HappyHun by Dandelion

元宵節快樂🏮！低調嘅我喺呢日收到蛋糕確係好開心，其實我一向就無特別偏愛拿破崙，但來自「HappyHun by Dandelion」嘅出品真係令我喜出望外，一食愛上。朋友喺黃竹坑返工，佢食過同事嘅散水餅後，覺得小店嘅拿破崙好出色，於是就好想同我分享☺️。友人特意提前預訂，店家會好精準問埋取餅時間，因為佢想將拿破崙喺最佳時間送到客人手中！原味吉士海鹽焦糖拿破崙($420)，拿破崙嘅形狀原來有得揀，最典型係心形❤️或者正方形🟥，但想要其他款式同口味的話都可以同店家再傾。正方形嘅尺寸有成6.5吋乘6.5吋，份量超大，三層酥皮夾住兩層吉士醬，足夠成家人食有餘。越多人一齊食越好啊，因為店家叮囑唔好擺過夜。平日我唔好食酥皮係因為好多時食到嘅都唔脆，仲要好油笠笠，但呢個拿破崙絕對能夠改變我一直以來嘅印象。基本上一打開餅盒，陣牛油香味經已撲鼻而來😍。酥皮層看似薄薄的，但一咬落去你會發現係有勁多層，口感超鬆脆，無得彈😋，唔通呢個就係傳說中所講嘅Mille-feuilles！吉士醬好好味，但對於我來講有少少多，不過我知係拿破崙嘅特色嚟，唔多又會覺得唔夠喉，好鬼矛盾🙈。海鹽焦糖味道簡簡單單，易入口，相信冇人會唔鍾意食，而且整體唔會過甜，啱啱好。題外話，面頭嗰啲係食用花，可以食埋👌。店家知道好多時買蛋糕都係為咗表達心意🎉，所以佢哋提供埋一塊大曲奇以供印字。我望見Love Shinchan就覺得好幸福了😘😘😘。總括嚟講，呢個拿破崙確係能夠帶比人快樂美滿嘅感覺💕，除咗心意外，味道本身亦真係好好🤤，唔係得個靚字。如果鍾意食拿破崙的話，千奇唔好錯過。就算唔鍾意食，你都值得俾多次機會自己，試下呢度嘅出品，話唔定你會改觀😏。…查看更多

生現時香港人買蛋糕真的好苦惱 出面的連鎖蛋糕店大多也是藍店 所以開始會光顧一些小店 曾吃過同事請的檸檬撻感到不錯，又在公司附近，故決定買生日蛋糕 原味吉士海鹽焦糖拿破崙 - $420拿破崙蛋糕可以選擇方形或者心形，懂選擇一定選心形啦。半邊有一點點的吉士，插上靚靚的食用花，表層有薄薄帶點反光的焦糖同清新的海鹽，非常igable。尺吋都有6.5”X6”剛好足夠一家四五人食。有三層脆酥的千層酥入口一咬即碎，與一般蛋糕不同，吃完沒有那種油膩感。夾層間充滿香滑吉士，蛋香味不死甜，夾起來有點像雪糕三文治。餅乾可以寫字，還包幾支金色蠟燭。美中不足是餅乾回程途中有些凹凸痕，因貼在蛋糕盒外面，若貼在盒內會好得多。 …查看更多

年前疫情稍緩，幾個朋友相約來個簡單的團年飯，我則負責準備蛋糕。我們一心想訂拿破崙，所以很快就鎖定了HappyHun這家。自取有95折，港島南住戶絕對可以考慮！原味吉士海鹽焦糖拿破崙（$420）賣相真美！包裝穩固，祝福語牌子則是自己自行放上，粉紅色的真少女心！店員有細心指示切拿破崙時候要像切麵包般切，便會切得完整好看。拿破崙拿到朋友家裡還是外觀完美，放在雪櫃後吃之前再拿出來。酥皮很香牛油味，非常鬆脆。吉士甜而不膩，配上海鹽焦糖真的三兩口就吃完，太好吃了！…查看更多

老細話要買拿破崙慶祝吓，聽朋友介紹，試吓呢間先。又幾早開門㗎喎，朝頭早已經有得嚟門市攞！未開門已經聞到好香牛油味，一開門口啲味道更加係湧出嚟！原味吉士海鹽焦糖拿破崙 ($420)拎到返公司即刻影吓相先，最鍾意佢係心形，上面排滿小花，影相好靚！成日覺得切拿破崙會碎晒，聽店員話前後切，真係唔會碎㗎喎，仲要係非常完整，好神奇！唔鍾意食甜嘅同事都覺得唔算好甜，而且每一層都好鬆脆，牛油味濃郁。海鹽同焦糖都好夾，徘徊在似鹹又甜之間。大家都滿意，任務成功！…查看更多

呢排見幾多人介紹呢間嘅拿破崙蛋糕，喺ig newsfeed見到咁多次，搞到我都忍唔住想買黎試下。適逢今日有野慶祝，又有藉口俾我買蛋糕，於是我又訂左個海鹽焦糖拿破崙蛋糕啦！🍰原味吉士海鹽焦糖拿破崙 $420有心型就梗係揀心型啦！靚好多！蛋糕表面仲有啲花，又靚左，打卡一流。其實一個蛋糕$420都唔平，但佢好大個。同埋我拎完蛋糕之後，一路搭車一路隔住口罩同個盒都聞到好香嘅酥皮味，啲酥皮味伴隨住我成段車程，係一大享受，搭車都搭得開心左。聞到咁香嘅酥皮味，即刻對個蛋糕充滿期望，覺得我比呢$420都真係值得。返到去好想即刻食，所以一影完相就即刻切開黎食啦。店員提示要好似切麵包咁樣前後切個蛋糕，我成日覺得好多拿破崙蛋糕切完之後會碎曬，但呢個唔會碎曬，真係開心。啲吉士甜而不膩，又好creamy，同三層酥皮配搭出黎嘅層次感啱啱好，口感豐富。酥皮充滿牛油香，又好鬆脆，食落好有滿足感，但又唔會食濟，幾神奇。望落有一層薄薄嘅焦糖喺蛋糕表面，食落都有焦糖味，但又唔會太over，配合得天衣無縫。食落都有淡淡嘅海鹽味。朋友一食完就話佢即刻去左ig search呢間甜品店，因為佢諗住自己遲啲再買黎食，可見為食嘅唔知我一個。…查看更多