緻素坊

有朋友是素食者，所以久不久出來聚會時也刻意找提供素食的餐廳。這次在電視上看到此店的介紹，覺得不錯，今天過來試試。這店人氣盛，怕等位，提早電話訂座。星期日的早上11:00準時到，餐廳已有幾檯客。餐廳佈置古雅，門口有一個大屏風，中間掛上福字，兩旁掛炮仗，喜慶十足。向街的那列窗也貼上中式的掛飾。一位印度人的經理在訂座薄上找到我的訂座資料後引領我們入座。餐廳的面積不大，檯與檯近，不過我們三人坐一張四人圓檯較寬廣。翻看像畫冊一樣的餐牌，餐牌顏色綠色為主調，讓人看得十分舒服。不看餐牌又有另外一張點心紙可選點心吃。我們主要吃點心，點了五款，然後加了一碗麵。川式擔擔淮山麵，麵條順滑，湯底是平常吃的擔擔麵那種味道，有花生醬的香味，少少麻辣的口感，素肉粒也經過烹調，有味道的。黑松露野菌餃，一，體積偏細，餃皮做得薄，可以看到包裹著的野菌。黑松露的味道較淡，不太吃得出來，其餘菌類口感爽。香菇燒賣，一籠四粒，每粒上面都放有杞子，內層是雪耳、木耳等菌類，燒賣皮把材料包得扎實不鬆散，吃起來口感佳。靈芝菇素腸，一碟有六件，腸皮油潤軟滑，靈芝菇爽口。四寶滑雞紮，一籠有兩件，用腐皮去炸的雞紮看上去材料充實，打開來看有雪耳，榆耳、冬菇和猴頭菇。猴頭菇的口感像雞肉，仿真度高。食材蒸出來的汁液味道鮮美，菇菌滲入了汁液，味道更佳。懷舊蝦多士，一碟有四件，賣相像釀豆腐。素蝦打成膠塗在包面後拿去炸，炸得十分脆，吃時仍熱辣辣，口感脆而不覺油膩。吃了上述幾款點心，感覺不是在吃素，廚師能把中國飲食文化配合摩登創作做出仿真度高的素菜，實在是為吃素者帶來口福，而我這個葷食者也很滿意這一餐。…查看更多

呢間餐廳係以傳統中菜烹飪手法 融合摩登元素 創造出精緻特色素食中菜💚.📌懷舊蝦多士 $39以綿滑彈牙百葉豆腐取代蝦膠 底層多士炸到脆卜卜 再搽啲花生醬同沙律醬 好有西多嘅感覺 鹹甜鹹甜 口感又幾似喎🥜🍞.📌香菇叉燒腸 $42素叉燒外脆內軟淋 扮成窿邊叉燒咁 香甜味濃郁 再加埋香菇粒 食落比平時嘅叉燒腸輕盈 不過個皮就偏削🍄🍖.📌黑松露野菌餃 $46水晶皮晶瑩通透 滿滿菇菌粒 好爽嫩 松露味勁濃郁🍄不過外皮唔夠煙韌Q彈😢.📌健康素菜包(煎) $39個包好有驚喜 好鬆軟 煎到好香口 入面雖然得椰菜同木耳絲 但好清甜爽口 完全唔會dry 推介💯.📌喜帖壽桃 $32就係普通嘅蓮蓉壽桃包 香甜綿滑 包身鬆軟 不同得兩舊 有啲少🍑.📌緻素坊片皮鴨 $158以炸腐皮取代烤鴨皮 超酥脆 加上炸過 咬落帶點油份 鴨肉就用左外脆內嫩炸猴頭菇 口感真係幾似😆以柔軟煙韌薄餅皮 包住清甜爽脆蜜瓜絲, 紅蘿蔔絲, 青瓜絲, 紅椒絲 淋埋甜麵醬 有驚喜 好好食🍈🥕🥒🫑.📌咕嚕猴頭菇 $138炸猴頭菇外層薄脆鬆化 內裏軟嫩得嚟帶一絲絲纖維咬口 可以媲美真肉呀🐷再加埋酸甜糖醋醬同菠蘿, 三色椒 賣相十足咕嚕肉呀‼️.📌川式擔擔淮山麵 $52淮山麵爽口有韌勁 湯底濃稠 花生同椒麻香十足 雖然係有紅油 但唔辣 重麻味🥜🌶️再撈勻素肉燥 像真度好高🍜.📌松子黑松露炒飯 $128炒飯粒粒分明 乾爽唔油膩🍚松子甘香堅果味同黑松露香濃郁🖤配搭素肉鬆, 紅蘿蔔粒, 香菇粒, 菜心莖粒 輕盈健康又香口🥕🍄🥬.📌鬼馬炒雙蔬 $108雙蔬係蜜糖豆加蘆筍🫛再加入馬蹄, 木耳, 腰果, 三色椒一齊炒香 口感味道層次都好豐富 不過略嫌食材嘅配搭有啲唔夾🙈…查看更多

屋企人本身好少提早book枱食飯，都係視乎當日胃口而去決定。由於之前已經同媽媽食左比較油膩嘅日式燒肉，所以當晚揀左緻素坊嘅新派素食，聽聞好難得Walk-in有位，超幸運❤️-🍴粟米豆腐羹本身想試瑪卡湯，但無晒，改試粟米羹。濃稠度剛好，豆腐軟滑唔零散，但粟米疑似罐頭粟米，整體偏甜，略為有點失色。-🍴緻素坊片皮鴨呢度嘅片皮鴨係必食推介，我地梗係叫黎試下！配菜有胡蘿蔔、青瓜、甜椒同哈蜜瓜，色彩同選擇上都好吸引；而素鴨皮素鴨肉，一脆一Juicy，素鴨皮中間仲夾住啲辣椒片帶微微辣度，提升香味。以薄身餅皮包起所有配料，加上適量嘅汁醬，唔止層次豐富，整體又fresh又香口，真係一試番尋味！-🍴有機薯淮山浸時蔬蕃薯有黃心番薯同紫心蕃薯，軟但唔爛，洽到好處，加上爽口嘅淮山，仲有黑木耳同白菜，唔同顏色嘅蔬菜齊集，好有營養，味道清雅。-🍴川式擔擔淮山麵呢個擔擔麵一上枱已經聞到佢嘅辣味同花生香味，面頭有少許素肉、花生同芝麻。麵條唔爛有口感，味道濃郁，辣得過癮，但對於食唔到辣嘅我就需要飲多啖茶，麵條唔爛有口感，有出乎意料之外嘅驚喜⋯-整體評價偏高嘅一餐，色香味俱全，高質新派素食，營養豐富，價錢相宜，會推介比朋友👍🏼…查看更多

之前去過緻素坊飲茶，覺得佢嘅點心同小食都幾好食。今次就同家人去食晚飯。我哋一行8個人，book位時指明要坐房，諗住坐得舒服D，要注意坐房最低消費為$1800。呢到嘅菜式有大酒樓嘅水準同味道，完全唔覺得係素食，口味清淡嘅素食者可能會覺得比較濃味。除咗酸菜魚比較熱門同有特色之外，我覺得呢到嘅炸物都幾好食。K002 緻素坊片皮鴨 ($138)我覺得幾有特色嘅菜式，出面齋舖都有提供素片皮鴨，但大部分都係用麵筋扮片皮鴨，欠缺特色之餘，口感亦唔似。呢到嘅片皮鴨用咗猴頭菇同腐皮 (口感同外觀好似乳豬皮)，咬落好脆口。配料有4款，除咗常見嘅青瓜絲、甘荀絲同紅椒絲之外，仲有哈蜜瓜，口感更清新。M002 秘製酸菜魚 ($238)好多人黎都必點呢個菜式。杏鮑菇切薄片代替酸菜魚，配料有酸菜、腐竹、冬粉等，味道酸辣帶有少少麻，份量都幾多，幾飽肚，多D人黎食比較好。Q006 有機薯淮山浸時蔬 ($98)淮山同白菜好爽脆，味道唔錯。R005 胡椒豬肚煲 ($88)胡椒味好濃，配料有酸菜、冬菇、雞脾菇、雲耳、甘荀等。R006 特色咖喱煲 配香椿法式麵包 ($148)咖喱味濃但唔算好辣，薯仔夠淋同入味，我幾鍾意食。法包類似悠蔬食配西湯嘅法包，同香椿醬幾夾，沾咖喱黎食味道更豐富。S001 川式擔擔淮山麵 ($48)S005 乾炒叉燒河 ($98)S008 松子黑松露炒飯 ($108)炒飯幾乾身，味道啱啱好，唔會太鹹或太淡，食咗咁多濃味、辣味嘅菜式，食呢款炒飯可以清一清嗰口。F005 脆皮蘿蔔糕 ($62)F006 椒鹽豆腐 ($62)豆腐外脆內滑，表面嘅椒鹽唔係好鹹，所以食多2件都唔會覺得膩。F007 手撕杏鮑菇 ($62)…查看更多