上海姥姥

上星期六行經樂富廣場就搵地方食晏，見有食開的上海姥姥又冇乜人，而且仲有下午茶餐，所以和男友一人叫一個餐再加配小籠包和芥末小雲耳😋下午茶餐可加配小食，我最鍾意食小籠包當然要加配😋每人都加配2粒就唔洗爭😂還點了輕量版芥末小雲耳，芥末令小雲耳更清新😊主食點了五香牛肉拉麵和菜肉雲吞拉麵，我和男友習慣交換餸來吃，所以我用2粒雲吞來換他的五香牛肉。五香牛肉不過不失，然後問題來了，我吃第一粒雲吞時覺得冇乜野，吃第二粒一咬是酸的😨😨😨即時問男友有沒有覺得雲吞酸，佢話佢都食到有一粒有少少酸酸地，但我嗰粒好明顯係變左質冇可能食到，於是即時向店員反應，但那女店員第一下回應是話我食曬，我話返俾佢聽我分左2粒俾男友，1粒冇事，1粒咬左一啖覺得酸冇再吃，我只係話返俾佢地知 (廢事佢地以為我想呃飯食咁😑)佢先話會睇睇，然後那女店員同一個男人講完，男人就話會入去(廚房)睇睇，我唔知佢地係米睇完就算，到我地埋單都冇講返點情形，但我食完之後夜晚就肚痛肚瀉😵😢呢間分店d食物質素真係食過咁多間裡面最差，下次經過都唔會再幫襯😑…查看更多

新年就緊係要行花市啦, 由於朋友帶住BB, 唔去得太遠所以就揀左係摩士公園附近食野上海姥姥係帶住小朋友坐得最舒服既選擇打開餐牌, 發現有好多選擇, 好多樣野都想食, 尤其係小食類姥姥好貼心, 佢某D小食會分左輕盈版同標準版, 等你可以試多幾款牛展一D都唔硬, 加埋生蒜, 麻辣醬同青瓜絲一齊食, 味道都OK, 不過份量就少左D, 得4-5片, 就$44手拍青瓜, 青瓜有調過味, 都幾入味, 唔錯, 好爽口素鵝入面有冬菇粒, 個味道唔差既, 可惜係上菜前已經放左一段時間, 加上炸起既時候冇隔油, 成件素鵝油沐沐, 個碟底仲有勁多油回味雞既醬同麻辣牛展差唔多, 只係配左雞肉, 但個雞既味道都唔差既食上海野又點少得小籠包, 上菜時已經見到小籠包入面既湯汁湯汁好熱架, 食既時候小心D, 建議咬開小小吸左D湯汁再食入面既餡料, 小籠包幾好食但係廚師放入去蒸既時候冇將佢地分開擺好, 搞到小籠包D皮同隔離果粒癡埋左一齊, 一夾起就穿左, 浪費哂個湯汁紫菜炸蝦卷味道都唔差, 紫菜包住蝦, 味道都幾夾, 但同素鵝一樣, 炸完出黎冇隔油直接上菜, 食落好油膩, 個碟底又係有好多油銀絲卷識食緊係要食炸架啦, 配埋煉奶味道一流, 但姥姥既銀絲卷就炸得唔太好食, 應該係炸得唔夠耐, 得個面有少少脆之後成條就好似食緊蒸銀絲卷咁, 但值得一讚既係佢好貼心咁搣左底紙先上菜酸辣湯個人覺得太酸, 同埋都比較稀, 所以只係試左2啖至於紅油炒手, 味道普普通通, 個頂個皮包埋一舊太多太厚回鍋肉入面有椰菜, 青椒, 紅椒同埋五花腩片, 但就冇豆腐干個人都幾鍾意食回鍋肉, 但就覺得呢個回鍋肉就一般般, 不過不失, 雖然知道呢味餸菜係油既, 但都真係太多油了食左咁多小食都要食返個主食既, 個人覺得個湯面做得幾好食, 面質軟硬適中, 湯底都做得唔差, 食落去有驚喜既至於個排骨就相對差少少啦, 炸得太乾試左咁多樣野, 個人覺得最好食係個面, 其他野整體都OK…查看更多

農曆新年就到，我地都會一家人去食團年飯！今日見老公放假，就提早少少食團年飯啦！老公係上海菜愛好者，所以今次就近近地揀咗去上海姥姥到食！團年飯，梗係要食啲意頭嘢㗎啦！我地就哪咗呢個「姥姥金湯全家福」，有海参、蛋餃、鹹肉片、炸豬肉丸、百葉包、雞腿件、鵪鶉蛋、大蝦、粉絲、津白！好齊全，咩都有，希望新年全家幸幸福福！之後就到呢個「年年有餘：老壇酸菜魚」，酸酸辣辣，祝大家年年有魚！甜定鹹？點少得呢個「吉祥平安八寶飯」，有紅棗桂花，配埋糯米飯，甜甜地嘅飯，真係會食唔停口！上海菜點少得小籠包？呢個好有意頭嘅「大紅大紫小籠包」，就咁睇顏色都覺得意頭好啦！「大紅大紫小籠包」入面有帶子 (大紫)，配埋XO醬，好刺激嘅口感！小朋友唔食得辣？咁就叫個「招牌小籠包」啦！$39/4粒，抵食！小朋友鐘意食飯，我老爺都係無飯不歡！所以叫咗個「鹹肉菜炒飯」，我女成日唔食菜，炒埋落個飯到挑唔到！最啱我女食！一個炒飯唔夠食嘅，嚟多個「黃金蝦炒飯」，開頭仲怕好漏，點知又唔會喎！好香口好好味！大人細路都食唔停口！食埋甜品先夠完美：「雷沙湯圓」必定係首選！飲品，一定嚟滋潤飲品：雪梨紅棗茶，凍嘅貴啲！同埋小朋友必飲：豆漿一杯！女人唔好飲咁多凍嘢啦！熱雪梨紅棗茶，好甜好好味！…查看更多

難得今日放假, 就同屋企人係屋企附近食個LUNCH呢間上海姥姥好似係新開 叫左2個麵加小籠包2個人share ~ 姥姥家鄉粗炒 - 又幾好WOR! 幾夠味, 最重要係夠熱同分量多!菜肉雲吞拉麵 - 個麵好食呀, 同埋我地坐左係吧檯, 睇住D師傅點樣拉麵, 好似好有FEEL咁 雲吞都OK , 幾大隻小籠包 - 熱辣辣 多汁又唔會穿!! 整體我覺得都幾好, 仲要免加一不過呢到冇得book位, 如果多人食, 可能就要早少少黎拎飛…查看更多