梨滿園韓國料理

近期科學園多了許多新餐廳, 所以閒時都會去科學園拍拖覓食。有別於平時的韓式燒烤店陰陰沉沉的環境，梨滿園的環境新淨且光潔明亮。通風系統亦佳, 食完韓燒都不會一身油煙味。餐廳採用手機下單模式，方便又衛生，按量出菜亦可以確保食材的新鮮程度。眾所周知韓牛一向是高級的美食，想不到韓燒放題都有幾款韓牛任食，$218 的定價可算是超值！頂級韓牛肩肉油花分佈平均，顏色鮮紅亮麗。略略燒一燒兩面就食得。口感柔軟，有油脂香。用生菜包裹牛肉，生蒜，泡菜，麵豉醬等一口吃下，才是最正宗的吃法。值得一讚的是生菜好翠綠新鮮。頂級韓牛板腱肉另一款回本美食。油花雖然比韓牛肩肉少一點，但牛肉味亦比較濃郁一點，口感亦比較有嚼頭。個人更愛這款。美國頂級安格斯一口牛切成丁狀的一口牛，外面燒得微微焦脆，內裡仍然保持粉嫩，每咬一口都有肉汁。牛舌薄薄的一片，一燒即熟成攣曲狀。口感可以用脆來形容。黑豚腩肉黑豚腩肉經過燒烤，「邊位」燒至金黃香脆，亦能把油脂都逼了出來，入口完全沒有肥膩感，充滿油脂香。魷魚𠝹了花，一燒就自動捲曲，入口鮮甜彈牙。帶子個子雖小，但鮮味十足, 沒有雪味。熟食即叫即製，上桌時是熱辣辣的，而且水準絕對跟「散叫」一樣高。三文魚刺身好似不夠肥美，但味道仍算鮮甜。炸雞上桌時仍然熱到出煙，炸粉薄薄的一層，香脆可口，雞肉嫩滑多汁。泡菜煎餅個子比較大，可以兩三人一齊share.煎餅做得比較脆身，夾雜酸酸辣辣的泡菜，惹味醒胃。紫菜蛋捲軟綿，紫菜煙韌，口感層次豐富。罐裝飲品任飲，惟選擇不多。…查看更多

之前工作時經過科學園看見這間韓式放題好像幾多人吃，今次一心來吃吃放題，又可以放縱一餐🤤這裏是自助掃QR code落單，可以自己追蹤食物，食物種類不算少： 肉有牛豬雞海鮮等 /卷物/ 炸物/鍋物/ 汽水/雪糕等 ；而且不同種類的前菜是可以refill 的🐮首先要推介韓牛，這裏的韓牛絕對真材實料，入口不算肥膩，油脂分布平均，而且每一次上碟都大大碟 🫶🏻 有別於其他放題店；有足夠的水份及油脂，不會黏爐，回本之選⭐️另外帶子也不錯，灑上一些黑胡椒，也是另一項矜貴的食材🥘海鮮豆腐鍋也是我日常喜歡的韓國菜，這裏的大大鍋，是正常份量，不是放題size；鍋物還有韓國出名的石頭飯🐥吃過韓式炸雞才覺得自己吃韓國菜🤣🥚喜愛韓式蛋卷及海鮮餅，功夫之作整體感覺良好，環境尚算乾淨整齊，燒烤爐是無煙設計，吃完不會一陣燒烤味，服務員貼心，不時會看看有沒有客人需要幫忙，會回頭…查看更多

今日喺科學園做完野，見到梨滿園韓國料理有燒肉放題，即刻叫老公過黎燒肉先~自從搬左新屋後，為左唔想成間屋一陣油煙味，已經唔能夠喺屋企燒肉。 餐廳門面好光猛，裏面環境充滿韓國味道，空氣流通又乾淨，唔會油淋淋。座位好寬敞，坐得好舒服。燒肉時都唔大煙，吸油煙嗰方面都做得幾好。除左放題，可以散叫韓國料理，食物款式都幾多，價錢亦好相宜，唔食放題都可以食韓國晚餐。韓燒放題嘅食物種類都幾多，肉類海鮮類夾埋都有十幾樣，仲有飯麵、小炒、壽司、煎炸物，都幾岩食。我地都叫左好多野食，先黎個泡菜湯同海帶湯，暖下個胃先，泡菜湯味道酸，偏辣；而個海帶湯鮮香，鹹味剛好，唔錯。Order左牛板鍵，牛肩肉同一口牛粒，油花均勻，顏色好靚好新鮮，牛味亦濃郁。燒一燒兩面已經香噴噴，帶有輕微嘅牛油香味，而肉嘅口感亦好腍好juicy，一d都唔韌。黑豚腩肉，脂肪唔多，加d鹽調味，可以食到豚腩肉本身原味嘅滋味。而金菇肥牛卷，豬頸肉等等都係要order再encore嘅食物👍海鮮方面有青口，海蝦，帶子同魷魚可以燒，我地叫左份帶子，少少麻油胡椒粉調味，細細粒但鮮味都夠，口感爽嫩清脆。刺身叫左三文魚，未必夠厚身，但燒肉可以有刺身食都過到癮。另外有壽司同紫菜包飯，炸物方面炸魷魚同炸雞都好脆，但又唔乾身，呢個價錢有咁多選擇真係幾抵食。 飲品同甜品選擇相對少，但有茶有汽水有啤酒，已足夠滿足我地🥰幾喜歡喺科學園食飯，有一種休閒感，就好似去左旅行，希望好快就可以再✈…查看更多