祥發茶餐小廚

Best fd就搬新屋la! 梗係去佢屋企朝聖一下先, 佢話附近有間茶餐廳嘅瑞士雞脾好好好好食, 一齊試下先, 店內座位用盡每一寸空間, 好彩都有個單邊卡位坐, 阿姐安排座位方面簡直係”澳牛”級嘅元秋版👍🏻.>Menu係一張過好多字嘅早餐, 常餐, 自由拼餐, 我睇左一陣先睇得明點配, 原來A嘅瑞士雞脾/雞翼/炸雞係膽, 配B/C/E/F/H/M/Q唔同價錢. 紅豆冰都只係加HKD2勁抵lor!>A+B (HKD37)招牌推介瑞士雞脾🍗:首先雞脾size夠大件, 用叉輕轉一拮就離骨, 裡面嘅雞肉非常入味上色, 瑞士汁甜甜地好好味呢.吉列魚柳包:茶餐廳嘅客人以速食為主, 食完埋單就即刻有人坐低, 所以啲食物全是新鮮製作. li個魚柳包好軟熟, 揭開入面係金黃色架🤩, 兩件現炸魚柳熱辣辣, 魚肉OK滑, 配勁多魚柳醬好moist好好味.>紅豆冰 (+HKD2)好甜!!!!!! 太甜了!!!!!!! Typical茶餐廳style紅豆冰, 用淡奶instead of而家好多用鮮奶整, 紅豆有部分腍有部分有嚼口, 加HKD2實在抵.…查看更多

是日在北角出沒，想吃個早飯。在Openrice這裡看到祥發茶餐小廚有不少正評。再看看餐牌，價錢實惠之餘又多選擇，值得一試。在地鐵站步行1分鐘就到，門面樸實無華，但座無虛席。點了A: 瑞士雞脾B: 沙爹牛肉包H: 特濃芝士汁鰻魚餐肉炒蛋飯(迷你)熱飲： 熱檸水(A+B+H+熱飲=$46)瑞士雞脾，果然係人氣之選。嫩滑嘅雞脾，搭配瑞士汁，好味！用刀叉就輕易解決，非常好。沙爹牛肉包，沙爹汁比想象中少，不過餡料十足，可算是誠意之作。特濃芝士汁鰻魚餐肉炒蛋飯，睇個名就知好味道。雖然迷你份量，但非常飽肚。離開餐廳時，已有不少食客等位，不愧為人氣之選！…查看更多

想食瑞士餐就會諗起祥發。因為祥發出名瑞士汁。餐牌選擇多。好容易出現選擇困難症。我點了瑞士雞脾同魚皮餃米線。瑞士雞脾顏色睇落好入味。個皮充滿瑞士汁味道。瑞士汁偏甜。肉無咩味。仲有啲「鞋」口。不過39蚊有雞脾有單餸面連凍飲。真係無得投訴。窮人因物。魚皮餃㡳茶餐廳水平老公點了梅菜扣肉飯都屬一般水平。偏甜。不過45蚊真係無得投訴。…查看更多

依間係北角好出名嘅餐廳，幾本上就算唔係起度住，只係起附近番工番學，都一定聽過佢嘅名。佢鋪頭門口已經貼滿曬報紙嘅報導同獎狀，實力可以受到肯定。依度嘅野食有好多款式，如果想食最出名嘅瑞士雞脾或者雞翼嘅話，但係又驚唔飽嘅話，你可以揀佢嘅瑞士餐，佢有好多款唔同嘅配搭，價錢由$35-$45不等。我哋嗰日12：45左右嚟到，餐廳裏面已經坐滿人，好彩我地只係2個人，拎完飛等咗唔駛10分鐘已經有坐坐，仲要係卡位嚟，真係好好彩。睇完menu，我叫咗瑞士雞脾、豬扒包、炭燒豬頸肉配雜菇飯同凍檸茶(凍飲+$3)， 盛惠$48。 豬扒包今次豬扒嘅份量少咗，不過依然又嫩又好味，個醬似甜版同加咗芥末嘅魚柳包醬，麵包睇得出有烘過，不過我放咗陣先食，所以已經唔脆，不過整體嚟講真係好好食。炭燒豬頸肉配雜菇飯碗飯雖然話係mini size，不過我覺得份量都唔算好mini，豬頸肉有三大嚿，嘅爽口惹味，菇嘅份量好多，感覺上成件事健康咗(其實只係自我安慰🙈)。瑞士雞脾雞脾最先上，食咗幾啖先記得影，雞脾算大隻，入味得呢啲肉有好嫩，瑞士汁比起出面食嘅偏甜同深色，非常好食。順帶一提，我偷食咗朋友一啖芝士豬扒天使麵，發現十級好食，有興趣嚟嘅朋友可以見芝士麵系列，放棄個炭燒豬頸肉雜菇飯。…查看更多

無須要到甚麼矜貴的太X館或瑞X咖啡室甚麼的，原來一家普通的茶餐廳都有美味的瑞士雞脾，較之雞翼或炒河更加吸引！某日在北角，一個人無無聊聊，隨心走入一家茶餐廳吃下午茶，竟又有新發現。小人喜見有瑞士雞脾，當然要來一大隻是也！雞脾是巨型版，用一隻碟上剛剛好。瑞士汁完全滲進雞肉裏頭，雞肉啖啖油滑，滋味滿分，果然沒有叫錯！這裡的瑞士汁沒有過份的甜，鹹甜適中，是港式瑞士汁之中吃過最好味的，趁飯或趁意粉都是一流！吃一大隻足味雞脾加一杯凍飲，已成就了一餐豐美的下午茶！…查看更多

好鍾意食雞脾！瑞士雞脾係童年回憶！今日特登黎食一次！淨係叫左隻脾，估唔到原來只係15蚊！！！係香港地坐底係茶記竟然仲有咁抵食又飽肚既小食？！以為會好細隻啦，點知黎到都有返咁上下。淨係個上脾都有成隻手咁長咁大！本身諗住唔好沾咁多汁，因為好似好唔健康（人大左係要注意下三高之類），但點知，拎住個刀叉切切切，一唔小心就沾晒d汁。（其實係d汁真係好惹味，所以要沾肉食）真係好邪惡啊！最後忍唔到口，又叫多左隻，食完真係好飽。。。 30蚊就咁滿足，夫復何求！…查看更多

之前朋友推介我來食尼間瑞士雞脾專門店所以今次同朋友二人一齊來試試佢佢既瑞士脾套餐出晒名上晒報道同飲食評難得係附近就食個午餐來到門口已經見到好多人等候啦今日同朋友揀左A+B+F套餐連飲品$41店內有多款套餐小食選擇 睇到心郁郁都咩想試咁我地揀左瑞士脾+朱古力窩夫+櫻花蝦湯春卷麵 另外果個餐就改左食士多啤梨🍓多士同我想像超級出入 只係俾個多士加個醬你不過整體食物都不錯👌係個士多啤梨多士比較差見到瑞士雞脾超大隻又入味櫻花🌸蝦春卷湯米既春卷好味不過比想像中既櫻花麵有出入比較普通朱古力窩夫外貌不錯但味道也是普通整體店內食物質素一般但價錢好抵…查看更多

又黎到lunch 時間 當然又要睇下邊到有平嘢食啦 食個lunch唔想食咁貴黎到北角 祥發呢間茶記聽講都幾出名出名食瑞士雞翼 其實我都食咗幾次架喇 不過就冇影相寫食評 今次特登影咗幾張 所以上黎放返黎個食評以示支持先由於呢間嘢lunch係幾旺角下 所以一到lunch時間即刻要過定黎 咁就大多數唔駛等位就可以入座啦佢嘅餐牌係幾複雜下同埋好多嘢揀最後我係食咗個五香肉丁+豬扒包+瑞士雞脾三十幾蚊 有咁多嘢食仲要幾好食架喎 所以我覺得北角最好食嘅茶餐之一黎呢間首先個瑞士雞脾係好惹味雞肉都唔鞋 整得恰到好處 好食之後有個用熱狗包整嘅豬扒包個豬扒都仲熱嘅 同埋都整得唔錯架 幾香口最後個五香肉丁公仔麵 叫做冇乜特別 好普通貨色嘅五香肉丁麵 但唔係難食呢間茶記好抵食我覺得食完會有滿足感 唔會話唔夠喉三十幾蚊去快餐店都冇嘢飲啦呢到有埋 所以值得推介但係啲位可能有得迫 同埋食嘢會有啲趕 佢地會催你嘅…查看更多

以前係附近返學個時經常都會黎祥發食午餐,貪佢又平又好食又多元化,真係食極都唔會厭架!!今次咁岩係北角附近有野做,就黎食個晚餐啦。可能時間仲早,未有人排隊,所以即刻入得,不過啲座位都好full下架。點餐啦,咁耐無食,緊係食返我以前經常食既組合啦: 瑞士雞脾就係鐵膽黎既, 跟住就沙爹牛肉包,再加個特濃芝士汁吉列魚柳天使面,仲有紅豆冰瑞士雞脾呢個瑞士雞脾真係無得輸,大大件,肉又滑,真重要係啲瑞士汁真係好正好入味,諗返起都想再食呀!!沙爹牛肉包沙爹牛肉包係B類既熱門選擇之一,好足料,唔單只多牛肉,啲沙爹汁仲多到會流出黎,真係好食!!不過要小心整污漕自己~特濃芝士汁吉列魚柳天使面最後一個選項就有好多野揀, 所以我以前經常試唔多既選擇。今次試返都幾熱門既特濃芝士汁吉列魚柳天使面。味道唔錯,芝士汁的確好濃,岩我。不過同以前一樣,個天使面始終係乾左啲。下次去要試返其他先得。紅豆冰 (唔記得影相)呢度既紅豆冰都幾出名架,黎祥發多數都係飲紅豆冰,仲成日都係飲完都唔夠喉,想再飲添!!埋單都只係43蚊咋,真係夫復可求!!…查看更多

經同事介紹 就去呢間好岀名食瑞士雞翼/雞脾既茶記「祥發茶餐小廚」距離北角地鐵站約5分鐘路程 不太遠又不太近成條街都好多餐廳 目測祥發門口係最多人的有等位既人 亦有好多等外賣既人等位期間就睇下餐牌揀下野食嘩！係一個超多選擇/組合既餐牌如果有選揀困難症既人 絕對會立即病發我最後揀左 A + B + C 配凍檸茶 $37+2 (凍飲加$2)A 瑞士雞脾B 芝士火腿牛角包C 龍蝦丸通粉叫餐時伙記都好有耐性 有禮貌 唔會太急會重複你既 order 可能普遍香港人都比較麻煩所以伙記都主動問我杯凍檸茶有無特別要求洗唔洗少冰 少甜果d茶記都有咁好既服務質素 抵讚芝士火腿牛角包 不錯不錯 包入面d芝士都算多切開既時候會漏岀黎主角 - 瑞士雞脾賣相普通啦 味道先係最重要！瑞士汁底不錯但雞脾肉質普通不算嫩滑 亦略嫌不夠入味不過點返d瑞士汁就夠哂味龍蝦丸通粉 龍蝦丸幾好食 絕對唔係得舊粉果種通粉就正正常常咁啦總結 食完ABC真係好滿足 下次一定會試埋瑞士雞翼！…查看更多

自太平館餐廳發明瑞士雞翼，經傳媒報導之後。大大小小餐廳爭相仿效，瑞士汁菜式百花齊放。經朋友介紹，今次到北角祥發，試一試佢主打嘅瑞士雞脾。知道食晏時間會大排長龍，專登係4點幾先嚟食tea,反正佢個餐係一樣價。不過一樣叫你撘枱要食雞脾，最出名係瑞士餐。配搭多變，可以配到好豐富都得。但老闆娘又會提你洗唔洗加麵，叫餐一次過叫，再叫當散叫叫咗A+B餐，雞脾係中size，冇想像咁大隻。(三多嗰隻就大喇)瑞士汁味道係似太平館，香味差少少，可惜鷄脾需然淋但鞋烚烚。呢個貪得意試下，大路味道。似pie&tart 個肉醬批味其實呢個價位算係咁喇。下午返工食lunch的確唔錯。但要食美食就唔洗專登過嚟啦。一嚟怕等位，二嚟我覺得一般姐。同類形，翠華、瑞士咖啡室唔會差得過佢囉。(以後會嘗試下加入唔同餐廳比較，希望可以多方面D，客觀D)🙏🏻大家鍾意就follow我同share 食評去Facebook la😁…查看更多

之前一直想試呢間瑞士雞脾專門店超多選擇任你配搭有鹹有甜 有飯有麵 任君選擇不過有選擇困難症既我諗左好耐最後揀左A+B+E+熱飲($40)(A)瑞士雞脾幾大隻 上哂色 肉質尚算嫰滑瑞士汁都幾甜 不過可以再入味啲(B)特濃芝士汁吉列魚柳天使麵 話就話迷你版 其實份量都幾多魚柳都有四大塊天使麵偏軟芝士汁夠杰夠多夠濃作為芝士控既我收貨(E)奶醬班戟甜品留番最後食 所以攤到凍哂好大份 醬料好多口感偏實 唔夠鬆軟應該係粉既問題熱飲點左熱檸茶$40真係抵到爛個奶醬班戟食到一半已經好飽又咁多選擇 試問仲可以去邊度搵啲員工幾有禮貌 又會同客吹下兩咀 好好笑容雖然衞生情況扣左少少分不過勝在人情味搭救下次會再試其他配搭…查看更多

今日lunch 終於食到北角弛名瑞士雞脾，甜甜雞脾肉汁好濃，由外到內都係豐富漿汁，切開雞脾，好嫩同滑，連骨都入晒味，再加埋豬扒包，同樣出色，豬扒好入味，飽入面焗到脆脆地，淋上芥末漿，簡直食到停唔到口，最後食埋米線，呢個餐咁多野連飲品都係35，抵到笑啦！最後比埋餐牌一版俾大家參考!…查看更多

朋友提起附近有間食瑞士雞脾好出名，於是立即又去食多次！$32有雞脾，一碗麵，仲有凍野飲真係好抵食！瑞士雞脾一如既往都係好入味，由內到外都好充滿瑞士汁味，仲可以一邊沾汁，正！不過，我覺得雞脾比上次食細隻咗！而個肉丁麵就一般啦～ d肉丁完全唔似肉丁！所以個麵冇味！ 有d失望，因為平時唔係咁 唔知今日做咩事加埋杯凍野飲～都已經好抵食！果然係抗通脹，而家附近都難搵到３０頭價錢嘅lunch啦！Thank you…查看更多

最近網絡世界其中人間人氣食店，今日工作不忙便特意一個人跑來試試它的虛實！特意跑來，我當然也要試最具名氣，「招牌推介」」「不可不試」瑞士餐😉我選的是A (瑞士雞脾)B(西多士)E (特濃芝士汁吉列魚柳天使麵)對麵既期望本來就吾高，麵就普普通通，不過不失。 魚，吾建議點，始終都係海鮮類，吾新鮮真係會差好遠，可能食雞扒/豬扒好d奶茶帶苦澀，普通。整體最欣賞係個瑞士雞脾，吾太甜，肉質夠滑！其實成個餐既成本價本來就吾高，因為每樣份量都已經作左調節，實行少量多款。但以今時今日物價高漲既年代，對比其他茶餐廳，確實屬於「抵食」既！雖然餐廳人流多，但出餐速度非常之快，普通既水準、特惠既價錢，再加上出餐既速度，單係呢3點，都值得再食既！推介👍🏼…查看更多