犇殿台灣火鍋 (德福廣場1期)

想試呢一間超多嘢食嘅台式火鍋好耐！晚市有四個基本放題套餐選擇，價錢由$248至$398（有小童優惠價）。$398已經可以食倒澳洲M9和牛任食！再加送神仙牛肉同埋海鮮拼盤一客！個神仙牛肉非常軟嫩好好食😋 海鮮拼盤有大大隻鮑魚、扇貝、海蝦、廣島蠔同埋沙白。🍲有八款台式湯底選擇，加$30可以要鴛鴦鍋。 我哋揀咗「藥膳紅燒牛骨鍋」😍😍不得了呢個湯，好似飲緊夜市嘅藥膳排骨湯咁！好濃郁好足料😍 超級好飲🙈 未開始打邊爐我已經飲咗幾碗湯🤣🐮打邊爐項目嘅任食牛肉種類多達9款、🦐任食海鮮類有7款、🍢台式美食類多達十幾款🤩 🌮自助區有台灣夜市小吃任攞，去夜市一定食嘅台灣腸、鹽酥雞、手抓餅、炸地瓜球等等，全部都有得食！種類多達幾十款😍款式可能每日有少少變化，當日我哋食到炸鮮奶，同埋椒鹽粟米😋 Menu上面無，但係勁好味囉😍 未開始打邊爐已經食到有少少飽😂🍛無飯不歡嘅朋友，嚟食台灣嘢當然唔少得有滷肉飯！當日主食仲有炒烏冬同炒麵😋🌽自助區嘅火鍋配料五顏六色非常之多選擇😋😋😋 而且啲菜類都新鮮質素高！🍵飲品有熱茶或自助飲品櫃，除咗有罐裝盒裝飲品，仲有5款手工冷凍花茶，打邊爐咁Heavy飲吓花茶清清地解膩係唔錯嘅選擇👍🏻如果想飲啤酒🍻都有自費啤酒order㗎！🍧甜品除咗有雪糕雪條之外，仲有自助芋圓仙草區😍 都有7、8款台式糖水配料，可以自製芋圓冰😋 💜勁滿足嘅一餐😋🫶🏻 價錢唔貴勁豐富💁🏻‍♀️⭐️依家仲有日本A5和牛推廣，$598一位 買一送一！即係$598兩位😱 包一客500g日本A5和牛、指定肉類同埋台灣夜市自助區任食。我見到隔籬枱食流晒口水，下次要嚟試吓🤩⭐️如果有朋友生日，可以揀「4人同行壽星免費」優惠🤩 仲會加送和牛蛋糕🎂⭐️Storellet會員都有唔同嘅優惠🙈去食嘅朋友就留意吓啦！💵澳洲M9和牛+美濃牛肉放題$398/位，加一服務費，人均約$438…查看更多

打風午餐食咩好？打電話去係語音，唯有直接去睇下。選左第三級牛(午市3級以上送海鮮盤盤))，第一轉叫埋其他級別牛試下試完，都係主力食和牛，我叫左成十幾轉牛，每次2盒，2片，要係咁落單。但十幾轉都保持到質量，好好鍋底選酸菜湯，咁既價錢來講，算出色，有酸白菜，豬肉哩個雞肉，真心要試，好鬼死重酒味，咬落一陣酒香，難得飲品，好多特色野，紅豆椰汁，芋頭珍珠，我貪心左，每樣試幾啖only哩間餐廳，如果水準保持到，真係值得食多幾次…查看更多

今早要到鑽石山攞野，早早地不如去試下新開呢間係九龍灣德福嘅‘犇殿’見到佢三隻牛都唔知點讀，查左字典係讀個 ‘奔’音😂😂開左冇幾耐係openrice食評多數都係差評，咁要試下佢真定假啦！🧐🧐約11:45分到唔洗等位直接帶位坐，揀咗隻$238/90分鐘吃到飽，送左海鮮拼盤😁😁佢都係用QR code落單，但只有10款肉類可選擇及一些要收費嘅台灣食材！沒有其他啦！😞😞另外場中約有30款食材供自助選取，2/3係菇菜類等！真係少到呢？🥴🥴肉類又真係$238裡有嘅兩款牛肉最好味！澳洲M7和牛牛花唔錯，入口鬆軟，但牛味差左少少，矜貴d會用金色碟送上🤣🤣手切琵琶牛肉幾厚有咬口，牛味亦幾重但唔好煮太耐會容易‘鞋’😚😚特別介紹有隻叫‘花生菇’樣貌及口感好似巨大版嘅芽菜，真係食到花生味！第一次見可以一試👍🏻👍🏻加$5嘅鴨血好似食緊塑膠，味道淡茂茂！總結：牛肉幾好但未去到好高質素，$238算係咁啦！自稱台灣火鍋但樣樣台灣特別菜色都要加錢！似有少少巧立名目！服務就好好，時不時主動加湯，收走碟子等！…查看更多