特別節日想食啲好嘢，朋友就諗起呢間「爆丼屋」～餐牌上嘅丼飯有10幾款，每款嘅圖片都好吸引，因為啲魚生/配料都會擺到滿晒，完全遮住咗下面嘅飯🤩 我哋一人叫咗一碗丼飯，待應仲會畀兩隻碟，咁打完卡之後就可以將部份魚生擺落隻碟，方便食嘅時候可以同時食到魚生同埋飯～ 兩碗丼飯嘅魚生都比較薄切，而丼飯就用上常溫嘅醋飯，飯量都幾多～•🥢 超份量！三重大極上丼 $398呢款丼飯睇相已經覺得好吸引，好彩實物都無太大落差🤩 佢嘅魚生就有拖羅、日本海膽同埋圍住喺碗邊嘅蟹肉～ 拖羅嘅油香好濃，口感好嫩滑，雖然每片拖羅都係比較薄，但份量算多，數埋都有10幾片😋海膽就只有最頂嘅2-3片，食落幾滑幾鮮甜，但都帶些微腥味😬 蟹肉嘅份量好多，食落都鮮甜～ 整體嚟講，呢個丼飯都值得一食～•🥢 火焰盛丼 $165相對之下，呢個火焰盛丼就真係唔太抵食～呢個丼總共有4款火灸海鮮：帆立貝、左口魚裙邊、三文魚同蟹棒，每款有「4件」左右，中間仲有一隻蛋黃可以撈飯食🤤～整體啲魚生都新鮮嘅，但只有三文魚比較大片，帆立貝同左口魚裙邊都非常之細件，尤其係帆立貝，係將一件本身已經比較薄嘅帆立貝片開做2塊，食落真係唔太滿足😢😢仲有一個幾大嘅缺點係啲魚生都火灸得唔夠，只係係咁易焫咗一兩下就算，夾開面頭果片三文魚就會見到底下疊住嘅三文魚都完全無火灸到…🥺•🥢 火灸左口魚裙邊黑松露沙律 $68朋友係黑松露控，所以一見到呢個黑松露沙律就叫咗🤭黑松露醬嘅份量都幾多，而且味道好香濃～左口魚裙邊嘅油味亦都好香，食落好滑🤤 沙律配料除咗生菜之外，仲有牛油果同埋車厘茄，加埋酸酸哋嘅沙律醋，好清新，可以解咗黑松露醬嘅濃味同埋左口魚裙邊嘅油膩感～…Read More
揭一揭餐牌，唔少魚生飯都係$150以上。 友人叫左火焰盛丼。中間有隻生蛋黃，已經係最吸引嘅部份
有帶子、蟹柳、三文魚等等。全部都有燒過嘅，但係每塊都燒得唔均勻，感覺上就好似隨手隨心燒一樣。
上面亦都冇特別嘅醬料，燒完都無黎聞味。
壽司飯係暖暖嘅，但係又冇醋味，又冇甜味，食落去根本都唔似食緊壽司飯咁
餐配麵豉湯
然後個麵豉湯其實係角汁煮，好鹹
三文魚子就夠鹹啦，不過一啲鮮味都冇
整體來說，也是跟餐牌的圖片相同會再次光臨！
我地二友星期一下午二點45分 唔洗排隊就可以即刻入座 店內環境都算是整潔 我地两個每人揀咗一款爆丼火焰盛丼 和 北海道豪盛丼爆丼神速地好快就送到
