上海一品香菜館 (已結業)

想喺佐敦食上海菜，見到呢間店古色古香，又諗起觀塘果間一品香，於是就入黎試試。可能位於內街嘅關係，餐廳唔算太多人。我地無叫小菜，叫左四樣輕盈 d 嘅嘢食。1. 雞絲拉皮我最鍾意食雞絲粉皮。呢度嘅拉皮同出面嘅粉皮唔太一樣，煙煙靭靭，有咬口，麻醬份量岩岩好，配合青瓜同雞絲好好味！2. 擔擔麵初頭話要少辣，但點知其實都係唔辣。店家好細心預先剪斷左麵條，方面夾入口進食，好細心（朋友話係咪方便老人家😂）。麵質方面個人幾鍾意，而湯底就略嫌唔夠濃味，同好似落左啲醋，扣少少分。3. 炸銀絲卷賣相有少少燶邊，似乎炸嘅時候控制得唔太好。食落去外皮夠脆，口感比較似饅頭，少左 d 層次感。4. 小籠包最後一籠五個嘅小籠包加返分。雖然算唔上爆汁，但皮薄，肉餡嫩滑唔太過結實，加埋浙醋唔錯，價錢都抵。以一間鬧市中嘅上海菜館，價錢中規中矩，希望下次試下小菜再知實力。值得一提，姐姐好nice，叫佢轉電視台都冇嫌煩LOL

今日嚟開Jordan，咁啱經過呢到，見舖面比較舊式，諗住應該會有D水準就入嚟試下喇！小籠包D皮厚度適中，如果多D肉汁就好喇！個湯好足料，但個人覺得酸多少少會更好味牛肉好有牛味，麵嘅texture 亦都好好比較失望，味道係可以嘅，但份量同價錢唔成正比，亦都同menu 上嘅相爭太遠

佐敦都有幾間舖食上海菜小籠包炒年糕上海雲吞可能間間都有葱油排骨麵我都覺得算係特色菜不過就唔係間間都有得食喇先前都黎過幾次呢度食飯同其他舖頭比較呢度餐牌上面個價錢比較平不過要收加一同茶芥葱油排骨麵其實排骨係指炸豬扒材料除左豬扒同葱之外仲有冬菇同筍都幾足料同湯燴過嘅麵會係比較淋呢間舖頭做嘅湯底比較稀不過味道幾好雲吞麵雲呑冇乜餡有幾隻啲皮都穿左小籠包最後叫多左個小籠包小籠包即叫即蒸不過個竹籠好似唔太乾淨皮唔算厚不過可以薄啲湯汁唔太油膩味道不錯