Meat King

果日喺CWB剪髮，剪完就搵frd食飯，跟住就去Meat King開餐。上到去地方都幾闊落，人唔算多，有得坐卡位。我哋見到個自助沙律吧即刻發晒光，好吸引！所以我哋決定只叫一個漢堡扒另+$58 semi-buffet，不過哩度要每叫1件扒先可以用$58加buffet，所以我哋唯有另外再用正價$98加多1位buffet，同埋buffet限時90分鐘，所以食得幾多得幾多！我哋食咗溫泉蛋他他汁漢堡扒，要最細份嘅180g，留肚食buffet，同埋+$40轉全安格斯牛肉，如果唔加錢件扒就係豬肉溝牛肉。件扒熱辣辣勁香，我一淋汁落去，個溫泉蛋跌咗落去爛咗……好傷心，影唔到張靚相 漢堡扒牛味好濃，一切落去勁多汁咇出嚟！唔駛點醬已經好好味！跟住就梗係到我哋期待已久嘅semi-buffet啦!啲蔬菜賣相好新鮮討好！甜品同飲品有很多款！仲有湯，茶包同雪糕！而且麵包白飯任裝，尤其個麵包，又熱又軟熟！唔知係咪下午食得太飽，果晚飽到晚餐都食唔落，夜晚食咗個杯麵就算。…查看更多

最近行過銅鑼灣，在富豪酒店對面，見到一間位於二樓全層的餐廳，裝修時尚典雅，很有裏原宿樓上小店的感覺，碰巧又是晚飯時段，筆者當然二話不說便想上去試一下。來到樓下，原來是一間漢堡扒專門店，從樓下正門進去是一道長長的樓梯，走到盡頭有一個仿古火爐，熊熊烈火的晃動畫面，聲畫俱備，予人高貴溫暖的感覺。餐廳內裝修以古雅簡約為主調，木地板、紅磚牆、闊落的走廊和舒適的卡座，很有日式西餐廳的味道，據店員透露，這店原來是由日本過江龍來港開設的一家漢堡專門店，用料一絲不苟，只是裝潢已用了數百萬之多，就以放沙律的凍櫃為例，店主全都指定選用外地入口的進口貨，完全一貫日本人堅持質素的作風。餐牌內的選擇，除了漢堡扒以外，還有其它扒類和不同的特色小食供應，而另一吸引之處，就是點了主菜之後，可另加$58享用Side Dish自助吧，有齊沙律、湯品、甜品和不同的果汁飲品，用料新鮮，品種齊全，實在讓人期待。我們分別點了松露忌廉雜菌漢堡扒和溫泉蛋他他汁漢堡扒，外加一客鵝肝壽司，另外當然不會放過加錢的自助吧啦。趁大廚預備漢堡扒的同時，我們率先出去自助吧參觀一下。沙律吧排列得十分整齊，凍櫃不停有霧氣吹出來，營造出冷凍保鮮的感覺。菜蔬的種類算頗多，羅馬生菜、芝麻菜、九芽菜、紅毛生菜、西蘭花、枝豆、紅腰豆和四季豆等都有提供，不能盡錄，當中部分需花上不少功夫，如青瓜切薄片，紫洋蔥切絲，枝豆去了豆莢，也有部分蔬果經水烚過，可見到廚師的用心預備 。其他現成的也有雜菌三色椒沙律、碎蛋薯仔沙律、吞拿魚通粉、蘿蔔蕪菁天使麵配柚子汁等。另外就算沙律醬汁也有近八款之多，如凱撒、日式芝麻、青芥末蛋黃、千島、柚子胡椒、紫蘇、蘋果和黑醋橄欖油等，當中筆者最喜歡的是凱撒和日式芝麻醬汁，拌上菜蔬濃香開胃。店員會不時Refill當中的食材，更有部分會轉換一下款式。除了沙律以外、其他還有兩款湯品，忌廉粟米湯和蕃茄蔬菜湯，忌廉粟米湯濃厚細滑，帶著香甜的粟米味，Creamy細膩，味道很有某日本出名品牌粟米湯的影子；蕃茄蔬菜湯，酸酸的湯汁中夾雜著很多蔬菜小粒，蕃茄味濃，清新醒胃。參觀完自助吧，堆切好自己喜歡的沙律組合後，店員跟著奉上了此店自家製作的麵包和牛油。自家製的麵包就試得多，自家製的牛油還是第一次，麵包暖笠笠，鬆軟富彈性，淡淡的小麥香誘人垂涎，塗上薄薄的自家奶油，帶點微甜，奶香軟滑，個人覺得如加多一點鹹香會更吸引。率先登場的是鵝肝壽司，鵝肝大大件分量十足，兩面煎得微焦，入口即溶，脂香軟嫩。壽司飯糰吸收了鵝肝的油脂，甘香可口，惜飯粒較為鬆散，缺乏了壽司飯的黏軟結實口感，食落不太方便，有點失真，但以價比貨，不用一百元有四件厚厚的鵝肝，尚算抵食。接著到主菜登場，漢堡扒我們只點了標準size，但想不到份量仍十分驚人，足有寸多厚。端上來時用紙圈住了鐵板，讓加入醬汁後不會彈到滿枱都是，更附有即棄圍巾，完全不用怕會濺到衣服，十分貼心。漢堡扒伴隨著醬汁在熱辣辣的鐵板上發出吱吱的聲響，十分動聽，讓人期待。松露忌廉雜菌漢堡，一整排本菇夾雜著雞脾菇片放在厚厚的牛肉漢堡之上，雜菌香濃爽口，配上松露忌廉汁，更能凸顯菌香；漢堡扒煎得焦香，牛味濃郁，鬆軟多汁，蘸上醬汁，沒有估計中的濃膩，反而陪添了牛肉的滋味。溫泉蛋他他汁漢堡扒，印象中他他汁一向都是配搭魚柳，今次搭配牛肉漢堡扒，原來味道也頗不錯。切開面頭的溫泉蛋， 蛋汁緩緩流下融入漢堡扒之中， 微彈鬆軟的牛肉伴隨著蛋汁一同入口，沾上點點的他他汁，滑溜酸香，Juicy惹味。自助吧除了沙律和湯品之外，其實還有不同的飲品和甜品。飲品方面款式實在不少，凍飲有幾款新鮮果汁選擇，如蘋果汁和橙汁，還有綠茶、烏龍茶及汽水；熱的就有由咖啡機沖調的幾款口味咖啡，還有不同品種的香茶或朱古力供客人自行沖泡享用，選擇多多，豐富健康。而這裡的甜品很精緻的骰，全部都是迷你版，讓客人可試多幾款而不是太飽。自家製的甜品有芝士撻、朱古力撻、甜薯、啫喱、芒果布甸和草莓奶凍，還有健康鮮美的雜果盤。當中朱古力撻朱古力味頗濃、芝士撻餅皮鬆脆但芝士味欠奉，草莓乳奶凍和芒果布甸軟滑富果香，原本還有雪糕供應，但因實在太飽，所以沒有享用了。此店雖標榜以漢堡為主打，但其實還有頗多其他的選擇，就算閣下不是食肉獸一族，見到那齊全的自助沙律吧也應該會心動。整頓飯質素不俗，既好味又滿足，雖然店員招呼有點不夠到位未夠專業，但仍算親切有禮貌，二百多元食到捧著肚皮離開，性價比算高，值得一試！…查看更多

又有新餐廳推介，不但有美味的日式漢堡扒，選擇多之餘，還有半自助餐，有齊沙律、前菜、餐湯、飲品、甜品，而且米飯及餐包都任食。日式漢堡扒有10多款口味，也有鐵板牛扒、雞扒等等選擇，而我地點的日式漢堡扒分別有180g、280g、454g，三個份量選擇，基本上點180g的standard  size就已經夠飽。因為可以加$18，任添米飯及自家烘焙餐包。想更滿足，就像我地加$58來個full set，有齊半自助餐區的各款美食。沙律區有羅馬生菜、紅毛生菜、九芽菜、芝麻菜，還有10款蔬菜配搭，非常乾淨維新，而且都很新鮮。前菜區有4款沙律，醬汁也有8款之多，口味大致是日式與西式的配搭。特別一讚放置沙律及前菜的凍櫃頗夠冰凍，食物保持溫度又不易變壞，很有日本人的細心和認真。餐湯只有2款，分別洋蔥湯和粟米湯，有麵包脆粒提供。我選了粟米湯，好溫和順喉，粟米味濃郁，質感creamy，有如日本的粟米濃湯，味道好好。飲品區比較大，因為極多選擇，有較為吸引我的果汁區，橙汁、蘋果汁、綠茶、烏龍茶，還有野菜汁及我喜歡的檸檬紫蘇汁，粉紅色好迷人。也有數款西茶及日本茶自己沖泡，還有小朋友喜歡的朱古力，因為呢度有兒童餐。汽水機及冰水都有提供。檸檬紫蘇汁微微酸甜，清涼解渴，而且可消膩，最岩食完肉食的我。沙律菜好爽脆，配自己喜歡的醬汁，我用少見的蘋果醬汁，以蘋果蓉及蘋果醋拌勻製成，更清甜有果香。碎蛋薯仔沙律比較乾身，多點醬會更滋味。吞拿魚通粉幾好味，通粉保持彈牙質感。蘿蔔蕪菁天使麵配柚子汁，味道一般，但天使麵好爽彈。連餐包都好精美，牛油是花花形太可愛，餐包也絕不馬虎。餐廳自家製的麵包，每日新鮮出爐，特別鬆軟，送上時微暖又香，太吸引啦。我超級喜歡，大家必食。芝士漢堡扒 $168，餐廳提供圍巾，而且鐵板用紙圍著防彈油，等一會就食得。醬汁選了多寶醬，用牛骨、牛筋淆製而成，味道濃郁。切開漢堡扒一看，超厚身的肉感，結實不易散，肉質十分鬆化，又多肉汁，好好味。鋪上芝士和加上芝士醬，味道更香濃更滋味，不用醬汁也很美味。溫泉蛋他他汁漢堡扒 $148，漢堡扒另一拍檔就是蛋，配煎蛋較多，見用溫泉蛋更加想食。還有大量他他醬汁，配蛋也好夾。醬汁選了牛扒醬油，味道甜甜地也很夾咸味的漢堡扒。刺開溫泉蛋，看著蛋黃汁流到漢堡扒上，混合同食令漢堡扒更滑更多汁。本身的他他汁酸酸地，又有蛋黃醬既香，味道也變得更豐富。同樣肉質鬆化多肉汁之外，也是厚身有肉感，滿口都是肉令人覺得好幸福。味道濃濃又有肉感的漢堡扒，點少得米飯，餐廳用日本北海道白飯，粒粒飽滿煙韌，香軟糯綿，重點可以任添，我食得多過平時的飯量就知道有多美味。甜品區有3款蛋糕類甜品，奶凍、布丁及啫喱，還有生果好健康。芒果布丁也跟香港的有所不用，味道清淡，質感散而水汪汪。奶凍是蜜瓜口味，爽彈但不creamy也少奶味，味道普通。但其他甜品就十分美味，不可錯過。烤蕃薯，用熟蕃薯起用再調味烘焗，不會太甜，蕃薯味突出。芝士撻，有濃厚的芝士蛋糕味，撻皮薄而香脆，食完都不覺膩，我食了兩個好滿足。朱古力撻，內餡是朱古力蛋糕，質感較實，像布朗尼的札實感，朱古力味也相當濃。飲品區還有受歡迎的咖啡機，餐後甜品時，配咖啡就最理想不過。有espresso, latte, cappuccino 等等，旁邊還有雪櫃仔保存牛奶，雖是自助形式，但都服務周到。最後還有雪糕，分別有芒果味及曲奇妙趣， 有棉花糖、彩虹朱古力及脆脆片裝飾。曲奇口味的比較好味，有奶香又有曲奇的濃味。還可以沖杯espresso倒入雪糕，來個自製affogate，很滿足的一餐。…查看更多

之前幫襯咖啡弄時，發現對面有間幾型格餐廳~於是今個星期有空閒，即刻拉老公去開餐~~對面馬路望到餐廳~ 以黑色外型配漢堡扒 XD行上樓梯，見到”Meat King”~用火爐裝飾好有氣氛~~翻開餐牌見到漢堡介紹~~每塊14 Cm ~ 好似好有份量咁~~亦可以加幾十蚊享用半自助餐~~但小妹Lunch、Tea 都食左好多野…. 唯有放棄半自助餐~~不過加左18蚊配白飯 / 麵包~任食白飯…. 老公食左3碗…嘿…我就食左一件包，好重牛油香~~ 邪惡滿分~~小妹的主菜：溫泉蛋他他汁漢堡扒~額外再揀左黑椒汁~~聽到鐵扒上醬汁滋滋聲~~ 心情就自然好 XD漢堡扒鬆軟有肉汁~ 唔會死實實~~但配他他醬有少少漏~ 我更加鐘意老公個主菜： 香蒜牛油漢堡扒~惹味而香濃~~ 簡單配個黑椒汁~~已經好好下飯~~ 難怪大胃王配3碗飯~…查看更多

係日式漢堡扒，見到好大份好抵食咁，就帶左肥仔黎試下！餐牌種類好多，每種漢堡扒分中、大和特大，分別為180g，280g和445g。點漢堡扒或扒類加$58有Full SetBar無限次拎，即salad bar 、appetizer bar、soup bar、drink bar、dessert bar。溫泉蛋他他汁漢堡扒　$188(large)味道：超厚既扒！成個５蚊咁高！。配料有洋蔥、紅蘿蔔、西蘭花、粟米。醬汁四種可選：牛扒汁、洋蔥汁、柚子汁、照燒汁。漢堡扒肉質好軟，仲好Juicy，食左一半已經覺得好飽！記得叫店員俾麵包同白飯你拌汁食！和風照燒蛋漢堡扒（large $188）其實係個蛋唔同，肉質一樣，不過好似溫泉蛋加上他他汁好食ｄ！太飽....一個女仔都食唔晒large其實.... 俾晒肥仔食先…查看更多

朋友提議來這間位於銅鑼灣的＂Meat King"可以食漢堡又有得選擇半自助餐形式好似唔錯👍🏻而且還是日本人主理實在安心，一上到來地方寬敞舒適，可以慢慢食慢慢傾😎只需加$58就可以 full set 要曬沙律，湯，飲品，甜品，日本飯和自家制麵包😋Salad Bar - 雖然人流不算多，但想不到他們的沙律菜還是那麼新鮮爽脆，特別欣賞芝麻菜很濃烈的芝麻香味👍🏻👍🏻Salad Bar - 不但有沙律菜還有薯蓉，通粉，天使麵，薯片…食物整潔美觀，不錯！Dessert Bar - 雖然種類不算多，細細件，但58蚊有咁多野還想點😆還有雪糕忘記影也沒吃到，實在太飽Drink Bar - 有果汁和汽水機選擇Soup Bar - 湯也有兩種選擇，粟米湯不會水流流有少許粟米粒忌廉味也算濃👍🏻漢堡扒&牛扒粒 (plus$40) - 漢堡扒加了40蚊轉全牛，牛味很濃郁多汁，牛扒粒腍有少少筋不會嚡很有咬口😋溫泉蛋他他汁漢堡扒 (Standard 180g) - 温泉蛋切開看到蛋汁流出混合漢堡扒 (漢堡扒以豬肉和牛肉混合製成，口感較為鬆軟牛味較輕) 來吃更加多汁腍軟絕對美味Homemade bread - 熱辣辣很鬆軟很綿密，不枉我等了很久😆😆很重的牛油奶味很香，吃多多也不夠…查看更多