水門雞飯 (萬勤商業大廈)

今日嚟到尖沙咀食泰國嘢星期一至六嘅午市套餐都幾抵食我哋點咗兩個餐，追加咗一啲小吃，同埋甜品先嚟嘅係雞肉串燒，雞燒得香口，而肉質仲係保持水份，加上香濃嘅沙嗲醬汁味道非常配合。隨著串燒仲放上青瓜淹菜，更清新開胃芥蘭苗配合埋似xo醬嘅馬拉盞醬汁好好味，鮮味夠出炒金邊粉醬汁配搭不錯，每一啖都充滿住恰當份量的醬汁，同埋都炒得好足火喉；而且有三隻大蝦喺上邊，更錦上添花白雪雪嘅白雞肉好滑，肥瘦適中，配搭住微酸醬汁一齊食，更帶出泰式海南雞嘅風味。加埋飯有輕輕嘅雞汁味道，再加埋青瓜，配搭得唔錯炸雞都幾香口，連埋酸酸甜甜嘅泰式辣醬感覺不錯。但比較起上嚟，我哋都較喜歡白雞食完飯再飲埋個胡椒雞湯，感覺係一個完整嘅套餐😊而家凍凍地嘅天氣飲更加溫暖芒果糯米飯非常好味！雖然而家冬天，的確不及夏天芒果的濃甜，但也用了大大片嘅多汁芒果而糯米飯煙煙韌韌，充滿椰汁香味，再加上脆豆喺上邊同埋適當嘅鹹味，令到椰汁及糯米香更突出。泰式奶茶味道配合得好好，跟餐唔使加錢就有得飲😊😊😊好抵美祿得好濃郁好飲，我地點左走糖健康啲，但係本身都有美綠的微微甜味兩杯飲品嘅份量都幾大杯！就算多冰，但本身飲品味道就好夠濃郁😊整體嚟講，呢個價錢嘅午餐絕對抵食，感覺都有好多附近返工嘅職員過嚟食，證明是性價比高嘅餐廳…查看更多

大家應該對「水門雞飯」呢間餐廳唔陌生喇掛？餐廳極具人氣，我相信好多人都食過😎 星期日夜晚五點幾嚟到，難得見到無乜人排隊就入咗去食！嗰日真係好好彩，因為我食完步出餐廳嘅時候，就見到一條長長嘅人龍🐉 所以建議大家要食嘅話，最好夜晚六點前過嚟食🤣 同埋佢哋全線分店星期一至四 3:00-5:00pm 堂食招牌水門雞飯只係$30！！勁抵！🤯 不過今日我過咗鐘數，miss咗😅餐廳環境衞生都做得幾好，店員有良好防疫意識，完全唔會鬆懈，呢方面我係幾欣賞👍🏻❤️ 水門雞飯 $54 (+$10 轉雞髀)加十蚊轉咗雞髀🥰 唔好睇佢個外表好似好白，估唔到都幾好食😆 雞肉去咗骨，啖啖肉，肉質又嫰滑又鮮味。雞皮薄薄哋，皮下脂肪較少，清爽唔油膩！個醬汁更加係靈魂嚟，鹹甜微辣，好送飯😝 個飯粒粒分明，有淡淡嘅雞油香同香料味，油份唔多。隨飯附送雞湯，個湯胡椒味強勁🤭❤️ 泰式炒通菜 $54分量唔少，鍾意佢炒得唔算太油！火候啱啱好，唔會炒得太乾，保持到通菜濕潤💦 個汁辣辣哋甜甜哋，唔係辣到飛起嗰種，又唔會太鹹！❤️ 胡椒單骨雞翼 $42單骨容易食，唔洗食到好狼狽。每條都炸到脆一脆，香脆惹味😛 胡椒落得都幾多，辣得嚟都幾滋味！❤️ 泰式奶茶 (凍) $22呢個真心好飲！飲完真係讚不絕口，好有曼谷嘅味道😚 出面普遍啲泰式奶茶都係甜到漏，尤其係泰式奶茶連鎖店嘅奶茶完全係甜到令我懷疑人生🤔 呢度嘅泰式奶茶甜度適中，茶味非常出，奶味濃厚，簡直係完美比例啊！🙌🏻餐廳推薦度：⭐️⭐️⭐️⭐️ (4/5)真心平靚正，咁多人排隊唔係無原因嘅😏 簡簡單又一餐，好味又抵食！補返Menu先👇🏻…查看更多

小食點咗串燒，三串起落單。豬肉同雞肉各要兩串，可以點沙爹醬同醋汁，不過兩款都燒得乾咗少少😐 趁熱食會好食啲見到舖名叫水門雞飯，當然要試吓海南雞飯😀 肉質滑嫩又無骨😆 好食😋 仲有碗胡椒味嘅湯個人好鍾意冬陰公湯，呢度有比較少見嘅青冬蔭功湯底，就要咗碗魚片青冬蔭功河粉。湯望落清澈，少少酸辣，味道同紅色冬蔭功差唔多，不過冇咁濃烈同清淡少少，幾適合夏天飲。可能飲開紅色冬蔭功，感覺味道爭少少見到有泰式奶茶，一於飲返杯😆 奶茶茶味香濃，口感香滑，可以一試👍🏽…查看更多

終於有機會試到依間泰國餐廳！次次去都排長龍，平日晏就去終於無咁多人，一入到去好似去左泰國街頭咁，價錢又親民，正呀！水門雞飯 $52個飯其實唔算好多，男仔食應該岩岩好，啲飯都幾入味，啲雞唔係話好嫩滑果種但整體黎講係好味既！鳳尾蝦泰式金邊粉 $68依個金邊粉唔似平時果啲酸酸甜甜既味道，偏少少辣辣地果種，成個味道好香口，上面啲蝦都好入味～值得一試！泰式腩仔 $48朋友驚唔夠食，加多個餸，依個好有驚喜！外面炸得卜卜脆幾有口感，加埋個醬酸酸地又辣辣地，如果有得配埋白飯真係一流！泰式奶茶 $20個人就麻麻地，唔算好甜，奶味偏重環境裝修有泰國特色，但坐位都偏細，坐得會逼少少不過性價比係高既…查看更多

想念泰國了～ 📍#尖沙咀湯麵可以自選配料食嘢麻煩人士啱晒！🍜幾好！下次要食🐥🍚@watergate_chickenrice #泰式奶茶 🧋好飲！ 茶味濃 唔會太甜或者太多奶（唔太鍾意多奶）！ 可以再飲！🥤飯桶今日本身係諗住去食雞飯 點知去到想食湯麵😢依家返到屋企好後悔🥺 好想食飯（因為今晚屋企係食noodles) 🍚飯桶才會明白的： 米氣!!! 🔥 @watergate_chickenrice_tst @watergate_chickenrice_yuenlong 覺得炸雞翼可以唔使試（非常普通）…查看更多

係門口見到條隊唔係好長梗係等啦，不過真係好快，10分鐘內已經入得👍🏼·•水門雞飯，加左$10轉雞髀。無骨雞，加上轉左雞髀d肉好滑🤤雞味唔算太重，雞皮夠薄，而個飯香得黎又唔會太油，我地覺得好好味，個雞醬最出色👍🏼不過整體分量比較岩女仔多d•泰北咖哩雞麵。通常咖哩都係配飯，做湯底其實幾特別，湯底好濃味，上面仲有d炸過既既麵，脆卜卜幾野味，不過分量有d多，食得太多有d膩🙈•泰式奶茶。相比起泰國飲到既無咁味，反而茶味比較濃，真心覺得好唔錯🤤🤤…查看更多

泰國菜對香港人來說像是有一種魔力：只要有一段日子沒有食就會想念它的菜式、調味、味道。看來今年都沒有機會可以出門，今天就來食泰菜止止泰國癮吧！舖名為水門雞飯，當日要點碟招牌雞飯試試。水門雞飯對會去泰國的香港人並不陌生。聽就聽得多，但去過幾次泰國的我從未食過。點水門雞飯配有一碗湯和用來沾雞的醬汁。湯的胡椒味很重，帶點辣，裡面有一件冬瓜。醬汁濃味，酸酸辣辣配著雞飯很惹味。上次去泰國，整個trip裡都數不到飲了幾多杯泰式奶茶。剛好來食泰菜，當日要點杯泰式奶茶($20)懷緬一下在當地的時光。想到泰國人的口味偏甜還有一大杯都是冰，打算要少甜少冰，但原來只可少冰，甜度不能調。泰式奶茶有種特別的顏色，這杯幾似樣。飲一啖，嗯！就是這種味道！雖然不能少甜，但對我來說可接受不算超甜。味道是以正式的泰國手標茶茶葉沖製而成，所以能夠飲到獨特的茶香，配合煉奶的甜味就是在泰國當地飲過的味道，在這麼炎熱的天氣下消暑一流環顧四周，基本上是每檯必叫的水門雞飯($52)，看樣子份量比較細。每一件雞切得雞幼、沒有骨。質地算滑，雞皮也十分薄，整件雞沾點醬汁更惹味。油飯程淺黃色，有雞油香得來不油膩，不自覺會食多兩啖不過份量就細了一點，不肚餓或者細食的女仔還好，但自問並不細食，就點多一碗麵share。點了一碗幾特別的泰式咖哩牛腩麵($52)。一般食咖哩都是配飯，但這個是咖哩湯的麵，本以為把咖哩變成湯會淡一點，卻有意外的驚喜。咖哩湯的質地如水，味道卻十分惹味濃郁，比起很多泰國餐廳的咖哩出色。由於會加入不少椰奶，一般咖哩食得多會比較飽膩；不過這裡的咖哩湯雖濃郁，膩感卻較低，而麵吸收了湯的精華都十分香濃。表面還有部份炸過的麵，質地鬆脆，但因炸過配著咖哩湯就會飽膩一點。牛腩有幾件，特別是其中有一件是牛筋令我印象深刻。如相片中餐廳的牛筋本身幾粗，質地做得十分淋滑，吸收了部份咖哩味，最重要的是牛筋仍然有十分突出的牛味。普遍的餐廳即使做得很淋，牛筋都只有很輕的味道，或只食到吸收了的醬汁，失去了本身牛筋的本性。可是這裡不但吸收了惹味的湯底，還保留了本身濃厚的牛味，不會讓湯底過度搶去風頭，實是有驚喜之作食物質素不錯，唯獨份量較細。相比起雞飯預計得到的質素，咖哩牛腩麵更有驚喜，而泰式奶茶都幾出色。餐廳環境簡潔乾淨，如在泰國的地道餐廳使用了不鏽鋼檯凳，就不會坐得很舒服的了。服務方面一般，每當店員留意到食完的空盤都會馬上收起，實在不會讓客人坐得耐。在未來好一段時間也很難有機會能夠造訪泰國。簡單一個泰式晚餐，來水門雞飯一解對泰國的思念都是一個不錯的選擇…查看更多

平時經過成日都見好多人排隊，今日企左喺街諗緊食咩嘅時候，就見到對面係佢喇，終於有機會黎試下。夜晚8點幾，都有幾張檯要排，不過等左5分鐘度就入得，好彩過左食飯時間。我好鍾意食泰菜，泰式奶茶係用煉奶沖，更加係我嘅至愛呢度嘅泰茶唔太甜 (同ChaTraMue相比) 但茶味好夠呢度出名水門雞，對於我黎講只係白切雞，我不嬲都唔鍾意食，所以叫左個雙拼，感覺炸雞點都唔會難食。一上檯係碗湯同2個醬，湯超重味精! 之後一黎碟飯，我嚇左一下-咁細碟嘅 (可能隻碟太大) 水門雞無味架，所以應該先有咁大碟醬配，炸雞如是豬頸肉係其中一樣可以睇果間餐廳嘅水準。試過有d餐廳可以係白烚咁。呢間算係唔錯，唔會太乾。但最好味都係我食評中嘅另一間泰菜炒通菜味道幾好，份量都算大碟。總括黎講，喺尖沙咀呢個旺區咁嘅價錢係好抵食，比我預計中平。味道不錯，不過食完超口乾。大家試下唔飲個湯會唔會好d…查看更多

今天公司清假難得約到尖沙咀返工嘅朋友食飯，平時甚少來該區食中午，一時間想唔到食乜好，朋友就話食開依間介紹我試試。十二點前來到仲未開門已見十多人排隊，街道狹窄人流多，排隊都有點阻礙途人排得唔自在，幸好排了一陣十二點準時開門。餐牌上選擇唔算多，有午市套餐供應，套餐包湯和飲品，價錢唔貴在該區而言相當抵食。而且難得食到咁正宗泰式地道風味，CP值甚高，難怪十二點入座後好快已滿座。雞骨湯好似飲緊胡椒豬肚湯，湯裡頭剩係放了片冬瓜，飲落好重胡椒味可以驅寒醒胃，天氣凍飲就好正，湯味道唔咸清清地無乜油，唔錯唔錯。水門雞飯(轉雞脾) $72招牌菜一定要食，朋友識食補多十蚊轉做雞脾，夾左佢兩件雞食又真係幾好味。雞肉起左骨食落啖啖肉，雞皮薄無乜脂肪，肉質嫩滑細緻有雞味。雞油飯份量唔多可要求加飯，飯粒粒分明口感煙韌，但略為乾身油香味無咁濃，食落清清地無乜油膩感，食都食得健康！泰式豬手飯 $62豬手我至愛，皮肉都好入味好軟身，而且食落唔係好油膩，又係無骨啖啖肉相當好味，同樣都係配雞油飯，幾有水準。泰式奶茶 +$5有二十多款選擇，當中以泰式奶茶比較突出，有紅茶香味飲落幾滑，味道濃少少偏甜幾好飲。…查看更多

其實耐唔耐都會過黎呢間食lunch或者下午茶，間唔中出尖沙咀睇戲都會特登過番呢邊食呢個水門雞飯。早幾日再同同事過左黎食晏，好好彩唔洗等，有時過到黎見到太多人排，最終會食唔到。今次都係叫左水門雞飯同埋生牛肉牛丸湯河。同事既水門雞飯，油飯一向都好夠味，又夠香，濕潤既程度剛剛好，雞肉亦都滑。我平時就唔太鐘意點佢個醬汁，因為我覺得太濃味，而且佢既雞肉都無腥味，就咁食都好好食。叫水門雞飯仲會送多一碗湯，好重胡椒味，好飲！我今次叫左生牛肉牛丸湯河，牛肉普通，我覺得無乜牛肉味。但係牛丸好好食，好彈牙，而且咬落唔係平時加左好多粉整個種口感，仲有淡淡既黑椒味。湯我就覺得還可以，因為我本身鐘意意酸或者辣既湯，所以我每次叫呢個粉都會落好多佢擺係枱既橙橙地色個醋（？）加上呢間既河粉亦夠滑，加埋一齊無得頂！最後係每次都叫既泰式奶茶，好濃好好味！！！真係每次黎親都會叫呢個飲，不過有時會甜左啲，睇佢手勢，不過overall 都ok既，唔會話甜到飲唔落。…查看更多

黎到尖沙咀金馬倫道，地鐵B出口行過去唔洗3分鐘就見到哩間海南雞專門店。門口等位嘅人多到去到隔離大廈，好多棒場客。門口接待嘅店員態度好好，見到入面唔少員工都係泰國人，天花板嘅百葉風扇亦增添幾分泰國色彩見到一排排肥美嘅雞吊左係玻璃入面可惜今日實在太多人，趕時間嘅關係選擇左外賣自取，等左唔洗15分鐘就有得拎，算幾快水門雙拼雞飯雙拼雞係一半海南雞一半炸雞，份量好多，另外附上兩盒醬汁，可以用黎點雞食。先講海南雞好滑，就算雞胸位都唔鞋，雞皮薄同彈牙，雞本身無咩味所以點醬就岩晒炸雞好脆口，炸皮唔厚而油飯底好香，飯粒好咬口午餐套餐價$66左右，已經包湯同凍飲。湯望落好稀，但飲落都幾重胡椒味，同海南雞飯好夾。最後不得不提哩杯泰式奶茶，茶味香濃好滑口，亦唔似一般泰式奶茶咁甜，好岩香港人口味，絕對要試！…查看更多

去完泰國返嚟無耐，已經掛住泰式粉麵嘅味道朋友介紹呢度嘅泰茶同粉麵都接近泰國水準，所以今晚就嚟試一試佢我哋叫咗一個【鴨腿湯河】，一個【牛肉湯牛丸生牛肉湯河】，一個【香辣肉碎沙律】，一杯凍嘅【泰式奶茶】。兩碗河粉上枱嘅時候好似好細碗，但食落原來份量都好夠【鴨腿湯河】鴨腿醃得好入味，份量十足，可惜肉質比較鞋，湯底近似喺泰國食到嘅味道，清甜無味精，食完唔會口渴河粉爽滑，但始終係港式河粉，略欠煙韌【牛肉湯牛丸生牛肉湯河】湯底唔及鴨河咁濃，不過都清甜，牛丸爽口有少少香茅味，生牛肉入口嫩滑，但牛味有少少失色。【香辣肉碎沙律】酸味同辣味十足，個人鍾意食辣，所以覺得好過癮唔食得辣嘅人千其唔好叫【泰式奶茶】比起泰國嘅味道，雖然做唔到100%，但以香港水準嚟講，已經值100分$20/杯算係超值。店員大部分都係年青人，經驗雖然不足，不過態度都好好，值得一讚希望小店保持水準，期待下次再試埋招牌雞飯…查看更多

閒日經過呢間尖沙咀新開既水門雞飯，甫到已經見到門口大排長龍，等左大概差唔多15分鐘先有得食。因為本人比較中意食泰菜，而且見到餐廳既菜式平均都唔貴（最平$50可以食到一個雞飯），於是我地二人嗌左耐兩個雞飯，兩個餸同野飲😋首先講下呢個水門雞飯，以$50既價錢，佢既份量尚可，雞可以再滑d不過都符合預期，同埋個油飯個人認為係好夠味同有驚喜。順帶一提個隨飯附上既醬汁係微辣，可以再問佢另上甜鼓油。另外個湯係重胡椒味，我就幾鍾意，幾岩呢排涼涼地飲，但食唔到辣既就要留意下啦！接著係呢個脆炸蝦波，外層係麵包糠，入面係啖啖蝦肉，好有口感，炸粉唔會太多。到呢個泰式炒通菜，個人覺得幾符合港人口味，唔會太咸又有好香豆瓣醬味。泰式奶茶，係正宗泰國既甜，唔好甜既朋友都仲有其他選擇。總括而言，餐廳性價比高，食物質素符合預期，會再試😋😋…查看更多