山田海韓國料理

营业中

休息中

好友生日，佢愛人想同佢搞個特別派對！🥳唔想去傳統酒樓食，於是決定食韓燒！🍗🥩🍖屋企附近有間食開嘅，於是就同老闆娘商量一下，可否畀一個角落我哋開party？佢一口應承，仲畀地方我哋做簡單佈置！🥰🥰🥳當晚我哋有廿多人，安排菜式好似自助餐咁，廿幾人又飲又食非常盡興！！因為都見過好多次有人嚟開生日party，（當晚計埋我地已經有四枱～）所以知道佢會代訂蛋糕，真係又靚又實惠！老闆娘有時間仲會幫我哋調酒，普通平時飲開嘅「深水炸彈」已經未能滿足我哋…😅🤭佢有獨門秘方：叫做「苦盡甘來」，其實係由人蔘酒、燒酒、啤酒、可樂組合而成～最重要係一個儀式感，沖製過程需時，大家要耐心等待！！講真一句，我個人覺得幾好飲嘅，不過有啲人就覺得人蔘酒嘅味道有啲苦～😅話明苦盡甘來呀嘛……最重要係結果要甜！！當晚mvp係豬腸同豬皮，真係冇得輸！豬腸香辣～煙煙靭靭～口感非常好！！豬皮充滿骨膠原，食完滿咀滿足！食完仲可以繼續飲到盡興～🍻🥂🍾不過啤酒要自備～佢舖頭冇提供！可以響樓下便利店買上去代雪！平時食飯可以walk in，但如果開party就一定要預約啦！

同韓國朋友慶祝生日，當然食韓餐。韓國朋友無泡菜，不能食飽，去到邊都這樣說，無言。我係牛魔王，無牛不歡。一口氣叫了二份牛肋骨(有醃)，二份牛肋骨(無醃)，好林，好有牛肉鮮味。再來二份蝦，一上枱，不得不大叫，似乎叫多左D服務生講，老闆送左蔥沙律，拌來食，口感&味道一流，好好味。