御石燒 (已結業)

仲記得好多年前啱啱興起石燒吉列牛既時候係某餐廳第一次食呢樣野，完全唔明有咩咁好食，多年後再比次機會吉列牛先發現原來佢係可以好好食既對比起當年食過既吉列牛呢到既份量多成倍，又有番咁上下厚度，可以見到啲牛本身色澤鮮豔又有啲油脂，燒完有牛香又唔會食到成口油，個燒肉醬點肉又得撈飯又得，個飯啲飯素都落得好重手，令到個飯味道非常豐富。除左吉列牛之外呢到仲有石燒牛小排/牛舌可以揀，我地食左呢個石燒牛小排又係非常出色都係肉味濃又有適當油脂，而且完全唔韌，啲牛就算燒耐左啲都係咁好味，完全唔洗擔心火候問題。不過佢個指示寫燒3分鐘就其實唔洗咁耐，因為個石好夠熱而且店員見就黎燒完都會即刻走黎比多舊燃料。曾經係出面食過石燒牛係比冷氣吹住個火上唔到黎最後有啲肉係燒極都唔熟，仲有去過間食石燒成塊牛排既啲肉超韌，呢間真係暫時食過既石燒肉黎講最出色，價錢又唔貴，值得一試…查看更多

今日二人又嚟旺角覓食本身已經掃緊兆萬對面條街行到街尾附近見到呢間啲肉要放喺石頭上面燒都幾特別 咁就入去食個正餐每人一份套餐 +$30可以升級有埋飯素、溏心蛋同麵豉湯- - - - - - - - - - - - - - - - - - - - - - - - 
1. 御燒特級牛小排+ 御燒極上級黑松露吉列牛同出面啲烤肉餐廳唔同嘅係佢係利用石頭代替鐵板每人烤牛想要嘅熟度都唔同有啲想要全熟 有啲就生生哋都得呢度每人一個烤板 唔使煩啦XD同埋又唔使爭幾時到自己烤可以好好享受烤肉樂趣石頭嘅傳熱能力冇鐵板咁高但好處係可以快啲烤熟肉嘅外層內裡就保持到嫩度同埋多汁對於想食熟啲牛肉嘅人嚟講咁就唔使怕為咗等入面熟啲外層就會燶晒嘅現象啦牛小排本身冇醃過烤完會有自然牛肉鮮味或者點啲甜甜哋嘅燒汁助味黑松露吉列牛有啲唔同外層多咗黑松露嘅炸衣包住烤緊嗰陣黑松露味慢慢釋放出嚟牛肉同埋黑松露味一淡一濃做到互補 同時提升牛肉鮮味外酥脆內軟嫩 炸衣增加口感層次…查看更多

旺角最近新開咗呢間石燒牛，價錢親民，除咗招牌石燒牛之外，仲有得食蓋飯同埋日式鍋物，今次就同朋友來食下石燒牛，有得食又有得自己燒，生熟程度任由自己控制，諗起都流晒口水啊～御燒極上吉列牛💰HK$128 +$35(轉紫菜味素飯+流心蛋+麵豉湯)吉列牛份量超多，每一塊都勁大塊夠厚身，喺石板上煎完之後好香，外層嘅炸粉燒完之後有外脆嘅效果，而入面嘅牛肉肉質嫩滑，流心蛋亦入味，紫菜味素飯同啲牛肉超夾，令人忍唔住食哂成碗～御燒特級牛小排💰HK$158呢個套餐就冇升級到，晚餐本身包咗一碗珍珠米飯，飯嘅口感煙煙韌韌！牛小排肥瘦均勻，牛味濃郁亦比較少筋，口感軟淋淋，輕輕一燒再點埋燒肉汁，超好送飯！想體驗原汁原味嘅牛肉就一定要試呢到啲牛小排啦～值得一提，店員服務態度超好，即使係繁忙時間得一個人做野，佢都好有耐心教我地點燒，又會留意到我哋個火就快燒完，主動來幫我哋加火，大讚👍🏻…查看更多

星期日和老公到旺角御石燒吃吉列牛。餐廳用QR code下單，很方便。吉列牛和牛小排都很好吃，而且不用加一，好抵食。御燒極上級黑松露吉列牛吉列牛厚身，有教學如何燒它，吃起來很軟嫩，外皮脆脆的，還帶有黑松露味，很高級。御燒特級牛小排牛小排比吉列牛薄一點，但相對比較多片，吃起來牛味十足又不柴，可以蘸柚子醬或鹽吃。加$35有紫菜味素飯、流心蛋、麵豉湯，飯很大碗，而且紫菜味素加得很足。加$12有汽水，有不少選擇。…查看更多

響旺角行街行到夜晚就九點以為冇野食，點知撞到間好野🤩～見到新開左間石燒吉列牛。環境簡單日系，都坐得ok舒適～服務員有禮熱情，食物上枱後有詳盡解釋點整好食d👍🏻👍🏻～食物方面份量比我想像中多～食得出牛既質素係靚既，D吉列炸邊冇甩出黎要讚👍🏻👍🏻～因為d牛牛味夠，我覺得唔用個燒汁會鮮味d，如果有埋玫瑰鹽應該仲正🤔～係個火略為快熄左少少🤣不過服務員一見到就會幫你加返粒炭精👍🏻會再去幫襯👍🏻…查看更多

#MC帶你去旺角.最近天氣凍冰冰🥶，真真正正踏入冬天。除咗打邊爐🥘，燒肉都係唔少人嘅選擇🥩，今次介紹就係「石板燒」，比起一般日式或韓式燒肉，石板燒更有儀式感💯。🥢 御燒特級牛小排 $158 （升級+$35 配紫菜味素飯+流心蛋+麵豉湯）牛小排份量好足料，大約有14塊👍🏻。牛肉每件雪花紋理清晰👀，燒一燒就食得。食落肉質細嫩，蘸埋醬汁一齊食，送飯一流😋！ 🥢 御燒豚肉 $88 （升級+$35 配紫菜味素飯+流心蛋+麵豉湯） 豚肉比起牛小排更加大塊、長身啲，真係鋪滿曬成碟😎，大約有13塊豚肉片🐖。肉質肥瘦相稱😍，半紅半白，燒到邊位微脆，蘸埋醬汁一齊食，口感嫩中帶脆，油脂豐富🫧，好滿足！🥢 紫菜味素飯白飯鋪滿紫菜味飯素，食到尾都仲有飯素😜！有紫菜、鰹魚及芝麻味，食落十分惹味開胃，配埋啱啱燒好嘅牛小排或者豚肉，一口接一口咁食，同石板燒肉好夾🥰！🥢 流心蛋雞蛋蛋黃呈流心狀態，雖然食落溫度偏凍，但食落一樣濃稠黏密，口感非常濕潤😳！…查看更多

位於旺角廣華街嘅小店〚石燒牛專門店〛，店仔細細大概可以坐20位食客，我哋閒日大概7點嚟到未有人，但係7:30pm左右已經坐滿晒😆呢度以簡約日系裝修，燈光明亮，座位都算寬敞舒適。又抵食又好食！ 每款主食配白飯，晚市+$35可轉套餐，有齊紫菜味素飯、溏心蛋、麵豉湯。+$12可以跟汽水。============ヽ(○´∀`)ﾉ♪🐮御燒極上級吉列牛 $118 ⭐️推薦👍🏻🐮御燒極上級黑松露吉列牛 $138 ⭐️推薦👍🏻✰我哋叫晒兩款店家推薦嘅吉列牛，有原味同黑松露味，應該係我食過香港🇭🇰最好食嘅一間吉列牛石燒！一般吉列牛嘅肉質比我感覺都係唔夠軟嫩無乜油花脂肪，呢度嘅吉列牛好軟嫩又有牛味👍🏻 外層吉列又夠脆🥰好有驚喜！✰黑松露嘅味道濃厚，原味更食得出牛味，兩款都非常推薦！🐷御燒豚肉 $88 ⭐️推薦👍🏻✰另外我最最最鐘意食嘅反而係呢個五花腩片😍 蕃薯妹一向勁鐘意食肥肉😂所以對燒五花腩係完全抗拒唔到！呢度嘅豚肉片半肥瘦，燒出嚟非常軟嫩，真係好好食！短時間內應該會再去食過！😂🐮御燒特級牛小排 $158✰呢個牛小排唔係吉列，份量多有十幾片，油脂較少唔係好肥，肉質都算軟熟。🐓明太子全雞翼（2隻）$48 ⭐️推薦👍🏻✰燒雞全翼入面塞滿明太子，好味😋🐟魚肉年糕 $22 ⭐️推薦👍🏻✰類似炸魚角嘅質感，入面係年糕，煙韌好味。‼️依家做緊新開張優惠‼️只要Follow佢哋社交平台專頁，post一張相tag佢哋，就送一杯Häagen-Dazs雪糕🍨🥳💵4個人食👩🏼‍🤝‍👩🏽👩🏻‍🤝‍👨🏼人均$187…查看更多

香港有好多石燒牛，但唔係間間都好食，呢間喺旺角嘅石燒牛就有質素餐廳裝修簡約，都坐得幾舒服御燒特級牛小排，牛小排肉質嫩滑，唔會好油膩，但又有牛味，就算燒熟啲都唔柴，上枱嘅時候會跟埋一舊牛脂肪俾你起爐，將脂肪搽匀係石上面，燒肉嘅時候就唔會痴住。御燒極上級吉列牛，面層香脆，厚薄適中，自己鍾意燒到幾生幾熟都可以，手殘一樣冇難度升級套餐可以跟埋紫菜味素飯、流心蛋同麵豉湯，飽足度滿點不得不提呢度嘅服務好好，職員會好細心留意個爐個有冇火，差唔多冇就會及時幫你揾酒精，好貼心…查看更多

旺角開咗好多新餐廳啊～今次就試下呢間吉列牛🐮除咗石燒之外，仲有唔少蓋飯選擇，以及壽喜燒鍋✨🌟 御燒極上級黑松露吉列牛 $138好耐無食過吉列牛啦～牛肉份量好慷慨，仲要嚿嚿都係厚切！牛肉出邊裹住一層薄薄黑松露炸粉，炸得香脆惹味，吉列牛肉味濃郁，食落口係滿滿嘅肉味+黑松露味，一次過滿足你兩個享受！另外餐可以揀返沙律/白飯，仲可以加錢轉紫菜飯 +溏心蛋 +麵豉湯！我哋唔算好餓，所以淨係揀咗沙律～沙律鮮甜爽脆，醬汁酸酸甜甜，解膩一流🤍🌟 御燒特級牛小排 $158另外frd就嗌咗呢個～份量都係勁多！有成十幾塊，勁抵食！牛味香濃，脂肪分佈平均，仲可以點埋餐廳提供嘅照燒醬一齊食，會更加惹味！…查看更多

今日出開黎旺角，Happy Friday又想食好啲啲但又唔想太貴食個lunch, 又驚食飯時間多人所以同朋友食左個早早地既Lunch, 朋友鍾意食牛又見到呢間可以自己燒好得意，所以就黎左呢度, 佢開12:00，我地又真係12:00就到所以我地包場~ 不過我地13:00走都已經full house~我同朋友分別叫左個御燒極上級吉列牛同御燒特級牛小排，佢本身跟白飯，我地就加左錢跟有飯素既飯、流心蛋同仲有個野飲~ 然就勁快就已經野上菜~佢一上菜成盤野望上去已經勁豐富，其實佢個份量都好大，勁多片肉，個流心蛋個顏色超吸引，而且個飯面鋪滿左飯素，一啲都唔孤寒~ 店員好好，幫我地點火時再三叮囑我地要小心熱，同埋又教我地燒左個肥膏啲油出黎先燒~講下個 吉列牛先，個牛本身肉質好，一啲都唔韌，燒既時候燒埋包左粉既位就真係外脆內軟~ 而且個sauce好好味，一定要點醬食至於個牛小排就更正，因為佢本身比吉列牛薄，所以更滑更易控制幾成熟我都幾鍾意咁樣食，可以自己控制個牛幾成熟，又有得好似煮下野咁唔係齋食~ 正!…查看更多

📍御石燒石燒吉列牛店越開越多，呢間餐廳新開張，位於地鐵站附近，好方便！佢哋唔單止有吉列牛，仲有壽喜燒鍋既選擇🤤🥩御燒特級牛小排 $158 （升級+$22 配紫菜味素飯+流心蛋+麵豉湯/汽水）牛小排鋪滿係個碟到好吸引，份量好足！牛肉既雪花紋理清晰，肥瘦適中～燒完塊牛之後，做到 滴汁既效果😆牛肉鮮嫩，入口多汁😌牛肉味濃，配埋佢提供既醬汁一齊食，味道甜甜地，但又唔會蓋過牛肉既鮮味😇而紫菜味素飯增加左口感，食起黎幾酥脆，夾埋燒肉一齊食簡直係perfect match🫶🐖御燒豚肉 $88 （升級+$22 配紫菜味素飯+流心蛋+麵豉湯/汽水）豚肉切至薄片，肥瘦相間～燒完之後油脂感Max!!! 但油脂分怖幾平均，食落油而不膩🤤基本燒完之後唔洗特別再點調味醬料，已經好入味！豚肉表皮燒至香脆再食就啱啱好🤩另外，仲配埋椰菜絲沙律🥗，好解油膩感！⭐️好味指數： 8/10📍 御石燒 (旺角)旺角廣華街2-20號翠園大廈二期地下10號舖#旺角 #御石燒 #石板燒 #牛小排 #豚肉 #燒肉 #麵鼓湯 …查看更多

今晚同朋友係旺角行街食飯，經過廣華街見到有間御石燒，朋友想食啲熱辣辣，咁就一於試下😆以木系簡約為主調，店內乾淨，坐位舒適闊落，牆上掛了幾幅日本風景畫，感覺舒服，而且有陣陣肉香令人🤤留哂口水上級吉列豬扒 | $120豚肉炸得酥脆唔油膩，油脂分佈均勻，咬落好軟腍，加埋醬汁仲好味；另加$35有紫菜味素飯、流心蛋和麵鼓湯，變成一個豐富嘅套餐。紫菜味素飯成碗都係芝麻紫菜，而麵鼓湯一啲都唔鹹👍御燒特級牛小排 | $158店員先將一件牛脂放係厚石板上面，令佢無咁黐底，然後就可以慢慢燒，自己決定幾成熟😆啲牛係薄切，所以好易燒，唔怕過生或過熟。牛小排肉紋靚，唔會太肥，肉質鮮嫩香噴噴，點埋燒肉汁一流。配埋無糖可樂，一邊食燒肉一邊嘆可樂，真爽…查看更多

喺旺角行街，睇完鞋之後見到呢間，我見到係石板燒，就決定食呢間做晚餐。兩個人一人嗌咗一款， share食都好夠食。職員好細心問我哋需唔需要圍裙，咁就唔怕整污糟啲衫。又會好溫柔咁提醒，小心彈油辣親自己。每個燒肉餐，都會配上一舊脂肪，係令到個鐵板上有油，令到肉唔會黐底，如果用完嘅話，可以問佢哋再拎多一舊。唔夠火，都會好快幫手換。$ 88 御燒豚肉 配椰菜絲沙律豚肉油脂分怖啱啱好，燒完之後，食入口後都唔會覺得油膩。椰菜絲沙律，有少少酸酸地嘅汁，配埋豚肉解膩啱啱好。$ 158 御燒特級牛小排+$35紫菜味素飯＋流心蛋＋麵豉湯呢一款係非吉列款，呢個價錢嚟講，份量都好多，大概有十幾差唔多二十塊。油脂分布好平均，唔會太多肥膏。肉質軟淋嫩滑，每邊煎一陣，已經好快食得晒。食入口好Juicy，爆出好香嘅牛肉汁，配埋素飯，一流。流心蛋多幾好食，應該醃製過，有少少醬油味。麵豉湯唔會太鹹，自己一路食，一路燒，好過癮。性價比高，可以再嚟過。…查看更多

好耐冇出旺角，發覺廣華街好多食肆都唔同哂～ 見到呢間感覺唔錯就走入去～ 簡約嘅裝修，寧靜嘅環境，加上店員親切嘅笑容令人好舒服～😊😊1.御燒特級牛小排 $158 牛小排油脂分佈均勻，口感彈牙，加上自己燒可以控制到自己想要嘅熟成度，唔會燒到死實實咁～ 另外加左$10轉素飯，素飯嘅比例好perfect, 啖啖都有飯素，超正！2. 御燒極上級黑松露吉列牛 $138 黑松露吉列牛燒完後口感外脆內軟，淡淡嘅黑松露味刺激著味蕾，跟牛嘅味道好夾，配埋燒肉汁，味道又昇華左另一個層次～我覺得呢間比嘅份量都幾多，完全係好夠食，但係又唔會好油膩～ 而且店員每一次上菜都會不厭其煩跟客人解釋牛脂嘅作用～ 對客嘅態度非常友善，令人好warm~ 📍御石燒旺角廣華街2-20號翠園大廈二期地下10號舖…查看更多

暑假又繼續搵好嘢食，今次都係小朋友上網搵，搵到呢間都好特別，值得推介嘅餐廳。一入餐廳，黑色牆嘅裝修，有入咗洞穴嘅感覺。神秘得來帶點實在。我哋食午餐，都有好多選擇，當然叫一份御燒特級牛小排，再叫一份牛肉野菜鍋。牛肉野菜鍋又忍唔住叫咗半份烏冬。兩份餐有兩碗飯，我哋又食唔晒，所以其中一碗飯，轉左菜絲沙律。御石燒一到，好開心，有得玩，有得食。職員有介紹，選用Prime 牛小排，不需要燒到全熟，當然小朋友可以煮熟啲。肉質淋滑，豐富牛肉味，夠juice, 小朋友勁鍾意，不停望住我燒，喺度等食。醬汁偏甜，我哋鍾意落鹽多啲，好好味！跟住到牛肉野菜鍋，有牛肉、豆腐卜、金菇菜、紅蘿蔔、芋絲、紹菜…….壽喜燒湯底，牛肉同菜都煮得好入味，豆腐卜吸晒啲醬汁，超正！ 食到咁上下，加埋烏冬落去，烏冬同壽喜燒湯底，永遠係最好朋友，小朋友搶着嚟食。見佢食得開心，唔出聲，默默耕耘，我都唔阻佢啦😂提一提菜絲沙律，碗底有酸汁，撈埋一齊食，感覺好清新，不過小朋友一向都唔食沙律，我就食咗少少飯先開始食沙律，次序好似唔係好啱，下次應該忍口食沙律先😬職員有禮，女職員更加笑面迎人，由入餐廳開始，有介紹食物，有介紹烹調方法，親切有禮。仲有介紹，新張期內，可於社交平台打卡，贈送雪糕一杯，哈根大師喎，感覺良好。今餐都未食完，小朋友即刻話下次搵埋爸爸再食🤣😋Yummy Yummy: 10/10😋…查看更多