韓點 (紅磡)

在這個疫情的持續，都開始不敢亂消費，放了工都只好找一些平民價又抵食的東西，其實這間「韓點」我都有食過，都覺得水準都不錯，今晚帶埋個朋友再來回味，不過現在又不太肚餓，所以點了一些小食而不選擇飯類。先我個人選擇了一份泡菜煎餅($35)，即叫即煎所以個煎餅吃起來都帶熱，口感微脆又煙韌，而味道就帶有少少微辣。而友人就選擇了一份韓式煎餃子(5隻)$35，煎出來都不會太膩口，皮薄有汁，不過內餡主要是粉絲不一些菜餡，吃起來都較健康。接下來再點了點點串(一串)$20及韓式魚蛋(一串)$16，點點串其實韓式年糕年糕煎至微脆咬下軟糯，再有韓式秘製汁醬，更是倍感滋味。紙包飲品($5)這間店中的選擇都多，我較飲得比較清，所以點了蘋果苿莉茶，而友人點了津路烏龍茶($9)，後來追加多一份自家製泡菜($10)，泡菜又不會太鹹，都醃得夠爽口香辣。家庭式的韓國菜夠貼地，抵食又美味，值得支持!!…查看更多

約半年前與女兒曾第一次試食韓點, 當日是星期日, 人山人海, 許氏夫婦在廚房及樓面忙, 我們外賣到附近的公衆椅子進食, 加上天氣炎熱, 數款食物頓變平平無奇, 真想發佈篇喊臉食評罷了. 半年後與女友再來(她才是第一次光顧), 感覺完全不同, 今次也是星期日, 於吧枱剛有座位, 可悠閒地想想吃什麼下午茶, 今次只有許太坐陣, 指揮大局, 已卓卓有餘. 炒年糕 $25 外層滑溜, 用木筷子夾有點困難, 附上的膠义正解決了此問題, 口感煙韌, 辣中帶甜的醬汁成為主角, 小許芝麻為賣相加以點綴, 吃了一半便告知許太"首爾的太辣了, 這裡的剛好", 她點頭以微笑回答, 我便想到這是港版的韓國年糕了. 韓式魚蛋 $12x2堂食的碗具印了韓點標誌, 色彩鮮艷, 比外賣的白色潑泡膠碗更有自家製的特色, 直接引發起食慾. 阿姐將兩串長條型摺着的魚片, 預先準備好放進碗內, 再加上熱湯, 但自行回收了兩枝竹簽, 或以循環再用? 不過賣相打回原形, 頓覺平平無奇, 味道似淡味的厚身腐皮, 挻彈牙的, 若冬天吃了這碗熱騰騰的魚蛋, 必寒氣全消, 怪不得我第一次夏天於户外吃此小食時, 汗流夾背啊! 海帶湯 $12應該是蜆肉海帶湯, 帶點鮮味. 海鮮薄餅 $25四件盒裝的薄餅被煎至香口, 不感油膩, 饀料以香葱及韮菜為主, 還有辣椒及魷魚, 唯兩人共享也覺得飽肚. 果汁 $8 韓點沒有韓國凍咖啡或奶茶, 許太說可往鄰店買飲品回來, 我試了酸味的青葡萄汁, 內有少許果肉. 泡菜 $36外賣回家吃, 作為晚餐的醒胃前菜. 許太雖然忙, 但亦抽空與我兩聊天, 她的廣東話真不錯, 而且為人厚道, 說聽得明我的意思, 順便更正我發音不太標準的韓語"你好嗎?", 還寫出英文拼音, 這句亦是我唯一懂的韓語, 接着她要招呼韓國客人, 我與女友是時候離開, 見門口掛着荃灣及深水埗分店開業消息, 盼望分店多, 食物水評不會下降啦.…查看更多

上星期睇到報紙介紹, 入到嚟又見到4個食評, 講到好吸引.. 本來急不及待想早幾日試, 但係因為要温書, 今日先有機會去到.. 晚上八點左右去到, 要排隊.. 原因係收錢及落order 果位姨姨都幾慢下, 但係情有可原, 因為佢每個客人都好好呼待, 真係好nice..前面有個男人想買雞翼, 可惜無貨, 果位姨姨用心解釋, 但係反而個男人聽唔明.. 香港人真係太急了, 人地想你明白點解無得賣比你啫.. 唔通真係只識聽"賣晒" 呢兩個字? haha..呢個姨姨應該都係韓國人, 因為口音唔正, 但佢肯定唔係老闆娘, 因為佢老公同囡囡(好cute的)响出面.. (我係從佢同整嘢食啲人0既對話得知 ^^)咁個男人改咗要粉絲同泡菜餅, 之後改order要海鮮餅.. 粉絲係叮熱... (=.=) 攪到我無興趣買...跟住, 點知出咗個海鮮餅, 都係叮熱, 望落好細份...最後出番個泡菜餅, 都係叮熱?! 點解咁架... 有啲失望... (可能好多間嘢都係番叮嘢食比客, 但係睇住佢叮, 感覺就唔太好, 不如你比我拎番屋企叮, 仲熱啲... XDD)結果, 我買咗一份炒年糕, 一份泡菜.. 炒年糕原來唔係炒架, 而係一大盆浸住响啲醬汁入面, 然後'不' 入個碗度賣.. 味道呢, 啲汁甜甜地, 略帶微辣(甜多過辣), 有幾絲類似椰菜响入面(初時以為係泡菜, 但食落一啲都唔似, 似椰菜味多啲), 年糕都煙un, 本身無味, 要點汁食先得, 不過因為本來以為佢係炒, 諗住會香口, 所以有點點失望..份量呢, 望落去唔多, 但係一個人食完之後超飽, 可能係糯米做0既關係.. 所以本來因為份量少,就覺得貴, 但係食完因為都覺得飽, 所以都OK..泡菜係帶番屋企.. 因為唔知可以放幾耐, 所以問咗個姨姨好耐, 佢又好有心機咁話我知 - 起碼可以放一個月, 就算酸咗, 都可以用來炒豬腩肉(又學到嘢喇^^) - 攪到後面排長龍(係買完, 離開時先發覺, 真係唔好意思, 阻住人地做生意)..番到屋企一打開, 嘩, 真係好多下喎, 我仲拎去磅下, 多過超市賣果隻好多囉.. (要知道入面係菜多過汁, 所以份量絶無戲場)..味道呢, 好似之前有位食者咁講, 生.. 好生, 所以無乜味咁.. 我不太好咁生, 所以會放多幾日先食.. ^^會再去, 下次試飯.…查看更多