慈素小聚

這次已經是第3次來這間餐廳, 主打新派素菜, 多款素菜不論外觀味道口感都跟真肉很相似, 而且有中西日韓的款式, 適合不同客人口味 ☺️ 環境不大但光猛乾淨, 窗邊掛左的小燈泡都滿有情調 🫶🏻甜梅菜肉餅飯 $98這個每次都點, 跟平時的真•肉餅飯幾乎無差別, 肉餅非常結實, 要挑剔就是口感上會多份粘性 😌 外觀完全不特不吸引, 卻相當有驚喜, 肉餅已經味道充足, 完全不需要額外加豉油。京都炸醬麵 $98除了這款炸醬麵, 也有韓式那款, 但平時比較少吃這道菜式, 所以就點來試試。麵底幼細, 口感蠻彈牙, 有大量“肉絲”, 口感像極火腿 😆 醬汁甜甜辣辣很惹味。韓式紅參雞湯 $58椰汁雪耳無花果燉湯 $482款湯都超多配料, 就算沒有肉, 湯品都依然鮮甜又滋潤, 尤其雪耳無花果那款, 雞湯就相對濃味一點, 2款都值得點來嚐嚐 😃日式芥末蝴蝶蝦 $78蝦肉炸得酥脆又彈牙, 當中真的有陣陣蝦味, 配上甜酸芥末醬會多份清新口感 😚 仔細吃的話更會吃到有蘿蔔, 很特別。味道口感都亳無問題, 唯一問題是每件蝴蝶蝦被斬成半, 有點單薄, 二合為一口感會大大增加!雙色厚切多士 $58分別是椰芒和香芋味, 多士烘到外酥內軟, 椰芒相對甜一些, 本身香芋味就不太甜, 加上一大堆杏仁粒, 甜味更被覆蓋, 我自己偏愛香芋味多些。花生鹹蛋湯圓 $28芝麻糊 $28湯圓夠軟糯, 薑湯夠辣, 鹹蛋做餡雖然特別, 不過始終都是芝麻湯圓深得我心 🙂‍↕️ 芝麻糊完全接受不了, 完全不甜之餘口感都不是糊狀, 同時略欠芝麻香, 想不到主菜這麼好, 甜品卻如此失敗 🫣…Read More

平時好少食素 今次媽媽帶我食好西，店面以Tiffany blue為主色 感覺清新，多數都是卡位 座位闊落 乾淨又舒服台式叉燒刈包 $68刈包鬆軟高質，除左夾著切碎的蜜汁素叉燒外 仲有塊素肉扒，食落口感似麥香雞包塊雞，口感同味道都好似食緊真肉咁，嘩~第一啖已經咁驚喜呢香芒天婦羅炸豆腐 $88炸衣輕薄，size大粒過坊間椒鹽豆腐，表面裹著少少芒果醬汁 另外會有小碟的芒果醬，熱辣辣時食就是開胃小菜，放涼左再食 就好有甜點感覺素食三文魚拼盤 $68上枱時注入清水 輕煙便慢慢滲出 儀式感十足，用䈮蒻做的三文魚刺身 沾上少少芥末同日本鼓油一齊食 口感同味道都幾乎同真一樣印度風味Masla咖喱配手抓餅 $78帶有酸辣的Masala香濃惹味 掛在酥酥暖暖又充滿烤香味既手抓餅上，好快被我食晒日式芥辣蝴蝶蝦 $78炸漿內透出少少紅色 外型是參照曲身的熟蝦，咬落外層脆脆 似咬開蝦殼 內裡爽爽彈牙的，沾上加入蜂蜜的芥末醬 原本以為只是小食，食晒都好飽肚椰汁雪耳無花果燉湯 $48湯色好清澈，清甜香濃 每口都有淡淡椰香滲出紐約芝士蛋糕 $58比真正嘅紐約芝士蛋糕鬆軟輕盈，冇咗芝士膩感 自私食成件都冇問題花生鹹蛋湯丸 $28內餡口感好似花生酥 酥酥香香甜得黎有少少咸 有脆脆嘅口感又唔會硬，迷你湯丸size，細細粒而糯米皮同內餡比例做得岩岩好，驚喜! 真心好好食 呢個一定要再encore*店員姐姐好細心，一坐下就端給我一杯暖水*Menu有列明菜式用左奶/ 蜂蜜/ 蛋，客人點選時可更了解成分*雖然是素食，菜式種類都好多元化，西中日台印都有…Read More

前排玩吐嘈AI話我唔食菜😂😂其實我好鍾意食菜～不過專食素就真係少d~見最近好多人都推介依間新式素食餐廳🧐🧐一於同食肉獸去試下😂😂椰汁雪耳無花果燉湯 $48 有椰子，雪耳，好清甜，又夠濃～好真材實料～好好飲😍一人一碗都無問題台式叉燒刈包 $68刈包好軟熟，包左滿滿既蜜汁素叉燒同一塊好似炸魚柳，一d都唔肥膩👍🏻👍🏻好味粟米濃湯佐翡翠苗 $98翡翠苗配粟米濃湯又幾得意，加埋一齊可以遮左d草青味👍🏻琵琶豆腐 $88外層好脆口，入面有好多餡，口感豐富。四川擔擔麵 $68佢唔係好杰身嘅花生湯底，但都食到擔擔麵個種味，小小辣～百香芒果烏龍茶 $38百香果好出，酸酸地，好開胃🤤…Read More

本日茹素麼地大廈林林種種酒吧之中夾住間非常有質素、晚晚接近滿座（真係好多人）既素食小館，以多國菜式見稱，餐牌有標明全素/ 蛋奶素，方便各方素食之友選擇。碟碟菜我都好鐘意，最正一定係椰汁雪耳無花果燉湯，好好飲！湯王湯后一定要試下，清甜生津，無花果湯椰子底伴有雪耳、椰肉、姬松茸、杞子、南北杏等，原隻熱盅上，非常推薦！另外忌廉蘑菇湯浸菠菜苗，認真非常好吃！忌廉蘑菇湯食得出係自家調配味道，有少少薯仔甜味，湯底有打泡，好少食到西湯浸菜，真係出色！香口野既代表：椒鹽白靈芝菇、香芒天婦羅炸豆腐，一齊得到我地歡心。白靈芝菇好脆好惹味，配有三色椒同指天椒碎。炸豆腐外脆內嫩滑，芒果醬新鮮匹配，無敵了。意大利香草忌廉天使麵上面有素豬排，口感似Impossible 餐肉，又係熱辣辣上菜，最後飲啖菠蘿特飲降降溫，開心。…Read More

甫入店內雖然面積不大，座位唔多，但是裝修企理光潔，而且佈局充滿聖誕氣氛（聖誕裝飾、聖誕樹、聖誕歌），靠近窗邊還有很美麗的燈飾點綴，拍照起來，很是浪漫唯美。一行四人幾點了六款菜式，包括有：1）意大利香草忌廉天使麵：醬汁味道濃郁，配搭天使麵口感剛剛好2）意大利香草風味酥皮薄餅：驚喜之作，好好味，夠鬆化3）印度風味咖喱配手抓餅：咖喱份量看似很少，但味道真是極佳，配上手抓餅，好食到停唔到口4）琵琶豆腐：是相對失色的一道菜，冇乜特色5）鮮竹蒸牛肉球：口感好似牛肉球，陳皮味道濃厚6）椰汁雪耳無花果燉湯：超香椰子味，而且非常香甜店員服務非常殷勤，定期主動清理桌面及加水，最後還送贈壽星女們壽包，又幫我們留倩影拍合照，感恩暖心窩心的服務。🙏🏻#我們有自攜蛋糕🎂#座位不多，最好事前訂位…Read More

適逢八月十五，同朋友去咗食齋‼️做咗咁多年人第一次幫襯素食餐廳便愛上咗😍 🥢 京都片皮鴨 🦆 $128 呢個係餐廳推介😍 做得好精緻，大大塊，食落口感同肉有得比😋 餅皮夠煙韌，跟埋配菜紅黃椒、青瓜，爽脆得黎增加口感層次！🥢 日式芥辣蝴蝶蝦 (蜂蜜）$78有6塊咁多，外型超似蟹鉗，岀面一層好薄嘅炸粉，入面係蒟蒻做嘅蝴蝶蝦🍤，但有蟹柳嘅味道！口感爽脆！加埋Honey Mustard，酸酸甜甜的，一啲都唔辣！🥢 香煎腐皮卷 $58個人覺得呢個最好味🤤 食齋必食！入面有菇同粉絲，表層腐皮好軟，好簿！加上秘製醬汁，好好味🉐🥢 素食串燒拼盤配秘製沙嗲醬 (肉串) $78賣相好吸引🤩 有羊肉、牛肉、魚蛋 🍢 店員話用咗黃豆呢豆粕加菇，食落口感層次更豐富！沙嗲醬都係全素，特別從由新加坡取貨！好用心。🥢 意大利香草忌廉天使麵 (奶) 🍝 $118香草味唔會濃，啖啖都係滿滿嘅忌廉蘑菇汁😋 好神奇，食完一啲都唔覺得膩。呢個價錢仲有塊大大塊肉扒，仲好貼心，切埋。🥢 椰汁雪耳無花果燉湯 🥣 $48好足料，椰子🥥加無花果超清甜！滋陰潤肺！🥢 青梅子氣泡特飲 🍹 $38好好飲，唔太甜！超解渴！總括來說，餐廳menu好多元化，十分適合唔食素嘅朋友陪食素嘅朋友去食。啲野食擺盤靚📸，野食好味🤤…Read More

今次到慈素小聚，位於尖沙咀麼地道30號Mody House 8樓。 店內以綠色為主調， 小清新風格感覺特別舒適。 餐廳主打素食🌱，餐牌上每款菜式都很特別， 多國菜選擇 ，有中式、台式、日式、泰式、意式和印度， 我當然每款都好想食， 所以就點了京都片皮鴨$128、台式叉燒割包$68、 印度風味Masala咖哩配手抓餅$78、 椰汁雪耳無花果燉湯$48、 鮮竹蒸牛肉球$48、 四川擔擔麵$68、 鳥結糖拿鐵$38、 花生鹹蛋湯丸$38、 鮮粟米忌廉湯$42。 🔸京都片皮鴨 ～ 賣相好可愛， 片皮鴨是用大豆製造， 配上青瓜、紅椒、黃椒和海鮮醬，夾在餅皮內一起吃， 如果想打卡一定要點。 🔸台式叉燒割包 ～ 口感鬆軟的割包， 裏面有素叉燒粒和香脆素肉餅， 口感豐富。 🔸印度風味Masala咖哩配手抓餅 ～咖哩味香濃，帶點微辣， 配上手抓餅， 不妨一試。 🔸鮮竹蒸牛肉球 ～ 賣相真係好似真的牛肉球點心， 入口軟綿綿帶點黏口感。 🔸四川擔擔麵 ～ 麵條細滑湯底濃厚，好惹味。 🔸椰汁雪耳無花果燉湯 ～ 熱辣辣非常清甜， 夠養顏。 🔸鮮粟米忌廉湯 ～ 忌廉湯好香滑，粟米量多。 🔸鳥結糖拿鐵 ～ 鳥結糖甜香味十足， 整體味道濃醇奶香。 🔸花生鹹蛋湯丸 ～ 紅糖薑糖水， 味道甜甜的， 湯圓餡料是花生加鹹蛋， 味道幾特別，原來兩者都幾夾。 喜歡這裏的素菜體驗， 款式多又特別。 🏷️溫馨提示～ 整個用餐體驗均屬個人分享意見， 只作參考😊。 …Read More

嶄新的素食概念，吃出環保新滋味！這次來到尖沙咀一間樓上素食餐廳，融入了中、日、泰等元素，炮製出一系列仿真度極高的菜品~我們點了6款菜品及2款飲品，人均 $227 [推薦菜品]  ᐅ 京都片皮鴨 $128  以大豆肉片製成，具有傳統片皮鴨的紮實口感，帶少許豆香味，餅皮更薄身 ᐅ 素食三文魚拼盤 $68 超逼真！色澤和紋路都與真三文魚非常相似，聞起來還有海水的味道🤣富有彈性；店員會加入氮氣，仙氣飄飄的造型十分適合打卡 ᐅ 椰汁雪耳無花果燉湯 $48 味道清甜回甘，菇味較重 ᐅ 鮮竹蒸牛肉球 $48 味道極似牛肉，厚薄適中有咬口，亦加入馬蹄菱了增加口感 ᐅ 惹味冬陰功金邊粉 $58 分別有兩款素肉丸以假亂真，湯底保留了冬陰功湯的酸味，非常開胃 ᐅ 花生鹹蛋糖丸 (蛋) $28 糖丸裏面包裹着鹹蛋黃碎，入口香脆鬆化，以紅糖水熬煮入味 ᐅ 胚芽奶茶 (奶) $38 奶茶茶味香濃，最吸引的是分量極多的胚芽顆粒 ᐅ 百香芒果烏龍茶 $38 充滿熱帶風情的百香果加上芒果的烏龍茶，酸甜可口 …Read More

裝修以湖水綠為主調 像那些網紅cafe🤣不過其實是素食餐廳! 而且提供中、日、西、泰、印式等多國料理Σ(ﾟДﾟ) 味道、賣相都很有驚喜，職員很友善健談(告訴了我椰汁糕的秘訣🤣)整體很推薦! 印度風味masala咖哩配手抓餅 $78 (另加一)masala香料味濃，而且番茄的比例應該多，所以香而不辣(๑´3｀๑)裡面還有吸滿咖哩的素肉還配有8件手抓餅，不過我是偏愛naan的派別🤣 日式芥辣蝴蝶蝦 $78 (另加一)不論味道、質感，完全就是日式放題中天婦羅蝦啦🤣只是這個大塊點，更有肉感配有蜂蜜芥辣，令它清新點 椰汁雪耳無花果燉湯 $48 (另加一)跟有肉的版本一樣鮮甜😳 燉的時間很足，湯料都變得很軟，可是仍然好吃! 我連椰子片都吃光了🤣 北京片皮鴨 $128 (另加一)賣相有8成像😜 味道當然就沒有鴨香啦，不過調味甜甜的，給你一個片皮鴨的錯覺🤤每張餅皮之間都有隔紙，很細心，要是餅皮薄一點更好 素食串燒配秘製沙爹醬 $78 (另加一)串燒質感也是很像肉丸一路吃一路在想：真的是素？？🤣沙爹醬反而比較像葡汁? 花生味濃些就好😝 椰汁芒果布丁 $22 (另加一)綠豆椰汁糕 $22 (另加一)兩杯甜品有相似但綠豆椰汁糕的絕對更勝一籌。其實它質感不是傳統的椰汁糕。它是固體的，但質感很綿密creamy，介乎與芋泥和雪糕之間的狀態(🤣能想像到嗎？)特意問了職員，原來秘訣是用法國進口的素食魚膠粉雖然價錢較貴，但真的很好吃很值得，吃完後又加點了一杯🤣芒果其實也不錯，只是質感較實一些，和較甜。 素食和葷食者都應該很喜歡這裡🤤一個小小的建議是，餐牌中用上奶制品的菜式都改用植物奶，那素食者就有更多選擇～ …Read More

這位素食朋友最喜歡周圍去試不同的素店，今期就讓他發現一間新派素店，還要是開張不久，他真快手！是樓上舖，地方不算很大，有幾張闊落的卡座，環境優雅舒適。少許陽光透過大型的玻璃窗照射內裏，感覺好悠閒寫意。菜式很新穎，混合了多國菜式，賣相亦很精緻，富有心思！*********************意大利香草忌廉天使麵(奶) Italian Herb Cream Angel Hair Pasta ($118）忌廉汁香濃，緊緊沾滿每條意大利粉，不會過量以致感漏滯，香濃美味，讚！除了有香脆可口的吉列素豬扒外，還加了不少爽口的菇片，更加吸引！*********************琵琶豆腐 Stuffed Pipa Shape Fried Tofu（$88/5件）必食推介！有心思地加了薄脆外層，外脆內軟，而琵琶豆腐亦口感多變，味道吸引又不膩，喜歡！*********************鮮竹蒸牛肉球 Steam Beef Balls with Fresh Yuba （$48）以蒸籠上枱，更有心思！賣相跟一般牛肉球相若，只是口感有些不同，比較腍身，但味道美味，喜歡！*********************忌廉蘑菇濃湯佐菠菜苗(奶) Cream of Mushroom Soup with Baby Spinach（$98）賣相挺有心思，如果加粒杞子在中間就更美。翠綠的菠菜苗好鮮嫩，拌着香濃的忌廉蘑菇湯同吃，配搭好夾，驚喜！*********************椰汁雪耳無花果燉湯 Coconut Snow Fungus and Fig Stew（$48）熱辣辣上枱，一打開盅蓋便聞到陣陣香味。內有不少椰子片、雪耳等湯料，滋潤甜美，養生之選。*********************朋友要的胚芽奶茶(奶) Germ Milk Tea（$38）冰涼透心，既有茶香亦有奶香，還有滿滿的胚芽，更香！我杯熱香芋鮮燕麥奶 Hot Taro Milk Shake（$38）入口溫暖順滑，啖啖香芋的香，好喝！------------------------------幸好有這位素食之友新發現，他常常帶我食素菜，讓我發現素菜式也很精彩，越來越喜歡吃素。…Read More

朋友係食齋之人，見呢間素食餐廳係新開，又近地鐵站，見啲人影出黎既素食款式都好fusion,有日式、京式、西式，就黎試下啦我地坐低先叫左兩杯嘢飲：青梅子氣泡特飲（$38）好原汁原味既一杯特飲，甜味全黎自兩粒青梅，餐廳同事話呢杯係完全無添加糖，梳打水係原味無甜味既有氣水，所以好清新開胃，好鍾意朋友叫左個熱桂圓南棗茶（$48），平時桂圓紅棗茶就飲得多，好少餐廳會選用南棗，南棗更勝紅棗，因為佢無紅棗咁燥，屬不寒不燥之選，好啱女士飲今晚原來預約都好full,可能係happy friday,全部坐滿。今晚我地試左：1）椰汁雪耳無花果燉湯 $48呢個湯夠火候，好足料，一打開就見到有好多椰子、杏仁、雪耳、菇菌類，飲完好舒服2）忌廉蘑菇濃湯佐菠菜苗（奶）$98我地鍾意食菠菜苗多過菠菜，夠嫩，唔會「鞋口」，營養價值高，估唔到同個蘑菇湯都夾到3）珍貴苜蓿芽手卷-$38/件我之前喺其他素食餐廳都有食過用苜蓿芽既壽司，都係配牛油果同青瓜，好鍾意呢個配搭，而且苜蓿芽一向我只係喺素食餐廳先食到，所以我去食素的話我一定會叫！苜蓿芽口感似芽菜苗，但比芽菜更幼細、鬆化、爽脆。今次呢件手卷仲配埋「三文魚」，上碟時仲跟埋個日本醬油，用黎點「三文魚」喺食既時候又真係幾似食緊三文魚😂4）主菜我地叫左個秘製茄汁搭配三重奏芝士天使麵（奶）$118呢個麵我超級鍾意，係今晚最驚喜既，因為一上碟夠熱辣新鮮，一叉起啲天使麵有芝士既拉絲，超正❤️❤️❤️而且係茄汁底，食落一啲都唔膩，因為平時食芝士意粉的話一定會跟忌廉，食食下就會好膩，但呢個一啲都唔會，我地清曬碟😆😆5）香芒天婦羅炸豆腐（6件）$88新鮮炸出黎，脆漿唔算太厚，香口6）黑松露蘿蔔糕$48呢個小食切得細細舊，好易食，除左黑松露醬之外，仲提供埋經典既甜醬同辣椒醬，俾我地一糕三吃👍🏽👍🏽服務方面，店員都好細心，時不時都會為我地加水，由於檯面空間有限，啲餸菜會一樣一樣慢慢上，又有禮貌，環境舒適，全部都係卡位，用左湖水綠色調，同有打卡cafe餐廳既感覺，一啲都唔似係一般素食餐廳既佈置，好靚…Read More

新開素食餐廳，喺K11 對面，以粉色為主，加上窗邊的燈飾，望落去好舒服😌 椰汁雪耳無花果燉湯香菇竹笙菜胆翅湯外面落住雨🌧️，坐低最好飲啖湯水暖胃，湯底濃郁清澈無油，前者無花果軟腍滑溜，後者香菇味突出素食三文魚拼盤素刺身騰雲駕霧出場，好有視覺效果，擺盤亦好精緻翡翠生菜包色彩繽紛的，有紅黃綠燈籠椒、沙葛、素肉等，切成細細粒，用生菜包住，清新爽脆琵琶豆腐金黃色外型，一口size ，外脆內軟，豆味幾香鮮竹蒸牛肉球無論外型同口感都同酒樓牛肉球好似，但加添左煙韌感台式叉燒刈包鮮艷的叉燒配素扒，用刈包包住食，調味剛好醬汁豐富黑松露蘿蔔糕原來煎蘿蔔糕配黑松露醬都幾夾，值得一試印度風味Masala咖哩佐手抓餅素菜仲有這款印度菜，咖喱汁無加肉同樣香濃，配帶脆嘅手抓餅食好滋味忌廉蘑菇濃湯佐菠菜苗 椰汁芒果市甸…Read More