸雞，食味就同食開嘅韓國菜一樣，外加腌料味好濃。海鮮煎餅($118)  - 煎得唔夠脆邊，配料講真都算得上多，食味口感都叫做豐富嘅，但118得咁細份，有啲貴。甜辣炸雞($178) - 有啲乾身，辣味同甜味唔係好平衡，偏向甜身，如果可以辣返啲會更好，雞肉有啲乾身唔夠肉汁嘅，外面係脆口嘅，整體嚟講係一般。炸芝士($35) - 炸芝士就好一般，但其實係炸得唔錯嘅，係芝士來貨一般，得好淡嘅芝士味，我覺得係水芝士嚟，如果改用車打依啲味道濃啲嘅芝士去炸會好食多好。另外我哋叫咗兩枝Soju，埋單420，一人$210，我覺得係貴嘅，因為份量係偏細份，味道亦唔係特別出色，係佢啲裝飾燈光令到你覺得幾有韓式氣紛嘅。

之前已經嚟過outdark食，因為食物質素高，而且環境充滿韓國嘅風味，所以今日選擇黎「翻桌」😍值得讚嘅係食物質素依然keep到水準！今次我哋選擇左：甜辣炸雞（半份）$118份量超大！起碼有六七舊炸雞，配上唔同嘅薯條薯格👍🏻醬汁唔太辣，冇影響到炸雞卜卜趣嘅口感，咬落好多雞汁流出，好juicy!而薯條沾上香辣粉，好野味！😋韓式烤牛肉$188因為鐵板上，所以好夠熱！亦有好多唔同嘅配菜，例如芽菜、洋蔥、年糕、青椒等，材料豐富！牛肉亦好入味，肉質鬆軟。海鮮煎餅$118煎餅嘅餡料亦好多，除咗唔同嘅蔬菜之外，亦有魷魚，蝦等，口感豐富🥰好好食！飲品方面就叫咗Blue lemon $34同strawberry smoothie$45，前者其實係檸檬溝雪碧，夏天飲解渴一流😊，後者甜甜地，唔係好creamy個d,飲落唔覺‘製’。

Outdark呢個大名真係聽咗好耐啦，最近入選埋Openrice開飯熱店，一直都未有機會試添👀 今日終於過咗嚟旺角決定試吓呢間人氣店💁🏻‍♀️ 人氣店果然係人氣店，下晝五點幾上到去已經見到一排人等緊位😅 好彩今次wall-in都唔洗等太耐，等咗五分鐘就入到去。門口位置有心心鎖牆同郵筒，可以寫封信寄比一年後嘅自己📮 入到去環境真係同個名一樣都幾DARK😂 周圍昏暗，有少少柔和燈光嘅吊燈同發光星星燈飾點綴，都幾好feel幾浪漫💕 ❤️ 雙拼炸雞 (甜辣+香蒜蜜糖) $192一上台好似成座山咁，炸雞分量唔算多，反而薯條薯角薯格分量多！炸雞同薯條都係即叫即炸，好熱辣辣🔥 炸雞外脆內嫩，超juicy！完全唔會炸得太乾身而且炸漿好薄，非常脆囗🙊 香蒜蜜糖味都幾甜，蒜味唔會蓋過咗蜜糖味，每件雞都會均勻咁沾到個醬汁，每啖都甜絲絲😚比起香蒜蜜糖我更鐘意甜辣味，一開始食辣度唔算好強勁，食多幾嚿開始感受到後勁😂 好惹味過癮！不過呢款甜味多過辣味，唔係得個辣字👌🏻薯格灑滿芝士粉，但唔太食到芝士味道。可能已經被炸雞醬汁味道蓋過咗😂 薯條薯角薯格都炸到好香脆乾身，薯味十足🍟佢哋仲有得配3款醬汁，分別係蜜糖醬、醬油、甜

響旺角買野，見到間韓國好多分店，好有人氣嘅炸雞，加上好耐無食過韓國嘢，所以入去食晚餐😋😋🌟 甜辣炸雞（$118 半份）半份炸雞🍗，但好大碟，雞肉大大件，嫩滑多汁，而且無骨，外層炸得香脆，調味唔錯，亦都唔會太咸，加上甜辣醬，令雞既味道提升唔少，黎到人氣炸雞店，必點😋😋🌟 韓式烤牛肉 （$188）鐵板上菜，令牛肉同配菜可以保持溫度，牛肉份量多，調味唔錯，牛味濃郁，加上年糕同配菜一齊炒，令烤牛肉更加豐富😋🌟 豬肉炒粉絲 （$88）豬肉唔會太肥，半肥瘦，粉絲炒得乾身，唔會太咸，加埋紅椒，青椒，木耳，菇既配料一齊炒，顏色方面已經做得好好，加上麻油，好有韓國既風味，必點😋😋🌟 Grapefruit Flavour with 1664 Beer ($78)西柚味配上啤酒，唔會好苦，好香西柚既味道，飲落甜甜地，好易入口😋😋