聚小館 (已結業)

第一次食雞雜，砂窩上枱仲滾緊，無腥味仲好有鑊氣，不過偏咸，送白飯會比較好😎 炒飯都幾香口，可以一試！仲有叫到魚湯浸菜心，不過唔記得影相，雖然都八十幾蚊，但湯同菜都夠清甜😎

話說找朋友一聚食個午餐，因為好耐冇去大角嘴食飯，估唔到開咗好多新店，今次試呢間店朋友話好好味，大廚出馬！店內午餐好多選擇，我哋分別叫咗三款唔同午餐，招牌魔鬼炒飯、干炒海鮮讚岐日本烏冬、龍蝦湯西施泡飯（仲有脆脆米）！雖然看似平平無奇嘅菜式，但一食落口覺得非常之有水準用心之作，而且仲包一杯自家製飲品，而且店員仲送咗小食俾我哋！好窩心呀！

之前見過介紹呢間都算新的餐廳，聽講話係前五星酒店大廚開嘅，一直想試。呢次同個鐘意食海鮮的朋友黎一試。OpenRice 寫港鐵A2出口，但完全搵唔到A2,而A出口係去反方向的⋯行咗個大運先去到店面雖然唔大，但整潔明亮，都坐得舒服。幾位店員小哥友善親切，會黎介紹店內的菜式。因為有叫蝦蟹，中間又會自動黎幫忙換乾淨碟，服務態度👍🏻（唔知同友人不斷叫海鮮有無關😆）總結呢間小店十分適合三五知己黎晚飯，嘆下精緻高水準中菜。餐牌菜式唔多，但樣樣精緻有水準，店員話其實大廚有好多拿手菜，想食乜嘢下次可以預先打電話訂定。菜式份量不多，啱晒鐘意試菜的女士，如果有大食男士，最好叫多個炒飯食飽肚。

呢一間係有大排檔風味嘅酒店級企理小店。四個人總共叫咗四個餸。黃金雜菌豆腐煲真心有驚喜。豆腐外皮煎得香脆，煲仔夠熱，雜菌好入味，好正。椒鹽鮮魷賣相同做法都同其他餐廳好唔同。鮮魷實際上好細粒，但個炸漿外皮好薄好有空氣感，配埋炸蒜幾好食。招牌魔鬼炒飯真係幾有特色，應該落咗少少豆豉鯪魚去炒。米亦都唔係普通米，比較煙韌有咬口，食到停唔到。（油麥菜唔記得影相😂）豆豉鯪魚炒油麥菜幾夠鑊氣，不過因為同魔鬼炒飯都有用豆豉鯪魚，味道上有少少重複。同埋如果豆豉鯪魚粒可以大塊啲，我會開心啲。餐廳食物味道賣相俱佳，整體偏大排檔濃味feel。另外餐具有心思，公筷不同顏色，廁所乾淨，侍應有禮貌。總括來講推薦👍

🇭🇰聚小館·呢間又係我哋睇雜誌見到好似幾吸引 所以就去咗試既餐廳😈不過我哋去嗰日已經八點幾 佢地有啲菜式已經賣晒 唯有下次再試😎·招牌魔鬼炒飯$68呢一個真係招牌 我地兩個都超級鍾意😍佢係一個豆豉鯪魚炒飯 食落個味同平時既炒飯好唔同 佢個醬汁超惹味 有少少辣咁 但係唔會油膩 輕鬆可以食曬成碟 而且佢炒得好乾身 好味🤤🤤·杏汁燉白肺湯$78 l 姬松茸燉響螺湯$98佢個燉湯真係細細盅咁樣 好夠熱 佢個白肺湯杏汁味唔算話太濃 係一個飲落好舒服 好滋補嘅湯 之後佢個豬肺口感都唔錯😎個響螺湯我自己就覺得有少少太濃味 不過佢入邊都幾多響螺 同埋佢入邊嘅雞腳係燉到淋晒☺️☺️·家鄉碌鵝$238 l 魚湯浸菜心$88我哋本身其實係想試佢個炸子雞架 但係佢已經賣晒😭所以我哋就試咗呢一個碌鵝 我覺得佢個汁都幾特別嘅 不過佢入邊份量唔算話好多 因為佢有好幾舊係無咩肉嘅🤭個菜心都唔錯既 煮到岩岩好 不過佢個魚湯就唔喺俾你飲個種 因為比較鹹🤣🤣··📍大角咀大全街41號地舖