囍慶酒家

和朋友星期日踩完單車，又找不到餐廳餐廳，到科學園看一看，見到有間酒樓很多人，就和朋友進去。環境很舒服燈光通明，地方也很乾淨，很多一家大細來吃飯。馬拉盞通菜份量很大，馬拉盞醬汁很多，通菜非常入味，如果多啲辣椒🌶️更加正，可惜朋友不吃辣。蜜桃咕嚕黑豚肉的黑臀肉肉質結實，調味出色，蜜桃配搭新穎，送飯食一流！而且無骨，易入口，外皮又脆。欖菜茄子四季豆很惹味，茄子最好吃，不過有點油膩，味道就真的很好吃。星期日仍然有特價晚餐，燉湯孖寶包括杏汁燉白肺和例牌的燒鵝$238。杏汁燉白肺滋潤湯味濃郁，杏仁味很重，一粒粒南北杏很有咬口，瘦肉和豬肺同樣軟腍！燒鵝很正宗的味道，鵝肉很嫩口，皮脂很香口。整體小菜都很好吃，難怪星期日晚上兩邊都座無虛席。…查看更多

平時都係踩單車先經過科學園，從來都未入過去入面，但原來入面有好多食店架，今次就黎左呢間酒樓試下。本身仲諗住應該會無咩人，點知一行入黎發現都有幾多人喎！而且有部大電視係中間，可以一路食一路睇下電視，首先我地黎左道上湯加拿大龍蝦(伊麵底)，呢一道菜就係好抵食，原隻龍蝦再加個伊麵底都只係$128 ，呢個價錢真係去邊度搵呀！！我地成餐飯都無叫過一個白飯，因為食呢個伊龍已經夠晒喇！餐牌上仲有幾款孖寶揀，我地揀左鵝肝醬貢菜炒什菌+金蒜粉絲蒸皇帝貝(6隻)貢菜比較少見，出面唔係好多地方有得食，但通常貢菜都係整成涼菜，我都係第1次食炒貢菜。貢菜既口感食落爽爽地拼埋個充滿鵝肝醬既什菌，呢道菜特別得黎好好味！中意食蒜既朋友一定會鍾意呢道菜！因為每隻皇帝貝上面都有大量既蒜，再有粉絲墊係皇帝貝既下面，D粉絲吸晒皇帝貝既鮮味，蟲草花銀魚蒸茄子呢道菜既茄子本身比較清淡，但因為加左蟲草花同銀魚係面，口感同味道既層次都多左唔少，我個人認為呢道菜好適合長者呢！黑松露帶子炒蛋本身都怕呢個菜會無咩特別，但食落口都幾驚喜！因為佢個黑松露味真係好濃，仲有佢用帶子取代傳統既蝦仁，感覺好match，唔會覺得格格不入，比起係一般餐廳食既蝦仁炒蛋層次又更高了！由於我本人係非常中意飲湯，所以都係忍唔住叫左個杏汁燉白肺呢個湯岩晒我呢D近日咳到就黎死既人，佢個杏汁好滑好滑，加埋個豬肺，以形補形飲完覺得自己個肺舒服左好多食飽飽喇，侍應問我地上唔上埋糖水，我地先知道有糖水環節今日係喳咋好足料，入面真係有大量唔同類型既豆！雖然呢間酒樓既位置係比較偏僻少少，但假日踩單車經過科學園，入黎食下野都唔錯！…查看更多