大瀛喜日本料理

营业中

休息中

心血来潮想食放题，就拣左一间未试过既。根据过往经验，午市放题有3小时，可以慢慢食，唔需要咁chu 食物款式同质素都同一般放题差不多。比较好味既有：一口牛(唔会un)，豉椒炒蚬(都几大只又无沙，炒得入味，够辣)，青口(都算大只)，炒海虾，蒲烧鳗鱼。至於刺身，海胆手卷，芝麻鸡翼，香芋丸，一口芝士，辣酒煮花螺，烧扇贝，虾串烧，烧鸡翼，帆立贝，天妇罗就正常。甜品类食左豆腐花，雪糕，乳酪，正常。糥米糍只有朱古力一种味道，唔好味，如果有云呢拿芒果绿茶等味道就更好。不过自取既甜品种类相对其他放题就较少，自家制既只对心太软有兴趣 (放题比较少见到有)，虽然都无乜流心，但胜在热辣辣，蛋糕软熟，颇浓既朱古力味，食左2件 (虽然无乜卖相可言)饮品选择都算多，另有枝装水提供。想批评既系寿司饭太烂太实，食左一转就无再叫不过海胆手卷都食左几件。整体而言，性价比ok，都无乜漏单，可以再试。

呢排食咁多放题，呢间算系最多惊喜！对比一年之前，进步左不少！原来有午市，怕肥消化唔到嘅可以食午市我同女友人黎食，所以唔敢叫太多刺生，惊食唔晒。刺生有三文鱼、油甘鱼、剑鱼腩、赤海虾、樱花鱿鱼、甜虾、蛋、荣螺等等。个人必食推介： 油甘鱼、赤海虾、甜虾，又鲜甜又肥美其实食物种类黎讲，呢间放题唔算好多，但每样我都觉得系几超出水平！惊喜连连必食推介：芝士蒜香牛油焗虎虾芝士、蒜再加牛油所产生嘅化学作用我谂有食过嘅人都知几咁强劲。厨师落足料，虎虾够大只，开边啖啖肉，殻都唔洗脱烧牛舌唔靭，略加黑椒烧过，再自己加小小柠檬汁真系唔错！我叫左4串金砖炸鲜奶都几重鲜奶味，入面滑出面脆。仲有蕃薯仔食！ 女友人好钟意，话甜得黎细细粒唔怕饱。炸蚝 入面嘅蚝都几大粒，脆得黎juicy唔乾唔好甜品嘅我，呢两样系令我好好好好惊喜嘅！！榴槤糯米糍望落细细粒，本身都无抱有期望，放题嘅会有几好食？一啖开，哗左出黎！真系好重榴槤味，内馅多皮够薄，我朋友系我对面都闻到！ 唔系夸张，好食过我系街边见到果d专卖糯米糍嘅店！心太软迷你款 更易熟透，更难做到流心效果，呢个叫左两轮，两轮都系流晒朱古力浆，做到甜品店水准！附上饮品柜俾大家参考

一入去觉得座位几逼下，不过这似乎是放题常态，在商言商摆多两张台就赚多两转钱，所以都无办法。上菜速度尚可，但有漏单情况。饮品方面选择都几多，有可乐，果汁，啤酒之类。最令人不满意是服务态度，食咁多次放题第一次俾人赶去其他位，为左吉d位出黎俾新客，咁系好唔尊重。食食下俾人收碟 (碟入面仲有食物) ，讲都唔讲声，起码应该问下你"仲要唔要?"先收，咁又系好唔尊重。d侍应之间燥底闹黎闹去，又系好影响心情。应该没有下次了。刺身烧物炸物帆立贝甜品心太软