耀記

媽媽心血來潮想去鴨脷洲食海鮮係街市買海鮮其實都要諗定點煮有時店家推薦的煮法未必合心意*椒鹽爆膏瀨尿蝦好野味，俾膠剪我地自己搞，又唔怕佢偷工減料*香煎倉魚店家原來推薦豉汁蒸，但我地更多煎+點豉油不過店家煎得有點乾身*蒜蓉粉絲蒸象拔蚌粉絲一般，好淋唔爽，但調味ok*另外叫左椒絲腐乳通菜，大大碟！仲有玻璃可樂！一流！午飯時間，只有呢家係最多人食以前黎都係食呢家因為只係二人份，每碟加工費只係$70算係抵食！不過每個材料製作需時，唔能夠等埋一齊影張大合照…查看更多

約了吹水之友飯聚，今次的主題是海鮮餐。不同的是食客會自攜海鮮，交與店方烹煮。小人充當買手之一，在街市選購之後到餐廳與其他人會合，交帶餐廳煮法之後就可以安安樂樂的等待美食。未吃海鮮，先來一碟炆豬手，肉是腍得差不多一咬即化，而且充滿骨膠原，吃完都不覺肥膩。煎蠔餅有粒粒蠔肉，如果蛋餅煎得脆些會更好。蒸魚的薑蔥和豉油不會過度的多，魚肉很滑，鮮味得以盡量突顯。簡簡單單的薑蔥炒蟹已見廚師功力，夠鑊氣，調味恰到好處已能概括一切。椒鹽瀨尿蝦香口惹味，將蝦肉沾著椒鹽來吃是無法停口的！不似有些地方美極味只停留在蝦殼上，入不到肉裡去。這碟蝦的美極味是由外至內的，入味非常。以大路蒜蓉粉絲來蒸的蟶子，不會過火，仍吃到蟶子的質感，加上陣陣蒜香，一流！炒菜亦不會過老，條條爽脆，惟份量較少。炒麵夠乾，味道均勻，很好食。即使已飽，亦忍不住要吃件西多士，放久了依然美味，只是已不能加太多牛油來吃呢。吹水之友一致通過：整餐口是沒有停過的，不過還是第一次食多過講！…查看更多

上星期日,探訪完長者會員,之後...同其餘7個義工一齊去咗市政大廈開飯...去這兒開飯是阿強一早提議的,因為佢話識人可以係漁市場個度攞貨,可以打個8折俾我地.咁..識人當然D海鮮會新鮮D,而且又抵D,我地當然舉腳贊成啦.但有什麼東西食,事前完全不知道.市政大廈熟食檔位於一樓,場內不算很大,地方尚算乾淨,裡頭只有幾間食店,而今次我們幫襯的食店名叫耀記.在食店裡,我們坐著等,因為買手還未到,.....大家一直等,等到差不多2:15分才有第一味海鮮上桌,....登登登...第一味就係椒鹽瀨尿蝦,都好大隻,仲有膏添,好正....椒鹽既味道岩岩好,唔好太鹹或太辣,亦唔算太油,好味道呀...d瀨尿蝦好新鮮,...超正.第二味係東星2味,魚頭,魚骨,同魚尾拿去蒸,味道亦佷好.第三味係東星2味之炒班球,d班球好鮮味,啖啖肉,正....第四味係蟶子皇,聽講要70元一斤,一斤大約有5隻,平均一隻要14元,買手一共買了30隻,每人平均可以吃到3隻,師傅將d蟶子皇加入蒜茸粉絲去蒸,又是超級美味.....yummy....咁大個女都是頭一次吃那麼大隻的蟶子.第五味是美極蝦,蝦雖然細隻,但味道很鮮美,用美極來炒,很奇妙的配搭.另外叫了啤酒,汽水,到埋單時,加工費連酒水費用大約4百多,海鮮買了920元,每人平均都是吃了百多元,算是經濟實惠了.…查看更多