德美居酒屋 (已結業)

一路都聽人哋講德美壽司好好食，自己之前都試過食另外一間，今次第一次試呢個細細間嘅德美壽司，今日嘅輪候時間都唔算短，但係講緊我哋前面係冇枱等緊，都等左成20分鐘，真係餓到我肚都扁:(，終於等到有得食，我哋叫咗三文魚茶漬飯，海鮮蒸蛋，清酒煮蜆，帶子沙律，燒牛舌，燒煙肉蠔，火炙三文魚飯，發覺呢度個餐牌俾另外嘅德美有嘅嘢食係少好多，我哋想點嘅海膽刺身同埋芝士年糕都冇，唔知係咪因為新年嘅關係所以好多嘢食都冇，有少少失望，不過我哋叫嘅嘢食質素都唔差，味道方面清酒煮蜆唔似出邊一般嘅清酒煮蜆兜湯咁淡口，佢有好強烈嘅酒味，非常足料，燒牛舌亦都抵讚，仲有海鮮蒸蛋都非常足料，個蛋一上到嚟啲餸滿都一眼就望到，果然德美就係唔同啲。而且睇下大家，記得食多啲食飽啲，因為我哋兩個人食完好似好飽，但係過咗幾個鐘之後出奇地感覺到勁肚餓，唔係太耐飽。…查看更多

放假去紅磡食飯兼睇戲，但唔記得book定檯。唯有六點正去到德美門口等位，好彩咁岩有張圓檯每次去德美必食既，一定係佢既招牌玉子燒！賣相同平時一樣，可惜今次係凍食......不過不失，但係我比較喜歡熱食多D:(跟住黎左自稱有原隻軟殼蟹既牛油果蟹子卷。軟殻蟹係岩岩炸好！熱辣辣既軟殼蟹同牛油果好夾，食一D都落唔油膩！有埋蟹殼切開左一半，放左係卷物既隔離。黎居酒居點可以唔嗌串燒呢！所以我地嗌左串燒牛舌試下，點知一試完就即刻嗌多串！之後就係燒鵝肝多士。厚厚既鵝肝下面係法式麵包，麵包下面有士多啤梨味既乳酪，感覺好新穎。一啖咬落去，鵝肝D油係個口入面流返出黎證明師父將鵝肝D油鎖住左係入面，所以一咬就將滿足既感覺表現晒出黎！本身想嗌多份，不過怕一次過食咁多鵝肝會感覺膩，所以放棄左......然後係黑蒜九州拉麵，可能之前食既三樣食物都太出色，相比之下，感覺黑蒜味唔太濃。叉燒唔算太厚亦唔算太薄，不過不失。最後係Encore既燒牛舌，都係一樣咁好味燒物水準唔錯，下次再黎一定會試埋其他串燒先至得喇！！…查看更多