御滿屋日本料理

餐廳以和風日式設計，卡位好闊落！呢間非常適合多人聚餐！我見到6個人食，佢哋隻刺身船超豪華，勁震撼！真係要人多先至食得晒！呢度真係好多嘢食！係我近來食過嘅日式放題中最多款式嘅一間！放題嚟講，食材屬於質素高😋👍🏼我哋呢就食A餐經典雙重奏長腳蟹鵝肝海陸盛宴有82款任點任食、飲品任飲（120分鐘）最正就係有冷/熱清酒任飲🥰👍🏼😋 Yo Choice必食推介：🥗熟食冷盤：順德魚皮、鵝肝撻…🥘熱食：鐵板燒鵝肝、炸雞、乳鴿…🍱刺身：阿根廷蝦、三文魚、象拔蚌、帶子、甜蝦、三文魚子杯…🍣壽司：海膽拼三文魚子軍艦、海膽手卷、鵝肝壽司…🍶飲品：熱清酒🍧甜品：馬卡龍、泡芙、Movenpick、Häagen-Dazs雪糕…等等老老實實，呢度d甜品真係幾有誠意👍🏼👍🏼👍🏼…查看更多

朋友生日去食放題，依間地方好大，坐得舒適，美食吸引，有好多款選擇，平平地放題都可一試。77品經典放題組合 $258/位前菜自助吧有好多款前菜，當中竟然有口感爽脆淡淡海水鮮味的海葡萄和麻辣爽口的魚皮，令人印象深刻。刺身拼盤挪威三文魚、帶子、甜蝦、鮑片、八爪魚和北寄貝。刺身新鮮，味道鮮甜。馬來西亞榴槤這裡有不烤凍食和烤過熱食兩款選擇，相比之下烤過的榴槤香味突出。雖則榴槤件看來很大，但果核也不示弱，任食榴槤多件都不用擔心飽肚問題。蒜蓉燒生蠔燒生蠔賣相吸引，蠔殼好大但蠔肉小不成正比要一打先夠食。蒜蓉佈得滿滿，蒜香味濃。海膽手卷海膽味偏淡但唔腥，口感creamy，細細支唔夠喉，當然要盡情encore。芝麻雞翼雞肉嫩外皮脆卜卜，香口好味。吉列炸蠔炸粉不厚蠔肉肥美多汁，俾到驚喜。特濃芝士醬燒皇帝蟹棒壽司皇帝蟹棒口感綿密淡淡鮮甜，加芝士醬，特濃芝味滿分。芝士咖喱肉醬玉子燒玉子燒好普通，加芝士和咖喱肉醬，出奇地好味。御‧泰の味冷鮑魚鮑魚口感彈牙，加上泰式辣醬，酸辣惹味相當刺激。西京比目魚魚肉軟嫰幼滑多汁，味道甘甜，好味。甜品雪糕雪條有勁多選擇，相當滿足。…查看更多

今次同屋企人食放題有驚喜，有得食馬來西亞烤榴槤同埋新鮮水果榴槤，勁開心！除咗刺身壽司之外，仲有啲好有創意嘅壽司，例如係：榴槤肉加州卷、龍蝦三色塔、芝士咖喱肉醬玉子壽司……推介榴槤肉加州卷同埋龍蝦三色塔。榴槤肉加州卷係個頂有少少榴槤蓉加上加州卷一啲都冇違和感，亦都唔臭，好食！而龍蝦三色塔就有魚子醬、龍蝦肉、同埋有啲類似吞拿魚蓉嘅魚生整成嘅三層壽司。頭盤有啲泰式fusion嘢：例如有冷盤酸汁辣椒鮑魚仔、有蒜蓉辣椒卜卜蜆湯，都非常出色，卜卜蜆仲要係粒粒殼都有蜆肉㗎 ！仲有海膽手卷，呢個真係超正。而且order嘅軍艦壽司，紫菜上到嚟嘅時候仲係脆卜卜㗎，而唔係霉晒嘅紫菜！雪糕仲係任食😍😍行出去攞嘢飲嗰邊見到個雪糕櫃，入邊裝滿好多款唔同種類嘅雪糕，真係眼闊肚窄！烤榴槤真係第一次試，仲要係日式放題呢度試，估唔到又幾好食喎，烤到個皮有少少脆同收左水，但咬開又好甜喎啲果肉，一啲都唔難食。呢度嘅職員都好有效率，上菜快，食完收碟效率都好快，今晚兩個人可能早到，就坐到四人卡位，所以坐得好闊落好舒服。…查看更多

今日中午朋友提議食放題， 剛好啱我心意😁，因為已經有幾個月冇食， 就揀了御滿屋日本料理，位於旺角彌敦道655號胡社生行1樓。 相信好多朋友都食過這間日本料理放題， 地點方便， 卡位闊落舒適， 自助區食物整齊清潔。 食物方面種類非常多😍，有刺身、壽司、熟食和炸物，我食了刺身、雪花牛鍋、 麻辣小龍蝦、牛油炒粟米、燒紐西蘭羊鞍、 蒲燒鰻魚、汁燒帆立貝、 蒜蓉燒生蠔、御品鮑汁燴花膠、 美國薄燒牛肉、海膽手卷、帝王蟹棒天婦羅、 鹽燒左口魚邊壽司、 海膽吞拿魚茸壽司、 燒汁鮑魚仔軍艦、 燒有機菠蘿、 鹽燒牛舌、 貓山王榴槤炸彈， 全部都做得幾好🤤， 刺身好新鮮👍🏻， 熟食每款味道都不錯，上菜速度又快。 自助區有多款小食、甜品、爆谷、炸物、 飲品和酒類，各款都好吸引， 我就當然留肚食雪糕，Movenpick 士多啤梨雪糕和Dreyers 宇治抹茶十勝紅豆杯，非常滿足呀！ 整體款式多， 價錢合理， 地點方便， 值得推介。👏🏻👏🏻 🏷️溫馨提示～ 整個用餐體驗均屬個人分享意見， 只作參考😊。 …查看更多

我們今次6人去到旺角＜御•滿屋＞選了Plan C 豪華版 刺生非常新鮮刺身款式很多，大大件，好像赤蝦刺身好粗身大隻、甜蝦、北寄貝、 赤貝、鮮帶子、鮑片、松葉蟹柳、劍魚腩、榮螺肉……等等。豪華版有中拖羅，海膽，池魚王……最吸引人是海膽杯上層是海膽中間綠色是牛油果，海膽尤魚，蟹肉，吞拿魚蓉。細細杯但超豐富味蕾三味即食生蠔，三個杯仔3種味道分別為檸檬汁／茄汁／辣醬！生蠔新鮮無人肚痛另外不吃生可以吃熟的，有蒜蓉燒生蠔，炸吉列蠔！炸榴槤波波外脆內爆榴槤好正！套餐C放題有好多高級海鮮吃炸芝麻雞翼、炸3重芝士、清酒煮蜆、海皇粥都相當好味！還有中式食物： 避風塘炒蟹，芥末煎蝦碌，蒜片牛柳粒，鮑汁炆花膠（怪怪）燒物有：羊架、凡立貝、雞翼、菠蘿、鰻魚水信玄餅我都很喜歡，不是常見甜品外面有自助區有甜品，冷盤都應有盡有見相片！飲品選擇很多，啤酒，清酒，梅酒全部任飲！放心一定滿足到不同口味的人。一班朋友好選擇！…查看更多

難得放假，梗要食放題，朋友推介旺角御滿屋，一出地鐵站就到，今次叫左最平嘅經典 A 餐，估唔到都幾多選擇！進店就見到不同區域，自取食物選擇都好多！套餐主打無限任食三文魚，油甘魚，北寄貝，最驚喜係竟然連鰻魚同新鮮海膽都可以無限任食！壽司，刺身，手卷，炸物，串燒，粥粉麵，甜品，埋單一位唔使$300，幾抵食！冷/熱🔥清酒，梅酒任飲！中意飲酒嘅朋友表示好開心！手卷有海膽/蟹膏蟹肉/香蔥吞拿魚選擇，細細卷容易食，新鮮海膽鮮味十足，海膽迷一定唔好錯過！小妹都食左幾件，味道唔錯！刺身都令人相當驚喜，想回本，我們點了松葉蟹棒，甜蝦，赤蝦，角螺，赤貝，北海道帶子，款款都新鮮，色澤亮麗，隨便沾醬油食都好味！朋友最中意食嘅油甘魚，三文魚香滑，帶魚油甘香！壽司我們點了芝士醬松葉蟹柳，火炙海鰻，特濃芝士醬燒牛肉，火炙蒜香帆立貝，火炙三文魚，全部都好多醬，餡料豐富，芝士醬濃郁，加入蒜蓉火炙更香！仲有鹽燒左口魚邊，滿口魚油，趁熱食最好味！燒物方面，鹽香牛舌，多汁菠蘿，香脆雞翼，海蝦，紐西蘭羊鞍，鰻魚，帆立貝，小妹都中意食，羊鞍唔羶啖啖肉，秋刀魚外皮香口脆脆地！其他仲有超大碗既瑤柱海皇粥，雪花牛鍋，辣酒煮翡翠螺，蝦湯海鮮泡飯，韓式泡菜海鮮鍋，牛肉烏冬，貓山王榴連炸彈，芝麻雞翼，蒜香芝士薄燒等等…食物味道唔錯，種類真心多元化，最難得係 最平嘅A 餐都甘多野食！最後仲有Häagen-Dazs雪糕🍦堅正！📍御滿屋日本料理 📍旺角彌敦道655號胡社生行1樓🌙月光太太…查看更多

【中拖羅任食😍】人均228午市放題🍣地點就腳🤩👩🏼‍❤️‍👨🏻Somersby黑白啤酒Sake梅酒任飲｜御滿屋日本料理｜旺角美食｜自費食評｜粵語中字｜4K Eng CC我們從E1出口出了後上地面向右手邊行二十到三十秒就到喇我們是中午十二點到御滿屋啦大概等五分鐘就有得入去啦我們食套餐A價錢是HKD228加一第一round就所有刺身都給你試喜歡的可以encore啦嗯！好開心呀，刺身好多選擇吞拿魚好食吃完拖羅再吃吞拿魚，個肥美呀都食到有少少根 但是肥美的口感是正的三文魚腩喔不是厚切的有骨，師傅起骨麻麻地試下海膽手卷海膽不算太多飯也不算太多不會令你覺得很飽啦海膽是正正常常的口味芝士饅魚卷我好鍾意食因為裡面是cheese maki好食 因為我好鍾意食這個白色的芝士，和鰻魚一起是好好食 Very Nice牛舌啦這個牛俐好爽嘅其實都是鹽和黑糊椒味啦我覺得肉質ok嘅燒得好食嘅這個熱Sake其實入口咧都有少少重酒精嘅我覺得對我來說不容易入口…查看更多

第二次光顧，水準仍舊，沒有令人失望。食物種類繁多，無論刺身、熟食、炸物、甜品及飲品，均有大量選擇。最重要是食物上枱速度快，很有效率，而且環境清潔，用餐時間長，這店是日式放題的首選。刺身十分新鮮，按個人需要點選數量，不會浪費。燒物中的燒菠蘿是我的至愛，今次很多汁及甜，不禁多吃幾件😆海膽手卷是必食推介，海膽鮮甜，而且是迷你手卷，多食幾件也不會覺得自己過分😅除了甜品吧外，還可選擇Hagen-Dazs雪糕，但唯一令人失望是雪糕只限叫一杯，未能滿足我。…查看更多

好耐無同妹妹2⃣️個都放低小朋友一齊出去食嘢享受下Me Time🥲早幾日有咁嘅機會，我哋就去咗喺旺角嘅御滿屋日本料理食日式放題，瘋狂咁食刺身😍我哋係食最平嗰個餐，不過對於戰鬥力🈚️以前強嘅我哋，食物種類已經足夠😆刺身點咗三文魚、油甘魚、赤貝、甜蝦、大赤蝦、劍魚腩同北海道帶子。整體嚟講刺身都幾新鮮，尤其比較少有嘅劍魚腩夠曬肥美爽口，大赤蝦又真係幾大隻夠爽甜。海膽手卷細細件，兩啖食曬唔使驚太飽食唔到其他嘢😆其他熟食都唔錯，例如牛油炒粟米好夠牛油味，炸廣島蠔肥美，外脆內滑但唔會厚粉👍🏻鹽燒牛舌唔會韌，紐西蘭羊鞍大大件又唔會過肥，最特別係居然有北海道魔鬼魚天婦羅‼️我哋仲叫咗個御品鮑汁燴花膠滋補下💆🏻‍♀️件花膠都幾大舊又夠林。…查看更多

數數手指，都有成年沒有食過放題，今日好友無懼疫情，相約吃頓午餐放題，既然出口相約，那就一於赴約。一入門口就是食物自助區，再入一點就是飲品區和甜品區。餐店環境光猛企理，地方寬敞闊落，設有多行四人卡座，行與行之間的通道亦闊落，出出入入取食品相當方便，空間大自然坐得舒服。午巿放題時間12:00nn-3:00pm，可任飲任食3小時，時間絕對充足。共有四款放題選擇，每款的食物內容有些不同，越貴價的食品的收費自然越貴。我倆揀了最經濟實惠的A款75品經典放題，星期一至四成人收費為 ($208+10%)。******************************先準備飲品，選擇都好多。凍飲方面，大型飲品櫃有多款罐裝凍飲，包括啤酒、汽水、果汁等等，另外還有熱茶、清酒和梅酒等。我倆都決定飲返杯慶祝一下，慶祝什麼? 慶祝可一起外出吃飯，宜家能相聚吃飯都不是一件容易的事，的確好值得慶祝。梅酒入口微凍，梅味雖不算突出，但不太甜，酒味亦不太烈，算很易入口，不錯!******************************再去自助區取食物，熱食有炸帶子、炸薯條、腸仔、炸薯角、蒜香白菜、蒜蓉菜心、彩椒牛舌和炆牛腩；凍盆有豬耳、沙津菜、腐皮、蟹籽、泡菜、中華沙律等等。我就只吃了一碟，有蒜香白菜、蒜蓉菜心、彩椒牛舌、炆牛腩、腐皮、中華沙律、泡菜和螺肉。兩款牛都不錯，蔬菜亦很清爽嫩口，不錯!******************************相信宜家大部份放題都是用APP下單點菜，取代舊式的一疊疊單菜紙仔，環保好多。75品經典放題有乜食呢？共有十五項，分別有經典刺身、經典壽司、經典火炙壽司、經典創作精選、經典手卷、經典軍艦、經典卷物、經典串燒、經典鐵板、經典燒物、經典一品料理、經典廚師推介、經典天婦羅、經典炸物和雪糕。友人第一時間點一輪刺身，揀了三文魚、油甘魚、劍魚腩、甜蝦、赤蝦、螺片、希靈魚、北海道帶子和松葉蟹棒。肥美的三文魚色澤亮麗，油脂分佈平均，肉質柔軟油潤; 還有亮澤的厚切劍魚腩，油潤兼爽口，魚香味濃，鮮味十；色澤亮麗的油甘魚亦很肥美，肉質稍稍爽口，也很吸引；北海道帶子肉質柔軟，味道鮮甜；而大大隻的赤蝦同樣味道鮮甜，微爽兼富黏性；希靈魚則啖啖爽脆，鮮甜美味，這幾款刺身都質素不俗，絶對是再Encore之選。******************************我就一向鍾情於經典火炙壽司，點了五款。先吃火炙三文魚腩，三文魚腩佈滿一間間油脂，經火炙後，迫出魚油，魚香味更突出。另一款是火炙醬汁牛肉壽司也吸引，牛經輕燒，肉質腍嫩，牛味亦算香濃, 不錯! 火炙海鰻壽司也是必吃之選，經燒的海鰻外表炙至帶點焦燶，肉質柔軟嫩口，只配上些鰻魚汁，能嚐到本身鮮味。特別喜歡各款壽司size細細，不會咁易飽肚，正合我心意。另外還有一客經典創作精選，海膽吞拿魚茸壽司以柔軟的吞拿魚茸配上甘香的海膽，鮮味爆燈，配搭美味。經典手卷的海膽手卷和經典卷物的忌廉芝士軟殼蟹卷都是友人所點，她都相當滿意，特別是忌廉芝士和軟殼蟹的配搭，好夾喎!******************************輪到經典燒物，蒲燒鰻魚面底同樣沾滿微甜的燒汁，肉質亦腍嫩肥美，好吃到要再encore。另一款燒北海帶子也不錯，加了沙律醬調味，芝士燒至金黃半溶，為帶子肉添些鹹香，再配埋其他海鮮和蔬菜粒，挺豐富。友人最愛燒羊架，肉厚而大，外層燒得焦香， 肉嫩兼啖啖肉汁，肉味香濃，亦能嚐到少許羊羶，又是encore之選。還有燒菠蘿帶些焦色，入口微暖，香甜多汁，相當新鮮。******************************經典一品料理都值得推介，先是花菇燴花膠。嘩! 大大件的花膠爽身兼富有膠質， 很入味，絕不欺場，仲有隻爽滑的花菇，正! 還有蘆筍炒花蚌蝦仁都要encore，蝦仁大大隻又爽彈；花蚌就爽口；蘆筍亦好翠綠，味道惹味。最後，帶子炒水蓮是少有的菜式，所以必點。水蓮翠綠嫩口，帶子又鮮嫩，不錯!******************************從未在放題中見過魔鬼魚，這客魔鬼魚天婦羅是極力推介。一口一件，外層金黃，脆漿薄而香脆，嫩肉中夾雜爽口的軟骨，好好味!****************************其實已經全飽，連甜品也吃不下，但雪糕就不能錯過。每一限一杯，有三大品牌選擇，我揀了Haagen-Daz的Salted Caramel Cappuccino，而友人就要了杯Dreyers的Super Mango。兩杯各有特色，都令人吃得心甜。------------------------------不知是否太耐沒有吃過放題，還是人大了，食力卻細了…..怎樣都好，今餐久遺的放題令我和好友都吃得好滿足!…查看更多

價錢唔貴喎周末成人$248；小童$148，仲係任食兩個半鐘，可以慢慢食唔會趕！食物選擇都好豐富吓、刺身壽司、燒物、炸物、鍋物、和式料理、甜品、酒精非酒精類飲品大把俾你揀！總括嚟講，哩個價錢哩個質素，算係超值！值得一試！最方便係可以用APP卜檯、餐廳响正旺角E1出口落雨都唔驚！…查看更多

約會經過數次改期後，終於可以同一月壽星S食飯。大家呢兩個月都好多飯局，真係諗食咩都諗到頭爆，同事話御滿屋放題有冷熱清酒+梅酒供應，有別於一般放題，咁就一於去呢度食啦。一入門口就會先見到沙律吧、朱古力噴泉、熱小食，最特別係有熱飲品櫃、常溫飲品等選擇，照顧晒唔飲凍嘢嘅人，同埋想飲熱嘢嘅人，值得一讚，好貼心第一印象已加分。仲有新鮮水果、各式甜品。睇到都心花怒放飲品櫃內好多選擇冰凍梅酒、清酒隨便斟，當然飲幾多、斟幾多，唔好做大嘥鬼仲有熱嘅清酒...雖然遲咗，話曬都係生日飯，梗係要飲返杯啦cheers!魚生新鮮好味，帶子食晒先記得影相...鮑汁燴花膠腍滑養顏啊羊架堅好味，夠香又有肉汁，要再來多客才夠喉精緻海膽手捲，一口吃完，鮮甜各式壽司都有水準，左口魚群邊最突出食物普遍都唔錯，特別係西京比目魚、牛舌、菠蘿、羊架.......食到食唔落水果，但係雪糕一定唔可以錯過，點都要食價錢大眾化，又咁多選擇，好滿足又愜意嘅一餐。…查看更多

終於加班完畢📑，與快要餓昏了的老公🍋決定在旺角覓食📍，畢竟要在這鬧市熱點中覓食😌，應該一點難道也沒有吧😏。而為了滿足這大胃王的老公🍋，放題應該是最好的選擇了🎉，剛好經過了這家店🧐，想也不用想就走進去了😌。人來人往的食店中👨‍👩‍👧‍👦，等了一會終於有位置了😄！飲品款式不少🤓，除了汽水及紙包飲品外🥤，更有罐裝特色果汁供選擇🍎，而酒類飲品也屬任飲的行列🍺。店內設有前菜自取區🥗，食客可自行拿取適合自己的份量🥄。🔹刺身🔪放題的必點項目🌟，當中有有三文魚🌵🐿、油甘魚🐠、吞拿魚❤️、帆立貝🐚、赤蝦🦐等刺身。是晚最愛的是赤蝦💘，口感鮮甜美味🤤。🔹壽司🍣點上了幾款火灸壽司🔥，魚油被火迫了出來💦，脂香於口腔中散開💥。🔹海膽手卷👐🏽一口一個的😋，吃起來特別方便😁，又怎能不點了✨？🔹燒羊架🐑入口肉質幼嫩🤤，肉汁豐富👍🏽，絕對是必點項目之一喔🎊~🔹燒牛舌👅爽嫩的口感一向是人妻🐷最愛💝，燒至剛剛好🔥，口感更好😍。🔹一口牛肉粒🐮加入了洋蔥及青椒等煮製👨🏽‍🍳，香味更為濃郁🤩。🔹芝麻雞翼🐣香脆的外皮💛，配上了嫩滑的肉質😋，讓人停不下來🍴。🔹甜品🍭店內有自助的甜品區🍦，糕點🍰及朱古力噴泉🍫等應有盡有😲，而每人更可另外點上一款雪糕🍨。總結💭超過70款的食品任君選擇✨，再加上自助區域及多款飲品與清酒任飲🍻，絕對是一應俱全的放題體驗💞。…查看更多

開心食放題，不開心也食放題，放題係治癒心情的最佳良藥。御滿屋日本料理位於旺角胡社生行，在旺角雅蘭中心及朗豪坊附近，旺角地鐵站E1出口一出就到，地點非常方便。而且是可以在任何時間入座計用餐2小時，最重要的是無漏單的情況，以我們點了又點來說，真係你點幾多就來幾多，超讚。店內環境設計好開揚，座位與座位之間寬闊，給人簡潔舒服的感覺。除了剔紙仔的任點任食項目外，還有一大個位置擺放了自助食物，例如: 冷盤(有鮮蝦、螺肉、八爪魚、沙律菜等) 、中湯、飲品(有酒精/非酒精罐裝飲品、紙包飲品、仲有冷/熱清酒等) 、還有自助甜品(有迷你蛋糕、布甸、生果、雪米糍等)及每人一杯著名的Haagen-Dazs或Movenpick雪糕。總之就各式其式，食物種類之多，實在要好多個胃先可以款款試勻。而最最最最重要的當然是食物質素，以放題來說這裏的食物質素相當不錯。刺身新鮮美味，有新鮮肥美的三文魚、入口油花豐富的吞拿魚、爽口兼味道甜美的池魚、油香味濃的油甘魚、入口卜卜聲的希靈魚、厚滑的帶子、鮮味的甜蝦。壽司也很不錯，真是即叫即做，飯粒香軟，而且每件都細細粒不會太頂胃。經火炙的香蔥三文魚腩及香蔥左口魚邊好肥美，入口油脂豐富。有創意的鵝肝伴帶子、海膽伴拖羅蓉都香滑肥美，三文魚腩壽司及黑瀨油甘魚壽司充滿油香。還有紫菜是脆口的，入口即溶的海膽手卷。黃金芝士帆立貝芝士味香濃、燒紐西蘭羊鞍厚肉食落滋味、蒲燒鰻魚香滑無骨，鹽燒牛舌熱辣辣，又爽又脆、鹽燒海蝦爽口彈牙。和風汁牛柳粒一口一粒牛柳軟綿綿、日式牛油炒蜆炒得好有鑊氣、御品鮑汁燴花膠好滋補。瑤柱鮮蟹肉粥煲得綿綿的，鮮甜美味。當然唔少得豐富的甜品，楊枝金露配椰汁雪糕足料，芒果汁濃厚、Haagen-Dazs雪糕有少見的焦糖脆餅味、雪米糍有榴槤味，當然有綠茶，雲呢拿，朱古力味。…查看更多

突然好想食放題，於是就約朋友book呢間御滿屋食放題就係為左可以盡情叫自己鐘意嘅野食　先嚟一盤刺身，一大堆甜蝦同大赤蝦震懾場面，呢座蝦山成功吸引我同朋友嘅眼球其他刺身好似變左配角咁，赤蝦好大隻好新鮮好好食，甜蝦好鮮甜，呢到有其他放題比較小見嘅象拔蚌刺身，食落新鮮爽口唔錯，三文魚幾新鮮，劍魚楠肥美，帶子鮮甜可口壽司款式都唔小，而且壽司飯好細舊所以叫多小小都唔怕，呢到d手卷都係細細件size好似d迷你雪糕筒咁，唔駛擔心會食得太多飯太飽肚，個海膽手卷我一啖就食左個手卷落肚海膽鮮甜美味，齒頰留香；蒲燒鰻魚厚身帶一點焦香，必食　羊胺好淋好入味炸物方面點左炸蝦天婦羅同炸蠔仲有芝麻雞翼，炸蝦天婦羅大大件香脆可口，天婦羅炸粉岩岩好唔會太厚亦唔會太薄，吉列蠔香脆內軟亦都好好食 芝麻雞翼岩岩炸起熱辣辣好香好惹味飲品同甜品可以到出面Ｘ雪櫃自取，款式好多　甜品方面除左出面有甜品凍櫃任揀任食之外，仲每人有一張甜品紙可以haagen dazs, movenpick同fruttato榴槤雪糕之中任揀一款嚟食 我就揀左movenpick雲呢拿雪糕作為我餐後嘅甜品…查看更多