熊拉麵 (白加士街)

平時食拉麵 通常都想叫埋餃子 熊自家製餃子$48 （5件）皮薄夠脆夠熱,多肉汁 味道很好, 不會太鹹另外仲有3款餃子😗下次再試～ 📍熊拉麵 (白加士街) (佐敦)佐敦白加士街8號地舖…查看更多

掛住日本家鄉唯有食住拉麵頂住先今次嚟到熊拉麵又係一間CP值高嘅拉麵店店唔收加一，如果唔加小食其實係80幾一碗拉麵，係抵食我地2人點咗魚介熊拉麵同埋黑熊拉麵，仲加咗餃子同細角切叉燒我點係黑蒜油叉燒豬骨湯拉麵蒜香非常濃郁，又唔搶咗本身湯底嘅甜味叉燒係水準之作，入口鬆化，但唔係入口即溶果隻保留肉嘅質感朋友點嘅魚介叉燒豬骨湯拉麵我試咗少少，味道上當然係無黑蒜咁強烈濃郁反而魚介多咗鮮甜味，令濃而不膩嚟個合照，但我其實想介紹係左上角配菜左面係辣芽菜，中間係高菜漬，右面係薑我唔好薑只係試咗芽菜同高菜特別介紹下高菜係日本三大醃菜之一佢類似我地雪菜，配搭拉麵食中和油膩感係日本九州拉麵店都好易搵到高菜漬有機會可以配搭高菜嚐一口日本本土味熊自家製餃子，皮薄味道好味，但比起拉麵無驚艷之處另外，個細叉燒飯唔記得影相但米非常香，一食就知係日本米配搭叉燒非常好味因為無咩汁，食到一半，我將白飯加拉麵湯一齊食有另一番風味最後捧住個肚走，非常飽同滿足…查看更多

星期二Around 1點去到，5mins都唔洗就入得，店內坐滿人，野食都好快到👏👏—————————————————————★喺出面等會比點餐紙，同日本拉麵店一樣，圈想食嘅餐、麵硬度、叉燒肥瘦等，未決定到都可以入去坐低繼續諗👌★可以走蔥、木耳等★枱底有籃比你放袋★枱上有好冰嘅檸檬水、蔥、紙巾等等，杯、匙羹、筷子、牙籤都係喺枱上面自己拎🙌如果唔見有可以通知下★店內有廁所，只可以企到1個人，有提供廁板紙(要注意環保喔🙇)，洗手要出廁所轉左個洗手盤★內有yell card可以扭，但今日去已經係最後一期★店內播嘅都係日文歌，但只有BGM，冇人唱(有和音)★叫完野食會比單你，食完行出去比錢—————————————————————①魚介熊拉麵 $89 (肥叉、中幼麵)▶湯底極濃，但偏鹹▶湯係有d黏個種，即使食個陣唔飲湯，麵上面都有一層湯&蒜油痴住👌▶叉燒有2塊，有層仔脂肪，好軟嫩▶蛋係塘心蛋，蛋黃仲係流質，超好食————————————————————②招牌熊拉麵 $88 (瘦叉、幼麵)▶湯底極濃，但有d鹹▶木耳有d酸(醋)▶湯都係有d黏個種，即使食個陣唔飲湯，麵上面都有一層湯痴住👌▶叉燒有2塊，好軟嫩▶蛋係塘心蛋，較上面個碗熟，但都係超好食———————————————————③熊招牌餃子 $40 (一碟有5隻)▶好juicy，好濃味▶但個料有d普通，係肉同粟米😢…查看更多

熊拉麵🍜，第一次吃，鋪頭細細，裝修帶著一點懷舊感。因疫情關係，座位有點梳離，所以會坐得舒服點。幸好去到即有位，唔洗等，入座後門口好多人等同一般日式拉麵店一樣，自己一人一張紙，填自己喜愛既面，面質，辣度，叉燒款式等等，可加紫菜，糖心蛋（推薦）我們點了一個招牌熊拉麵，一個赤熊拉麵（辣），一份熊自家製餃子🥟拉麵湯底好濃郁，叉燒肥美好快就一啖接一啖食哂，加上桌上任夾既辣芽菜更加惹味餃子係由芝士同粟米做成，完全唔洗點汁同夠味，唔錯…查看更多

有休市同埋舖頭入邊有通告嘅小黃店💛呢間其實成日都經過 但係一路都冇食 估唔到佢咁好食 但係好似冇咩人講咁😭我地今次食既三樣嘢都好出色 開心🥳·秘製醬汁魚油撈麵 $88呢個係見佢好得意所以嗌嘅 點知咁好食🤤佢係有少少似日式嗰啲炒麵 但係係用拉麵整嘅 之後個拉麵質感好好 超級有咬口 而且唔會話太乾 超級得意🤩而且佢都幾多配料 同埋佢啲叉燒粒完全唔會hea你 都係一樣口感好好 推介大家試下啊🥳·招牌熊拉麵$85呢一個我勁驚艷 佢係上到嚟個湯勁熱 係熱到好滿足嗰種熱 之後個湯底都唔錯 唔會話太鹹又或者會好頸渴😌我就揀咗梅頭嗰隻半肥瘦叉燒 肉質同口感都好好 超級滿足 不過係佢個糖心蛋我自己覺得佢有啲漬得太耐 比較鹹同埋個蛋黃個質地有少少好似漿住咗咁🙊🙊·熊自家製餃子$40呢一個又係超好食 係勁熱辣辣 佢煎到個皮勁脆 而且入邊個餡調味得好好 仲要超級juicy 超級滿足🥟·#rbyeat#rby日本菜#rby小黃店#rby佐敦 #rby上環·📍佐敦白加士街8號地舖📍上環蘇杭街84號…查看更多

做完運動，近近地行過去佐敦食個簡單晚餐，男朋友話佢之前試過唔錯帶我去試下呢間熊拉麵呢條街比較多食肆，競爭自然大，不過呢頭又好似無拉麵，呢間睇門口都知正宗日本拉麵，內裡都同日本街上食到既拉麵店完全一樣！門口仲掛住個大燈籠，遠處都睇見！最主要分3款湯底：豬骨湯、豬骨魚介湯、赤湯（辣），我比較喜歡單純豬骨湯唔加任何野，比較品嚐到本身湯底既豬骨湯原味，而佢試期間限定既咖哩豚骨拉麵！我果碗拉麵加左糖心蛋，唔會好大碗，份量對我黎講啱啱好！湯帶有膠質，但唔會過分地厚同油膩，啖曬成碗都唔覺滯，唔錯！拉麵就用幼身拉麵，揀左硬身麵底但黎到都係正常較身，好彩唔會太淋都啱口感！叉燒有火灸過，帶點灸燒香，肥瘦度幾好，唔係成啖肥肉！糖心蛋係流心蛋黃既，有蛋香！好食！佢果碗咖哩拉麵相對上濃味好多，咖哩湯汁好濃身，加上粗身拉麵掛到好多湯，配料有比較少見既蘿蔔絲同蕃茄粒，應該係配合夏天想加D清爽感～本身叫左替玉劵（加麵底），但又叫左一客煎餃子怕最後麵係食唔曬，都係退左佢，好彩呢張替玉劵如果客人覺得飽，可以退左佢！超級有彈性！拉麵入面無筍，要食可以加配呢客自家製煎餃子好香口，煎得靚又大隻，一客5隻要2個人分享先得！另外，檯上面既調味料當中有醃菜同辣芽菜，辣芽菜好好味！我地喪食😂平食得黎又唔錯既選擇！食到最尾，飲曬D湯，就見到熊仔食住拉麵咁多謝你！非常隱藏😉…查看更多

我和男友都是拉麵控，自從恒豐那裡沒了後，我倆都會到不同拉麵店試新味~ 九龍公園附近有家熊拉麵，位置不在繁忙的街道，偶爾經過才看到呢。裡面有吧枱和一張大枱圍著坐，好有日本風味~桌上有水和不同調味料，各適其適。拉麵湯底有八款之多，讓我有點選擇困難。我覺得這裡最特別的是連叉燒都能選肥瘦度男友突然說要挑戰吃辣，就選了赤熊。橙紅色的湯底看起來不辣，但原來愈喝愈辣，他最後都是受不到讓我吃這碗配的是火炙肥叉燒，好厚的一片又炙得香，不過真的好肥啊！爽口的木耳跟辣湯好夾！我就選了魚介豬骨，是必定會好吃的組合來。充滿鮮味的鰹魚粉跟creamy的豬骨湯混合後香味十足，味道濃厚梅頭瘦叉燒較薄但面積大，雖然脂肪少，肉質卻軟，比較適合我。這碗還送流心蛋，既香蛋味且嫩滑。兩碗麵都是中幼麵，雖不太掛滑但麵質彈牙，選硬身沒錯了。另外，我們也點了餃子，很少看到煎得那麼美，一點也不焦的餃子，簡直是剛剛好！香脆的餃皮內塞滿蔥末和豬肉末，餡料味濃多汁，點餃子汁吃味道更豐富魚介豬骨湯實在太好喝，我們清了，就看到可愛的小熊說謝謝~這種質素對得起這價錢~ 夜點來就要排隊啦！…查看更多

拉麵癮發作, 決定放左工一定要去搵間拉麵店食晚餐｡ 上網 search search, 發現佐敦其實都有好幾間拉麵店, 所以就落左去踫運氣｡ 由白加士街頭開始行, 見到呢間拉麵店仲未有太多人等,  最後就決定試試｡ 門口放左幾張櫈俾人坐住排隊等, 等左5分鐘左右就入得｡ 店內有一張好大張嘅長枱同長吧枱, 基本上D食客係圍住呢兩張枱坐｡ 食客想食咩就喺張紙上剔, 剔完寫座號後就可以交俾店員｡ 今次叫左一碗赤熊拉麵 & 一碟熊自家製餃子｡赤熊拉麵我揀左1.5mm中幼麵 & 瘦叉燒, 塊叉燒都算大塊, 但切得好薄｡ 個湯底係微辣 (因為係”赤”), 如果豬骨味再濃厚D會更好｡ 碗麵有蔥 & 木耳, 如要追加配料要再加錢｡ 整體黎講, 碗拉麵味道OK, 但唔算非常突出｡熊自家製餃子煎得好香口, 外皮香脆, 入面D肉汁都仲保留到, 唔錯唔錯  …查看更多

👁‍🗨 招牌熊拉麵（8/10）💲85誤打誤撞入左間拉麵店，估唔到又幾有驚喜喎😍首先可以自己任加前菜，就算係唔太食到🌶️既我都幾鍾意佢個辣辣地既芽菜😙我叫左個大炙肥叉燒，食落有少少入口即溶既感覺好正🙊我知會肥但係間唔中食一兩次肥野無壞😌當然如果唔鍾意肥叉燒都可以叫佢既梅頭瘦叉燒💁🏻‍♀️仲有全隻溏心蛋，蛋黃外層較熟而中間流心到爆出黎，幾有蛋香🥚我揀左普通硬度既中幼麵，韌度適中，掛湯力亦都唔錯🥢我無加到香油，個湯底濃味而不油膩😳不過同朋友食完後大家都頗為口乾口渴，但因為碗麵唔鹹，所以應該係味精重左啲👁‍🗨 熊自家製餃子（7/10）💲38見到好多人食拉麵都會加配呢個餃子，等我又跟下風😂上檯熱辣辣，食落外皮微脆，仲要大大粒，咬落啲肉汁真係爆出黎，入面勁多餡，多蔥多肉🤓不過始終有些少油膩，食得多會濟，所以兩個人分比較好😃🔛 整體評分（7.5/10）…查看更多

今日小妹同男友去開圓方睇戲，拉麵狂熱既我今日搵到係佐敦呢間熊拉麵佢入到去舖頭細細，日風氣氛揚溢，比較欣賞坐係吧枱既位佢地係會係吧枱前水吧送餐，十分傳統佢有兩款前菜任添，水同餐具都係自助既，非常便利餐牌上都算多選擇，佢有齊豚骨、黑蒜油、辛味及魚介湯，多款選擇適合各人去醫肚品嚐嗜辣既我當然簡左試下赤熊拉麵啦，唯一可惜既係要另加紫菜同溏心蛋，但其實價格算合理，加埋一隻溏心蛋就$90一碗赤熊拉麵 $80 ★★★嗜辣的話，辣度其實一般，湯都夠濃厚，配料份量都足夠，但可惜冇紫菜要另加，小妹加左溏心蛋，但可能浸耐左所以蛋黃有少許熟左，麵質簡左硬，叉燒只有一塊，但有得選擇要咩叉燒，我簡左火灸肥叉燒，淋香肥厚，而且好香火灸味聽人講佢碗底有熊仔同我打招呼，只可惜我飲唔晒啲湯，因為係辣味噌所以更咸，到最後1/3湯再飲會渴喉，所以挑戰唔成功男友就簡左黑熊拉麵黑熊拉麵 $80 ★★★湯底黑蒜味香濃，份量足夠男女均可，不過順帶提一提，唔食得辣既朋友，叉燒上個點應該係辣味噌，所以可以挑走佢，但如果未算完全食唔到辣，撈勻佢食味更香濃熊自家製餃子 $38 ★★★餃子皮薄多汁，但未至於香脆，如果可以做到香脆更佳整體黎講都唔錯，性價格比高，兩個人食左$222，$300有找，味道都唔錯🍜🍜會再黎…查看更多

無飯夫妻兩口子平常在尖沙咀會吃韓國菜，走到白加士街就會吃「澳牛」，今晚內子走著走著，居然會來試一試這條街的日本拉麵。星期二的七時許，食客尚不算多，等一會兒就入坐了。這裡的拉麵基本有幾款選擇，招牌熊、黑熊、白熊和赤熊，兩口子決定一起選招牌熊來試試。這間拉麵是可以選擇麵的粗幼硬度，香蔥木耳配菜需不需要，其中較特別的是叉燒可選肥、瘦或是粒上。男人的「quota」較大，筆者選了肥叉(如圖)，內子就選了梅頭。肥叉的豬油部份佔整塊叉燒約四、五分之一，是愛吃肥肉的朋友的不二選擇。另一特色是招牌熊附上的糖心蛋是整個上的，入口咬下去感覺上較為滿足。麵條筆者就選了1.25mm幼麵，內子則選了1.5mm較像「油麵」粗度的中幼麵，個人而言，幼麵入口較為彈牙，亦能多帶湯汁，較為味美。至於湯底就算是略為咸和油膩的那種，雖然如此，筆者還是在麵條都吃畢後多呷了幾口湯。餃子比想像中大粒，煎煮後的餃子皮略脆香口，餡料亦十足，點上醬汁更加鮮甜，是一個不錯的「加餸」選擇。枱上另外有些醃製了的辣芽菜、紅薑和高菜可作為其他配菜任食，滿足喜歡多配菜的食客。…查看更多

因為老公要去上環，所以索性响上環食埋先返屋企，上Openrice搜尋好西係必然o既事，勢估唔到上環都有拉麵，而且一致好評，唔好諗咁多gogogo！招牌熊拉麵 $85我哋同樣點咗呢個招牌熊拉麵，因為呢款有蛋兼唔辣，麵有分粗幼，叉燒有分肥同瘦，既然平時食開既叉燒唔肥，咁今次就豁出去叫件肥叉，叉燒用火槍燒過，份外香氣撲鼻，肥o既部分仲入口即溶，超正！麵靱度十足，湯底濃郁得嚟又唔油，我忍唔住飲晒成碗heehee，蛋係流心中帶點creamy，係我鍾意o既流心程度，呢碗拉麵我比5粒星，極力推介呢個＂熊＂！熊自家製餃子 $38即叫即煎，非常熱辣可口，餃子皮薄多餡兼多肉汁，再點埋特製醬油，就算叫我食晒成碟都唔夠喉呀！二人共消費: $208 (無加一)…查看更多

週六下班無所事事，與同事四處亂逛覓食，發現佐敦白加士街一家新開張的拉麵店外排著長長人龍，近2點了也這麼多人輪候，不容錯過吧？熊拉麵店面不大，高樓底增加了店內的空間感，店內座位就是吧檯長桌加上一張大長桌，食客圍著長桌用餐有種日式地道小店風味。穿著大衣的我看著少許擁擠的座位真有點煩惱，幸好店裡有掛鉤可把大衣掛上，這樣就可以更自在舒適地用餐啦。餐牌上印有主打拉麵的彩圖，很引人食慾，但可能因為還是新開張試業期間，拉麵選擇不算太多，一些限量的餐點也已經完售，要吃的話下次請早。點餐紙設計簡潔又細緻，基本上先選拉麵款式，再選麵的粗幼硬度和是否需要加蔥跟木耳，其次還有追加配料、單點料理、飲品等，每個項目都有列明價錢，很清晰。覺得份量不夠嗎？可以加$12追加麵，店員會送上「替玉卷」，在吃完之前3分鐘請通知店員追加，要是吃罷覺得分量足夠也可以不追加退回$12，很貼心的設計呢！招牌熊拉麵 $83初次接觸當然要試試他們的招牌拉麵，湯底用豬骨、海鮮及新鮮蔬菜猛火淆制12小時，上桌時聞到淡淡豬骨湯香氣，湯頭不會過咸，不會蓋過配料的味道，加分！配料有叉燒、昆布、香蔥和糖心蛋，簡單傳統。糖心蛋咬開是半流心，帶有淡淡的咸香，一流！我選擇的是軟身粗麵，直身麵條掛湯度不錯，每口也帶些許湯滑溜溜的，要是麵條更彈牙就完美了！熊自家製餃子 $38在場不少人都加點了餃子，外皮煎得焦脆，皮薄得可以透視餡料，粒粒飽滿餡料不少。咬開後有些許肉汁流出，菜肉餡料口感比單純肉餡更豐富有層次，美味！！工作過後吃到美味拉麵，倦意都飛走了，下次再光顧！…查看更多

食日本本拉麵，除左一蘭，呢間拉麵店都係不錯的推介舖面寬敞，餐廳採用客席同廚房連成一體的設計，感覺更有日本風情 店員招呼周到，仲細心得幫你將外套掛上牆上，袋都可以放到枱下的滕籃 好彩早d入黎，否則，大排長龍 點左 招牌菜 超級巨熊拉麵 同熊自家製餃子超級巨熊拉麵（$123）拉麵材料多，當中真的要激讚糖心蛋，剛熟，蛋黃流心之餘，蛋味濃郁，味道不咸，蛋白也滑溜入口，推介必試！ 叉燒厚度剛好，汁煮得香而不咸，叉燒入味之餘，並不感到肉膩，面則選了幼麵，硬身，食落彈牙爽口，面質毫不輸蝕，配上由豬骨，海帶，上海螺片同魚乾製成嘅湯底，精華盡嘗之餘，沒有魚腥，味道當然不用說也知道一流，師傅即製上枱，新鮮食用並不會浸軟，影響食材同顧客對食物要求，抵讚！ 同熊自家製餃子（$38）眼見隔離嘅食客點了餃子，賣相吸引，不得不想一嘗，一咬落口，師傅亦將餃子煎得香口之餘，餃子皮薄餡多，餡料的肉汁完全封存好，令到餃子更為出色，手工一流～ 餃子也不得不推介 是次餐廳體驗很好，價錢合理，可惜的是，餐廳為保持食物質素而不設外賣，若想再食，就一定要到餐廳享用…查看更多