萬豚屋

萬豚屋是一家值得讚賞的餐廳，他們的招牌菜品之一——厚切豚肉手打烏冬，以其獨特的風味和精湛的手藝贏得了食客的一致好評❤️❤️。以下是對厚切豚肉手打烏冬的食評：🐷厚切豚肉手打烏冬：厚切豚肉手打烏冬是萬豚屋的招牌菜品之一，以其精心烹製的豚肉和手工製作的烏冬引領了一場味覺盛宴👍👍。這道菜品將新鮮的豚肉切成厚片，搭配入口即化的手打烏冬，令人難以抗拒的美味令人回味無窮❤️❤️。豚肉的切割十分獨特，每一片都肥瘦適中，肉質鮮嫩多汁，帶有微妙的油脂香氣😊。它經過適當的調理，軟嫩的口感和豐富的豚肉風味令人愉悅。手打烏冬的韌性和彈性使得整道菜品更加有層次感，搭配豚肉的鮮香，讓人陶醉其中😊。萬豚屋的厨師們注重每個細節，他們在烹調過程中精心調配調味料，使得每一口都帶來濃郁的味道😊😊。無論是豚肉的鮮美、烏冬的口感還是湯汁的滋味，都完美地展現了豚肉手打烏冬的獨特魅力。👍。⚡️ 好味指數：🌕🌕🌕🌕🌕🧀️  約1300-1400 kcal 卡路里/份🍜烏冬在香港：烏冬是一種源於日本的麵條，由小麥粉和水製成，形狀平直而寬闊，與其他麵條有所區別👍👍。烏冬在日本料理中佔有重要地位，常被用來搭配各種湯料或炒菜👍。它的獨特口感和能夠吸附湯汁的特性使其成為人們喜愛的食材之一。隨著時間的推移，烏冬也是香港人最愛的美食，厚切豚肉手打烏冬可以說是當中代表, 萬豚屋以其出色的厚切豚肉手打烏冬而聞名，這道菜品結合了新鮮的豚肉、手工製作的烏冬麵條和濃郁的湯汁，為食客們帶來了一場味覺盛宴😊。如果您對豬肉和烏冬感興趣，不妨前往萬豚屋，一嚐這道令人難以抗拒的美食，體驗日本料理的精髓😊😊😊😊。📍萬豚屋 - 尖沙咀赫德道19-23號地舖…查看更多

☃️啲幾日凍咗好多❄️同少爺仔異口同聲一齊話要食呢個🍲石鍋烏冬！食完個身立即暖笠笠䁔返哂(˶‾᷄ ⁻̫ ‾᷅˵)全部烏冬以石鍋上枱上到枱啲湯仲滾緊⚠️小心唔好辣親手Keep住食到最後都仲係熱辣辣，要慢慢食先至得石鍋烏冬嘅餸有好多款揀例如牛肉，厚/薄切豚肉，花甲，吉列芝士豬扒⋯湯底有🍄香菌濃湯，🐟魚介豚骨，🧄黑蒜油豚骨，🔥香辣麵鼓可自選大中小辣🐖厚切豚肉手打烏冬(香辣麵鼓 小辣)🍲$83豚肉有兩舊，每舊大概1吋厚，脂肪肥美，入口即化，炆得十分入味(●’◡’●)ﾉ而湯底小辣都幾辣🔥手打烏冬好滑煙韌彈牙🌟重點有隻生雞蛋係入面，滾湯下自己控制想食半熟蛋定熟蛋| (• ◡•)|配菜仲有大量豆苗同粟米🌽❥烏冬控的我，想大家推介多啲好味烏冬俾我同少爺仔食(≧▽≦)••••••••••••••••••••••••••••••🔎萬豚屋 尖沙咀赫德道19-23號地舖••••••••••••••••••••••••••••••…查看更多

收藏左依間都一段時間 襯早收工係附近冇乜野做 就去左依度試下 夜晚6:30左右入座 暫時得2-3張枱 ， 之後開始好多人 到7點幾已經開咗要排隊 可見真係幾受歡迎黎食依間 緊係要試下石鍋烏冬 今次叫左「自家製芝士吉列豬扒手打烏冬」 湯底有4款簡 跟湯底收費，今次就叫左「魚介豚骨」（$99） 而男朋友就叫左「厚切豚肉手作烏冬」配「魚介豚骨」（$91） Order好快上枱。 上枱嗰陣熱辣辣起泡 豬扒分開上 。 厚切豚肉手作烏冬 豚肉相當厚 仲好肥美而芝士吉列豬扒手打烏冬， 湯底其實相當油 雖說係魚介 仲其實冇魚味😅 不過個吉列芝士豬扒絕對加分 ， 煎得岩岩好 豬扒入面有芝士係度 食落有豬扒味同時又唔會俾芝士味cover哂 ， 配上沙律醬 絕對一流 店舖冇水或者茶提供 需要order ，我地分別叫左「完熟水蜜桃梳打汽水」$26 同埋「活乳酸爆珠特飲」$28 梳打汽水其實都係支裝 水蜜核味相當重。 而爆珠特飲 其實係益力多味飲料加啲爆珠 冇乜特別。 依間其實相對性價比較貴 。貴既原因係餐廳冇提供水 如需要 最平都要$10 一支水 。 如果食到口乾飲多啲水都要俾多舊錢 唔急既會簡出去附近買飲品。 …查看更多

萬豚屋係尖沙咀赫德道已經好多年歴史, 我自己本身係烏冬愛好者, 知道呢間小店出名食石鍋烏冬, 興起又走去再食! 餐廳座位數目唔算好多, 埋邊一排卡位, 有梳化坐幾舒服! 厚切豚肉手打烏冬 $92湯底: 香菌濃湯一上枱石鍋熱辣辣, 要小心辣到手! 香菌濃湯原來就係等於黑松露, 有一大羹係石鍋中間, 撈埋落湯底一齊食超級濃郁, 每啖都食到黑松露味, 而湯底入面仲有幾粒菇, 加埋食真係好香! 厚切豚肉有四舊, 唔算十分大舊, 但係肥瘦適中, 可以啖啖肉食非常好! 手打烏冬好彈牙, 吸收晒菇味極濃嘅湯汁, 味道一流! 吉列豬扒手打烏冬 $90湯底: 黑蒜油豚骨相比起香菌濃湯, 黑蒜油豚骨就冇咁濃! 豬扒係新鮮即炸, 炸到外脆內軟, 粉漿唔厚, 抵讚! 肉質咬落軟腍適中, 伴碟仲有蛋黃沙律醬! 同樣地烏冬一樣好彈牙, 好掛湯, 每啖烏冬都可以索晒湯汁食! 餐飲+$10, 可以揀汽水或咖啡奶茶, 揀左凍檸茶…查看更多

小店環境不算大，但是坐得舒適。食物方面除了主打的石鍋烏冬外，還有丼飯、沙律、小食等供選擇。厚切豚肉手打烏冬 ($89) + 柚子湯底 ($10)• 柚子味道相當清新自然，以魚介豚骨作湯底再於表面淋上適量柚子醬，攪拌後柚子味便會混入整鍋烏冬之內。• 烏冬口感滑溜帶點彈牙；豚肉充滿肉香、同時亦吸收湯汁的味道，令味道變得更濃郁及有層次。• 因為利用石鍋的關係，烏冬和湯底能保持一定溫度，要注意可能會燙口。黑胡椒煮活花甲 ($92)• 黑胡椒粉的味道相當突出，香辣的味道跟花甲相當匹配，花甲肉質彈牙，跟吸收了花甲鮮味的黑胡椒湯汁一併進食，十分滋味！…查看更多

今次已經係第二次嚟食萬豚屋啦！自從上次午市食過一次之後就一直心思思想食第二次，今次嚟到可以滿足吓口癮。我地打電話book咗位7點嚟嘅，一入到嚟舖頭都唔算好多人。以下係晚市嘅menu朋友因為下午茶食得太飽嘅關係，所以淨係嗌咗一小碗鮮蝦秋葵當主菜，有啲可惜，不過酸酸甜甜都幾好食嘅！值得推介之後就嚟到我最期待嘅厚切豚肉手打烏冬（黑蒜油豚骨湯底）！一送上嚟成碗都仲喺度沸騰緊嫁！冬天食呢啲熱辣辣嘅野真係正！本身1516諗住試新野嘅，話哂上次都試咗呢個，但左諗右諗都係想食返第一次食嘅呢碗，所以就無試到新野。下次嚟嘅時侯會再試！…查看更多

上星期睇演唱會前去左尖沙咀搵食~開業16年曾紅極一時，星期五六日仍會大排長龍，所以嗰日趁佢中場休息後就去潮聖下👆-☆ 墨魚炸蛋黑蒜咖哩烏冬 HKD$88墨魚炸蛋好有驚喜😛！形狀似雞蛋，有三個個次不同層次，外面係一層薄薄炸皮，中層係彈牙墨魚滑，內層係超流心溫泉蛋，口感非常特別👍。咖哩湯係日式咖哩味，略嫌咸左少少，但整體尚算不錯。-☆ 厚切豚肉手打烏冬 HKD$88厚切豚肉係餐廳名物，豚肉大大塊堅厚，質地夠哂軟腍🤤，好好食。而湯底有三種選擇，我揀左香菌濃湯，湯底配上黑松露，令菇菌味更突出，香味非常濃郁😚。烏冬屬粗身類，十分煙韌彈牙。另由於用石鍋上，能令溫度一直保持，所以食到尾都仲熱辣辣噴緊煙，讚👍！-☆ 木魚豚肉玉子燒 HKD$52玉子嫩滑有蛋汁，內裡材料豐富，有厚切豚肉粒、蟹柳、粟米、椰菜，加上鋪面有我最愛木魚碎同厚厚沙律醬，大愛🤩。-**溫馨提示當日食完7點，餐廳已full house，所以建議早啲嚟排隊啦~…查看更多

朋友話之前經過呢間萬豚屋排晒長龍，呢晚就搵埋我陪佢試下食！烏冬花款好多，不論係湯底、配料，定整法。我哋就叫咗一個比較多人食嘅石鍋烏冬、一個比較特別嘅咖哩烏冬，配兩個小食，全部都係「料理長推介」架！首先講下小食！好食喎！🤩尤其推介墨魚炸彈！墨魚炸彈（$48）墨魚炸彈用咗墨魚滑包住一隻蛋，蘸上炸粉攞去炸，蛋整到半熟，仲有流心效果添！外層脆卜卜，墨魚就彈牙，而流心蛋就軟淋淋，口感豐富👍🏽另外仲有炸蟹柳，不過就比墨魚炸彈搶晒風頭啦！🤣木魚豚肉玉子燒（$52）另一個小食係都好多人推介嘅玉子燒～餡料好多，有蟹柳絲、椰菜，最緊要係有叉燒，非常特別嘅配搭！出面食嘅玉子燒通常層蛋會好厚，包好多層；而呢到嘅玉子燒就只有薄薄嘅一層，所以餡料好易跌晒出嚟。同埋鍾意食好厚嘅玉子燒嘅朋友可能會嫌呢個蛋太薄😛之後就到烏冬喇！烏冬有四種湯底揀🥣：魚介豬骨濃湯、香菌濃湯、香辣三色味噌湯、黑蒜油豚骨湯。厚切豚肉手打烏冬（香菌濃湯）（$88）我哋就揀咗香菌濃湯🍄，係用豬骨湯加入大菇整成嘅，菇味好濃郁，而且仲有黑松露醬，一齊食嘅話會好香！我哋都好鍾意呢個湯底！另外因為佢用個石鍋嚟裝住，所以一路食到仍然keep到好高嘅溫度，抵讚！👍🏽豚肉係餐廳自家製嘅，好厚嘅一片，肉質軟嫩多汁，入口即化，半肥瘦，更加食到豚肉嘅油香味😋烏冬係手打嘅，非常彈牙，好食！忌廉黑蒜咖哩炸雞手打烏冬（$88）最後就係呢個忌廉咖哩烏冬喇🍲咖哩有少少辣，幾開胃的。炸雞份量唔少，而且炸得啱啱好，仲保持到入面嘅肉汁，唔會好乾。最後我哋仲叫咗個甜品！呢個cake set幾抵呀，$32有蛋糕仲配嘢飲。伯爵茶芝士凍餅（$32）食落質感好似雪糕蛋糕咁，伯爵茶味勁香濃，好鍾意！本格香滑奶茶(凍) （跟餐）揀咗奶茶跟蛋糕set。奶茶係港式奶茶，奶茶濃滑，好飲～糖水係另外上，可以自己調較甜度👍🏽總括嚟講好滿意，下次再試下其他款式先！🤤menu：…查看更多

我有個舊同事約我去食午餐，佢話好耐無去尖沙咀行街，我當然應承去啦！好彩我記得佢唔食牛肉，所以就帶佢去食萬䐁屋石燒烏冬專門店，試過好幾次門口總是排長龍，所以就無等去了別處，今次12:15就到左不用等枱食第一輪真好，入去店員很有禮貌問我地幾位?仲比左個卡位我們座得很舒服，睇左餐牌後我地叫左個燒活鰻魚串(2串)$86，雖然貴左d,但我都知鰻魚真是很貴的食材，但都想試下，食落口之後感到心情超開心，因鰻魚肉質厚厚地，燒得甘香和脆脆地又有水份唔乾身，仲散發出鰻魚鮮味，簡直$86(2串)值回票價。另外仲叫左碗:厚切豚肉手打烏冬$88，豚肉件件都係切成厚厚的，夾左一層層少少地既肥肉，食落口一梳梳不會太肥膩又不硬，碗內仲有很多咖啡菇，菇身很爽又入味，手打烏冬煙韌又彈牙，湯底係香菌濃湯底，非常好味。朋友就叫左碗:三味豚手打烏冬$88，原來有豬腸、豬肉薄片，豬肉厚切，咖啡菇，豬腸先煮淋再燒，食到廚師的用心去做，外脆內淋非常嘢味，薄片豬肉好像打邊爐的薄薄幾片，仲有厚切豬肉，如喜歡吃幾種不同口味，這款係唔錯的選擇，而且係用左石鍋黎做碗，所以慢慢食都唔怕會凍，下次去記得早D去啦！餐廳仲提供免費wifi,方便大家即時打卡，真係值得食完再食！😋👍+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊…查看更多

好耐之前食過一次，對個菌湯念念不忘，真係好香好好食，今日再黎encore!呢間餐廳一直都好多人，我地6點鐘到，入面已經有人食緊，好彩我地都有位！遲多一步都已經full曬喇！入到去要留意下牆壁，好多豬豬的手繪係度架！叫左兩個烏冬同玉子，兩個烏冬都揀左菌湯！因為真係好好味！厚切豚肉手打烏冬個湯滾滾下，好滿足！上面有黑松露醬，我將佢撈埋落湯度，成個湯個菇味更加濃，蛋就熟左，同埋翡翠苗入左湯的味更好食！豚肉係厚切，烏冬都多，唔會因為浸得太耐而淋曬，所以都好好食！醬油豬軟骨手打烏冬湯比上面果個更濃，因為加左醬油，會咸少少，略嫌遮左d菇味，但勝在豬軟骨淋，烏冬都入曬個湯味，所以都幾好食！木魚豚肉玉子燒睇個賣相就知好厚的玉子，材料非常豐富，蛋入面好多粟米同豚肉，而玉子層好厚，加埋個醬其實好飽，食食下會滯！…查看更多

萬豚屋一直係個list 上，趁星期五就同媽咪去食，8點幾去到已經無左之前嘅人龍。點菜之前(仲未入機！！)見隔離卡位有幾張都係兩個人坐，又無人等位，咪問職員可唔可以轉位，佢地話有人book左；點知轉過頭後面有3個人想轉就得左。其實佢地絕對可以講清楚係要留俾3人以上先可以坐。間鋪無乜人，但都等左差唔多20分鐘先上菜；d職員唔知係未入錯單，上完菜就問「你地點嘅係啱架可」， 我地話啱後繼續食，隔一陣又有個職員係隔離指著我地兩碗野細細聲講，指指點點，我地問佢究竟咩事，又唔答然後直行直過，‼️服務態度簡直差劣‼️點左厚切豚肉同醬油豬軟骨手打烏冬，同樣係香菌濃湯底，黑松露味好香，仲有幾粒啡菇👍🏻不過豚肉就‼️非常失望，完全無味，白烚肉一樣‼️，仲要係推介😪反而豬軟骨就唔錯~之後問職員攞牙籤，佢咁可以聽錯做「埋單」，理解唔到🤷🏼‍♀️而家嘅萬豚屋失色左好多，加上咁嘅服務態度仲要收加一，唔會想再幫襯‼️…查看更多

萬豚屋，出名食石燒烏冬，門外都必定有條人龍。已經幫襯左6年有多，期間轉了不少menu。營業第一段時間為 12:00-15:45 ，第二段則18:00-22:15 。由於營業時間特別，所以試過摸門釘不少次。今次星期六特意12點左右便前往，避開人龍，享受一下必食石燒烏冬系列的厚切豚肉手打烏冬。進入鋪內，已經滿座9成，我也速速坐下，準備點餐。Menu點餐紙，清晰而見，石燒烏冬系列，一共有20款之多。其中推薦厚切豚肉手打烏冬、上級牛肉手打烏冬、吉列芝士豬扒手打烏冬、活花甲手打烏冬和daily catch 海鮮手打烏冬。價格由$86-$96 不等。至於湯底就有4款選擇，分別是香菌濃湯、魚介豚骨濃湯、香辣三色味噌湯和黑蒜油豚骨湯。款式方面，我絕大多數是點厚切豚肉手打烏冬；湯底則香菌濃湯或魚介豚骨濃湯，這樣就太會搶了豚肉的味道。不一會，店員熟練地端上我的厚切豚肉手打烏冬！厚厚半肥豚肉鋪到成個石鍋滿晒，睇見都流晒口水。香菌濃湯奶白色的湯底非常香滑，上菜時還是滾泡泡的。吃時要小心避免觸碰鍋邊啊。豚肉非常厚身，脂肪入口即溶。即使厚切，肉質色澤也煮得一致均勻，肉嫩一絲絲的散開。非常好食。一大羹的黑松露，我喜歡拌湯進食。每一件鮮冬菇都吸收了濃湯精華。手打烏冬一如以往出色，彈牙、軟滑。 每次都吃得津津樂道，一試難忘。…查看更多

好記得0個日係睇亞洲女排大獎賽第一日(原來都一個月之前喇)，0係中國對多米尼加共和國未開波前突然諗起好耐冇黎食，而打去萬豚又話仲有位wo~0個時大約6點左右，仲未有好多人放工黎到，booking0既人又未咁早到，我地就好開心咁唔駛排隊就入左去大擦喇我地其實都幾趕時間，好快就叫左野，我叫左厚切豚烏冬，朋友0個鍋係吉列豬扒烏冬，都係令我地食得好開心又滿足啦記得伙計姐姐將兩鍋烏冬擺0係我地面前時，第一次食萬豚屋0既朋友簡直係興奮莫名，驚訝於個鍋真係卜卜卜咁有泡泡滾住架唔係佢影相，我都差d唔記得影架我今次食0既厚切豚雖然好似五花腩咁厚，但真係入口即溶咁，同埋覺得一d都唔肥膩，我連層脂肪都一點不漏食落肚，woo~雖然個鍋好滾，但我都係趁熱咁一條一條咁食d烏冬，真係好好味，好鍾意呢種熱辣辣0既感覺，如果係冬天就更正由於本人喉嚨唔舒服&之前已經試過吉列豬扒，所以冇試到，不過，見到朋友食得好滋味，應該都係滿意0既~唯一有一樣野奇怪0既係，點解個廁所裡面有幾張裸體男人0既肉照呢???(冇帶手機入去，唔係一定影低作證據不過，重要部位係冇影埋出黎0既)真係令我同朋友都百思不得其解…查看更多