漁獲浜燒

📌 漁獲浜燒 - 銅鑼灣軒尼詩道525號澳門逸園中心18樓🗓(15/4) 星期六 ⏰ 下午1點左右 💈特式：終於都放假了，今日同另一半嚟食呢間網上評價超高嘅日式浜燒店，Openrice好評過千，應該有返咁上下水準，我預早係Openrice訂位就會享有午市時間7折優惠。🥩🍔🌭🌮🥗🥯🥘🍲🍝🍣🥟🍤🍱食物：因為另一半想食龍蝦刺身，睇完menu如果散叫要成$700蚊，但見到佢有個漁獲極盛盒二人前，入面除左有龍蝦刺身之外仲有好多其他野食，好似抵好多，而家等我同大家講下🎌味道先。漁獲極盛盒二人前 - 呢個套餐都包括左唔少野食，7折完都只係$1176，認真抵食。特製黑松露炙燒平目魚邊沙律 - 個沙律黑松露味好出好香，仲有d平目魚炙燒過好香魚油味，肉質亦變得好柔軟，配埋d新鮮嘅沙律菜，一絕，好味道。手握壽司 - 分別有三文魚/池魚王/油甘魚/北海道牡丹蝦各二件，三文魚就普普通通；池魚王肉厚鮮味，食到少少甜味；油甘魚油脂豐富；北海道牡丹蝦好大隻又鮮甜，kr埋上面有少少黑魚子，好正。主菜 - 主菜分別有兩個三選一嘅選擇：什錦天婦羅/味噌蟹甲羅燒/白鱔浜燒(三選一）活龍蝦浜燒/龍蝦刺身甲羅燒兩食/燒A5和牛扒(三選一）我地就揀左白鱔浜燒同龍蝦刺身甲羅燒兩食，兩個都好讚歎。白鱔浜燒好香口，皮脆肉厚，食到口塊表皮食到卡卡聲咁脆，但份量就少左d得6片。龍蝦刺身就一定唔會令人失望，解體前職員會攞隻龍蝦比你望望先，新鮮龍蝦肉質鮮甜彈牙；個頭就會攞去做甲羅燒，一d都唔浪費，d龍蝦膏好香濃，比起蟹甲羅燒仲好食。主食 - 主食就可以揀漁獲海鮮鍋配稻庭烏冬或者松葉蟹肉炒飯，我地就揀左漁獲海鮮鍋配稻庭烏冬，個海鮮鍋入邊有蝦/帆立貝/蠔/魷魚，仲有豆腐同其他配菜，啖湯好鮮味，佢地d稻庭烏冬係偏幼身，質地同味道都偏似蕎麥麵，但都十分煙韌同彈牙，一流。甜品 - 今日嘅甜品係椰子雪榚同檸檬雪葩，我地就各一個試下，個椰子雪榚真係好好食，好香椰子味；檸檬雪葩唔係唔好食，但佢真係太酸，我就最唔鐘意食酸野，所以對於我就麻麻。蒜片煎厚切牛舌 - 除左個套我地另外仲叫左份煎厚切牛舌，因為上網見到人介紹好靚，個牛舌燒到外脆但肉質仍做到好爽口，超級好食，不過得6粒仔賣$108蚊就有點兒誇張，不過好彩有7折優惠。☕️🍵🥤🧋🍺🍷🥃🍹🧉🍾🍶🥛飲品 : 餐廳主力都係飲酒，尤其是清酒，真係好多選擇，非酒精飲品就有8~10款選擇，我地就只係叫左一杯Suntory同一杯Gingle Ale。🍽環境：餐廳環境好有日本氣息，坐位除左普通枱，仲設有吧枱位，坐位同枱面都鬆動闊落，亦有設有不少屏風，增加私隱度，環境亦都衛生同光猛企理。🤵🏻🤵🏻‍♀️🤵🏻‍♂️服務：店員服務都好好，態度好親切，上菜時尤其是熱野，每次都會提醒客人小心燙手，收碟速度亦好迅速。💰💸價錢：因為有7折，埋單就大約$1500蚊，呢個價錢係有少少貴，但因應返食材同質素，我又覺得如果係慶祝節日去食就可以接受，當然唔係成日去，但如果一年食下一兩次，我都覺得都ok嘅。🐲💬總結：食物質素真係高，當然價錢亦都唔平，但佢係銅鑼灣呢d地區做生意，仲要比咁嘅質素你，收呢個價錢都係無可厚非嘅。推薦指數：❤️❤️❤️❤️❤️(超推介⭐️)…查看更多

年底出花紅, 相約同事今晚食餐好! 記得之前食過銅鑼灣樓上舖「漁獲浜燒」, 亦都介紹過舊同事幫襯過, 個個食完都讚口不絕, 今晚一於帶同事去食返餐。餐廳面積不大, 地方企理。主打海鮮浜燒、刺身等等…高檔食材。【特製黑松露炙燒平目魚邊沙律】HK$138平目魚邊被炙燒過迫出部份魚油, 表面魚油更顯魚質又滑又林; 新鮮爽脆沙律菜、蕃茄仔, 再加咗黑松露、特製醬汁, 撈埋一齊食, 酸酸地, 而且松露味好重, 正!【漁獲浜燒盛合(活) 】HK$888包括有珍寶蝦、松葉蟹腳、鮑魚、蠔、活帆立貝 (二人份量)浜燒過程會係餐廳中央開放式煮理, 透明度高, 所有浜燒物都燒得有水準, keep到海鮮本身水份, 食到原汁原味。珍寶蝦: 超肥美, 口感極為爽口彈牙, 鮮甜味十足, 而且蝦頭仲有甘香清甜蝦膏, 正!松葉蟹腳: 蟹腳只燒成暖暖的, 可以拆出梳梳蟹肉, 蟹肉keep到鮮甜肉汁。鮑魚: 已去除內臟, 爽得黎易咬開, 食到鮑魚本身鮮甜味。蠔: 燒後依然肥美多汁, 加入少少檸檬汁, 一口咬落去口感滿足, 鮮味唔腥。活帆立貝: 分別以醬油同清酒做調味; 醬油味道偏濃郁, 鹹香帶鮮; 後者以清酒帶出帆立貝本身鮮香, 滲出淡淡香醇清酒味。【刺身盛合6款】HK$628包括有生吞拿魚腩、油甘魚、三文魚、帆立貝、赤貝、鯛魚腩。每款刺身均為極厚切, 啖啖都能滿足口感, 魚香味十足。特別係生吞拿魚腩, 魚油澎湃。最後當然要食埋甜品先叫perfect!【蘋果雪葩】HK$88原個蘋果中刮出冰凍嘅甜酸雪葩, 入口即溶, 解暑消滯嘅好選擇。【椰子雪糕】HK$88雪糕質地濃厚, 椰子味極為濃郁。…查看更多

🍽漁獲浜燒 (銅鑼灣)📍銅鑼灣軒尼詩道525號澳門逸園中心18樓今日咁啱同朋友去到銅鑼灣，好想食日式燒海鮮，即刻就諗起呢一間漁獲浜燒！之前我都有成日去，好耐冇食過啦💕唔知疫情之後，佢哋仲保唔保持到水準呢？1. 特製黑松露炙燒平目魚邊沙律🥗嚟到呢度必食嘅前菜，炙燒嘅過程迫出左平目魚既魚油，魚油滲入沙律裏面，加埋特製嘅黑松露，攪拌均勻，每一啖沙律都好香魚油同黑松露嘅味道，果然係呢度嘅招牌菜式之一。2. 刺身盛合六款🐟刺身全部都好新鮮而且好豐富，包括有：肥美既拖羅，厚切既油甘魚，鮮甜既赤背，深海黎既赤目魚，有口感既三文魚，好大粒既帶子。3. 漁獲浜燒盛合🐠呢個盛合真係要試，唔單止今到唔同既海鮮，而且好鮮甜，勁大隻。佢地既盛合有: 蠔x2，帆立貝x2、松葉蟹腳 同埋 珍寶大蝦x1 。正常會有鮑魚x2，但由於我唔太喜歡食鮑魚，餐廳超好人比轉左做味噌蟹甲羅燒，真係好滿足。燒蠔🦪真係好肥，咬落去好嫩而且勁多汁。帆立貝🐚份量真係好多，一半係清酒煮，一半係牛油煮。燒松葉蟹腳🦀好大條蟹腳，好滿足。燒珍寶大蝦🦐好大隻，勁彈牙，好香燒蝦既味道。4. 味噌蟹甲羅燒🦀佢地既蟹甲羅燒可以話係必叫既菜式之一。佢好大一個，蟹膏既份量都好足夠，加左鵪鶉蛋再燒，口感更加有層次，放係梳打餅上面，剛剛好。5. 巨峰味果汁汽水🍇淡淡既巨峰味，味道唔會太甜，清清地一啲都唔腻。環境：💛💛💛💛💛5/5衛生：💛💛💛💛💛5/5食物：💛💛💛💛💛5/5價錢：💛💛💛💛💛5/5（$1883/2=💰941.5）P.S.呢間餐廳主打日式燒海鮮，真心一流，海鮮全部都好鮮甜。環境好舒適，而且好乾淨，服務都好殷勤，中意食海鮮既朋友一定要到訪。…查看更多

朋友想帶我體驗一下之前去日本的回憶🙆‍♀️喺銅鑼灣搵咗間浜燒海鮮!懷着期待嘅心去食晚飯🤩幸好朋友一早有book位好多座位已經坐滿!而且服務態度好好👍經常都會幫你收走碟同加茶!真的好滿意🙈特製黑松露炙燒平目魚邊沙律🌟平目魚邊入口即溶魚油味好香同牛油果味道好絕配😋醬汁酸酸甜甜好開胃,黑松露味濃郁但不會蓋過任何食材既風味!漁獲浜燒盛合🌟有珍寶大蝦,松葉蟹腳,鮑魚,蠔,活帆立貝😍每樣海鮮都好鮮甜無比而且好巨大肥美💯最令我驚喜係鮑魚上枱個時已經係咁郁,真係好新鮮👍口感爽口生熟啱啱好!生蠔好肥美有淡淡既海水味好正!其他海鮮都一樣好有水準🤩刺身盛合5款🌟有牡丹蝦,生吞拿魚,油甘魚三文魚,馬葵海膽😋刺身好厚肉鮮美好值得一試👍最鍾意係海膽加埋紫菜一齊食口感更加豐富!柚子梅酒🌟女仔應該好鍾意飲酸酸甜甜容易入口菠蘿雪葩🌟個口感順滑而且味道真材實料!…查看更多

星期二晚同老公去食餐好既，我地各方面都好滿意。特製黑松露炙燒平目魚邊沙律首先食個沙律開胃，沙律菜爽脆，一片片牛油果好新鮮，平目魚燒過後非常肥美，加上黑松露醬，無得輸。金目鯛活貝浜燒盛合有金目鯛、活帆立貝、活文蛤、活北寄貝。金目鯛係今日係日本新鮮運到架，輕輕燒過，食得出佢既鮮味，好滿足。剩低既魚骨會拎去炸變成下酒菜，脆卜卜，好香口，處理得好好，唔駛驚會被魚骨刺到。活北寄貝非常鮮甜，唔蘸醬食都得。活文蛤以清酒烹調，好大隻而且酒味好出。活帆立貝啖啖肉，兩種唔同既烹調方法都好好食。香煎蒜片厚切牛舌口感爽脆得黎內裡好軟腍，油脂感十足，非常出色。鈴鹿川純米大吟釀食日本菜梗係唔少得飲sake啦，一入口酒味濃烈，但好快變得好易入口，正。你仲可以自己揀酒杯添。…查看更多

好耐冇嚟過！！！特製黑松露炙燒平目魚邊沙律 ($138)最鍾意食呢個沙律，因為魚邊充滿油份，同埋口感好滑溜，滿口油刺身盛合六款 ($628) 有油甘魚、三文魚、帆立貝、赤貝、拖羅、赤鯥，竟然有輕輕炙過嘅赤鯥，充滿驚喜波士頓龍蝦活貝浜燒盛合 ($1038)今晚叫咗呢款，活波士頓龍蝦仲郁緊，超新鮮，加咗蛋黃醬燒，肉質彈牙北海道北寄貝好鍾意北寄貝，超級彈牙，有海鮮味，湯都唔可以嘥，要飲埋北海道文蛤仲好有鮮味，就算咩都唔落都已經好OK清酒/牛油燒北海道帆立貝兩種煮法，清酒嗰種好特別，因為連湯都會想飲埋，另一款就乾身啲蟹肉黃金海膽炒飯 ($198)要有啲米氣，所以叫個炒飯食，飯粒好軟糯，好香原味芝士蛋糕 ($58)、綠茶雙層芝士蛋糕 ($58)雖然質感唔實，但好重芝士味…查看更多

提前和朋友食造冬飯，大家都好掛住浜燒，立刻想起漁獲浜燒鈴鹿川純米大吟釀$338入口甜甜的，有些蜜瓜味特製黑松露炙燒平目魚邊沙律 $138清新嘅沙律，配上肥美嘅平目魚，入口即溶刺身盛合六款 $628有吞拿魚腩、油甘魚、三文魚、帆立貝、赤貝再加一款時令魚，今次嘅時令魚係赤鯥，刺身好厚切，鮮甜肥美，赤鯥輕輕燒過，仲有些有炭燒味波士頓龍蝦活貝浜燒盛合 $1038波士頓龍蝦，加入蛋黃醬一齊燒，味道比平時的濃，其餘三款貝都是來自北海道，有北寄貝，文蛤同帆立貝，一向喜愛浜燒北寄貝，加清酒燒，好鮮甜，食完，記得要飲埋佢，燒文蛤燒得剛剛好，好滑，帆立貝一隻用清酒燒、一隻用牛油燒，兩款都好好味一向都覺得新鮮嘅海鮮係唔需要點醬汁，呢到其實都係，不過如果喜歡，都可以點海鮮豉油、柚子胡椒、七味贈醬蟹肉黃金海膽炒飯 $198最後，要有些米氣，叫了個炒飯，蟹肉配海膽，好野味原味芝士蛋糕 $58綠茶雙層芝士蛋糕 $68最後來個芝士蛋糕作甜品為這餐畫上句號，濃濃的芝士味，仲要係心較實嘅texture，係我嘅最愛…查看更多

晚上來到銅鑼灣的這間日本料理食久違了的浜燒海鮮，慰勞一下辛苦工作的太太，由於提早預約了，所以不用等待便能入座位置：在銅鑼灣崇光百貨旁邊的澳門逸園中心18樓，地點相當方便，從港鐵銅鑼灣站E出口走路只需2-3分鐘，旁邊的軒尼詩道更有來往港九新界多條巴士線及電車站，可以說是四通八達環境：餐廳用日式裝修，以木為主並以酒杯、酒樽等作裝飾。餐廳設有吧枱及多張四人枱, 座位算是寛闊舒適，適合談天。另外抽風系統做得不錯，即使浜燒期間也不會有太太油煙服務：店家安排入座後便隨即奉上熱茶及醬料，亦提供濕紙巾。下單時侍應會細心講解餐牌上的套餐等內容及差別，而上菜亦有效率。如點浜燒，侍應更會在座位附近區域負責浜燒海鮮並逐一上枱，令客人有賓至如歸的感覺食物：下單前心大心細，既想食刺身，又想食浜燒，最終決定每樣也點一個套餐試試特製黑松露炙燒平目魚邊沙律 $138主菜外先點了一份沙律，看到菜名已被吸引，由於平目魚邊本身油脂多又軟滑，炙燒後油脂迫出入口即溶。再配合香氣十足的黑松露，把平凡的沙律變得出色刺身盛盒5款 $428刺身選了最細的組合，有以下5款：牡丹蝦～有兩隻大件的牡丹蝦，新鮮肉實口感不錯三文魚～厚切的三文魚，吃下去像在食三文魚腩，油脂豐富又鮮甜吞拿魚～同樣厚切，應該是中拖羅，一點根都沒有，魚肉鮮甜有口感油甘魚～厚切的油甘魚嫩滑，油脂分佈平均，但稍為有根馬糞海膽（伴紫菜）～馬糞海膽鮮甜香濃，用紫菜包著食口感更佳漁獲浜燒盛盒（普）$950至於浜燒部分，我們則點了這個套餐，可惜生蠔正好缺貨，店家以粒貝取代。套餐包括以下幾樣：松葉蟹腳～鮮甜味美，不過只有一條蟹腳鮑魚兩件～鮑魚未燒前還很生猛，燒後有點收水，但仍然鮮嫩帆立貝兩件～侍應安排一件清酒燒另一件牛油燒，清酒味香而牛油味濃，各有特色，帆立貝無論怎樣煮也很鮮甜肉厚粒貝～侍應把粒貝切成小片用清酒煮，很細心，而粒貝有軟滑的及爽口的部份，口感豐富珍寶大蝦～鮮蝦大隻，燒過後很香蝦肉也很新鮮，很美味巨峰梳打 $38巨峰梳打是解渴之選，而放久了有一股提子酒味柚子梅酒（GPS) $65梅酒很香，但有點偏苦，不太合太太口味蕃薯雪糕甜品第一款是蕃薯雪糕，吃上去有濃濃蕃薯香味，而雪糕亦不算甜，挺健康水蜜桃雪葩雪葩有很重的水蜜桃果香，吃上去既清甜又冰涼，像是在食水果一樣總括來說，這家日本料理相當出色，由位置、環境至服務都很有優勢，加上食物色香味俱全，即使收費略高，卻依然非常討好…查看更多

日本料理中，最愛食刺身及浜燒，因為新鮮海產的天然鮮味及口感得以原原本本地保留，兼且脂肪少，蛋白質高，食多多也難有罪惡感。一踏入「漁獲浜燒」，店員會幫我們量體温，然後引領我們到一張近窗的吧檯坐下，並遞上餐牌，同時介紹今晚的時令海鮮及相配的清酒，非常專業。特製黑松露炙燒平目魚邊沙律 $138材料豐富，除沙律菜外，牛油瓜與黑松露的分量也很慷慨 ，還有多片經過炙燒的平目魚片 。平目魚油脂甘香、肉質嫩滑、入口即溶，配上香氣四溢的黑松露，口感軟滑清新的牛油瓜以酸酸甜甜的沙律汁，配撘新鮮，味道又好，值得推介刺身盛合 5 款 $428包括牡丹蝦、三文魚、呑拿魚、油甘魚、馬糞海膽；看刺身上的油光的亮度已覺很新鮮，特別鍾情牡丹蝦及馬糞海膽 。牡丹蝦帶少少蝦膏，肉厚質爽，十分有蝦味；馬糞海膽非常新鮮，無腥味，好甜好creamy，海膽迷不容錯過。其他刺身也質素頗高，物有所值差不多完成刺身， 店員捧上剛才我們點的時令海產預備放在烤爐上燒。時令活蠔浜燒 $68/隻 (時價)加少少高湯與生蠔略烤一會便可上檯，蠔肉富彈性，幼滑爽口，還夾雜了點點海水味，真的鮮味到忍不住連汁都喝清光活日本響螺浜燒 $358在我們食蠔之際，職員已處理另一道菜中，他將日本響螺以高湯、清酒慢慢煮，然後將螺肉剪碎，連高湯一起倒進碗中。螺肉燒得剛剛好， 嫩而不韌，沾上高湯的螺肉鮮甜無比活日本帆立貝浜燒 $138 / 隻有兩種煮法 ~ 先試味道較清淡的再試另一款濃味的做法以清酒、 木魚高湯、帆立貝一起燒，鮮味更突出，口感彈牙另一款則以香草牛油、 蒜、醬油一起燒，顏色吸引，蒜香味更濃，但仍掩  不住帆立貝原有的天然鮮味活日本北寄貝浜燒 $198只是以清酒浜燒，火候控制得好好，北寄貝軟嫩、鮮甜、多汁，口感爽脆，最後我不顧儀態的將殼入面入的湯汁也一併往咀裏送，企圖讓那估不能言語的鮮味盡量在味蕾之間保留。乳酸味汽酒 $46有淡淡的乳酸味，不太甜，清涼解喝越後櫻醉樂無極300ML $248有清淡的花香味，酒味芳香，入口輕柔，搭配刺身、浜燒海鮮十分適合番薯雪糕 $68這款雪糕特別之處在於不論外型與味道均像真度極高 ~ 外面是連皮的真番薯 ，中心卻由番薯味雪糕所填滿，甜味適中，勁有番薯味 ，若果再解凍多一會 ，捧上手連皮連肉、雪糕一齊著食，口感應該更接近食真蕃薯的感覺不用跑到海邊，便能在一個舒適環境中品嚐一流的海產浜燒，又有店員貼心周到的服務，其實又何需飛日本，不如在此段抗疫期間留港消費，推動本地經濟吧。…查看更多

好像很久沒有吃爐端燒，今日來到銅鑼灣，就來到這間吃吧！這裡環境不算太大，但很有日本風味！看見餐牌，裡面很多美食都很吸引，經店員介紹後就叫了一些美食。未吃東西，我們就叫了一支清酒飲下，這款越後櫻醉樂無極很易入口，女士應該都不會覺得太嗆！特製黑松露炙燒平目魚邊沙律，裡面有很多平目魚邊，平目魚邊很肥美，魚油燒得甘香，蔬菜亦很新鮮，還有一些黑松露，令到沙律的味道立即提升不少！刺身盛合5款，這個剌身相當吸引，有三文魚，吞拿魚，油甘魚，馬糞海膽和牡丹蝦，三文魚，吞拿魚和油甘魚相當肥美，馬糞海膽配上紫菜一起吃，很甜，很滑，最吸引的是牡丹蝦，很大隻，很清甜很多肉，真的很正！跟著就是一連串的貝類首先是活日本帆立貝浜燒，因為我們叫了兩隻，店員建議我們用不同煮法，所以一隻是清酒燒，一隻是牛油燒，清酒有酒香，帆立貝很甜，加上酒香，確實很不同，而牛油燒就比清酒濃味一些，感覺和味道完全不同，牛油多了一份鹹香味！再來是活日本響螺浜燒和時令活蠔浜燒 。響螺用上昆布湯煮，不靱，很鮮味！而時令活蠔浜燒燒得剛剛好，不會很乾，蠔很肥美多汁，加上上湯一起燒，很清甜！活日本北寄貝浜燒我覺得是全晚最好吃的，因為燒得很嫰，不靱，鮮味突出，真的很有驚喜！我們吃完後，叫了兩杯汽酒，一杯是巨峰味，一杯是乳酸味，一款有很香的提子味，另一款酸酸甜甜，各有千揪！到了吃甜品，我們要了一個蕃薯雪糕和一個桃味雪葩，蕃薯雪糕用上蕃薯做雪糕，再放入蕃薯裡，蕃薯冰硬了，我們等待一會等蕃薯軟化一點吃，蕃薯很香甜，雪糕也很香，吃了一個已經很飽肚了！另一個桃味雪葩，入口清香，發出陣陣桃香，很清甜，用來做飯後甜品真的很好！吃完成個浜燒很滿足，這兒服務都很好，閒時來這兒都不錯啊！…查看更多

近日疫情下出街少左，所以今日難得放假同老婆出去食好嘢，諗起想食日本剌身又想食燒海鮮就嚟到呢間漁獲浜燒，嚟到店員先量體溫再用酒精搓手就入去開餐佢哋內在環境寬敞，今次坐到吧枱位可以見師父切魚刀法先嚟一杯乳酸梳打，飲落開胃醒神首先嚟個開胃黑松露炙燒平目魚邊沙津，佢嘅平目魚邊配牛油果加黑松露，食落開胃美味我點左剌身盛合6款有三文魚，赤鯥魚，赤貝， 油甘魚 ，帶子等，每款肉質厚生鮮嫩跟住主菜我就點左3款浜燒時令活蠔浜燒蠔身肥味，咬落肉質新鮮美味活日本帆立貝浜燒帆立貝肉厚鮮嫩，食落鮮甜活日本北寄貝浜燒北寄貝新鮮大隻，食落有口感幾款浜燒配上嘅師父調味將鮮味迫哂出嚟，跟住點左西京燒鯖魚配上少許檸檬汁新鮮美味之後我點左個生燒鰻魚飯，佢嘅醬汁再配上鰻魚嘅鮮嫩入口即溶嘅感覺，簡直完美當然最後唔少得甜品同老婆一人一個蕃薯雪糕雪糕加埋蕃薯一起食呢個配合絕配桃味雪葩食落桃味濃郁配上原個桃，十分特別總結呢餐令我十分難忘，值得一再回味…查看更多

可能細佬近期喺互聯網上甚為活躍，上載親大多更為歡樂時光嘅花絮，靚女舞友得悉銅鑼灣日式浜燒店「漁獲浜燒」正做緊超強嘅歡樂時光優惠，週日至三全天所有720mL裝日本清酒均買一送一，飲唔哂仲可以拎返屋企添，第一時間即通知XO仔！哈哈，打蛇隨棍上，二話不說更約會舞伴週二晚黃昏五點半去尋歡樂！餐廳佔用面積全層，木造嘅間隔配上彩畫布簾及招財貓等小擺設，和風味十分濃厚。顧名思義，「漁獲浜燒」主打海鮮菜式，所以正門亦好貼題地有個鮮明嘅魚缸，四周亦可見不少貝殼裝飾及彩圖海報講解不同海鮮嘅種類。店子最埋邊有幾個高櫈吧位。其餘則為二至多人嘅合併式散座。兩口子被安排入座最正嘅窗口位，光線充裕得很。由於所有浜燒菜式都係由年輕嘅服務生即場燒煮，席上除咗有齊備嘅餐具，每枱都擺定個浜燒爐、烹調用具及調味。為方便食客可棄置海鮮嘅殼同骨，餐桌上亦早已預備咗個鐵桶，非常衛生。話明收咗工係黎歡樂一番喎，小肥埋位當然係要先叫酒飲啦！飲品牌共有三頁之多，其中兩頁全為日本清酒。既然係為「週日至三嘅清酒買一送一」優惠而來，二人就應哥哥仔推介，點咗樽果香味濃郁嘅「越乃雪椿　月之玉響　原酒　純米大吟醸」（$1,088）。嘩咔咔，一人飲返自己嗰樽，唔洗爭又冇得呃，夠哂爽呀！細佬有酒萬事足，點餸重任當然係留返俾美女搞掂啦，飯來張口是何其幸福也！秋刀魚刺身（$238）：銀光閃閃嘅節令秋刀魚刺身不單擺盤精美，砌成心形嘅魚肉爽厚肥美，後面較薄嘅秋刀魚片亦軟潤鮮香。小弟出咗名怕骨，餘下嘅頭尾及魚骨炸完之後當然係好豪咁成碟請女伴食啦！嘩，眼見佢食魚唔𦧲骨嘅模樣多麼享受，膽小嘅XO仔知道從此以後一定唔可以得罪依人哦！特製黑松露炙燒平目魚邊沙律（$138）：沙律嘅生菜清脆爽口，伴上自家製香草汁調味亦相當清新醒胃，精髓在於舖面嘅炙燒平目魚邊，入口即連同黑松露嘅芬芳化於舌上，美妙極！浜燒漁獲前，哥哥仔先呈上所點之海產項目，面對著問題少男，佢仲好有耐性地續一講解不同嘅燒煮方法。每位面前都有三色調味醬，左起分別為自家製海鮮豉油、柚子胡椒醬、七味味噌。由於食材新鮮高質，浜燒時亦會混入清酒、高湯及昆布調味，故亦建議食客可盡量原汁原味享用。活日本文蛤蜆　浜燒（$88/原隻）：文蛤蜆邊燒邊開口，成個開哂口即熟透可食得。蜆隻色澤白裡透粉紅，咬落爽潤多汁，不用多點醬油已夠鮮甜肥美。鱈場蟹腳　浜燒（$198/一份）：鱈場蟹腳浜燒於燒煮時已被剪開，所以不費吹灰之力就可以夾出蟹肉，鱈場蟹腳雪白幼嫩，輕輕點上自家製海鮮豉油後更覺鮮香甜美！活日本北寄貝　浜燒（$198/原隻）：北寄貝肉爽潤彈牙，不過有別於頭兩款浜燒，原隻北寄貝必先於燒煮前切成條條。活日本榮螺　浜燒（$88/原隻）：榮螺粒粒煙韌有嚼勁，燒煮方法同北寄貝嘅無異，只係榮螺粒粒因更為厚身，燒煮時間亦相對地較長。活日本帆立貝　浜燒（$138/原隻）：多款浜燒中以帆立貝嘅製作過程最為複雜，第一次燒煮時就好似燒蜆咁等帆立貝慢慢開口，之後交由廚房師傅清洗後再以牛油烹調。帆立貝肉厚鮮嫩，裙邊亦巧薄帶脆，兩者均惹味香口。唐揚炸雞（$48）：熱辣辣嘅唐揚炸雞外表金黃，皮層香脆，雞肉軟嫩且肉汁豐盛，送酒一流！香桃雪葩（$58）：香桃雪葩冰涼消暑，微甜可口，十分討好。樓上居酒屋「漁獲浜燒」環境簡潔，服務生友善又有耐性，浜燒海鮮高質美味，最抵玩就係週日至三嘅買一送一清酒優惠，直令品嚐浜燒嘅時光過得更加歡樂！…查看更多

環境4分：日式居酒屋格局，門口有個大魚缸，牆身貼滿時令餐牌同D推介菜。八點未到已經爆場，氣氛好好，可以畀四分。衛生5分：地方唔大但係都好整齊，出面有七八個壽司吧位，其餘每一張枱都有個gas爐，有齊曬海鮮醬，味噌醬，柚子醬同新鮮檸檬，仲有個垃圾鐵桶，方便衛生，可以畀五分。服務5分：服務員招呼周到，會介紹同解釋Ｄ菜，仲會响你面前即刻燒新鮮嘅海鮮，每一枱Ｄ海鮮燒到好香，成間餐廳都聞到，服務絕對要畀滿分。味道5分：1)     Sake越乃雪椿月之玉響純米大吟醸原酒個果味好香，好易入口，又夠清爽。星期日至三，所有sake都係買一送一，飲唔曬可以帶走，真係非常之抵。2)     秋刀魚刺身非常肥美鮮甜，擺上枱嘅賣相一流，師傅刀功都係一流。食完刺身，條魚骨攞左去炸，炸到脆卜卜，Ｄ魚骨完全可以吞曬落肚，真係好好食。3)     特製黑松露炙燒平目魚邊沙律有牛油果，番茄，羅馬生菜，同埋炙燒平目魚邊。沙律好爽好脆，燒過嘅平目魚邊特別有油香，整到成碟沙律唔會好單調。4)      活日本文蛤蜆非常大隻，燒出嚟卜卜聲，落Ｄ清酒煮有酒香，煮完非常肥大同鮮甜。5)      鱈場蟹腳好易食，Ｄ肉好嫩好鮮好甜。6)      活日本北寄貝同活日本榮螺呢，係切好一粒粒後先响清酒同高湯入面滾住燒嘅，Ｄ肉好爽好甜好潤。7)    活日本帆立貝都係切粒粒嚟燒，Ｄ肉好嫩，個牛油味好香好出。8)     清酒煮黃金貝一煲入面有六隻，慢慢响枱滾著等佢開口，然後食得，煮完黃金蜆Ｄ湯特別鮮甜。9)      唐揚炸雞炸得非常香口，送酒一流。10)  甜品蕃薯雪糕成個雪糕非常濃郁嘅蕃薯味道，又清新又飽肚。抵食5分：日式居酒屋嚟講Ｄ海鮮真係非常之靚，全部响面前煮，貨真價實有保證，最抵就係星期日至三sake買一送一，九點半後乜酒都有買一送一優惠，所以畀滿分。…查看更多

特製黑松露炙燒平目魚邊沙律 ($138)顏色鮮艷，滑溜嘅牛油果配合油份爆燈嘅平目魚邊、仲有香濃嘅黑松露醬，味道非常夾，超級好味！金目鯛刺身 ($580)原條起肉做刺身，夠晒霸氣！油脂適中，肉質細膩，食完之後，店員將成條魚骨攞去炸，有啲鹹香又脆卜卜，送酒啱晒味噌蟹甲羅燒 ($78)店員將鵪鶉蛋、蟹膏及脆脆撈勻後就開始燒，瞬間已經燒好，食落唔係好膩，搽麵包食好襯活日本北寄貝 ($198)口感軟綿又鮮甜，一啲渣都冇活龍蝦浜燒 ($598)第二次食原隻龍蝦，燒之前仲拎咗埋嚟俾我哋影相。一路燒一路加上龍蝦膏及蝦肉味噌，肉質彈牙有嚼勁，味道濃郁香煎蒜片厚切牛舌 ($98)係我最愛嘅牛舌！每一塊都好厚身，外層煎得香脆，內層好爽口，食出啖啖都係肉汁，最重要係蒜片夠晒嘅香又多，一齊食真係絕配再食埋桃味雪葩及番薯雪糕，完美的一餐~…查看更多

特製黑松露炙燒平目魚邊沙律 ($138)平目魚、牛油果、番茄、沙律菜，配上香濃嘅黑松露醬，好野味，平目魚輕輕燒過，有少少炭燒味，仲好肥美、油份高金目鯛刺身 ($580)原條做刺身，厚切，肉質細膩，油脂適中，魚骨都無浪費，拎去炸，鹹香又脆卜卜，送酒一流味噌蟹甲羅燒 ($78)蟹膏加鵪鶉蛋放响蟹甲上燒，燒到咁上下，再加麵包糠，蟹膏味出晒，乾乾哋，放在麵包上，好香口，比多幾片包我都仲得活日本北寄貝 ($198)北寄貝加上了清酒同昆布燒，比平刺身更鮮甜，食完仲可以飲湯活龍蝦浜燒 ($598)原隻龍蝦開邊燒，一邊燒一邊加龍蝦膏及蝦肉味噌响上面，肉質爽口彈牙、味道清甜香煎蒜片厚切牛舌 ($98)配上勁多嘅蒜片嘅厚切牛舌煎至外層香脆，又爽口，又juicy最後食埋個時令桃味雪葩及番薯雪糕，完美…查看更多