長沙灣街坊帶路依間海鮮小菜菜館，海鮮鮮味，小炒有鑊氣，價錢相宜，以後想食小炒唔使淨係去深水埗，行過兩步嚟依到更吸引😀✌🏻燒鵝係依度招牌菜，皮脆肉嫩好juicy，唔係好肥，尤其佢嘅酸梅醬同一般餐廳唔同，更加酸甜同香，難怪係招牌菜🪿叫咗個鷓鴣燉湯，一大煲連湯渣好足料，燉湯唔油膩又好入味，滋補又好飲🍲嚟依到必叫海鮮，豉椒蟶子米粉底嘅蟶子大大隻，肉質鮮味彈牙，米粉底脆卜卜，加埋啲豉椒汁就好好食。薑蔥炒蟹好有鑊氣，肉蟹啖啖肉，勁滿足🦀最後仲有啫啫煲炒芥蘭，一上枱香到痴線，啲蝦醬味出晒嚟，芥蘭又香甜🥬甜品我哋無預訂無得食西米焗布丁，依家好少地方有得食，記得訂😭4個人食到肚滿腸肥都係人均~$250，大推薦！…查看更多
