噚日(14-7-2019 Sat)朝，同老公嚟到新都會買飛睇戲，由於想睇嗰場冇晒位，我哋買咗1點鐘嗰場，重有近兩個鐘做乜好？邊行邊睇定食咩嘢吧，亂咁行後，老公見到呢間有豆腐沙律炸雞漢堡，就被佢吸引，而時間尚早，重未開門。努力行多陣，到11點半開門時間就返嚟，等多一陣就正式招待客人喇。我哋坐低後，再詳細研究menu，老公都係堅持要$88.00嘅豆腐沙律炸雞漢堡，我就要都係$88.00嘅明太子忌廉烏冬，又睇埋甜品，見到好特別，$48.00嘅抹茶芒果忌廉芝士蛋糕，就決定要埋呢個後上。等咗都幾耐，豆腐沙律炸雞漢堡到嚟，睇見份量都唔算少，個碟都烘熱過，個飽脆口，炸雞外脆，脆到好似食薯片咁，有聲，真係冇誇張到。亦睇見佢好厚肉，唔怪得要等成10分鐘，啲肉都重叫做juicy同唔太嚡，不過唔夠味;而豆腐沙律味道清淡。味道:3.95分明太子忌廉烏冬，我唔捨得將明太子撈勻啲烏冬喥食，冰凍嘅明太子好鹹，忌廉烏冬好熱，口感都算彈牙，忌廉湯滑。而原來明太子都唔少，到老公食時，佢撈勻食，話好夠味，而忌廉湯一滴都冇剩。
味道:5分食完呢兩樣嘢，就叫侍應上甜品，抹茶芒果忌廉芝士蛋糕。拎到嚟，佢連埋抹茶一齊送上，睇見件蛋糕層次分明，先就咁食，都幾甜，不過覺得抹茶同芒果唔係咁夾，而mousse細滑，我哋淋抹茶食喇，加咗甘苦嘅抹茶，即刻將甜度降低，咁就好食好多。味道:4.5分環境:枱與枱之間嘅距離合理同舒適，而原來呢間舖都幾大間。…查看更多
味道:5分食完呢兩樣嘢，就叫侍應上甜品，抹茶芒果忌廉芝士蛋糕。拎到嚟，佢連埋抹茶一齊送上，睇見件蛋糕層次分明，先就咁食，都幾甜，不過覺得抹茶同芒果唔係咁夾，而mousse細滑，我哋淋抹茶食喇，加咗甘苦嘅抹茶，即刻將甜度降低，咁就好食好多。味道:4.5分環境:枱與枱之間嘅距離合理同舒適，而原來呢間舖都幾大間。…查看更多
