牛陣 (銅鑼灣廣場一期)

营业中

休息中

今日原本去銅鑼灣登龍街一間餐廳食牛，點知去到之後，才知道餐廳暫停營業，有一點點失望；之後再係附近搵下有乜好食，最後去咗銅鑼灣廣場嘅「牛陣」，午市有60分鐘及90分鐘放題，價錢由$129起。我哋最後揀咗「60分鐘午市放題套餐 - 澳洲產長期殼飼牛放題套餐 $159」，包括有「澳洲產長期穀飼牛、嚴選牛肉、豚肉、牛舌」，食完食第一轉牛我們再追加穀飼牛及豚肉，但今次d牛比較多肥肉，好似和第一轉嘅牛不同，問一問服務員，她說是同一款牛，但位置不同；感覺有點奇怪🤔價格💰：每位 $180.5 ($159 + 自選湯底$5 + 服務費$16.4)味道😋：一般

這個星期秋風起令到我又想去打邊爐了，上網睇到FB牛陣做緊泰式主題，所以就同 Honey一齊食左銅鑼灣一期的牛陣。牛陣一直都是在我心目中有幾高評價的火煱店，所以對這餐飯同樣是有高的期望值。坐低後，我同店員講要美肌冬陰功湯底，隨即店主就攞了一籃配料過黎教我們DIY冬陰功湯底，令我有少少喜出望外，第一次DIY湯底，先以牛脂肪燒熱隻鍋，再加入泰式配料香茅、泰檸葉、南薑、紅蔥頭、天椒、莞茜莖、草菇、秀珍菇一起炒香隻鍋，之後再加入蝦和魷魚這兩款海鮮，炒在一起時，已聞到陣陣香味，最後再加入冬陰功湯。當湯底滾時，率先飲左一碗，冬陰功湯底是好好飲，好濃味，有點甜味帶點少少酸酸地的味道，又唔會覺得辣，如果想湯底味道再酸D，可加少少青擰汁，調配出合適自己的味道。我心想天氣再冷一點，相信飲完一定有種暖泣泣的感覺呢!限時只有 100 分鐘，所以會爭取時間大吃大喝一番。店員會先送上幾款類別的食物，食完一碟後可叫店員再追加，包括有嚴選穀飼上級牛肉、牛舌、豬豚肉和大滿足—海鮮盤 (有帶子、蠔和魷魚)，牛肉和豚肉都切都到好薄身，肉質都幾新鮮。每次來到牛陣，我都會不停地追加都是上級牛肉，因為牛肉的雪花均勻，滾兩滾就食得，

今日阿仔提議請我倆老食火煱以慶祝他第一次出糧。因他剛剛踏入社會做嘢，人工自然不高；所以我倆皆唔忍心去D太昂貴嘅食肆。故揀選了這間價錢都算實惠質素亦不錯的火煱店～牛陣。佢地主打日式和牛放題，其實以前都幫襯過；適逢今次推介冬陰功湯底，以前都未曾試過於是就試下。首先服務員把鍋燒熱，再放幾粒牛脂粒去爆香鍋底；然後把冬蔭公之配料順序放上。有辣椒、香茅、羗片、蒜和泰色香料，然後放埋鮮蝦爆香後再加入冬陰功湯。 整過程中大家都聞到濃郁香味。 隨卽火煱主角當然要出場啦！澳洲穀飼牛肉雪花分怖均勻，肉質唔錯牛味濃。黑豚肉咬落嫩滑唔鞋口。牛舌大大塊甚有口感。鮑魚、帶子和墨魚仔等等都很新鮮，最重要是以上種種皆可自由添加。另外任食自助吧(無論蔬菜、丸子、茹類等統統齊備)，各式飲品和啤酒(Asahi和正在推介的象啤)，Haagen Daza雪糕外；這個餐原來包每位客人一支美肌手工雪條。細心一看原來我在雜誌上看過是新產品，而這品牌亦很出名的；今次居然可以一飽口福啦！

天氣漸漸轉凉、係時候同火鍋做朋友了。小妖今天好努力在圖書館温習了兩小時、要給与她能量兼慰勞下啦。。。！她最喜歡打邊爐、於是乎帶她食火鍋放題最適合不過。時間尚早、不用等位、非常幸運。排列得整整齊齊的蔬菜和調味自助區、另人有信心人和安心食用。試過有些店亂七八糟、有點反胃。種類雖然不多、但能滿足要求！蔬菜的新鮮度達到水準、讚！小妖喜歡嚐辣、選了泡菜湯底。最初覺得完全唔辣全無泡菜味、但經過番滾、辣度續漸提升、好滋味、好醒胃。肉類水準亦不錯。特選牛肉、油脂分佈均勻、入口即溶感。豚肉、味道濃郁、不錯。牛舌、由於薄片、只須數秒、便能吃到軟腍的牛舌。牛味香濃。甜品區有名牌雪糕、小妖連吃五球、真誇張！個半小時好快過了、好飽好滿足、頂著大大肚腩回家去。此時門口己大排長龍、慢慢等吧。。。嘻嘻～