牛牛鮮

🙋🏻‍♂️餓底探員去咗旺角調查呢間潮汕火鍋放題，餐廳新開張，供應多款部位手切牛肉，由潮汕廚師主理明檔現切，仲有多款火鍋配料，手工小食，啤酒汽水，自家製飲品，仲有紅白酒，全部任飲任食，150分鐘無限量追加，性價比超高🦞🥩至尊龍蝦拼盤 & 潮汕牛肉放題 $388/位🦞鮮活龍蝦海鮮拼盤🙋🏻‍♂️表示套餐包海鮮拼盤一份，有鮮活龍蝦，蟶子皇，鮑魚，桶蠔，海蝦，龍躉肉同沙白，一共7款海鮮，龍蝦肉質殫牙，蟶子皇爽口鮮甜，鮑魚香軟煙韌，每樣海鮮都好有鮮味🥩牛肉圈🙋🏻‍♂️表示一開始店員奉上牛肉圈，放上五款手切牛肉：五花趾口感彈牙，筋肉感强吊龍肉質爽脆，充滿濃郁牛味匙柄口感脆嫩，帶有彈性雪花肉質嫩滑多汁，油脂豐富牛胸油口感爽彈不油膩，充滿牛油香氣🦴招牌潮汕牛骨湯🙋🏻‍♂️表示湯底有8款選擇，㨂咗招牌牛骨湯，入面有牛腩，蘿蔔同香芹，湯頭清甜，充滿濃郁牛味🍡火鍋配料🙋🏻‍♂️表示有多款火鍋配料供應，有海鮮，蔬菜，仲有潮丸手工丸同手工餃，爆餡牛丸濃郁多汁，豬肚丸爽口鮮香，手工鮮蝦水餃皮薄鮮甜，魚皮蝦滑卷用魚皮餃嘅魚肉漿外皮包住彈牙蝦滑，非常特別🍗手工小食🙋🏻‍♂️表示多款潮汕手工小食，生炸南乳雞翼炸到香脆，鹹香嘅南乳香氣好惹味，即炸潮汕牛丸炸至金黃，口感彈牙，仲有炸午餐肉，避風塘粟米，手工咸蛋黃魚皮等🧋自家製飲品🙋🏻‍♂️表示自助吧有多款飲品供應，菊花茶清甜潤喉，港式奶茶甘香絲滑，另有啤酒汽水，紅白酒全部任飲📈吃貨指數😋好味度 9/10🔙返啅度 9/10…查看更多

香港食潮汕牛火鍋嘅餐廳唔係好多，旺角最近新開呢間火鍋店，極罕有推出手切潮汕牛肉火鍋放題！ 價錢仲好抵！ 三個價錢嘅放題餐正價由$198起至$388就食倒！叫到最高級別$388餐仲有豐富嘅海鮮拼盤😍😍🦞$388餐嘅海鮮拼盤有龍蝦、蟶子、鮑魚、蝦、蠔、沙白、鯇魚片，全部都好新鮮鮮甜，龍蝦啖啖肉，鮑魚大大隻夠爽彈，啲蝦都好鮮甜。💜呢度自選湯底有八款，潮汕牛骨湯同埋滋補藥膳湯都係店員推介，我哋試咗藥膳湯，有別於其他火鍋店濃郁嘅湯底風味，呢度嘅湯底反而係比較清淡，但係咁樣就食到潮汕牛肉嘅原味☺️ 鍾意湯底比較濃郁嘅朋友建議揀返沙嗲湯底嗰一類。🐮手切潮汕牛肉有五個部位，包括匙柄、吊龍、五花趾、雪花牛肉同埋牛胸油，我鍾意佢呢度嘅牛胸油係連埋牛肉切，並唔係真係成片白色，油脂平衡咁樣切特別好食💜除咗潮汕牛肉，仲會有美國肥牛、牛板鍵供應，照顧唔同朋友嘅口味。肉類另外都會有豬肉同醉雞件。🥒潮汕涼菜同埋小食都有得食，推薦必食潮汕南乳炸雞翼同埋炸潮汕牛丸。另外自取區有多款火鍋配料任攞，亦有隨機唔同嘅炸物小食供應，當日有炸雞軟骨，我覺得炸得超好食！🍺啤酒汽水任飲，自家製港式奶茶、涼茶以及冷泡茶都有；雪糕雪條選擇都算多，我鍾意佢有香蕉仔雪條，係兒時回憶啊🥰🥛🧧記得最後一定要同店員講想試吓盲盒開運甜品，其實係一個加咗幸運符嘅酸奶，每個人抽到嘅幸運符都唔同，睇吓今日你嘅運程係點樣☺️好玩又好味。…查看更多