影片
更多
2025-03-29
5912 浏览
好耐無喺度分享美食啦！ 今日就同大家介紹一間近期大熱紅到連MM Channel 都搵佢訪問嘅平民手工意粉店 Italian Bite!之前真係無想像過係西九龍中心呢個相對貼地平民嘅地方竟然會有外國人特登走入黎開手工意粉舖，而且老闆仲要大有來頭係來自名牌意粉店Pici嘅開山功臣！ 雖然舖仔細細，但睇得出老闆都係想盡量呈現番意大利食材嘅原味道，所以自開店以來一直都係排隊人龍店。整個menu都係行簡約路線，前菜5款，手工意粉6款，沙律甜品各兩款。其中最值得推介嘅係意大利麻花捲麵配松露蘑菇醬（$90），麻花捲麵嘅烹調時間做得啱啱好，典型嘅Al Dente 質感咬落仲有少少煙韌，松露醬香得黎都唔會搶晒麻花捲麵嘅小麥味！反而另一款意大利螺絲粉配青醬（$88）個人就唔係好推介，螺絲粉嘅口感雖然都唔錯，但係青醬嘅草青味相對濃烈。另外Tiramisu（$58）亦都係必食之作，咖啡味香濃之餘個cream都做到好柔軟，再加埋啲脆脆增加口感令人印象深刻！坦白講呢個價錢食到呢種質素性價比可以話極高，不過惟一就係要有定心理準備排隊。老闆每日限制左只會招呼130人，午晚市各65人，每一輪只限13人落單，所以唔想排太
之前真係無想像過係西九龍中心呢個相對貼地平民嘅地方竟然會有外國人特登走入黎開手工意粉舖，而且老闆仲要大有來頭係來自名牌意粉店Pici嘅開山功臣！ 雖然舖仔細細，但睇得出老闆都係想盡量呈現番意大利食材嘅原味道，所以自開店以來一直都係排隊人龍店。
整個menu都係行簡約路線，前菜5款，手工意粉6款，沙律甜品各兩款。其中最值得推介嘅係意大利麻花捲麵配松露蘑菇醬（$90），麻花捲麵嘅烹調時間做得啱啱好，典型嘅Al Dente 質感咬落仲有少少煙韌，松露醬香得黎都唔會搶晒麻花捲麵嘅小麥味！反而另一款意大利螺絲粉配青醬（$88）個人就唔係好推介，螺絲粉嘅口感雖然都唔錯，但係青醬嘅草青味相對濃烈。另外Tiramisu（$58）亦都係必食之作，咖啡味香濃之餘個cream都做到好柔軟，再加埋啲脆脆增加口感令人印象深刻！
坦白講呢個價錢食到呢種質素性價比可以話極高，不過惟一就係要有定心理準備排隊。老闆每日限制左只會招呼130人，午晚市各65人，每一輪只限13人落單，所以唔想排太耐隊可以考慮盡量係午晚市開市前黎爭取食到第一輪。當然，可能有人會問如果真係唔想排隊，直接食Pici又得唔得呢？ Um…咁其實都無話唔得嘅，兩個地方嘅出品坦白講質素都相近，但當然係呢度食就可以睇住chef係你面前即席煮比你食，會係另一番體驗！
#delicacies #hongkongdelicacies #hongkongfood #pasta #handmadepasta #tiramisù
意大利麻花捲麵配松露蘑菇醬
$90
1247 浏览
1 赞好
0 留言
意大利麻花捲麵配松露蘑菇醬
$90
1015 浏览
3 赞好
0 留言
意大利螺絲粉配青醬
$88
899 浏览
1 赞好
0 留言
Tiramisu
$58
1424 浏览
1 赞好
0 留言
张贴
