屏山跑車餐廳

住左元朗咁耐都未試過呢間野 今日一齊黎初體驗下 店子小小 室內外座位都不算多 但跑車主題又幾影相able 湯圓妹件衫咁岩同座椅好襯添😂不過座椅雖大 真心唔太好坐 枱下既車軚又係得個靚 但都幾頂腳 不過枱邊有加防撞角 呢個細心大加分餐包 熱辣辣起焗爐拎出黎 非常酥脆 牛油味再重啲更好扒比目魚柳 $208 賣相都繽粉既 魚肉滑溜 調味得宜 魚皮煎得香脆 薯蓉亦唔欺場 基本上魚肉差不多俾湯圓妹食晒😂露筍蟹肉意大利飯 $88 味道比較健康清新 蟹肉香而且也不少賽車手薄餅 $108 薄餅厚薄剛好 批邊脆口 但內膽又惹味濕潤橙汁 $28 餐廳叫果汁都預左貴 不過熱辣辣叫俾湯圓妹爽下啦 誰知好大杯 都幾好丫餐飲- 保時捷咖啡特飲 $20 OK咖啡加上cream 同埋Oreo等 都OK但甜左啲餐飲- 賓利特飲 $20 OK雜果賓治既朋友 無咩特別 但消暑囉餐廳對面就係覲廷書室 書室門口仲有架靚車（唔知長拍定咁岩遇上）快閃行下影下相又一day 其實仲可以順便去埋聚星樓 屏山文物徑 之類既 不過太熱啦 第日疫情好啲天氣涼啲先啦…Read More

黎到屏山就會諗起呢間以賽車作主題的餐廳，呢度張玻璃枱下係法拉利合金軨，坐椅係包皮跑車駕駛坐，頭殼頂係交通燈，一舉手一投足都散發著賽車的氣息，因為呢間餐廳據說係一位賽車迷開的。肉醬意粉(套餐價$88) - 唔咪焗肉醬以粉，用大碟上，有鮮蕃茄肉同芝士，意粉和肉醬比例岩岩好。扒比目魚柳(套餐價$108) - 賣相吸引，撥開面頭荳牙就露出雪白的比目魚。魚柳好大塊，下面鋪左層薯蓉。魚肉嫩滑，魚皮香脆，薯蓉加上煙肉碎同橄欖油，飽肚又好味。煙三文魚凱撒沙律(單點價$88) - 沙律菜新鮮，配煙三文魚同流心溫泉蛋，沒有任何花巧，簡簡單單就做到好味道。套餐有十款選擇，配餐湯同牛角包，餐具仲係專業汽車維修員常用的「士巴拿」同「螺絲批」。批」…Read More