媽咪雞蛋仔

脆卜卜原味雞蛋仔🥳🥳熱辣辣出爐好脆又香蛋味外皮脆裡面吾會好多粉仲有好多其他口味添朱古力味都好受歡迎啊👏🏻…查看更多

媽咪雞蛋仔-創新經典街頭小食雞蛋仔絕對係香港街頭特色小食之一，同時亦係我放工醫肚既恩物，用既材料雖然廉價，製作過程看似簡單，但要整得好味絕對有一定既技巧。今日終於有幸試到連續四年榮獲「米芝蓮街頭小食」推介既媽咪雞蛋仔。🐻 原味雞蛋仔 $20「媽咪雞蛋仔」既雞蛋仔同格仔餅都係即叫即整，落完order大約等10-15分鐘。二話不說先黎一底原味雞蛋仔先，拎上手已經聞到陣陣蛋香，忍唔住要即刻試下，金黃色既外層，外脆內軟，粒粒都充滿蛋醬，絕冇空心。🐻 紫薯蕃薯雞蛋仔 $32今個秋冬「媽咪雞蛋仔」推出咗期間限定，其中一款紫薯蕃薯雞蛋仔，對於紫薯控既我緊係唔可以錯過。每粒雞蛋仔都充滿住紫薯同蕃薯，紫薯口感比較粉糯，而蕃薯就富有口感，兩者互相融合，絕對係perfect match。🐻 柚子蜂蜜梳打（跟餐$23）🐻 檸檬蘆薈蜜梳打（跟餐$23）最後我每底蛋糕仔都轉做套餐加野飲，岩晒食完雞蛋仔口乾乾既我。…查看更多

今日行過先知原來荃灣都開左間，一時心郁就點左個原味雞蛋仔食。好耐之前係旺角果間食，閒閒地都要等半個鐘，好慶幸今日等左十分鐘就等到，正！不過好可惜...我果陣食既係外脆內軟，香濃雞蛋味，完全唔會令人覺得膩之餘仲可以一粒接一粒咁食...但可惜今日食到既唔係咁。首先，雖然佢係即叫即整，但之前既外脆變成硬，口感唔太好，內在仲係軟既，但蛋漿好似唔係好夠咁，而且味道都無之前咁香濃，真係幾失望下。其實佢而家多左好多唔同既味，可能新口味係好味，但估唔到原味竟然退步，都幾可惜。可能下次我會去返旺角果間試返，睇下究竟係單一問題定係全線問題，但就荃灣呢間原味雞蛋仔，我會覺得唔值得食。…查看更多

成日聽人講媽咪雞蛋仔好食,但一底要成$17真係幾貴。尤其係呢頭好多街邊小食檔都係$10就有得食時就更加唔捨得俾$17買一底.直到有次係附近小食檔中左伏,食左個史上最難食的雞蛋仔後,我決定比多少少錢試下呢間係咪真係值得食.我傍晚時候去到叫左一底原味雞蛋仔.雖然無人等緊,但因為係即叫即做,所以職員都話要等5-10分鐘.係等的期間就愈來愈多人黎買,心中慶幸我早左啲到.過左5分鐘多啲,我的雞蛋仔就出爐了.攞上手熱辣辣香噴噴,味食就已經流晒口水.雞蛋仔的表面鬆脆,內裡飽滿,食落好蛋香味,好好食.最重要係佢放耐左都唔會冧晒,外面仲keep到一定的脆度.而且佢一底都比小食檔$10底的大份,有質素又大份啲,就算貴啲我都覺得值得食…查看更多