六本木日本料理

嚟長沙灣食呢間居酒屋，係朋友介紹，朋友話佢屋企人食過好食，所以嚟試吓。喺OpenRice訂咗位， 7:00嚟到唔使等就入座，不過餐廳都唔滿座，唔使等。除咗餐牌入面有嘅嘢食，黑板上面亦都會有啲推介，一坐低，經理就會攞個黑板過嚟介紹今日有咩推介，最好笑係佢會話有一啲係好難食唔好食千祈唔好叫，有啲就話好好食叫我哋一定要叫。花蜜年糕$88黑板推介之一，成舊年糕出面沾滿蜜糖，味道幾特別甜甜地，不過一定要趁熱食，凍咗嘅話啲蜜糖就會硬晒，年糕煙煙韌韌都唔錯。明太子玉子燒$88成個鏟擺喺下面，需要自己切將個玉子燒分件，問題係個玉子燒會黐住個鐵板，黐咗勁多蛋皮喺個鐵板度。玉子燒好香，入面都幾多明太子。伊左木$430係黑板推介之一，經理介紹話呢個好食，就試吓，同埋聽到佢話係成條魚上，諗住應該份量都OK，另外佢話係當日下午先空運嚟到香港。魚肉都幾有口感，唔會腍啤啤，都幾鮮甜有鮮味，點佢個汁酸酸地會好食啲。蒲燒魚腩壽司 $48一件都係黑板推介之一，話好食，所以我哋就試吓，真係幾好食，魚腩夠肥燒得夠香，入口即溶，壽司飯亦唔會太硬。鵝肝帶子卷$168個帶子都算大粒，口感OK，鵝肝唔算特別多，不過都食到有香味雞皮餃子$88新鮮熱辣整出嚟嘅時候都好香脆，不會太油。唐揚雞軟骨粒$68本身唔係太鍾意食雞軟骨，因為覺得啲骨都唔係太容易咬到同埋吞落口，但係今次炸得夠脆，細細粒，都叫做咬到同埋食到。香芒軟殼蟹卷$148卷就唔係好大份，細細粒，軟殼蟹都幾脆，個芒果有啲酸。南瓜天婦羅$78都幾香同幾脆，不過個南瓜唔算好勁南瓜味，唔係好香。日式炒烏冬$148算係比較飽肚嘅東西，因為淨係食其他嘢其實都食唔飽，有啲炒飯同炒烏冬可以叫，要叫返啲先至可以食得飽，不過其實份量唔大，一個人都食得晒，不過啲牛肉係幾好食嘅。板燒牛舌$158鐵板上熱辣辣好香，牛舌好香，好有口感，唔會太硬咬唔開，都算好軟熟。清酒$488平時好少飲清酒，都唔知算唔算好飲，由於我哋大部份人平時都冇飲開酒，於是叫個梅酒諗住應該唔會太難入口，都OK唔會太苦。最搞笑係叫清酒，佢會攞一盤酒杯過嚟，叫你哋一人揀一隻。…查看更多

呢間位於深水埗嘅居酒屋，由外到內都用上深木系裝潢，牆身貼滿清酒label及舊海報，充滿復古情懷🎎而且店內用上黃色燈光，喺到用餐彷彿置身日本地道居酒屋咁，實在太有feel😍🍱刺身盛呢個刺身盛上枱勁有仙氣，打卡一流🤍兵庫縣室津生蠔 - 新鮮肥美又creamy，帶清新海水味；赤身 - 口感厚身，鮮甜多汁；油甘魚 - 肉質鮮嫩，充滿魚油香；帆立貝 - 同樣好鮮甜肥美；每樣刺身都好新鮮，高質👍🏻🐟唐揚池魚bb ($68)唐揚池魚bb 份量都幾多，細細條好得意🤣池魚bb外皮香脆，內裏魚肉鮮嫩多汁🤤沾上檸檬汁更添風味！🦑魷魚軟骨 ($88)這款小食比較少見、真係幾特別☺️口感有啲似雞軟骨加螺肉🤣但又帶有魷魚嘅鮮味，非常好食，食到停唔到口🤣值得一試😍🍤六本木海老雲丹蝦天婦羅 ($138)呢個天婦羅係豪華組合🤣係以紫蘇葉包住新鮮海膽+海老蝦製成嘅天婦羅，海老肉質鮮嫩，海膽口感嫩滑，外皮酥脆，口感一流～🍳明太子玉子燒 ($88)用鐵板上香氣十足，熱辣辣好正🔥嫩滑嘅玉子燒夾著香濃嘅明太子，口感非常豐富，仲食到啖啖酒香，應該係用咗酒去烹調🤤🪨和牛石頭飯 ($198)石頭鍋保溫效果非常好，讓米飯維持熱度，和牛肉質鮮嫩多汁☺️配上醬汁和溫泉蛋，拌飯一齊食口感豐富🥰🌸櫻花可樂 ($35)粉紅色汽水好igable😍帶著淡淡的櫻花香氣，口感清爽，非常適合搭配日式料理😋🍵綠茶可樂 ($35)茶香和可樂的氣泡混合在一起，味道特別，值得一試～總結：店員熱情介紹menu食物，服務勤快，態度值得一讚；環境超有日式風情，享受地道料理之餘，感受下呢到氣氛都不錯👍🏻…查看更多

⭐️老細好靚仔，老細好靚仔，老細好靚仔📣老細見到我係咁影相，問我係咪會打食評，佢話嘢食唔重要，唔講都得，最緊要記得話老細好靚仔🧏🏻‍♂️ 幫緊你幫緊你🫡🦪 室津生蠔 $66性價比高，對得住價錢，算大隻同新鮮又脹卜卜，偏咸，後尾再encore左一隻過下口癮。🍤 海老雲單天婦羅 $138幾有趣嘅食法，紫蘇葉包住海膽同埋蝦，不過熟咗嘅海膽冇咗嗰種鮮甜，唔似食緊海膽，蝦彈牙，整體飽滿。🦢 鵝肝帶子卷 $148好大粒鮮甜嘅帶子，一口一件好滿足，不過少少蓋過左鵝肝，食到鵝肝嘅口感，但係味道偏淡，比帶子搶左味。🥩 牛肉他他燒 $188效果好仙氣，冰鎮上枱，牛肉他他撈埋啲蒜蓉辣蘿蔔同洋蔥都幾有風味，外層有燒烤過嘅味道，牛肉係生嘅但唔會幾渣，幾有口感。🦀 香芒軟殼蟹卷 $128正常發揮，芒果鮮甜，軟殼蟹夠脆，size適中可以一啖啪落口。🧈 玉子燒明太子 $88用鐵板上，出哂煙，好岩打卡📸。玉子偏甜同埋唔會鞋，好開胃。明太子都幾多，少辣🌶️🍘 燒年糕 $32甜甜地，脆脆地，好軟糯，不過認為可以再脆啲，有少少淋🍦 炸雪糕 $88好似係舖頭名物，特色野黎🤣，咁樣睇好似菠蘿油🤣。建議一上要即食，我影多幾張相外層淋左雪糕溶左😭，以為入邊夾住雲呢拿雪糕，但原來係柚子味，同想像中有出入，不過就解膩啲，外層熱熱地同幾脆！都幾得意，可以一試。老細自稱：青山道 #李克勤，估唔到一開口會係驚艷唔係驚嚇😱，老細好high好熱情好識帶動氣氛，好鬼吹得，又係咁請人飲sake🍶🤤仲要枝枝都高汁好易入口好爽好好飲呀💦…查看更多

六本木日本料理係深水埗既一間居酒屋，空間感幾大幾舒服，呢度既午市定食種類都幾多，有唔同既燒物、刺身壽司等等。每款定食都跟飯、茶碗蒸、漬物同埋麵豉湯，好豐富～茶碗蒸好足料😍蛋好嫩滑，入面仲有雞肉、蟹柳等等既配料。另外麵豉湯都好好味，入面有啲豆腐粒、洋蔥絲、海帶，絕對高質  1⃣️刺身定食（$148）呢個刺身定食勁高質！首先一黎到個乾冰效果已經夠曬靚🤩刺身種類夠多而且每一款都好有質素好新鮮。有三文魚、吞拿魚、油甘魚、鯛魚、帶子，仲有好少見會有既燒鰹魚🥰每一樣都幾大件厚切有口感～最鍾意既係帶子！帶子係有少少檸檬既味道，食落多一分清爽感！好正～  2⃣️明太子玉子燒（$88） 呢個都係好正🤤成個鐵板上，上到枱既時候仲有滋滋聲。切開係滿滿既明太子！玉子燒卷得好厚，蛋味香甜滑嫩，絕對值得一試😋  …查看更多

今次嚟到有人大力推薦嘅六本木，老公提早左4、5日訂位，好彩訂到。因為我地準時六點到達，有對情侶諗住一早等開門就一定有位，答案係大錯特錯🙅‍♀️，由於此店不設限時，食幾耐都得，所以夜晚walk in真係難啲，各位想試記得訂位啦！既然無限時就放慢嚟食啦！先由刺身同佐酒小食開始：海膽豆腐，炸赤蝦BB，海膽刺身，水母刺身，紋甲魷魚刺身。刺身係新鮮嘅，師傅刀工一流。海膽豆腐除左豆腐上面嘅新鮮海膽外，豆腐本身都有濃濃嘅海膽味!正呀！赤蝦BB送酒一流呀！唔會炸到乾曬!之後到熱食：串燒，秘製燒牛肉，燒牛肉他他，海膽天婦羅，海老雲丹天婦羅，明太子玉子燒。燒牛肉同牛肉他他都好有驚喜，燒牛肉上枱後，會點著牛肉下面嘅清酒，再燒一燒啲牛肉，牛肉嘅生熟程度剛好，味道相當唔錯。而牛肉他他係經過煙燻嘅，上枱嘅時候都仲見到啲煙，食落口別有一番味道，好想一食再食呀！至於兩款天婦羅都有我至愛海膽，海老雲丹嘅海老真材實料，食到啖啖蝦肉，如果海膽嘅份量再多少少就完美啦！另外嘅淨海膽天婦羅，食到陣陣嘅紫蘇葉味，同海膽非常配合，食完好滿足。玉子燒嘅蛋好嫩滑，入面包住嘅明太子份量啱啱好，明太子味道帶少少咸同辣，而玉子就甜甜地，味道豐富。食完啲熱食，見個胃仲有少少位，唔好浪費，喺特別推介嘅飛機貨到揀左條赤伊佐木嚟做刺身。味道好好，鮮甜美味，配酸汁會蓋過左魚嘅鮮味，我喜歡配少少WASABI同豉油，可以帶出濃濃嘅魚味，非常可口!呢到嘅食物已經令我好難忘啦！食到尾聲，老闆走嚟請各枱地飲清酒同傾計，之後仲開始大家唱K tim，氣氛真係好熱鬧呀！但由於營業時間只可以去到10:00pm 所以最後一首歌唱完就散lu!如果大家想試好西，記得訂位訂位訂位，重要野要講3次!…查看更多

係深水埗區比較少見呢一類嘅日式居酒屋，餐廳位置都比較偏僻，人流唔算太多！印象比較深刻嘅係老闆非常熱情，落單之前會向客人講解一下餐廳有咩食物推介😂**********<明太子玉子燒> $88玉子燒裏面包左好厚嘅明太子，明太子集中嘅位置會有點太鹹，但連埋玉子燒食就啱啱好😍**********<香芒軟殼蟹卷> $98軟殼蟹炸得好鬆脆，層炸粉唔會好厚，加埋芒果同埋沙律醬味道酸酸甜甜，一啖食曬好滿足😋********** <磯燒榮螺> $98磯燒榮螺係是日推薦嘅menu上揀嘅，應該唔係每次去都有得食！榮螺切左粒之後再放返個殼，食落會有少少酒，上枱嘅時候仲會點火比客人影相嫁😂**********<板燒牛舌> $108依份牛舌唔太抵食，牛舌唔係厚切個種，感覺有啲似食緊無咁爽嘅雞腎，味道正正常常無咩特別🧐…查看更多

喺深水埗出沒多時嘅我，對「六本木日本料理」並不陌生，我應該有幫襯過十次以上，但每次都係午餐，好多時仲係一班同事連埋老闆一齊食嘅聚會。而喺度食晚飯，今晚真係第一次😜！我以為晚市食到九點會無乜人幫襯，始終居酒屋🏮食到夜、飲到夜先有氣氛㗎嘛。不過我嘅推斷並不正確，餐廳已經坐滿人(正常嘅一半)，好熱鬧。一入到餐廳，唎酒師Vincent(同時係老闆？)第一句就問我哋飲唔飲酒🤣。未睇菜牌前，先飲啖清酒Sake🍶，氣氛超好。Vincent勁識做生意同氹客，佢倒酒俾我飲時問我夠唔夠十八歲，哇哈哈哈，真係識講笑。佢成晚全場飛，又獻唱🎤，令日頭忙碌工作完嘅大家都能放鬆一下。我哋叫到成枱都係嘢食，不過份量啱啱好，輕鬆食得哂😌。價格唔算平，人均要$350，但成個用餐體驗都值回票價嘅。因為就如我之前嘅食評所講，午餐消費要成百蚊，好食但性價比唔高。反而晚餐仲貴，但我又食得開心啲。牛肉他他燒($178)，我哋想食牛🐮，但又唔想食牛扒咁普通，所以就叫咗呢個他他燒。呢道菜嘅造型完全係我意料之外，因為一上枱嘅時候，佢係好似保鮮花咁有個透明玻璃盞住。嚟到要焗幾分鐘先揭開，唔知有咩作用呢🤔。打開後，見到他他燒一片片咁鋪得好靚，生牛肉薄薄的，肉質唔會太韌，未有太多調味，所以我建議夾埋旁邊嘅洋蔥絲同煙燻薯蓉🥔一齊食，提升味道層次。但整道菜嘅煙燻味並唔突出，可能比佢嘅造型呃咗，以為會好強烈🙈。慢煮大根牛舌($68)，哇呢個超級好食😋，因為牛脷👅同蘿蔔都煮得非常入味。牛脷肉質夠嫩，而蘿蔔本身亦都甜、又無渣！佢係我食過嘅大根牛舌中頭幾位好食！香芒軟殼蟹卷($98)，晚市無賣刺身丼飯，但我又想食少少壽司醋飯落肚，於是就叫咗份卷物。🦀軟殼蟹卷嘅擺盤幾型，因為係放咗上架「木船」。卷物大大件，內裡嘅軟殼蟹炸得酥脆而不油，配埋芒果食更帶點清新🌿。明太子玉子燒 ($88)，呢個小食我喺度已經食過幾次，再嗌得足以証明佢嘅魅力🤤，而實際上佢亦無令我失望。🥚玉子燒大大件以鐵板仔上，並交由客人自行將佢切開。玉子燒能夠被分成六小件；當切開後，明太子餡爆哂出嚟😍。味道帶點微辣，連埋外面層醬油一齊食，好鬼惹味。串燒方面🍢，我哋嗌咗兩串過下癮：荔枝豚肉串($32)同阿波尾雞胸軟骨($36)。烤肉配水果一齊食，一向都係最佳拍擋，甜甜鹹鹹相映成趣；而荔枝豚肉串並不例外。至於雞胸軟骨，佢嘅口感更較平日爽脆。串燒係好食，但性價比偏低。燒飯糰($58)，我驚朋友唔夠飽，所以特意嗌畀佢食的。🍙飯糰一客有兩件，最外層用醬油燒至金黃香脆，內層米飯亦無變乾，唔錯。綠茶冷麵($78)，呢個又係為咗填飽肚系列，份量確係多嘅，不過味道就較為普通，無咩特別。🍵綠茶味唔明顯，但隻色就夠哂綠；麵條亦都有抵讚嘅地方就係口感夠彈牙，並無漿埋一齊。總括嚟講，原來六本木嘅晚餐體驗同午市完全唔同，晏晝就係一間好食嘅普通日本料理店囉，但夜晚就化身成為勁正嘅居酒屋！餐廳無論裝修定氣氛都令人感覺好地道，唔似身處喺香港。我會推介朋友嚟呢度幫襯晚飯，佢絕對係適合約埋三五之己小酎一杯嘅好地方😛。餐廳金句：節約用水💦，請多飲酒😳！…查看更多

一直知道呢間餐廳嘅存在，出名人氣極旺，超級爆場，好幾次同朋友嚟到都冇位，full booking到剩低bar枱位，今次索性天未黑就嚟朝聖。除咗木屋仔咁嘅外觀十足十日式居酒屋，內牆都貼滿各式各樣日本酒嘅標籤，別有風味。食物選擇豐富，小食、刺身、壽司、燒物、天婦羅同一品料理一應俱全。一向鍾意食玉子燒，明太子同鰻魚同樣吸引，一輪內心戰之後決定揀明太子玉子燒，完全冇令人失望，一上菜已經聞到濃濃嘅蛋香。明太子香辣惹味，蛋味香濃嘅玉子燒口感鬆軟，一拍即合，令人回味。芒果軟殼蟹卷份量頗多，而且軟殼蟹嘅比重好平均，賣相亦唔錯。軟殼蟹炸得香脆，加入生菜同紫菜包成卷狀，表面鋪上新鮮芒果同蟹籽，入口鮮味爆發，而且口感層次豐富。油甘魚鮫係全晚最有驚喜嘅一道，表面劃上十字紋再燒，色澤金黃，帶有少少焦香，賣相吸引。油甘魚燒到表皮香脆，肉質軟滑，而且一啲都唔乾，加上少少檸檬汁令鮮味更突出。最後當然要嗌返個主食，鯛魚濃湯用石頭鍋上，上枱時依然保持滾熱辣，奶白色嘅魚湯又香又濃，非常吸引。稻庭烏冬煙韌彈牙，而且份量亦唔少，唔大食嘅話兩個人分享剛剛好。今晚嘅每一道菜都令人非常滿意，熱鬧嘅氣氛加上有水準嘅食物，實在非常適合三五知己聚會，難怪經常唔到七點就已經滿座。…查看更多

都唔知第幾次食六本木了，每次試吓啲新嘢都會令人滿意。明太子玉子燒 $88 之前食開拉絲嘅芝士玉子燒，原來明太子玉子燒都好正，鹹鹹哋再帶帶微辣為嫩滑玉子燒帶嚟個重點。帆立貝 (2貫) $75、吞拿魚赤身 (2貫) $68 呢到嘅壽司都好高質，帆立貝夠肥，入口好滑，又夠鮮甜。赤身魚味好出，但呢到嘅赤身又有少少肥美感，兩者兼得。鵝肝手卷 $88 今次最大收鑊係發現到呢款咁香口嘅手卷！鵝肝都算大件，外表煎香到直情有少少焦脆，一咬香就散發出熱辣辣嘅油香，超正，但美中不足係食到最底會得飯。銀鱈魚西京燒 $138 食過好多次了，銀鱈魚依然都係咁香甜嫩滑，今次塊魚仲好似比之前嘅大塊咗，發達了。需加一服務費，埋單2人約$500。如果你鍾意睇我嘅食評，不妨關注我，支持吓我，謝謝你☺️💕…查看更多

想食日本嘢又唔想淨係得壽司刺身可以點算好⁉️ 我有辦法！梗係跟住我去近期愛上既……日式居酒屋啦🤤 而今次朋友約我喺深水埗食飯，都揀左間旺中帶靜既居酒屋🤗😚 內裡環境幾寛敞，牆上滿怖日本特色，店員亦十分友善勤力👍-☆ 胡麻秋葵 HKD$35☆ 加洲卷 HKD$78☆ 明太子玉子燒 HKD$88☆ 牛肉他他燒 - 煙燻薯蓉底 HKD$178☆ 日式炒烏冬 HKD$98-我同朋友都鍾意食秋葵，所以叫左個冰凍胡麻秋葵🤤 秋葵幾爽口內裡夠黏笠，配上胡麻醬當沙律食，係一個不錯既健康之選👍 而加洲卷同平時食到嘅少少唔同，感覺係比較清新，上面既蟹子十分爽脆，如果可以再多啲就perfect啦😋 明太子玉子燒係厚切🤤 玉子入面係滿滿既明太子🤩 玉子味道甜甜地，同咸香既明太子好夾，不錯的👍 叫左個非常特別既牛肉他他燒🥩居酒屋比較少見，牛肉顏色粉嫩，肉質非常嫩滑💕 牛肉底下係厚厚既薯蓉🥔 薯蓉經煙燻整成，牛肉配埋薯蓉、蘿蔔蓉及蒜泥一齊食，幾重口感混合喺口腔，非常特別！並沾上特製既燒汁，令牛肉味更改突出👍 真係要試試~ 最後食埋幾夠鑊氣既炒烏冬，肚皮就非常滿足啦😋…查看更多

前幾日又放底亞女比老公同朋友去居酒屋食飯傾計。一聽個店名都好日式，入到店都係日式風格，掛左d燈籠，同用左清酒樽作擺設。香芒軟殻蟹卷（$98）賣相都幾靚，一set有6件，一片片既芒果係面，而軟殻蟹炸得脆不油。明太子玉子燒（$88）玉子燒用鐵板上枱，都幾熱辣辣，放左一陣都keep到溫度，厚身蛋味香濃，冇過老，如果再滑d就緊好，中間夾了明太子，微微辣。荔枝豚肉串（$30/串）牛舌串（$48/串）荔枝豚肉串都幾得意配搭，荔枝新鮮又爽甜多汁。牛舌每片唔薄，燒得嫩唔乾有肉汁。鰻魚飯（$148）鰻魚燒到微微濃，雖然切開一半，其實係原條鰻魚，唔算肥美但冇骨，燒汁甜度適中，但就覺得唔夠多汁，飯量適合女仔食軟骨雞肉串（$46）比一般見到的大份，仲加左軟骨，緊有口感，本身好夠味，所以唔駛點佢比既醬汁。但其實我想講個醬汁係由醬油+生蛋黃，好好味，撈白飯一流🤣🤣🤣.…查看更多

居酒屋向來都是我在收工後和朋友談笑風生和小酌兩杯的最佳場所，其令人舒適安心的環境可以令人放鬆身心。有日經過一整天的辛勞後，和朋友經過長沙灣， 看到這間居酒屋就二話不說入去了。一入到這間居酒屋就彷彿置身於日本之中，牆身砌滿了各種啤酒和清酒的廣告和照片，餐廳內可看到廚師的手藝，場內也播著各種日劇主題曲和日本流行曲， 一坐在座位上，拘謹的神經瞬間放鬆了。收工當然要飲啤酒，而辛勞的一天要配上苦澀的黑啤，這杯suntory premium malt's black是我的最愛黑啤之一，與其他黑啤不同的是，他偏甜和濃滑的口感十分適合大口大口飲,會令人一杯接一杯，停不了口。而食物方面首先要點串燒餸啤酒。第一串串燒是安格斯牛肉串，牛肉燒至三成熟，口感鮮嫩多汁， 廚師指少少調味，突顯了安格斯牛肉濃烈的牛味。第二串是荔枝豚肉串，荔枝一入口即“爆汁”，甜味蓋過了整個串燒，令人想立即咬多一口。第三串是京蔥雞肉串，雞肉多汁嫩滑加上甜潤香口的京蔥和照燒汁，是經典中的經典。最後一串是豚腩串， 豚肉油脂分佈合理，一層脂肪一層豚肉，油香四溢，是四串串燒中最惹味的。主食則點了鯛魚濃湯稻庭烏冬，濃湯和烏冬分開上， 鯛魚龍湯一上枱是沸騰翻滾的，把冰凍爽口的烏冬放上湯食，彈牙可口，而鯛魚湯很清甜，魚味十足，食完烏冬後我更喝完整碗湯呢。然後小食點了明太子玉子燒和關東煮。 明太子玉子燒放在鐵板上菜，上枱時還聽到吱吱聲。玉子夠厚身而且充滿蛋汁，調味是偏鹹的，配上中間滿滿的明太子，有一絲絲細緻的高雅風味。而關東煮是關西口味的，醬汁不會太鹹，材料也夠厚身，建議趁熱食。最後我點了軟殼蟹天婦羅餸酒，軟殼蟹外殼炸得十分脆身，中間蟹黃蟹味就十分香口鬆脆，除了軟殼蟹，還有蕃薯天婦羅和粟米天婦羅，兩者都充滿新鮮蔬菜的清甜，也炸是不油不膩。…查看更多

妹妹放工經常經過長沙灣，留意到有一間裝修豐日本味道的餐廳，這夜相約放工一試。餐廳不論是室外還是室內的裝修都富有濃厚日本味道，晚上7:30到達人流不算很多。打開餐牌會發現食物選擇不算少，最後選了五款菜式一同分享。香芒軟殼蟹卷（$98）Mango & Soft Shell Crab Roll軟殼蟹炸得香脆不油膩🦀，上面加有一片薄薄的芒果🥭，賣相吸引之餘整體亦很好吃。明太子玉子燒（$88）Mentaiko Egg Roll玉子燒厚身鬆軟但未夠嫰滑🐣，中間夾有鹹香的明太子，屬正常水準。鰻魚班戟（$68）Eel Pancake微甜的班戟皮內包有肥美的鰻魚、香甜的芒果🥭和青瓜絲🥒，表面再加上美乃滋醬，味道新奇不錯啊👍🏻。磯煮和風鮑魚（$68）Simmered Abalone with Japanese Sauce 鮑魚軟嫰，味道鮮甜好吃。鰻魚飯（$148）Grilled Eel Rice鰻魚肥美入味，有兩大片🐟，下面鋪有加上鰻魚汁的白飯🍚，飯量不算多，多吃幾口會覺得鰻魚汁有點鹹，但整體上味道仍然不錯😋。食物味道不錯，服務員的態度亦很好，看見老闆當晚也會主動跟顧客閒談，感覺友善🥰，在深水埗區而言食物價格屬小貴，但若要感受日本風情也算是一個不錯的選擇。…查看更多

好友從國外回港，自然是很想想念各種亞洲食物。我們二人都是日本菜愛好者，便找了這家位於深水埗的居酒屋。下大雨的週四晚，沒想到店裡仍是坐滿人，還好早已訂位。由於友人早已到達，我從地鐵站一直快步走到餐廳。老闆看到我滿頭大汗又忘了把雨傘放在門旁，幫我拿過去了，還給了我紙巾抹汗，真是不好意思。除了正常餐牌，黑板上還寫上了今天的飛機刺身，剛新鮮到達。我們二人今天比較想吃熟食，點了幾樣東西，可惜的是有幾款燒魚都剛好賣完或被預留了，真的很搶手熱賣呢。螢光魷魚漬 $45很經典也很棒的前菜，螢光魷魚不會有腥味，很不錯。牛舌 $45/串 / 荔枝豚肉串 $30/串串燒每次必點牛舌，牛舌燒得外脆內juicy，質素很好。最有驚喜的是荔枝豚肉串。薄薄的豚肉烤得香脆，包著一顆顆荔枝，咬進去，溫熱的荔枝鮮甜多汁，很好吃呢！北海道赤蝦BB $68小小的赤蝦炸得很香脆，整隻都可以吃，很適合作下酒小吃。明太子雞翼 $68雞翼裡面釀著明太子，好吃。磯煮和風鮑魚 $68鮑魚一上桌就會點火，很是壯觀。味道很入味，很容易咬。鰻魚班戟 $68很好奇鰻魚班戟是什麼東西，原來真的是平時的班戟皮，裡面包著鰻魚、芒果、牛油果，上面還有一些沙拉醬，味道很特別。銀鱈魚西京燒 $138銀鱈魚燒得帶點焦邊金黃色的，每口都充滿魚油香，很好吃。明太子玉子燒 $88玉子燒有芝士、鰻魚或明太子，看到幾乎每桌客人都有點到。裡面的明太子份量十足，玉子燒也很滑很多汁。這裡的食物出品都很好，老闆那麼熱情好客，員工服務態度都很好，下次要再來，可以嚐一點刺身清酒！…查看更多

朋友話佢做嘢附近有間好味嘅食日本嘢嘅鋪，佢話呢度嘅串燒好好食，知道我有好鍾意食日式串燒，所以就帶我嚟食！因為都幾多人幫襯，所以朋友就一早book 咗位！坐低就立刻睇餐牌，見到串燒有好多選擇，我必點牛舌啦，之後問咗侍應有咩推介，佢就推介我食安格斯牛肉串、荔枝豚肉串仲有白燒鰻魚，咁推介得就信佢點呢機樣，之後仲點咗個我覺得好特別嘅雞皮花竹蝦，㕦外再叫咗明太子玉子燒、鐵板牛舌同火焰鮑魚！明太子玉子燒好快就到，切開入面超多明太子，而且好夠熱，超級正！串燒都好好味，尤其是白燒鰻魚同荔枝豚肉串，白燒鰻魚超肥美，而且魚皮燒到脆卜卜，荔枝豚肉串食落亦都好清新！最後唔夠飽仲叫多個鰻魚飯，味道都唔錯！…查看更多