榮華冰室

今天有事出油塘，搵有什麼好食時看到榮華冰室，一見到店面的相就決定到小店尋味+到茶果嶺一遊，看看香港快要消失的地方。坐巴士係附近下車，隨意漫步拍照，無意間就走到榮華冰室的門口。店門不算特別明顯，走心一點可能會錯過左。入到去，冷氣撲面而來，感覺好舒服。一張張木枱木櫈， 懷舊風味十足。一入去就會見到一面照片牆，有一些是名人有一些是年代久遠的生活照。牆上已經退色的廣告女郎和月歷見證住店舖的歲月。手寫的價目表，$19一碗麵，$12一杯熱飲，真的不禁懷疑是否時光倒流到10年前了。腸蛋麵/餐蛋麵(各$19) 一上來飲啖湯食啖麵就有驚喜，佢絕對係我依幾年食過最好味的一丁麵！湯底香濃，麵軟硬恰恰到好處，最開心係d麵無愈食愈淋。蛋煎得剛剛好，蛋黃未全熟，帶有一點流心，蛋邊金黃。腸仔不是現在出面買一包10條廚師腸的死咸。老公叫的餐蛋麵，餐肉是2片薄切。食的人表示只記得個麵好好食，其他唔記得。熱奶茶($12)正常奶茶，飲落幾滑。凍檸茶($14)老公好開心同我講有5片檸檬，茶沒有苦澀味。西多($18) 睇個樣就知正嘢，邊半煎炸到金黃色，沒有夾心，落的是練奶不是糖漿，愈食愈想食。…查看更多

茶果嶺呢個地方好多人都聽過，但應該好少人會特登黎～以前呢度種咗好多血桐樹(又叫做茶果樹)，村民整茶果就會攞呢啲血桐樹葉墊底，所以就做 茶果嶺🏘而有留意新聞嘅都會知道，茶果嶺村將會被人拆，之後起樓😔👆🏻呢度幾乎都係木屋、鐵皮屋，係香港僅餘嘅寮屋區之一👆🏻村入面大部分鋪頭已經無做，淨低三、四間營業，其中一間就係開咗差唔多六十年嘅榮華冰室☕冰室依然係用舊式嘅鐵閘👇🏻舊式嘅字體～一入到去仲好似返返六、七十年代咁，財神都係嗰個年代嘅產物啊！👇🏻👆🏻放滿午餐肉、回鍋肉罐頭🐷👇🏻朱柏盧治家格言，呢個係家傳戶曉嘅家訓，教育人們做人嘅道理，可見鏡叔都係一個好著重修養、品德嘅人😹👍🏻👇🏻牆上貼滿六、七十年代嘅美女海報，仲有老闆鏡叔、鏡嬸嘅相，同埋佢地同明星演員嘅合照👆🏻😆👇🏻經典手寫餐牌，價錢好似都停留咗喺以前咁，譬如話一杯熱奶茶只係11蚊，餐蛋麵就18蚊🙀👍🏻由於只有鏡叔一個，所以嘢食會整得比較慢啲，但勝在熱辣辣🥰而呢日叫咗碗炒烏冬，可能啲菜煮晒😹所有碗嘢望落dry啲啲😹不過係幾有鍋氣，而且唔會太油～如果想無咁dry嘅可以加隻煎蛋👍🏻熱奶茶係值得推介！！！☕無諗過會咁有茶味，奶、茶比例啱啱好～唔太甜，同埋都算滑👍🏻呢啲鋪頭仔有呢個水準係幾高分架啦～呢個我會再去飲！！順便又可以探吓鏡叔👨🏻👇🏻👇🏻👇🏻…查看更多

特登過油塘搵朋友食晏就,叫佢推介佢介紹左大本營個food court比我!我當然唔制啦一場黎到可唔可以食特別少少先🙆🏻‍♀️一諗就諗起一間懷舊冰室係附近！上openrιce一cнecĸ就係⋯⋯茶果嶺村入面自成一角既榮華冰室啦❤️.當然如我所願就去啦!油塘A2地鐵站出！行路又得搭小巴都得！我就行左20分鐘先到😂.🤓呢度門面小小又位於村內👀坦口說村外人都會幾難知道有呢間餐廳嘅存在呢!仲要裝潢夠哂懷舊！呢種鐵閘我好喜歡呀😍牆上面仲有唔少明星既合照👀佢既餐牌都好有特色架！全手寫夠晒風味但有些字變淡了入到去得6-8個卡位左右ga za!好彩去到都有位🙃🙃因為附近既地盤工人都會過黎食晏仔呢🤓諗左諗決定叫一碗餐蛋面一杯熱奶茶 一碟雞翼尖 一件西多！都夠晒食👉🏻餐蛋面$15 •餐肉厚切蛋蛋普通，麵身有點點麻油香味比想像中有彈性！沒有太大驚喜👉🏻雞翼尖 $13 •用鹵水燜煮的食落鹵水味都重,入口仲可以做到離骨可能都餣得耐呢！基本上無乜味精!唯獨翼尖較細隻無肉食😂分量都算多既👉🏻西多士 $14•即叫即做！婆婆將佢切成九宮格,一口便可以ĸo,係上面淋上煉奶而非糖漿'雖然都好食但我較愛糖漿呢!另一讚的是西多士沒有夾任何餡料✌🏻不會過膩又食得出麵包鬆軟香口🤤甜甜地!超讚😍👉🏻熱奶茶 $10•唔係好夠熱但夠滑！茶味不太濃但飲落好有舊時既味道食完個陣婆婆仲會坐低慢慢同你傾計！舊有既地方同人情味係第二度好難搵到！所以話呢懷舊冰室買少見少,見到d特別既都會想去試下💪🏻…查看更多

#40巴士除了把我帶到有點隔涉的饒宗頤文化館外,還可到達鄰近麗港城總站的茶果嶺。在和煦冬日陽光下,由麗港城漫步至茶果嶺其實很近,經過一列海鮮批發後已到達自成一角的茶果嶺村,人煙稀少的平靜小村小巷間,只看到午飯後的居民在陽光下閒聊及玩耍的小童,好悠閒的生活模式唷!以為很難找到的榮華冰室,就在兒童遊樂場的左手面十數步之遙民居之間,大路前容易可見的開記冰室正門的斜對面,從其充滿風霜的門面及刻有店名的鐵閘,真的不用懷疑她的歷史,那種真正古舊風味不是現今復刻版冰室可以做到的。細小的冰室門前還有古董汽水櫃不知道是否仍然可用,看到它就想到小時候在士多裡打開水櫃看到支裝汽水的興奮!當然那溫泉般湧出的冷水最有趣嚕! 小冰室只有五組木造的古董卡座,還有心型的耶!看到這台古董木椅,身體超重的月巴人真的不太敢坐下去,只怕自己會把椅子弄塌,但原來它還很實在,坐下去也沒有搖動半分,那就安心了!正跟街坊閒談的老闆娘見到這名陌生外來客人,即時送上熱茶一杯並親切的說:"飲杯茶先",期間絕無催促點菜之意哩。曬著太陽行了一段路程的月巴人客只用手掌輕輕扇涼一兩下,老闆娘已細心地開啟屋頂吊扇讓空氣流動一下,感謝。漆油斑駁的牆上除了店主家庭照及名人合照外,這片手寫餐牌也是讓我留意最多的地方,因舊式冰室牌照所限關係,這家冰室也沒有飯或意粉供應,只有簡單得可在家裡自製的三文治或粉麵,配搭也不離雞蛋、午餐肉、火腿、五香肉丁,最特別的食材都是魚片及雞翼尖而已,價錢卻比外間的便宜很多!熱奶茶($9)茶色偏深,用上古早無耳玻璃杯完全感受到茶的熱力,厚肉香蕉型手指也燙得有點痛哩!細嚐一口發覺這杯奶茶的比例是茶比奶多,茶味如顏色般偏濃,細味下也可啖出一點紅茶香,不用加糖也不苦澀的茶味,合格有餘的熱奶茶。餐蛋麵($15)就在店後方的小小廚房裡泡製,簡簡單單的跟家中所煮沒兩樣,午餐肉是橙色罐裝的名牌子,在超市裡也不便真的唷!薄薄兩片午餐肉用心的煎成表面香脆,如用作餐蛋治定會更香口;太陽蛋煎得好漂亮,高高的蛋黃證明雞蛋相當新鮮,沒有脆邊的薄薄蛋白保持滑溜,個人認為全生蛋黃才最精彩,熟蛋真不是我的茶!不用額外加錢的一丁麵煮得爽口夠Q,只是現在的一丁湯底總沒有以前的濃郁香氣,而且也沒有加入麻油,不過這碗一丁還是好吃的。一邊看婦女節目一邊聽著老闆娘及街坊的對話,真像在家吃麵般,像茶果嶺聚腳點的小冰室不時有街坊進來聊幾句,女街坊見到我這生面口陌生人也會笑笑的打個招呼,這小村莊民風真比外面的友善得多。…查看更多