一喜食堂

是日星期六，大概7:30左右就去近排成日聽到嘅一喜試拉麵。去到就已經有人排隊，明白嘅。(大概有4對人係前面)FEW MINUTES LATER(45分鐘左右)終於入到去，環境就好似一間為興趣使然而煮拉麵嘅餐廳。裡面放好多玩具，包括高達、Kamen rider、其他模型咁餐廳有十款菜式，但我去時就得番2 款包括 博多元祖豚骨拉麵 $65 及 辣味雞肉拉麵 $65選擇困難症嘅我今次唔駛點揀，揀左博多元祖豚骨拉麵 (+35配小食及飲品) 要左個慢煮雞沙律慢煮雞沙律就薯仔沙律做底，慢煮雞係嫩嘅但如果合埋眼食時個質地唔似雞，比平時食雞爽d。拉麵終於來，一來到就當然就試湯先，湯係乳白色嘅，有期待過應該係重味，但飲落係淡味左。味道好似屋企煮嘅豬骨湯，都幾肯定係無味精，然後就麵連湯咁食。估唔到麵係有鹽味，麵連湯食時味道就出番來，叉燒呢就薄薄咁 正正常常食完飽肚，餐廳仲有幾款，會再來。價錢係便宜，依個價錢就無好特別期待，所以無點失望，希望下次食到慢煮牛…查看更多

聽朋友講話呢間拉麵好食知道佢開1200大概1150門口已經有8人等候餐廳得9個坐位只好等下一round不過估唔到等20分鐘就入得所有拉麵+35配小食及飲品叫了一個每日限定海膽和牛拉麵 $128期望愈大 失望愈大首先個人不喜歡呢種麵質雖然知道以細拉麵為主但呢款麵條太幼 質感又軟又淋又唔算特別掛湯食到後期先發現某個廚房牆身貼左張告示原來麵質以日本配方定制如要硬身要及早揚聲😥所以唔知如果煮得硬d 會唔會好食d🧐如果告示貼得明顯d會更好講完個麵 要講個湯底湯底同個拉麵和材料唔夾只有淡淡的咸味 而沒有層次至於和牛又未算係高質甚至食到有渣呢碗我覺得係唔合格另一碗博多元祖豚骨拉麵 $65博多拉麵係行絲滑濃郁白湯style望落去雖然係乳白色但食落去只有淡淡的豬骨味個人會喜歡濃郁清麗感覺多d叉燒薄薄一片 正常跟餐的餃子🥟更加無乜驚喜同屋企自己煎大阪王將無乜分別😅雖然$65一碗拉麵係抵食如果唔駛排隊又突然係附近想食一碗拉麵可以考慮之選否則都不推介刻意黎食題外話：食完最後一啖食物姐姐就會即刻行埋黎問用咩方法比錢😅雖然都諗住即刻走但都唔駛咁趕頭趕命但好處係我地等左20分鐘就有得食🙃…查看更多

朋友話呢度附近有間拉麵店想試吓，嚟咗呢間一喜食堂。一行入鋪頭覺得呢度嘅佈置好有心思，有好多模型和擺設，極具有日本風味。座位數量較少，得十幾個位，如果繁忙時間有機會要等。叫咗兩款拉麵試下博多元祖豚骨拉麵，湯底沒有味精，而且好香豬骨味，而且豚肉口感也不錯，價錢比起一般拉麵店便宜，性價比很高！相反熊本和牛醬油拉麵，和牛口感一般，肉質有點粗糙，而且湯底個湯底味道一般，有點兒失望😢溏心蛋好入味，流心程度啱啱好，加翻唔少分。叫咗個套餐可以配小食和飲品，我地試咗佢地個煎餃子，煎餃子皮脆肉嫩，十分有驚喜！！😍😍…查看更多

今日再次拉麵癮起，決定去黎間都比較多推介既小店試試，先打個電話去肯定晚市開始時間，及有關入座詳情，以免摸門釘，打到去係冇得訂位的，店內約只有8個位，先到先得，尊重。所以早少少去頭輪等待。入到鋪感覺到個氛圍係心機野，店內放滿日系新舊玩具，十分有味道。店員不多但十分有交流。客位興廚師只有一枱之隔，證明廚師對自己手門及手藝好有信心既擺位。入正題，我叫左個博多元祖豚骨拉麵，湯底濃厚，但調味又唔會好進取，慢慢飲慢慢濃，唔會搶晒鏡，豚肉軟滑香口，又唔會太油膩，整體好順口，另外再有博多餃子，加碼生蠔，海膽，再要一日提既係，慢煮雞沙拉，雞肉軟清彈口，加上清新汁醬調味，情價比高，唔怕等，可以一試。…查看更多

週六放工冇頭緒食咩好，諗起早排同先生睇過蘋果報導嘅美食推介，講起呢間位於長沙灣嘅拉麵小店，店主曾經專程去日本學師，仲介紹咗熬製拉麵湯底嘅過程，非常吸引。雖然舖頭地點唔算就腳，但都抵住大熱天時專登過嚟食。嚟到鋪頭差唔多一點半，可惜發現原來由三月一號開始舖頭將開店時間由十二點改咗做兩點，我哋仲專登查過OpenRice以為佢十二點開門一定唔怕摸門釘⋯⋯一場嚟到，只好乖乖喺門外等，過咗一陣門口嘅人龍已經越嚟越長，睇嚟蘋果嘅推介起咗作用。到店員出嚟處理人龍我哋先發覺原來入面只有八個座位，心入面即時好慶幸自己早咗嚟。店面雖然細，但俾人嘅感覺係舒服嘅，的確係有種日本小區嘅感覺。枱面放咗幾款唔同嘅拉麵調味料俾客人自己落，而且擺放整齊乾淨。食物方面選擇唔算多，只有幾款拉麵、飯同小食，我諗店主一個人主理亦真係冇辦法同時兼顧太多花款嘅食物，而且拉麵呢家嘢從來都係貴精不貴多，好食嘅話一款已經可以打響名堂。套餐包主食、小食同飲品，價錢同出面淨食一碗拉麵差唔多，價錢非常貼地。先生揀嘅豚骨拉麵味道好淡，老實講係飲得出冇味精，湯底嘅口感亦帶少少濃稠，但就係欠咗種日本拉麵應有嘅濃郁風味，反而有種飲緊雪濃湯嘅感覺，味道比較平淡。麵底方面偏幼，但依然爽口彈牙，口感唔錯。我嗌嘅櫻花蝦海老味噌湯頭就比較濃郁，鮮味亦較突出，配上大量蝦乾同青蔥，整體感覺都比豚骨拉麵好，但仍然感覺湯頭可以做得更濃郁。除咗湯底之外，豚肉叉燒亦係拉麵嘅靈魂，但呢度嘅叉燒厚薄不一，味道同口感亦好麻麻，令人有少少失望。套餐跟嘅煎餃子有四隻，其實店主就喺我哋側邊煎餃子，見佢拎咗一盒現成嘅餃子出嚟即場煎，感覺其實同自己喺屋企煎嘅差唔多，味道方面不過不夫，而且仲比較細隻，性價比唔高。餐廳嘅拉麵雖然冇想像中咁令人驚艷（又或者唔係人人都追求鮮濃嘅拉麵湯底，喜歡淡口味嘅朋友仔或者會喜歡），但勝在價錢貼地，老闆亦非常友善，炮製食物嘅同時不忘同食客致歉，擔心大家久等，同時亦欣賞店主嘅用心，希望佢未來越做越好，不斷進步。…查看更多