三才魚蛋粉麵

呢日係屋企接到仔仔約我去銅鑼灣區最近喺網上紅到飛起嘅長龍粉麵檔食當紅魚蛋粉.📌 三才魚蛋粉麵 (銅鑼灣)銅鑼灣渣甸坊48號采怡閣地下6號舖我哋約定咗下午兩點鐘喺門口等.我哋一齊準時到達.本來一心試佢哋嘅下午茶.見人龍唔係好長.排咗20分鐘.就輪到我哋.見到距離下午茶還有10分鐘.都唔理咁多.費事夜長夢多.依事入座.在點餐時下了單.聽到啲侍應講.今日下午茶暫停🤚.不過都唔關我事.因為我哋已經落咗單.同埋侍應話今天炸魚皮賣晒.最快要等到下午四點幾才有供應.😩今日點餐如下： 1. 牛腩/魚片頭/墨魚蝦條河粉X1 $47元 配罐裝可樂汽水X1 $7元 2. 牛筋/墨魚蝦條河粉 X1 $41元 配罐裝忌廉汽水 X1 $7元 3. 牛筋/墨魚丸河粉 X1 $41元 配罐裝忌廉汽水 X1 $7元 4. 魚蛋（淨食）$32元 X2 $64元 5. 郊外油菜（菜心）X1 $15元 6. 炸魚皮（行街）X1 $17元📌註：炸魚皮係埋單後.見人哋枱面有炸魚皮.即刻追加（行街）.所以張單沒有炸魚皮價錢。呢度服務有小小問題.埋位坐低.不停追問你食乜嘢.魚皮返咗嚟.又唔出聲.直至埋咗單才見到近門口枱客枱面有炸魚皮.我哋追問下.由食客講我知有炸魚皮.便立即追加.又話最快四點幾才有.返咗嚟.又唔聲.應該通知客人有無人追加魚皮😩還有佢哋可以隨時更改下午茶取消😩輸打贏要😩希望改善下的服務.就算你哋啲嘢食幾好.今時今日係講服務！…查看更多

講起香港嘅地道美食，「魚蛋粉」一定唔少得，要喺眾多魚蛋粉中突圍而出，食材嘅講究就係關鍵所在🥴 多次到訪銅鑼灣嘅「三才」，每日新鮮手打魚蛋，原塊炸魚皮更係令人一食難忘🤤《 牛腩牛筋河 》 4 / 5除咗魚蛋之外牛腩牛筋亦係好多食客摯愛👍🏻 牛腩入味肉質好嫩好綿唔柴口；牛筋亦好彈牙有勁道😋 湯底雖然加咗腩汁，但仍然唔會油膩，仲帶點清甜😋 加埋秘製辣椒油，份外惹味🤤《 炸魚皮 》 5 / 5 🌟🌟🌟🌟🌟必食炸魚皮，完整一大塊咁炸所以片片都手掌咁大👍🏻 而且確保每片都脆卜卜，而且無油益味，食得出嘅新鮮👍🏻🤤 《 腐乳通菜 》 4.5 / 5好抵食，通菜新鮮葉嫩翠綠😋 腐乳亦好鮮甜👍🏻除咗堂食之外亦有好多人外賣配料作火鍋之用，例如手打魚片、韭菜餃等，價錢亦都好親民👍🏻———————————————🏠環境舒適度：外賣自取🥡👅舔脷回頭度：💛💛💛💛📸打卡able度：💛💛💛💛🙇🏻‍♀️服務滿意度：💛💛💛💛———————————————…查看更多

銅鑼灣數一數二人氣魚蛋粉麵店，無論什麼時候來到都是滿店狀態。下午茶時間有魚皮/熱飲或者油菜送，銅鑼灣鬧市這個價錢這個質素邊度搵？是日例牌照舊點了牛腩米，三才牛腩汁特別濃郁，牛腩肥瘦均勻，一點都不韌，配上特製辣椒油就最滋味！鍾意的話更可以買一罐回家慢慢享受魚皮炸得鬆脆，口感不會硬繃繃！話雖如此贈送，但份量都不會馬虎。腐乳通菜個醬冇得輸，有淡淡酒味，非常之香牛腩魚蛋魚皮撈粗比想像中大份，女仔的話兩個人都可能夠食，粗麵非常有咬口，好煙韌。牛腩好似牛扒咁大舊，肉質入口鬆軟，而且非常入味，必定用了很長時間熬制一邊用餐的時候，一邊都有客人買馳名的魚蛋魚片，而的確三才的魚蛋及魚片都非常彈牙，而且魚味十足，推介必定要試！…查看更多

估唔到銅鑼灣都有平靚正嘅粉麵食吖！打工仔恩物啊！呢度lunch time比繁忙，要喺門口叫定嘢食，入座即上咖～🍜牛腩河 $35 + 墨魚蝦條 $6 （雙拼）牛腩夠軟腍肉量都幾多！墨魚蝦條彈牙平平哋食個lunch 好舒服～🥬通菜 $15店員仲會問加腐乳醬定加蠔油大大碗通菜，成碗食哂都好飽😂 呢個真喺超抵食吖！🍢鮮炸魚皮 $17呢間小店嘅名物就喺炸魚皮啦！咬落去咔嚓咔嚓咁超級脆卜卜超爽口嘅炸魚皮！酥脆度拎滿分🤩…查看更多

臨近聖誕, 週末行街購物, 行到攰便隨意選擇了一間魚蛋粉休息醫肚.餐廳店面不算大, 但亦乾淨企理, 加上店員們的友善招待更令人窩心牛腩, 墨魚蝦條麵牛腩份量不少, 亦不會有大量肥膏, 炆得入味,口感軟身, 簡單而高質. 墨魚蝦條彈牙又充滿鮮味. 麵身亦不錯. 配上自家辣椒油, 香口惹味而不太辣鮮蝦水餃河水餃皮薄更突顯飽滿的肉餡, 蔬菜與蝦的比例平衡, 河粉亦不會碎濕濕, 口感剛好炸魚皮與一般超市買到的包裝魚皮完全不同, 香脆之餘更帶有淡淡魚鮮味, 浸1浸湯中更加美味.總結: 無論是份量和味道都十分超值, 再加上店員的溫暖服務態度, 令人一再回味. 💛💛💛💛💛…查看更多

銅鑼灣食嘢普遍都比較貴，所以呢間三才魚蛋粉麵相對之下性價比非常之高，尤其係下午茶餐送魚皮、油菜或者熱飲，兩點幾已經好多人喺門口排隊。除咗抵食之外，三才嘅嘢食全部都係自家製，質素都好高。就好似我最鍾意食嘅炸魚皮，就係舖頭起肉整魚蛋之後，用魚皮去炸。可能係比較新鮮嘅關係，比包裝零食嘅炸魚皮厚身，魚味亦都較濃。我同朋友各叫咗一個茶餐，再加一店腩汁芥蘭。芥蘭非常翠綠嫩口，但咬落去都好腍好易咬。嚟呢度當然唔少得魚蛋魚片河，有魚味當然係基本，魚蛋非常彈牙，不愧係鎮店之寶。由於係清湯湯底，所以加咗餐廳秘製辣椒油調味，辣椒油加咗炸蒜，聞落去好香之餘，辣味亦都好夠好惹味。朋友叫咗牛什麵，都係舖頭自家製。平日豬嘅內臟就食得多，真係比較少食牛雜。除咗牛大腸同牛肚之外，其他都唔係好認到，不過牛味好重，火候十足，好多餸煮到好腍好入味，湯底相對魚蛋河濃，有啲似牛腩湯底。飲品我叫咗杯檸檬菜蜜。朋友叫左杯柚子蜜。…查看更多

今天放假相約男朋友去銅鑼灣逛街，偶然間發現了一間親民小店。我們分別點了一碗魚蛋魚片米粉，一碗西洋菜餃河粉、炸魚皮和欖汁生菜。店員上菜效率很高，很快就有東西食了。西洋菜餃有四隻，每隻都脹卜卜，咬開一口，見到內裏餡料充足。西洋菜夾雜着豬肉碎，鹹中帶點清甜味。魚蛋是自家手打的，口感較為彈牙，鮮味突出。炸魚皮十分香脆，質感厚身。有一塊特別大塊，如果剪細就更方便食用和分享。欖汁生菜就正常水準。總的來說，每樣食物的份量都不少，我們都食得很飽之餘，價錢還很便宜。…查看更多

姐最鍾意幫襯小店，今次好random 咁係銅鑼灣揀左呢間三才魚蛋粉麵，上菜收碟執野都好快，下次一定再Encore 試埋個牛什！雲吞墨魚蝦條麵-雲吞係鮮蝦餡，蝦肉爽甜-墨魚蝦條有驚喜！濃濃的墨魚滑味，仲好彈牙。魚蛋牛腩麵-魚蛋有魚味！好耐冇食過有魚味的魚蛋了！-牛腩非常淋，份量亦好大份，配埋秘製醬汁好惹味，成個味道再昇華左炸魚皮-好脆口，上菜時仲係熱的！芥蘭-姐每次都必定叫菜，碗的size 同碗麵差不多，抵食走的時候二點左右，平日都咁多人排緊隊，好旺場！…查看更多

今日要去銅鑼灣攞月餅，行過”銅鑼灣女人街”，見到哩間小店，就入去試吓。呢度都算幾隱蔽，入去量完體溫就坐低咗，呢度選擇都算多，我本來叫咗牛腩牛雜河粉，點知太好賣了，河粉米線都賣晒，最後叫咗牛腩牛雜米(少米)，另外加多個炸魚皮。牛膀：唔會太實太乾牛肚：軟嫩彈牙，微微爽口牛腸：乾淨，少少油脂，油香一流牛腩：好淋又入味炸魚皮：好脆，唔係超薄嗰隻，所以有口感，浸湯食剛剛好佢個湯頭同平時食嘅腩汁湯底有d唔同，但係我好喜歡，食到最後，幾乎飲晒個湯😌😌。…查看更多

今天中午不用上班，午餐選了一間簡單粉麵舖，不過下著大雨，使全身濕透，只好打包外賣帶回家！一進門看見牆上周圍貼上很多食物相片，賣相頗吸引，我是看相片才決定選那些食物。這裡雖然不大，但枱與枱之間有足夠距離，而且有搓手液提供，也會幫客人量度體溫，防疫措施做得不錯。工作人員效率不錯，外賣不用等多久已經可以提取，有效率！推介：炸魚皮、炸墨魚蝦條、紫菜四寶。墨魚蝦條粗：我選擇粗麵是因為喜歡粗麵的口感。很欣賞他們把麵與湯分開盛載，令外賣回家吃時，麵也不會過腍，確實回家進食時麵仍爽口，墨魚與鮮蝦配合彈牙可口，值得推介。紫菜四寶：看見相片介紹肉丸是店舖自己打，所以想每款都試下，就選擇了剩紫菜四寶，四寶就分別有魚蛋、貢丸、豬肉丸和魚皮餃。雖然各口感不一樣，但想不到丸子長時間浸在湯裡仍不失彈牙感覺。魚皮餃也皮薄餡靚而且鮮甜美味。紫菜也不錯，沒有腥味，也沒有沙，雖然是配角，但能令湯底鮮甜美味的就是牠，最後把湯一滴都沒剩。炸魚皮：之前吃過別的炸魚皮，感覺撒了過多味粉，最後喝了很多水。但三才炸魚皮沒有口渴感覺，而且這魚皮炸得非常脆口，味道很好，我知道有些人會放湯吃，但我較喜歡不放湯吃，因為喜歡脆脆的口感，就好似食零食，十分吸引。配菜：不得不提的就他們的調味小包。調味包內有炸蒜、咸菜、辣油及醋等等，味道真的不錯，也夠貼心。還有麵檔內有很多小食也想吃，特別看到白味和泰式鳳爪相片好吸引，但怕一個人吃不掉那麼多，最後沒叫，唯有下次再吃。…查看更多

這幾個月疫情嚴重，政府不時勸喻市民無乜事最好留在家中不要外出，以免受到感染。就算外出最好不要堂食，所以做個有責任和有良知的市民一於嚮應外買。今午剛剛在銅鑼灣渣甸坊換扣物品，突然見到間老字號的粉麵鋪，牆身張貼上很多食客留念的照片；感覺良好一於試吓。魚旦米線此處魚旦出名自家手打，食落果然彈牙爽口。今次揀選米線貪佢冇咁肥健康D。再加上少許辣椒油更顯魚旦和魚片鮮味。牛腩牛肚河牛腩瘦得來很淋滑，一D都唔鞋口；食得健康。而牛肚亦炆得恰到好處，有口感和夠哂味。份量亦很足，舖滿整碗面。炸魚皮大大片很脆很乾身，又冇油益味；應是每天新鮮落鑊炸。泰式鳳爪味道甜酸適中，鳳爪爽脆夾少許微辣；是唔錯的前菜，非常開胃。值得一提是員工很窩心將湯和粉麵分開盛載，不需客人要求。同時所有配料如炸蒜、冬菜、醋和辣椒油一一奉上，絕不吝嗇。原來他們的辣椒油亦是自家秘製，用蒜粒炸香來製造，味道濃耶；最重要是辣度適中，更能提升食材鮮味。…查看更多

今日同同事來食下午茶，2:30-6:00pm有優惠（3選1:送炸魚皮/油菜/飲品） 好抵食，難怪咁多客人。地方雖然小，但都光猛乾淨。女侍應好直率、男侍應比較有耐性。出名魚蛋、魚片、牛什，我們就每人選了不同的品嚐。包括了油菜（菜芯、芥蘭、生菜）、炸墨魚條、牛丸、魚蛋、魚片等，也可選米線、米粉、麵我選了牛腩魚蛋湯河+炸魚皮牛腩好入味好易咬、香軟又配上腩汁，魚蛋彈牙口感不錯，河粉軟滑；炸魚皮必點，好脆口好大塊，金黃色的；…查看更多

雖然銅鑼灣有好多好東西吃但是當天實在太想吃粉面於是見到渣甸坊附近有間叫三才的粉面店看似不錯。沒想到已是下午兩時多店舖還是坐滿客人，看來這店的名氣也不錯我和朋友分別叫了一個牛腩河和豬肉片米粉這個牛腩河真的不算貴。牛腩醃得入味而且不會太肥也不會太瘦剛剛好，很適合我朋友的口味湯底也很濃郁而且牛腩的份量也不少。這個豬肉片米粉也很好吃豬肉片很軟腍還帶點爽口。吃下來很香口。我們還點了通菜和炸魚皮不得不讚通菜很新鮮而且很大碟，非常抵吃！另外還要讚讚炸魚皮，夠薄夠香脆可口，沒有一陣油壓味，配上湯粉非常匹配。在這個地段能夠吃到這樣價錢高質素的粉面真的不錯👍🏻👍🏻…查看更多

不知為甚麼，有時候總是想念港式粉麵，就跟人們不期然想吃米線一樣，但米線不是我杯茶。南記跟譚仔／三哥，我會走向南記的。不過，這天在銅鑼灣想吃碗魚蛋粉，就想起朋友向我介紹的三才。 這店實在不好找，坐落於渣甸坊攤檔的兩旁，要不是小心翼翼地跟著門牌號碼看著找，一定錯過了店舖。 正值晚餐時間，人不多，跟午餐出現人龍的場面實是一大對比（現實是：午飯時間到處都是人，更何況這附近那麼多打工仔？）。不過，我想沒有很多人會像我一樣，晚餐會吃魚蛋粉，哈。 沒想太多，跟朋友各自點了自己想吃的粉麵後，另外再加了兩個小食。 雙拼：牛筋蝦條米線 $38 朋友點的牛筋蝦條米線，蝦條據說是必食之選，因為內有乾坤，所以我跟朋友就交換餸來吃。 雖然它看來似春卷條，但口感較爽口彈牙，驚喜的是原來蝦條中間是有蝦的，的確是真材實料呢！ 牛筋呢，有３件，每件都份量十足，不會大小參差。牛筋充滿膠質，不會過稔，而且有嚼勁呢！ 雙拼：西洋菜餃牛丸米 $33 介紹我來吃的朋友極度向我這裡的河粉，惜未開口下單，店員已事先說明，河粉已售罄，這晚註定我跟河粉無緣，我就只好選擇我鍾愛的米粉。 店內的介紹自稱丸類和餃子都是自家製，尤其餃子，更說是自家手做，很吸引呢。 西洋菜餃大大隻，脹卜卜；餃皮薄而通透，未吃已經看到內餡，名副其實的皮薄餡靚呢！。 咬下，餃子的比例是菜比肉多，又沒加味精，是晚餐一大健康之選。 菜比肉多，吃起來感覺超多汁的呢！這是第一次吃西洋菜餡，想不到也不錯呢！ 牛丸也是自家製，十分彈牙，不過牛肉味相對欠奉。相比之後，自家手包餃子更出色。 白味鳳爪 $22 看到有鳳爪，朋友難得願意吮，就立即點了。鳳爪不是全白色的，侍應說全白的話就不要吃，因為是加工漂白了的。 這是冷盤，一碗有5隻，一吃，超入味，又爽口，正，絕對是comfort food！吃著這個白味鳳爪，你可能覺得我很「麻甩」，不過，我不介意，因為享受美食才是最重要！ 炸魚皮 $15 新加坡的鹹蛋魚皮炒得熱哄哄，淺嘗過後，還是覺得地道的原味炸魚皮更合我心意。魚皮有點厚，不過吃起來十分香脆，咀嚼之下更令人感受到魚味！ 值得一提的是，店家在每張桌子上均貼上字句，說明每碗粉麵均會奉上配料，包括蔥、蒜蓉及冬菜，如果客人不喜歡或有其他額外需要的話，就最好下單時提出呢。 …查看更多

今日到銅鑼灣辦事完畢，見有時間順路到渣甸坊逛逛，服飾、手袋琳瑯滿目，是迷你型的女人街，吸引我是有一小檔攤是賣類似民族服裝，但我找不到心頭好。不經覺原來已經下午2:00，感覺累了也餓了！眼睛浮游著四方八面想找個地方，讓身心涼快點！企在渣甸坊將盡位置看到「三才魚蛋粉麵」，門口的白色門框很有白色小屋的感覺，而且吃魚蛋粉正合心意，我便走進小店鋪。我看見下午茶優惠，不過尚有半小時才可落單，我便向牆壁上的照片探索，原來店子大部份都是自家製，包括打魚旦、炸魚皮各款餃子........除了傳統魚旦牛筋腩，也有新的款式可供選擇。瀏覽完畢，首選自然是魚旦魚片河，配凍檸樂，炸魚皮（門鱔）。吃到魚鮮的魚旦魚片，感覺滿足，也帶出童年回憶，粉紅色的餐具又帶來令一番感覺，那是屬於女性的浪漫。匙羹有蔥、炸香蒜蓉和冬菜，現在一般店鋪只有蔥，炸香蒜蓉和冬菜已不多見有，堅持這份傳統很難得。淡而不寡的清湯配合河粉，大熱天時是我的最佳午餐。我喜歡吃炸魚皮，侍應告訴我今次吃的是門鱔皮，除了香脆可口，最重要沒有油臆味，我吃了幾口，餘下大部份帶回家中，讓家人也分甘同味。我是搭枱的，面對的座上客，結帳前外賣兩打生餃子，可惜我回家路遥。在享用滋味魚旦河的時間，有其他客人陸續結帳離開，年青的女侍應都有一句温馨提示：「多謝，記得拎齊野呀！」…查看更多