占師傅 (已結業)

今日我相當聰明，因為週日大部份人都會遲出門，12點半到步應該比較人少，真開心，估中真係有獎，竟然唔使排隊！記得上次都等得幾耐！好吃自然多人爭，因為全部新鮮即場焗，難免要等，所以每人限購兩盒，都是合理的安排，話說過來，今日冇人等係咪可以買多幾盒呢？其實，自己食，一盒就足夠了，隔夜始終差啲！古早味蛋糕本來有三款口味，但肉鬆海苔暫時未有，今日只可揀原味或流心芝士，分別售$50及$60，有芝士餡料多付＄10好合理。沒有多心動搖，早已決定流心芝士，外型上頂頭多了芝麻黑點，很容易認出。組合不神奇，雞蛋、麵粉、牛奶、植物油及糖，成品卻是極品！祕密之一少不了材料全部新鮮上乘，怪不得蛋香樸鼻！蛋糕質感與一般的完全不同，並非粒粒鬆散，反而有點水瑩，我覺得口感上有些似玉子，亦如台灣一知名三文冶內雞蛋餡料般水滑，所以咀嚼之時份外軟棉。流心芝士蛋糕其實並不流心，沒有把芝士聚於中央而弄至切開有半溶欲流出之狀態，反而層層分佈在蛋糕內，同時不經意地有特別多芝士聚於底部，很有迫爆或爆漿感，因此反而是更好的形容詞。以為芝士只是軟滑，原來鹹鹹地的，口感變成鹹甜的混合，不同的享受。因為芝士分佈有別，正好符合我家人要求，不喜歡